Лаборатория кызматкери. Архив

Тараза ташында адамзат өмүрү. COVID-19га каршы вакцина чыгаруу жарышына чыккандар

(жаңыланган 18:32 22.07.2020)
Жалпы жонунан Россияда коронавируска каршы 14 платформада 50гө чукул вакцина иштелип чыгууда. Мында үч мекеме алдына киши сала элек.

Россиянын коргонуу министринин орун басары Руслан Цаликов COVID-19га каршы вакцина даяр болгонун билдирди. Клиникалык сыноонун жыйынтыгы ага катышкан ыктыярчылардын баарында иммунитет иштелип чыкканын көрсөттү. Бирок Сеченов университетинин дары каражаттарын клиникалык изилдөө борбору препараттын натыйжалуулугу дагы текшериле турганын кошумчалады. Россиялык вакцинанын, дары-дармек өндүрүшүнүн тегерегинде журналист Ирина Алкснис ой жүгүрткөн.

Жалпы жонунан Россияда коронавируска каршы 14 платформада 50гө чукул вакцина иштелип чыгууда. Гамалея атындагы микробиология жана эпидемиология илим изилдөө институту, Роспотребнадзордун "Вектор" борбору, ошондой эле ФМБА институту бул жаатта лидер болуп саналат.

Россия COVID-19га каршы вакцинасын сынап бүттү. Жалпы элге качан чыгат?

Алгачкы россиялык вакцина августта каттоого алынарын РФ саламаттык сактоо министринин орун басары Михаил Мурашко айтты. Аз калды.

Адатта вакцина, дегеле дары-дармекти өндүрүү бир нече жылдап ишке ашат. Изилдөөнүн протоколдору өтө катаал, анткени препарат майнаптуулугу менен бирге адам ден соолугу үчүн коопсуз экенин далилдөө керек.

Бирок коронавирус кабыл алынган процедураларды ылдамдатууга аргасыз кылды. Британиялык окумуштуулар апрелде эле сентябрга чейин вируска каршы препарат даярдай тургандыктарын айтышкан.

Вакцина иштеп чыгууга чынында өтө көп күч жана каражат сарпталды. Дональд Трамптын администрациясы АКШнын да, Европанын да фармацевтикалык компанияларына эки миллиард доллардан ашуун каражат бөлдү. Албетте, иштин баары Американын кызыкчылыгы үчүн болот деген шарты кошо бар.

Дүйнөдө коронавируска каршы дары жасоо боюнча жарыш башталгандай болду, анда финансылык да, саясий да кызыкчылык бар.

Саясий жагына келсек, абал татаал. Вакцинаны иштеп чыгуу боюнча аракет тигил же бул державанын өнүгүүсүнүн жана мүмкүнчүлүктөрүнүн көрсөткүчү катары кабылданууда. Препаратты иштеп чыгуу үчүн (өзгөчө тез аранын ичинде) акча бөлүп коюу жетишсиз. Академиялык борборлор, илимий кадрлар, болгондо да ишинин майын чыгарган кесипкөйлөр зарыл. Мындан сырткары, процессти жолго коюп, жаралган маселелерди ошол замат чечкидей структуралар керек.

Тээ биринчи күндөн тарта эле вакцина иштеп чыгуу боюнча АКШ, Улуу Британия жана Кытай лидер экени айтылып жатты. Ишти да ушулар биринчи баштады.

Россияда коронавируска каршы вакцина сайдыргандарда иммунитет иштелип чыкты

Россиянын дарегине "эми орустар бир нерсе жасамыш этип жатат, өнүккөн өлкөлөр менен теңтайлашуу кайда" сымал сөздөр айтылган.

Ал эми The Wall Street Journa Россиянын аракетин "вакциналык улутчулдук" деп атады. Буга өлкө препаратты иштеп чыгууда толугу менен ата мекендик ресурска таянып, россиялыктарды эмдөөгө басым жасарын айтканы себеп болду шекилдүү.

"Мунун эмнеси жаман же туура эмес?" деген суроо өзүнчө жоопту талап калат. Ал башка кеп. Азыркы маселе кадимки эки жүздүүлүктө. Кайсы гана мамлекет болбосун, ал биринчи кезекте өз кызыкчылыгын көздөөрү, анан барып башкасына көңүл бурары эч кимге жашыруун эмес. Бирок муну тарс эттире ачык айтуу көрсө туура эмес экен. Россиянын катачылыгы да ушул имиш.

