Ымыркай. Архивдик сүрөт

Дарыгерлер "өлдү" деген ымыркай көмөрдө ыйлап жиберди. Индиядагы окуя

522
(жаңыланган 08:31 14.07.2020)
Төрөт кабыл алган медайым ымыркайды "чарчап калды" деп, бетин желим баштык менен жаап энесине көмүүгө берген. Медиктер күнөөсүн моюндарына алышкан эмес.

БИШКЕК, 14-июл. — Sputnik. Индиянын Раджастан штатында медиктер кокустуктан улам чарчап калды деген ымыркай көмөрдө ыйлап жиберди. Бул тууралуу Times of India басылмасына таянып РИА Новости кабарлады.

Ага ылайык, төрөт кабыл алган медайым ымыркайды "чарчап калды" деп, бетин желим баштык менен жаап энесине көмүүгө берген. Медиктер күнөөсүн моюндарына алышкан эмес.

"Туугандары аны жерге берүүгө даярданып баштаганда наристенин ыйлаган үнү угулган. Атасы дароо Тез жардам кызматын чакырган, бирок дарыгерлер бир жарым сааттан кийин келишкен. Ага чейин ымыркайдын абалы оорлоп, каза болуп калган", — деп айтылат маалыматта.

Өлүп калсам баламды ким карайт?.. Пандемиядан улам паникага алдырган келиндин каты

Бөбөктүн туугандары көңүл кош мамиле үчүн оорукана кызматкерлерин күнөөлөсө, медиктер айыпты моюндаган эмес. Алар наристенин каза болгонун тастыктаган документ бере электе ата-энеси алып кетип калганын айтышкан.

522
Белгилер:
адашуу, медик, өлүм, төрөт, ымыркай, Индия
Тема боюнча
Өлүп калсам баламды ким карайт?.. Пандемиядан улам паникага алдырган келиндин каты
Калк тейлөө борборунан 20 мүнөттө төрөгөн келин. Алматыдагы окуянын видеосу
Кыргызстандык грек-рим күрөшүнүн балбаны Жоламан Шаршенбеков. Архив

Жоламан Шаршенбековдой эч качан багынбаш керек! UWW балбан тууралуу ролик даярдады

63
(жаңыланган 12:21 18.01.2021)
Тасмада балбандын акыркы жылдардагы бир катар ири мелдештердин финалында жеңилүү ызасын тартып, жер муштаган учурлары эскерилген.

БИШКЕК, 18-янв. — Sputnik. Дүйнөлүк күрөш уюму (United World Wrestling) кыргызстандык грек-рим күрөшүнүн балбаны Жоламан Шаршенбековго арнаган ролик жарыялады. "Эч качан багынба" аталышындагы тасманы UWW өзүнүн Instagram баракчасына чыгарды.

Посмотреть эту публикацию в Instagram

Публикация от United World Wrestling Asia (@uww.asia)

Анда балбандын акыркы жылдардагы ири мелдештерде финалга чыгып, алтын байге үчүн жеңилүү ызасын тартып, жер муштаган учурлары эскерилген. Ролик Жоламан Шаршенбековдун 2020-жылы өткөн дүйнө кубогу мелдешинде жеңүүчү болуп, кубанычы койнуна батпай секирип жаткан учуру менен аяктаган.

Эске салсак, 2017-жылы Темпереде өткөн жаштар арасындагы дүйнө чемпионатында кыргыз балбаны финалда түркиялык Керем Камалга жеңилип калган. 2018-жылы Венгриянын Будапешт шаарында өткөн чоңдор арасындагы дүйнө чемпионатында Жоламан 55 килограмм салмакта күрөшүп, финалда азербайжан балбаны Элдениз Азизлиге утулуп, күмүш медаль тагынган. 2019-жылы болсо 23 жашка чейинкилер арасында дүйнө чемпионатынын финалында армениялык Армен Меликянга утулуп, жер муштап калган болчу.

Ал эми 2020-жылы Жоламан Шаршенбеков Дүйнө кубогунда финалга чыгып, россиялык дүйнө чемпиону Степан Марянянды утуп, алтын тагынды.

Эске салсак, UWW уюму Жоламан Шаршенбековдун машыгууларын, анын спортчу катары өзгөчөлүктөрүн белгилеп, өз баракчасына жарыялап келет.

