Түндүк агым — 2 газ түтүгүн куруу иштери. Архив

Европа менен Америка Россиянын газ түтүгүнөн улам тирешүүгө барабы?

201
(жаңыланган 15:36 21.07.2020)
"Түндүк агым — 2" ... Россиялык газ түтүгүнүн пайдаланууга берилишин токтотуу боюнча америкалык аракеттер европалык саясатчылар тарабынан кошумча колдоого гана эмес, Евробиримдиктин америкалык санкциялардан системалуу коргоого алышына өбөлгө болушу мүмкүн.

Бул туурасындагы серепчи Иван Даниловдун макаласы биздин өнөктөш – РИА Новости агенттигинин сайтына жарыяланган.

Эгер "Түндүк агым – 2ден" америкалык кызыкчылыктарга келген зыянды жана дал Евробиримдикте "антивандалдык" (антисанкциялык) каржылык-экономикалык системаны түзүүдөн алган залалын салыштыра турган болсок, мында россиялык газ түтүгү анчалык деле мааниге ээ болбой калат.

Атаандаштыкка чыдабай... Европа менен Азия АКШнын суюлтулган газынан баш тартууда

Вашингтон чындап маанилүү маселелерде Брюсселге же европалык компанияларга санкциялар менен кысымга алуу мүмкүнчүлүгүнөн ажыратылса, анда бул америкалык тышкы саясат үчүн планетардык масштабдагы кырсык болору айкын.

Өткөн жумада Вашингтон — Брюссель — Мамдеп— Еврокомиссия жаңжалы негизи америкалык жана европалык дипломатиянын башчыларынын бири-биринин дарегине карата коркутуу жана катаал сын-пикир камтылган билдирүүлөрүнөн улам ырбай түштү.

Санкциялар жөнүндө мыйзам кабыл алынганча Майк Помпео Тиллерсондун тактоосу деп аталган – "Түндүк агым – 2нин" курулушуна көмөкчү болгон компанияларга каршы санкция киргизүүгө чектөө тууралуу камтылган жобону жоюуну чечти.

Антироссиялык жана "антигазпромдук" санкциялардын баштапкы топтомунда пайда болгон бул "тактоону" ошол убактагы мамлекеттик катчы Тиллерсонго таандык деп жүрүшөт. Ал ири европалык мунай-газ ишканаларын "жазалоо" өтө жаман ой экенин түшүнгөн. Ал Помпеонун Евромбиримдикке болгон сапарынын алдында жокко чыгарылган. Мындай кадамды коркутуу жоругу катары кабылдоого болот.

Жаңы кооптуулук: Катар газ "согушуна" кирүүгө ниеттенип жатат

АКШ Мамдепартаментинин башчысы долбоорго тиешеси бар же мурда тиешеси болгон бардык компаниялардан андан чыгышын талап кылып, болбосо санкция алууга даяр болушсун деген тейде түз эле коркутууга өттү. Андай санкциялар (америкалык стандарт жана тарыхый тажрыйбага сереп салсак) алардын америкалык бизнести жок кылуусун, доллардык системадан чыгаруу, мүлкүн конфискациялап жана алардын директорлорунун АКШга аяк басышына тыюу салууну боолголойт.

Америкалык санкциялардын маласынын алдында эбегейсиз сандагы порттук кызмат көрсөткөн же камсыздандыруу менен алектенген европалык компаниялар калаарынан тышкары, "Газпромдун" алдыңкы европалык өнөктөштөрүн, тагыраагы, Wintershall, OMV, Engie, Shell жана Uniper өңдүү компанияларды баары бир "доллар менен жазалоого" даяр экенин кыйытып жаткандай элес (айрым батыш маалымат каражаттары да ушундай пикирде) калтырат.