Кандай болгон күндө да акыркы айда Россиянын коронавируска каршы вакцина чыгаруу аракетине карата Батыштын позициясы олуттуу өзгөрүп, дүйнө "Кремлдин кезектеги кылмышы" тууралуу кабардар болду.

ЕАЭБ жыйыны: COVID-19 жана башка инфекцияга каршы күрөшүү планы кабыл алынды

Алгач Россия хакерлердин жардамы менен Улуу Британия, АКШ жана Кытайдын жасап жаткан ишин уурдоого аракет кылган деп айыптап чыгышты. Ал эми кечээ Bloomberg агенттиги Москвада эксперименталдык вакцина апрелден бери пайдаланылып жатканын, аны Россия элитасы гана колдонуп келгенин жазды.

Айтылгандарды карап отуруп, Батыш жөн гана Россиянын колдон келбес ишти жүзөгө ашырып, коронавируска каршы вакцина чыгарган мамлекеттердин катарына киреринен кооптонуп жатат деп түшүнүүгө болот.

Кытай июндун аягында эле эксперименталдык вакцинасынын бирин армияда колдонуу үчүн жактырган. Эми Россия ийгилигин жар салууда.

Батыш азырынча мактангыдай нерсе жасай элек.

ЖМКлардын маалыматы боюнча, АКШнын фармкомпаниялары вакцина иштеп чыгууну жайдын соңу менен гана баштоого киришмекчи. Бирок расмий эч нерсе айтыла элек.

Ал эми британиялыктар кечээ оксфорд вакцинасы боюнча маалымат беришти, расмий билдирүүгө караганда ич жылытарлык нерсе жок. Мамлекеттик жумушчу топтун төрайымы Кейт Бингэм көп үмүт артпай турууга чакырып, "биз вакцина өндүрө албай калышыбыз мүмкүн, өндүрсөк да инфекциянын жугуусунан коргой турчу эмес, ал симптомдорду басаңдатчу гана каражат болушу ыктымал", — деди.

Таба эмес, тобо. Тараза ташында адамзат өмүрү турат. Ал эми ушундай маалда окумуштуулардын ишинен кынтык издөө такыр эле акылга сыйгыс нерсе.

Болгону Батыш да ушул нерсени эсинен чыгарбаса жакшы болот эле.

Белгилер:
эксперимент, жарыш, вакцина, Улуу Британия, Кытай, Россия, Батыш
Тема:
Дүйнөгө жайылган коронавирус (1376)
Тема боюнча
Россиялык медиктер кыргызстандык кесиптештерине жардам берүүгө келди. Сүрөт түрмөк
Экономика илимдеринин доктору, профессор Төлөнбек Абдыров

Абдыров: ишкерлер ЕАЭБдин мүмкүнчүлүктөрүн колдоно албай жатышат

(жаңыланган 11:33 19.04.2021)
Экономика илимдеринин доктору, профессор Төлөнбек Абдыров өлкөдө өндүрүш ишканалары дээрлик иштебей жатканын белгиледи.
Абдыров: ишкерлер ЕАЭБдин мүмкүнчүлүктөрүн колдоно албай жатышат

Эгемендүүлүк алган жылдары өлкө экономикасында секирик жасай турган кадамдар жасалган жок. Бул тууралуу Төлөнбек Абдыров Sputnik Кыргызстан радиосуна маек куруп жатып билдирди.

Анын айтымында, 30 жылдын ичинде курулуш жана тейлөө тармагы гана көтөрүлгөн.

"Соңку 30 жылдын ичинде өлкөдө экономикалык секирик кыла турган кадамдарды жасай алган жокпуз. Эгемендүүлүк алган алгачкы жылдарда экономиканын структурасында айыл чарба тармагы 36 пайыз, өндүрүш 27 пайыз, курулуш сегиз жана тейлөө тармагы 33 пайызды түзчү. Кийин айыл чарба 12 пайызга түшүп калган. Ортодогу айырмачылык дээрлик 24 пайыз. Учурда өндүрүш 18 пайызды түзгөнү менен анын ичине Кумтөр да кирет. Өлкөдө салыштырмалуу жакшыраак абалда иштеп жаткан жалгыз гана тейлөө тармагы болуп калды. Пандемия учурунда бул багыт да аксап, бюджетке 30 миллиард сомдун тегерегинде каражат түшкөн жок. Бул дароо ички экономикага терс таасирин тийгизди. Ошондуктан биз ЕАЭБдин потенциалын колдонушубуз керек, бирок атаандаштыкка туруштук бере албай жатабыз. Себеби ишкерлерге жакшы мүмкүнчүлүктөр түзүлбөй, бизнеске колдоо жок. Азыркы бийлик бул багытта бир катар чечимдерди кабыл алууда, алар өз натыйжасын берет деген үмүттөмүн", — деди Абдыров.

