Ирандагы өлүм жазасы. Архивдик сүрөт

Котормочу болуп иштеген. Иранда ЦРУнун тыңчысы өлүм жазасына тартылды

420
(жаңыланган 15:54 20.07.2020)
Тыңчы делген киши англис жана араб тилдерин мыкты билген. Иран менен иштеген сириялык компаниялардын биринде котормочу болуп иштеп жүргөн.

БИШКЕК, 20-июл. — Sputnik. Иранда ЦРУ жана Израилдин тышкы чалгын кызматына маалымат берип турган деген күнөө менен Махмуд Мусави Маджд аттуу жаран өлүм жазасына тартылды. Бул тууралуу Россия-24 каналы билдирди.

Ирандык ал киши балалыгын Сирияда өткөрүп, мектепти да ошол жактан окуган. Англис жана араб тилдерин мыкты билген. Иран менен иштеген сириялык компаниялардын биринде котормочу болуп иштеп жүргөн. Согуш башталганда, 2011-жылдан кийин үй-бүлөсүн мекенине жиберип, өзү ал жерде иштеп кала берген.

Эки айда үч жолу... РФ истребителдери АКШнын чалгынчы учактарын Сирияга жолотпойт

Котормочу болуп жүрүп, Дамаск өкмөтүнө жардам берген ирандык аскерий кеңешчилер менен жакындашып, жашыруун документтерге колу жеткен. Иран бийлигинин айтымында, Израилдин "Моссад" деп аталган тышкы чалгын кызматы менен сауд атайын кызматына Ирандын Аскер күчтөрү, алардын байланыш системалары, куралдануу жана аскерлери боюнча маалыматтарды берип турган.

9-июлда Мусави Маджданы тыңчылык кылган жана генерал Касем Сулейманинин турган жерин чет элдик атайын кызматтарга айтып берген деп өлүм жазасына буюрган. Эске салсак, Ислам революциясынын коргоочулар корпусунун генералы Сулеймани 2020-жылдын 3-январында Пентагондун ракеталык чабуулунан каза болгон.

Тыңчы, волонтёр... Ханзаада Уильямдын жашыруун иштеген кызматтары

Анткен менен сот бийлиги анын генералдын өлүмүнө түздөн түз тиешеси жок деген түшүндүрүү тараткан.

420
Белгилер:
өлүм жазасы, өлүм, тыңчылык, ЦРУ, АКШ, Израиль, Иран
Тема боюнча
Иранда калган кыргызстандык жүк ташуучулардын акыркылары казак чек арасынан өттү
Тышкы иштер министри Руслан Казакбаев. Архив

Тышкы иштер министри Руслан Казакбаев Россияга барды

59
(жаңыланган 14:26 22.10.2020)
Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

БИШКЕК, 22-окт. — Sputnik. Кыргызстандын тышкы иштер министри Руслан Казакбаев бүгүн, 22-октябрда, Россия Федерациясына барды. Бул тууралуу өлкөнүн РФтеги элчилигинен билдиришти.

Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

Алдыдагы сүйлөшүүлөрдө саясий, соода-экономикалык жана маданий-гуманитардык чөйрөлөрдөгү, ошондой эле эки тараптуу кызыкчылыкты көздөгөн маселелер талкууланат.

Мындан тышкары, кыргыз-орус кызматташтыгынын күн тартибиндеги маселелерди кароо пландаштырылууда.

Буга чейин Казакбаев Россияга эки күндүк иш сапары менен барары айтылган болчу

59
Белгилер:
Сергей Лавров, жолугушуу, Руслан Казакбаев, Кыргызстан, Россия
Тема боюнча
Россия биздин ишенимдүү өнөктөш. Садыр Жапаров элчи менен жолукту
Рим папасы Франциск. Архив

Рим папасы Франциск бир жыныстуу никени мыйзамдаштырып берүүгө чакырууда

63
(жаңыланган 12:39 22.10.2020)
Дин өкүлүнүн айтымында, ЛГБТ коомчулугундагы адамдарды дагы Кудай жараткан жана алар үй-бүлөлүү болууга укуктуу. Демек, бул нерсени мыйзам деңгээлинде ишке ашыруу керек.

БИШКЕК, 22-окт. — Sputnik. Рим папасы Франциск бир жыныстагы адамдарга мыйзамдуу түрдө никеге турууга уруксат берүү керектигин айтып чыкты. Бул тууралуу The Washington Post басылмасы жазды.

Анын айтымында, ЛГБТ коомчулугундагы адамдарды дагы Кудай жараткан жана алар үй-бүлөлүү болууга укуктуу. Андыктан бул нерсени мыйзам деңгээлинде ишке ашыруу зарыл.

"Бул үчүн бир дагы адам коомдон куулуп же бактысыз болбошу керек. Биз бул дүйнөгө душмандашуу үчүн эмес, үй-бүлөлүү болуу үчүн келгенбиз", — деди Рим папасы.

Эске салсак, ал башынан эле бир жыныстагы адамдардын баш кошуусун колдоп келет.

63
Белгилер:
мыйзам, нике, үй-бүлө, Рим папасы Франциск
Тема боюнча
Рим папасы төшөк кумары тууралуу оюн билдирип, аны башкача баалады