Биринчиден, мындай эскалация — "Түндүк агым – 2ни" бөгөттөө жаатындагы Вашингтондун ниетинин олуттуулугун көрсөтүүдөгү күчтүү кадам. Экинчи жагынан, "Газпромдун" европалык өнөктөштөрүнүн акчалары долбоорго салынган. Ал эми түтүктөр газ түтүгүнө ээлик кылган компаниянын жападан жалгыз акционери болгон россиялык компаниянын күчү менен бүткөрүлүүдө дегенден бөлөк эмнени айткылары келгени да түшүнүксүз.

Чет элдик компаниялар долбоордон баш тарткысы келген күндө да бул мүмкүн болбой калды, анткени, андай мүмкүнчүлүк эбак колдон чыккан. Европалык компанияларга каршы санкциялар газ түтүгүн бөгөттөөдөн алып караганда, тек гана таптакыр маңызсыз кек алуу болуп калат.

Албетте, Вашингтон Европада россиялык газды сатып алуучуларга каршы санкцияларды киргизүүгө далалат кылышы ыктымал, бирок андайда техникалык көйгөй жана тышкы саясий тобокелдиктердин бүтүндөй сериясы жаралат.

Мунайдын артынан газ каатчылыгы күтүп турабы? Келечекке божомол

Мындан аркы эскалация россиялык газды сатып алган компанияларга санкцияларды улантуу сценарийинде болушу толук мүмкүн, бирок анын кесепеттери Вашингтонго жагары арсар. Евробиримдиктин тышкы саясат жана коопсуздук саясат боюнча Жогорку өкүлү Жозеп Боррель жазуу түрүндөгү билдирүүсүндө Евробиримдикке таасир этүүнүн америкалык ыкмалары боюнча айткан.  "Европалык компанияларга жана кызыкчылыктарга каршы Кошмо Штаттар тарабынан санкцияларды пайдалануунун күч алышына жана санкция киргизүү боюнча коркутууларга абдан тынчсызданып жатам.

Иран, Куба, Эл аралык жазык соту боюнча көрүнүштөрдө жана жакындагы эле "Түндүк агым – 2" жана "Түрк агымы" сымал долбоорлор жаатында өрчүп келе жаткан бул тенденцияга күбө болдук. Европалык саясат үчүнчү өлкөлөр тарабынан эмес, ушул жерде – Европада, аныкталышы абзел.

Мунай баасынан улам Америка Россияны кантип жазалоону ойлонуштурат

Тышкы саясат жана коопсуздук саясатынын максаттары орток болгон учурларда өнөктөштөр менен болгон санкциялардын координациясы абдан баалуу. Мунун көптөгөн оң мисалдарына күбө болуп келгенбиз. Андыктан кайсы жерде болбосун, колубуздан келсе, координациялоону (санкцияларды – автордун тактоосу) улантмакчыбыз. Саясий пикир келишпестиктер орун алган жерде Европалык биримдик диалогго дайым ачык. Бирок бул (диалог – автордун тактоосу) санкция менен коркутуулардан улам болушу мүмкүн эмес", — деген ал.

Бул билдирүүнү дипломаттын эч кандай маани камтыбаган "санаасындай" гана кабыл алууга болмок. Ансыз деле ага Вашингтон көңүл бурмак эмес. Бирок эске алчу бир жагдай бар. Америкалык жалпыга маалымдоо каражаттары, атап айтканда Bloomberg ишкердик маалымат агенттиги Германия АКШга каршы санкцияларды караштырып жатканын жазып чыкты. Бул "Түндүк агым – 2ге" каршы санкциялардан улам өч алуу жана Кошмо Штаттарга европалык энергетикалык саясатка кийлигишпөө үчүн жакшылап сабак берүү үчүн жасалары айтылган.

