Тез арыктоо өлүмгө дуушар кылат. Диетологдун кеңеши

© Фото / Pixabay/PexelsСпорт менен машыгып жаткан кыз. Архив
Спорт менен машыгып жаткан кыз. Архив - Sputnik Кыргызстан
Жазылуу
Адистин айтымында, адам абдан толук болсо, айына эң көп дегенде 10-15 килограммга арыктаса болот. Ал эми 30 күндүн ичинде 20 килограмм салмак таштоо өтө кооптуу.

БИШКЕК, 2-авг. — Sputnik. Адам өтө тездикте арыктаганда организм өз майына ууланышы мүмкүн. Бул тууралуу диетолог Елена Астаховага шилтеме берип РИА Новости жазды.

Адистин айтымында, май кайсы бир деңгээлде организмдин "таштанды челеги" сыяктуу. Ар кандай уулу заттар менен күрөшүп жок кыла албай калганда, организм аны майга кетирип коет.

"Киши тез арыктайм деп өзүн тамактан чектеп салганда, организм анын ордун толтуруш үчүн майды иштете баштайт. Жыйынтыгында анда чогулган уу органдардын ишин татаалдантып, өлүмдө дуушар кылышы дагы толук мүмкүн", — дейт диетолог.

Диетолог: өрүк менен шабдалы эркектерге көбүрөөк пайдалуу

Астахова кошумчалагандай, ден соолукка зыян келбеши үчүн салмак аз-аздан кетиши керек. Мисалы, адам абдан толук болсо айына эң көп дегенде 10-15 килограммга арыктаса болот. Ал эми 30 күндүн ичинде 20 килограмм салмак таштоо өтө кооптуу.

Адис арыктагысы келгендерге тамакты өтө аз эмес, туура жегенге чакырат. Тагыраагы, анда организмге жетиштүү белок, май жана углеводдор болушу шарт. Ансыз баланс бузулуп, ден соолук солгундайт.

Жаңылыктар түрмөгү
0