63
Белгилер:
ролик, грек-рим күрөшү, Жоламан Шаршенбеков
Тема боюнча
Жоламандын күрөшүнө олимпиаданын эки жолку чемпиону Роман Власов баа берди
Адамгерчилиги бийик экен! UWW Айсулуунун аракетин жылдын жагымдуу учуру деп атады
Уоронавируска каршы эмдөө. Архивдик сүрөт

Россияда COVID-19га каршы жапырт эмдөө башталды. Каалагандар бекер алышат

32
(жаңыланган 11:10 18.01.2021)
Элди жапырт эмдөөнү 18-январдан тарта баштоо туурасында өткөн жумада президент Владимир Путин айткан эле. Каалагандар катталган эки вакцинанын бирин ала алышат.

БИШКЕК, 18-янв.— Sputnik. Россиянын бардык жеринде бүгүндөн, 18-январдан тарта, коронавируска каршы жапырт эмдөө башталгандыгын РИА Новости жазды.

Россиялыктар каттоодон өткөн "Спутник V" же "ЭпиВакКорона" вакциналарынын бирин өзүнүн тандоосу менен ала алат. Эмдөө бекер.

Былтыр декабрда Россияда жарандардын аныкталган категориясына эмдөө жүргүзүү боюнча масштабдуу кампания башталган. Ириде медицина кызматкерлерине, мугалимдерге, өнөкөт оорусу барларга жана социалдык тейлөө тармагында иштегендерге жасалган.

13-январда Россия президенти Владимир Путин өкмөт мүчөлөрүнүн жыйынында коронавируска каршы эмдөөнү жапырт жасоо боюнча тапшырма берген.

Көп убакыт өтпөй Россиянын Саламаттык сактоо министрлиги аймактарда COVID-19га каршы вакцинаны сайган жайларды көбөйтүү ишин колго алган.

Учурда Россияда "Спутник V", "ЭпиВакКорона" жана "Вектор" вакциналары иштелип чыкты.

32
Белгилер:
Спутник V, вакцина, Россия
Тема:
Дүйнөгө жайылган коронавирус
Тема боюнча
Академик: "Cпутник V" вакцинасын бардык курактагылар алса болот
Ким оорушу мүмкүн? Иммунолог коронавирустун жазындагы жаңы толкунуна баа берди
Кениядан коронавирустун 16 түрү табылды. Эксперттер тынчсызданууда
Бишкек троллейбус башкармалыгы ишканасынын жетекчиси Талантбек Капаров

Капаров: бир троллейбусту толук ремонттон өткөрүүгө 150 миң сомдой керек

0
(жаңыланган 12:18 18.01.2021)
"Бишкек троллейбус башкармалыгы" ишканасынын жетекчиси Талантбек Капаров мекемеде эскилиги жеткен 27 троллейбус бар экенин айтты.
Капаров: бир троллейбусту толук ремонттон өткөрүүгө 150 миң сомдой керек

2020-жылы пандемия убагында 19 миллион жүргүнчү ташыдык. Бул 2019-жылга салыштырмалуу 10 миллион кишиге аз. Бул тууралуу Талантбек Капаров Sputnik Кыргызстан радиосунун эфиринде маек куруп жатып билдирди.

Анын айтымында, троллейбус айдоочуларынын айлык акысы 12-20 миң сомго жетет.

"Бишкек троллейбус башкармалыгында 183 троллейбус бар. 120 транспорт 11 маршрут боюнча линияга чыгып, каттамдарды тейлейт. Жалпы жамаатта 700дөй кызматкер иштейт. Ишканага 2013-жылы 79 жаңы троллейбус, 2018-жылы дагы 52си алынган. Ал эми 1989-1990-жылдары чыгарылган жалпы 27 троллейбустун эскилиги жеткендиги тууралуу мэрияга айтылды. 2020-жылдын башынан тарта "Тулпар" көзөмөл кызматы менен иштеше баштадык. Шаар тургундары электрондук билетке толугу менен өтсө жүргүнчүлөрдүн саны, бюджетке түшкөн каражат боюнча ачык-айкындуулук болот эле", — деди Капаров.

Жетекчи ошондой эле бир троллейбусту капиталдык ремонттон өткөрүүгө болжол менен 150 миң сом талап кылынарын кошумчалады.

0
Белгилер:
маршрутка, троллейбус, транспорт
Тема боюнча
"Бишкек троллейбус башкармалыгы" ишканасына жаңы жетекчи дайындалды