Боррелдин билдирүүсүндөгү маңызга үңүлсөк, анын жакындагы эле франциялык евродепутаттын америкалык санкциялар боюнча суроосуна берген жообу бир эстеп коюуга арзыйт: "Комиссия санкциялардын күчөтүлгөн механизмин кабыл алууга себеп даярдоодо. Ал Европанын үчүнчү өлкөлөр тарабынан киргизилген экстерриториалдык санкциялардын таасирине туруштук берүү мүмкүнчүлүгүн жогорулатат". Анткен менен Боррель бул механизм кандай формада болорун же качан киргизилерин тактаган эмес. Бул тууралуу эки апта мурун Рейтер агенттиги кабарлаган.

Мунай россиялык газдын да баасын түшүрөбү? Серепчинин ой толгоосу

Европадагы газ багытындагы АКШнын бардык санкциялык күн тартибин көрсөтө турган эң көрүнүктүү механизм америкалык суюлтулган газды экспорттоого каршы санкциялар болушу ыктымал. Аны Европага импорттоого тыюу же 25 пайыздык бөгөй турган тариф "Түндүк агым – 2ге" каршы санкиялардын маңызын гана жок кылбастан, америкалык энергетикалык компанияларга да түз зыян келтириши мүмкүн. Алардын айрымдары АКШнын Республикачылар  партиясына демөөрчүлүк кылат.

Кол коюлган келишимдерди мажбурлоо менен бузуу – олуттуу жоготуу. Ал эми америкалык компаниялар Майк Помпео менен орустардан чочулаган сенаторлордун саясий дымагы үчүн өз чөнтөгүнөн төлөөгө даяр экени күмөн. Ошону менен катар европалык дипломаттар ага кандайдыр бир альтернативдик варианттарды ойлоп табышы ыктымал.

Ырасында Евробиримдиктеги америкалык бизнестин "талуу жерлери" жетишерлик. Эгер европалык дипломатиянын багыты өзгөрбөсө, ал эми АКШ баары бир Брюсселдин жооп иретиндеги санкцияларына кабылса башкача болот. Анда "Түндүк агым — 2нин" жыйынтыктары Кошмо Штаттар менен Евробиримдиктин ортосундагы мамиле санкциялык согуштун фазасына өтөт.

Бул тобокелдиктен качуу үчүн Мамлекеттик департамент европалык энергетикалык гиганттарын коркутууну тезинен токтоткону оң. Бирок мындай нерсенин мүмкүндүгү да күмөн. Эгер андай аракеттеринен артка чегинсе, европалыктардын суверенитетке укугун АКШнын тааныганын туюндурат. Ал эми америкалык элита принцибинде андай кадамга бара албайт.

201
Белгилер:
санкциялар, Газ түтүгү, Европа, АКШ
Тема боюнча
Өзбекстан 5 жылдан кийин газ экспортун токтотобу? "Газпромдун" жообу
Искандер-М ракетасы машыгуу убагында полигондо. Архивдик сүрөт

"Ачык каалганы каккылоо". Москва АКШны жаза таюудан сак болууга чакырды

51
(жаңыланган 13:59 26.09.2020)
Россия Стратегиялык чабуул коюучу куралдарды чектөө жана азайтуу боюнча келишимдин (ДНСВ-3) сакталышын колдоп, Кошмо Штаттарды аны узартууга үндөөдө.

Сүйлөшүүлөр жай мезгилинен бери созулуп келет. Вашингтон документтин кайра каралышын талап кылат, Москва аны өзгөртүүдөн баш тартат. Маселе эмнеде экенин талдап көрүшкөн серепчилер Галия Ибрагимова жана Софья Мельничуктун макаласы РИА Новости агенттигинин сайтына жарыяланган.

