Тамак даярдоо. Архивдик сүрөт

Дайым жаш көрүнгүсү келгендер кайсы тамакты аз жеши керек. Адистин жообу

923
(жаңыланган 09:02 27.07.2020)
Жер-жемиш жана жашылчаларды күнүмдүк нормасына жеткире жеген адамдын кан айлануусу жакшырып, организмдеги сезгенүү азайып, билинбеген майда-барат жарааттарды бат айыктырат.

БИШКЕК, 27-июл. — Sputnik. Эдинбург университетинин (Шотландия) профессору Рупи Ожла терини жаш бойдон сакташ үчүн кандай тамактаныш керектигин изилдеп чыкты. Илимий иштин жыйынтыгын Sun басылмасы жазды.

Анын айтымында, тамак-аштын арасынан теринин тез карышына уй жана кой эти себепкер болот.

Беттин терисин бат буза турчу азыктар аталды

Ожланын пикиринде, анын ордуна антиоксидант, коллаген жана минералдарга бай азыктарды пайдаланган туура.

"Жер-жемиш жана жашылчаларды күнүмдүк нормасына жеткире жеген адамдын кан айлануусу жакшырып, организмдеги сезгенүү азайып, билинбеген майда-барат жарааттар тез бүтөт. Жыйынтыгында теринин клеткалары калыбына келип, көпкө чейин жаш бойдон сакталып турат", — деди окумуштуу.

Ошондой эле ал белок нормасынан ашпаган убакта дагы жаштык узакка созуларын кошумчалады.

Баса, буга чейин арыктайм дегендер кетирген 10 катаны диетолог санап берген. Алар тууралуу билгиңиз келсе, Sputnik агенттигинин макаласынан окуңуз.

923
Белгилер:
жаштык, тери, Окумуштуулар, ден соолук
Тема боюнча
Беттеги бырышты кетире албай убарасызбы? Скульптуралык массаж тууралуу маек
Меккада зыяратчылар. Архив

Сауд Аравия Кыргызстанга кичи ажылыкка уруксат берген жок

66
(жаңыланган 15:09 28.10.2020)
Ноябрдын башынан тарта умрага 108 өлкөнүн жарандарына уруксат берилген. Булардын катарына Кыргызстан азырынча кирген эмес.

БИШКЕК, 28-окт. — Sputnik. Сауд Аравия Кыргызстанга кичи ажылык кылууга уруксат берген жок. Билдирүүнү муфтияттын маалымат катчысы Максат Атабаев тастыктады.

Анын айтымында, ноябрдын башынан баштап кичи ажылык жасоого 108 өлкөнүн жарандарына уруксат берилген. Булардын катарына Кыргызстан азырынча кирген эмес.

"Сауд Аравиянын Ажылык министрлиги сентябрь айында расмий билдирүү тараткан. Анда кичи ажылык эпидкырдаалга жараша үч этап менен жүргүзүлөт деп жазылган. 1-2-этапта Сауд Аравиянын жарандары үчүн гана өткөрүлмөк. Ал эми 3-этапта ноябрдан баштап чет элдик жарандар бармак. Министрлик коронавирус боюнча ар бир мамлекеттин эпидемиологиялык кырдаалын эске алып, аларды түстөргө бөлүп чыккан. Кичи ажылыкка уруксат берилген өлкөлөрдүн тизмеси жашыл түскө киргизилсе, азырынча уруксат берилбей турган мамлекеттер сары түскө, такыр эле барганга болбой турган өлкөлөр кызыл түс болуп көрсөтүлөт. Кыргызстанда азыр эпидкырдаал туруктуу болбой жаткандыктан сары түскө кирген", — деди Атабаев.

Кичи ажылыкка уруксат берилген 108 мамлекеттин ичинде Казакстан, Өзбекстан, Тажикстан, Кытай сыяктуу мамлекеттер бар. Ал эми сары түстөгү тизмеге Кыргызстан, Иран, Италия, Египет сыяктуу мамлекеттер кирген.

Коронавирус кыйсыпыры жана кыргыздар. Абалды ашкерелеген үч нерсе

Атабаев бул убактылуу чечим экенин айтып, өлкөдө ооругандар азайып, кырдаал турукташса Сауд Аравия Кыргызстанды жашыл түстөгү тизмеге киргизет деп ишене турганын кошумчалады.

66
Белгилер:
тизме, уруксат, Ажылык, Кыргызстан, Сауд Аравиясы

Ту-154түн Россияда элди акыркы ирет ташыган видеосу. КРдеги №1 борт да ушундай

118
(жаңыланган 15:15 28.10.2020)
Россиядагы жарандык авиацияда жалгыз, бирден-бир пайданылып келе жаткан Ту-154 аба кемеси акыркы ирет жүргүнчүлөрдү ташып, андан соң сапарын карытты.