Ошондой эле ал пандемиядан көптөгөн өлкөлөрдүн экономикасы жабыр тартканын айтып, бирок аларда инновация өнүккөндүктөн анча кооптуу жагдай жаралбаганын кошумчалады.

Белгилер:
Төлөнбек Абдыров, Евразиялык экономикалык биримдик, пандемия, айыл чарба, экономика
Тема:
ЕАЭБдеги Кыргызстан
Тема боюнча
Кыргызстандык мигранттар январь менен февралда канча акча которду
Дүйнөлүк футбол уюму (ФИФА) логотиби. Архив

Европада уюшулган футболдук Суперлига. FIFA демилгеге караманча каршы

(жаңыланган 12:08 19.04.2021)
Дүйнөлүк футбол уюму мындай чечимди эл аралык футболдун чектен чыккандыгы катары кабылдап, аны "сепаратисттик лига" деп атаган.

БИШКЕК, 19-апр.— Sputnik. Дүйнөлүк футбол уюму (ФИФА) Европада футболдук Суперлига уюштуруу боюнча демилгени четке кагат. Бул тууралуу уюмдун билдирүүсү тууралуу Р-Спорт жазды.

Европадагы 12 алдыңкы футболдук клуб: "Манчестер Юнайтед", "Арсенал", "Челси", "Тоттенхэм", "Манчестер Сити", "Ливерпуль" (баары – Англия); "Реал Мадрид", "Барселона", "Атлетико" (баары – Испания); "Интер", "Милан" жана "Ювентус" (баары – Италия) континентте клубдар арасындагы жаңы Суперлига мелдеши уюшулганын жар салышты. Турнирди өткөрүүнүн форматы жарыяланып, 20 команданы катыштыруу пландалганы айтылат.

Мелдеш Европа футбол ассоциацияларынын союзу (UEFA) алкагында өтүүчү еврокубокторго альтернатива катары каралууда.

Клубдардын билдирүүсүнө ылайык, уюштуруучу клубдар Европанын учурдагы мелдештеринин сапатын жана интенсивдүүлүгүн жогорулатууну көздөйт.

Дүйнөлүк футбол уюму мындай чечимди эл аралык футболдун чегинен чыккандык деп эсептей турганын айтып, билдирүү таратты.

"FIFA мындай эл аралык футболдук түзүмдөрдөн сырткары уюшулган "европалык сепаратисттик лига" түзүү чечимине каршы", — деп айтылат дүйнөлүк уюмдун маалыматында.

Уюмдун мындай кадамын Франция жана Германиянын футболдук клубдары колдоого алышкан.

Белгилер:
Суперлига, сын, демилге, Европа, УЕФА, ФИФА, футбол
Тема боюнча
Кыргызстандык жаш футболчулар Гиннесс рекордун жаратууга аракет кылып жатат
КР футболчулары кыз-келиндердин зомбулукка кабылышына каршы акция уюштурду
Душ кабинасы. Архив

Бишкектеги турак жайлардын көпчүлүгүндө 4 күн бою ысык суу болбойт

(жаңыланган 14:54 19.04.2021)
Маалыматка караганда, жылуулук тармактарына капиталдык оңдоо иштерин жүргүзүү үчүн даярдык иштери аткарылат.

БИШКЕК, 19-апр. — Sputnik. Бишкектин жеке секторлорунда 21-24-апрель аралыгында ысык суу өчүрүлөт. Кеп "Бишкек жылуулук тармагына" кошулган үйлөр жөнүндө болуп жатканын муниципалитеттин маалымат кызматынан билдиришти.

Ага ылайык, жылуулук тармактарына капиталдык оңдоо иштерин жүргүзүү үчүн даярдык иштери аткарылат.

"Ысык суу жеке секторлордо гана өчүрүлөт. Көп кабаттуу үйлөргө тиешеси жок", — дешти ишканадан.

Ысык сууга жеке сектордогу көптөгөн турак үйлөр кошулганы белгиленип, алардын бардыгында тең суу өчүрүлөрү эскертилди.

Белгилер:
ысык суу, үй, Бишкек
Тема боюнча
Эртең Бишкектин кээ бир жерлеринде муздак суу өчөт. Тизме
Жаан-чачындуу болот. Келерки аптанын аба ырайы