"Биз жоопту уга албай турабыз"

"Ыкчам түрдө чечүүгө боло турган, бачым чечилиши зарыл болгон биринчи кезектеги маселе — бул, албетте, Россия Федерациясы жана Америка Кошмо Штаттарынын ортосундагы Россия Стратегиялык чабуул коюучу куралдарды чектөө жана азайтуу боюнча келишимди узартуу. Анын мөөнөтү аяктаарына өтө аз калды, 2021-жылдын февралында бүтөт. Америкалык өнөктөштөрүбүз менен мындай сүйлөшүүлөрдү жүргүзүүдөбүз", — деди президент Владимир Путин Бириккен Улуттар Уюмунун Башкы ассамблеясынын 75-жыйынынын ачылышында.

БУУну АКШ ыдыраткысы, Россия куткаргысы бар

Россиялык президент өлкөлөрдү жаңы ракеталык тутумдарды ачууда сабырдуулукка чакырды. Өткөн жылы Кошмо Штаттар Чакан жана орто аралыктагы ракеталарды жок кылуу жөнүндөгү келишимден чыгып кеткен, андан соң Москва аларды Европага жайгаштырууга мораторий жарыялаган. Путин ал боюнча "Бул АКШ мындай чараларга баруудан карманып турганга чейин. Тилекке каршы, биздин сунушка америкалык өнөктөштөрдөн да, алардын өнөктөштөрүнөн да жоопту азырынча уга элекпиз", — деп кошумчалады ал.

СНВ-3 келишимин узартууну Антониу Гутерриш да бир нече ирет сунуштаган. Ал эми келишимге Кытайды кошуу боюнча АКШнын талабына БУУнун башкы катчысы терс пикирде.

Америкалыктарга "катуу жаза таюудан" сак болууга Россиянын БУУдагы туруктуу өкүлү Василий Небензя да эскерткен.

Стратегиялык коопсуздуктун үлкөндөрү

ДСНВ-3 — өзөктүк технологияларды көзөмөлдөө чөйрөсүндө негиз салуучу документ. Ага 2010-жылы кол коюу менен Москва менен Вашингтон стратегиялык арсеналдарды кыскартууга милдеттенме алышкан.

Процесс жетимишинчи жылдардын башында эле башталган. Ал кезде кансыз согуштагы каршылаштар Стратегиялык куралдарды чектөө тууралуу алгачкы келишимди (ОСВ-1) түзүшкөн. Ошондон тарта бул жаатта эки тараптуу келишимге жети ирет кол коюлган.

АКШ аларды аткарууда эч качан шек жараткан эмес, бирок Дональд Трамп тактыга отургандан бери баары өзгөрдү. Ак үйдүн башчысы макулдашууларды учурдагы кырдаалга ылайыктоого умтулат. Келечекте куралдануунун жаңы жарышы аны коркутпайт.

Россиянын учкучсуз "Охотниги" АКШ менен НАТОну санаага салууда. Себеби

Чакан жана орто аралыктагы ракеталарды жок кылуу жөнүндөгү келишимден чыгуу тууралуу 2019-жылдын августунда жарыялаган чечимин Кошмо Штаттар Россияга карата дооматтары менен түшүндүргөн.

Алардын негизгиси – Москва кыязы, документ тыюу салган SSC-8 ракетасын сынаган имиш (россиялык классификациясы — 9M729). Бирок америкалыктар эч кандай так бир далил келтире алышкан эмес.

Анткен менен бейформал сүйлөшүүлөрдө маселе Москванын кадамдарында эмес экенин моюнга алышкан. Пентагон Кытай чакан жана орто ыраактыктагы ракеталарды чыгарып жатканынан шектенип, кытай бийлигинен стратегиялык куралдануу боюнча сүйлөшүүлөргө кошулууну талап кылган. Пекин Американын андай каалоолорун капарга алган эмес.

2020-жылы майда АКШ Ачык асман боюнча келишимден чыгып, кайрадан Москваны "орустар инспекциялык учуштарга жолтоо болууда" деп айыптаган. Россиянын коргоо министри муну жокко чыгарган. Аталган министрлик америкалыктар космосту активдүү өздөштүрүүгө ниеткер, ал эми бул келишим аларга жол бербегендигин боолголошот.