Бул туурасында РИА Новости жазды. 

Эске салсак, Кыргызстандын жетекчилиги да Ту-154М (№1 борт) менен учат. Ал 1993-жылы чыгарылган. 2018-жылдын башында РФ коргоо министри Сергей Шойгу Ту-154М учактарын авиакырсыктын алдын алуу максатында колдонуудан алуу туурасында айткан.

Жергиликтүү медиакомпаниялардын бири YouTube каналына Ту-154М туурасындагы видеоматериалды жайгаштырган.

"Алроса" компаниясынын борту Якутскинин Мирный шаарынан 140 жүргүнчүнү Новосибирскиге алып келген.

2002-жылы лайнер Мирныйдагы авиаишканага таандык болсо, 2013-жылы аны "Алроса" компаниясы алган.

"18 жыл ичинде Ту-154М аба кемеси 27,5 миң саат учкан. "Алроса" алган кийинки жылдары эле лайнер 737 каттам жасаган. Ага 160 миңден ашуун жүргүнчү түшкөн", — деп айтышты аталган компаниядан.

Бул жылдардын ичинде учак 1 224 тонна жүк, 52 тонна почта аманаттарын ташыган.

Компаниянын башкы директору Андрей Гуловдун айтымында, лайнерди колдонуу мөөнөтү аяктап бара жатат. Эксплуатациядан чыккандан кийин учак Новосибирскидеги Толмачев аэропортунда калат, андан кийинки тагдыры азырынча белгисиз.

Россиянын МиГ-31 истребителинин стратосферадагы керемет учуусу. Видео

Ту-154 аба кемеси Туполевдун конструктордук бюросунда иштелип чыккан. Биринчи ирет абага мындан 52 жыл мурда көтөрүлсө, 1972-жылы 9-февралда элди ташып баштаган. Бул советтик эң көп чыгарылган, жүргүнчүлөрдү ташый турган реактивдүү орто магистралдуу учак.

118
Белгилер:
жүргүнчү, Ту-154, Новосибирск, Якутск, Россия
Тема боюнча
6 миң метр бийиктик! Катуу шамалда аралыктан май куйган учактардын видеосу
Киши ант берип жаткан учурда. Архив

Антымды бузсам жоопкерчилик тартууга даярмын! Өкмөт мүчөлөрү ант берди

0
(жаңыланган 17:06 28.10.2020)
Өкмөттүн 22 мүчөсү бар: премьер-министр, үч вице-премьер, 12 министр, төрт мамлекеттик комитеттин башчысы жана министр рангындагы өкмөттүн аппарат жетекчиси.

БИШКЕК, 28-окт. — Sputnik. Премьер-министр Садыр Жапаров жана жаңыдан дайындалган өкмөт мүчөлөрү кызматына киришип жатып ант беришти.

Жогорку Кеңештин жыйыны "Ала-Арча" мамлекеттик резиденциясында өтүп жатат.

"Кызматка киришип жатып, өз элимдин, Кыргыз Республикасынын Жогорку Кеңешинин жана президентинин алдында КР Конституциясын жана анын мыйзамдарын ыйык сактоого, өз милдеттеримди ак ниет менен берилип аткарууга, Кыргызстан элинин алдында кызмат кылууга ант беремин! Берген антымды бузган учурда КР мыйзамдарына ылайык жоопкерчилик тартууга даярмын", — дешти өкмөт мүчөлөрү.

Садыр Жапаров депутаттардын алдында ант берди. Видео

Соңунда Жапаров аларга кайрылып,болгон билим, тажрыйбасын өлкөнү өнүктүрүүгө, абалды турукташтырууга жумшоого чакырды. Ошондой эле Конституциялык реформаларды бир адамдын эмес, жалпы элдин кызыкчылыгы үчүн жүргүзүүгө жардам берерине ишеним артты.

КР өкмөтүнүн 22 мүчөсү бар: премьер-министр, үч вице-премьер, 12 министр, төрт мамлекеттик комитеттин башчысы жана министр рангындагы өкмөттүн аппарат жетекчиси.

0
Белгилер:
ант берүү, өкмөт, Садыр Жапаров
Тема боюнча
Депутаттар Исмаилованы социалдык өнүктүрүү министри кызматына колдогон жок. Видео
Жапаров кимдерди бийликке алып келди. Өкмөттүн жаңы курамын таанып алыңыз