Өзөктүк паритет

"АКШ жана НАТО Кытайдын өзөктүк программасы тез өнүгүп жатканынан чочулайт. Кыязы, кытайлыктар бул маселеде Вашингтон жана Москва менен теңдештүүгө ниеттенет өңдөнөт", — деп түшүндүргөн ушул жайда куралданууну көзөмөлдөө боюнча АКШнын атайын өкүлү Маршалл Биллингсли.

Лавров: ШКУга мүчө өлкөлөр Ирандын өзөктүк программасы боюнча планды колдойт

Вашингтон Стратегиялык чабуул коюучу куралдарды чектөө жана азайтуу боюнча келишим Россиянын тактикалык өзөктүк дараметин чектебегенине нааразы. Биллингсли стратегиялык куралдардын верификациясынын азыркы механизмин да сынга алган эле.

Талкуу баары бир башталды, бирок америкалыктар кезектеги талабын билдирди. "АКШ ачык эшикти каккылай, сүйлөшүүлөргө акыркы үлгүдөгү россиялык куралдарды кошууну талап кылууда", — деп билдирди россиялык министр.

"Жакшы сунуш"

Жолугушуулардын экинчи раунду сентябрда майнапсыз аяктады. АКШнын жаңы талабы — кошумча алкактагы келишимдерди кабыл алуу. Ага америкалыктар стратегиялык гана эмес, тактикалык өзөктүк арсеналдарды да камтууну сунуштоодо. Бир гана Вашингтон сүйлөшүү процессине Кытайды кошуу менен кол коюуну жылдырууга макул болду.

"Биз Россияга жакшы сунуш бердик", — деди Биллингсли.

РФ Тышкы иштер министрлигинен Москва аталган келишимди азыркы гана калыбында кабыл аларын кабарлашты. Анын мөөнөтү бир нече айдан кийин аяктайт, андан бир нерсени өзгөртүүгө убакыт тар. Бул мекемедегилер макулдашуу процессин америкалыктардын өздөрү создуктурганын белгилешти.

"Эгер АКШ кызыкчылыктардын шайкештигинин негизинде кандайдыр жаңы нерсени иштеп чыгууга даяр болсо, анда келишимди кабыл алуу мүмкүн. Бирок убакыт керектелет", — деп мүнөздөйт кырдаалды РФ ТИМ орун басары Сергей Рябков.

"АКШ өзгөчө жеңилдиктерди самайт"

"Альтернатива аз: же Стратегиялык чабуул коюучу куралдарды чектөө жана азайтуу боюнча келишимди өзгөртүүсүз узартуу же биротоло андан баш тартуу", — деп боолголойт куралданууну көзөмөлдөө көйгөйлөрү боюнча адис Евгений Мясников.

Келишимдин башкы баалуулугу стратегиялык куралдардын верификация системасында деген ойдо ал. "Мурда бири-биринин аракеттерин көзөмөлдөө татаал эле. Тараптар эң кооптуу сценарийге карашкан, бул кезегинде чыңалууну күчөткөн. Эгер система кыйраса, өткөндүн кайталануу тобокелдиги да өсөт", — деп эскертет эксперт.

Жаңы технологиялар жана эл аралык коопсуздук боюнча ПИР-борбордун жетекчиси Вадим Козюлин келишимдин узартылышынан шек санабайт. АКШнын талаптарын ал баа-наркын жогорулатуу оюнундай баалайт.

F-35ти модернизациялоо. АКШнын доо кеткен беделин бийиктетүү аракети

"Трамп баягысындай эле: келишимди түзүүнүн алдында өзгөчө жеңилдиктерди соодалашып алгысы келет. Бирок убакыт келип калды, америкалыктар узартууга макул болот. Жаңы шарттар – кийинки талкуулардын предмети. Ошону менен бирге эле Европадагы тактикалык өзөктүк арсенал жана америкалык курал боюнча Россиянын да сунуштары бар", — деген пикирин билдирет эксперт. Ал Стратегиялык чабуул коюучу куралдарды чектөө жана азайтуу боюнча келишимге учкучсуз тутумдар кирбестигин, аларды деле өзөктүк куралды ташуучу катары кароого болорун белгилейт.

"Учкучсуздар боюнча Россиянын да көп суроолору бар. Негизи, бул ошол эле канаттуу ракета. Көп жолу пайдаланылышынан улам ал олуттуу коркунуч туудурат. Бирок Стратегиялык чабуул коюучу куралдарды чектөө жана азайтуу жаатындагы келишим боюнча кезигүүлөрдүн алкагында Москва бул теманы азырынча көтөрүп чыга элек", — дейт Козюлин.

Анын айтымында, көзөмөл тутумун сактап калуу учурда негизинен АКШга жараша. Эгер Вашингтон диалогго даяр болсо, анда келечегинде ага өзөктүк куралга ээлик кылган мамлекеттерди, атап айтканда, Кытай, Франция, Улуу Британия, Индия, Пакистанды кошуп алууга болот.

51
Белгилер:
божомол, эксперт, өзөктүк курал, келишим, АКШ, Россия
Тема боюнча
АКШ космоско алгачкы ажатканасын орнотууну пландап жатат
"Абрамстарды" жеткиришти. АКШ Беларусь чек арасында эмне баштоодо?

Британия: ресторанда кардарларды роботтор тейлеп жатат. Видео

34
(жаңыланган 12:10 26.09.2020)
Мекеменин жетекчилери кызмат көрсөтүүнү роботтоштурууну өнүгүү катары эле эмес, коронавирустун жайылуу коркунучун азайтуу үчүн колдонушкан.

Англиянын Милтон-Кинсе шаарындагы ачылган Robotazia тамактануу жайына келгендерди роботтор тейлейт. Бул тууралуу Euronews маалымат булагы айтып чыкты. 

Мекемеде темир кызматкерлерден сырткары, дагы 10 официант-адам иштейт. Ресторандын ээси жалаң гана роботтор тамак ташыган экинчи жайды ачууну пландап жатат.

Япония: 18 метрлик алп робот алгачкы кадамын таштады. Видео

Бул аракеттин COVID-19дун жайылуу коркунучун мүмкүн болушунча азайтары белгиленет.

34
Белгилер:
коронавирус, Улуу Британия, тейлөө, ресторан, робот
Тема боюнча
Окумуштуулар биринчи жолу тирүү клеткалардан робот жасашты. Видео
Жөргөмүштөй болгон робот үч тонналык учакты сүйрөп кетти. Видео
Кыргызстандык окуучулар робот техникасы боюнча ат салышты. Сүрөттөр
Эркектин жанында турган кыз. Архивдик сурөт

Кызым менен өгөй атасынын урушу беймаза кылчу болду. Аялдын каты

0
(жаңыланган 15:38 26.09.2020)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына бул ирет жолдошу менен өткөөл курактагы өспүрүм кызынын ортосундагы мамилени жөнгө салуу жолун издеген аялдын каты жарыяланды.

Саламатсыздарбы, мен сиздер аркылуу психологдон кеңеш алгым келет. Кеп мындай. Мурдагы күйөөм жол кырсыгынан каза болуп калган. Ал кезде кызым үч жашта болчу. Кийин ал эс тартып 1-класска кирген мезгилде кайрадан турмушка чыккам. Азыр экинчи никемден үч балам бар. Чоңураактары башталгыч класстарда окуйт жана эң кичүүсү бала бакчага барчу. Азыр карантин болгондуктан үйдө.

Балдар психологу: апасынын таяк жегенин көрүп өскөн кыз атасындай күйөөгө жолугат

Улуу кызым азыр 9-класста. Өткөөл курак болуп мүнөзү кадимкидей өзгөрдү. Бирок акыл-эстүү, тартиптүү. Болгону азыркы атасы менен мамилеси келишпей, акыркы кезде үйдө уруш көбөйгөнү мени беймаза кылчу болду. Жолдошум да жини келип, аны катуу урушуп коюп жатат.

Келишпестик күйөөмдүн мага жасаган мамилесинен келип чыгууда. Мисалы, ал мени урушуп же сөксө кызым ошого ачууланат. Мурда "апа, эмнеге сизди урушат, сөгөт. Жакшы кийинтпейт" деп айта берчү. Азыр мага болушуп жолдошум менен ачык эле урушуп кетүүдө, экөө тиреше да баштады. Күйөөмө кичинекей кызга теңелбей өткөөл курагын түшүнүп коюушун сурасам "мен аны багып жатам, мага сөз кайрыбасын" деген кеп уктум.

Кайненем көңүлдөшүн мага шылтап... Күйөөсүнүн ишениминен чыккан келиндин каты

Кызыма да акыл айтсам, "сизди менин көзүмчө тилдебесин" деген шарт койду. Бала немеге катуу айткандан да корком. Жүрөгүм да чыдабайт. Анын үстүнө өз атасы жок болсо, мен да урушсам бир нерсе болуп кетеби деп чочулайм.

Кандай айла кылсам болот?

Психолог, Саадат Сыдыкова

Кызыңыз 9-класста окуйт экен. Бул жаштарда балдар өткөөл куракты баштан кечирет. Башкача айтканда, организмде гормоналдык өзгөрүү жүрөт. Гормондорго жараша адамдын маанайынын өзгөрүшү табигый көрүнүш. Кызыңыз сизге өзүнүн каалоосун, көз карашын айтып, жеткиргиси келип жатат. Ал бала болсо дагы өз оюн билдирүүгө укуктуу экенин унутпайлы.

Баланын жан дүйнөсүн тарткан сүрөтүнөн билсе болот. Психологдун 9 сүрөткө анализи

Кыз атасынан энесине сый мамиле жасоону талап кылып, сизге  жасалган жаман мамилени көрүүнү каалабай турганын айткысы келип жатат. Негизинен кызыңыз эмнени каалап турганын өзү жакшы билет. Бул жерден мен эч кандай өөн учураган артыкбаш нерсе көргөн жокмун.

Тескерисинче, жолдошуңузга суроом бар. Анткени кыздын апасына үйлөнгөндөн кийин түздөн-түз атанын да милдетин аткарышы керек. Ал муну сизге баш кошуп жатканда эле билген да. Ошондуктан кызга аны багып-чоңойтуп жатканын айтып, колко кылбай эле койгону туура.

Күйөөмдүн "сүйүктүүсү" тынчтык бербей... Жолдошу баркына жетпеген келиндин каты

Түшүнөм, сиз мындай кырдаалда кызыңыз менен жолдошуңуздун ортосунда чайналып калып жатасыз. Силер ата-эне катары бири-бириңерге туура, конструктивдүү мамиле кылганды үйрөнмөйүнчө мындай көрүнүш улана берет. Кыз мамилеси менен анын көзүнчө апасын урушпоо керектигин түшүндүрүүдө. Негизги аял-күйөөсү катары жолдошуңуз менен бирге психологго да кайрылган оң болор эле. Себеби ортодо туура пикир алышуу, байланыш жок экен. Ал эми кызыңыз өз талаптарын, көз карашын билдире баштаса, андан чочулаштын кереги жок.

0
Белгилер:
эне, өгөй ата, кыз, психолог
Тема:
Психолог менен баарлашуу
Тема боюнча
Аялым тирүү туруп башкасын издей баштадым. Жубайы ракка чалдыккан эркектин каты
Коронавирустан корккон кайненем төрөбө деп айламды кетирип жатат. Келиндин каты