Бекер убара болуп... АКШ "Россиянын ийгиликтүү пропагандасынын сырын" ачты
Ачылыш жасагандай...
Бир нече күн мурда АКШ Мамлекеттик департаментинин алдындагы Глобалдык кызматташуу борбору "Россиянын пропаганда жана дезинформациясынын экосистемасынын негиздери" деген аталыштагы докладын жарыялады.
Авторлор "өнөктөш мамлекеттерге, жарандык коомго, окумуштууларга, ЖМКга жана дүйнө коомчулугуна Россиянын аракеттеринин тактикасын ачып берип, алардын дезинформация жана пропагандага каршы жамааттык түрдө жооп беришин" көздөгөн.
Согуш тарыхынын кайра жазылышына Германия эмне үчүн каршы? Саресеп
Биринчи караганда баары ишенимдүү көрүнөт. 75 беттик текст, 313 шилтеме, графикалар жана таблицалар... Мен аны убакыт коротуп, толугу менен окуп чыктым. Албетте, "ачылыш" жасалган учурлар дагы болуптур. Мисалы, Россия өз көз карашын коомчулукка таратуу үчүн массалык маалымдоо каражаттарын колдонот экен. Баса, башка өлкөлөр дагы Кремлдин бул гениалдуу амалын өздөштүрүп алышы керек экен. Дагы бир масал, Россияда мамлекеттик ЖМКлар (мисалы, ошол эле "Звезда") жазган маалыматтарды башка медиалар алып, андан ары интернетке тарап кетет экен. Менимче, авторлор интернеттин, андагы маалыматтын тарап кетүү өзгөчөлүктөрүн жаңы эле өздөштүрүп жаткан окшойт.
Докладда россиялык алдыңкы ЖМКлар тууралуу дагы "таң калычтуу" фактылар камтылган. Көрсө, Россияда мамлекетке тиешелүү телеканалдарды, басылмаларды жана интернет сайттарды эмнегедир мамлекеттик идеологияны колдогон адамдар башкарат экен. Мына кызык!
Россиянын АКШдагы элчилиги Мамдепартаменттин доклады боюнча пикирин билдирди
Докладдын негизги маңызы — Москванын дүйнөлүк көйгөйлөргө карата кандай гана ою, билдирүүсү, пикири болбосун, ал сөз эркиндиги катары эмес, Россиянын пропагандасы, калпы, батыш элин акылдан адаштыруу аракеттери экенин көрсөтүү.
Бир гана ушул ой докладдын бардык илимий баалуулугун жокко чыгарып салды деп айткың келет. Бирок анда башынан эле баалуулук болбогондой көрүнөт.
Чынын айтканда, бул 75 беттик макала куру бекер убакыт коротуу болуп калгандай. Анын негизи максаты — Россиянын жүзүн ачуу эмес, мамлекеттик катчы Майк Помпеонун буга чейинки Глобалдык кызматташуу борборун каржылоону көбөйтүп берүү өтүнүчүн бышыктоо болуп калыптыр.
"Вакциналар жарышы": Батыш башка эмдөөнү тааныгысы жок
Бакыт байлыкта эмес
Бул докладга россиялык саясатчылар менен серепчилердин бир чети күлкүсү келип, экинчи чети жек көрүп карашына таң калбай деле койсо болот.
Чынында көпчүлүк муну олуттуу кабыл алган жок, жөн гана кезектеги куру бекер алышуу катары баалады. Бирок биздикилер анын авторлордо өз эмгегин жарыялоого олуттуу себеп болгонун айтышты.
"Россияга каршы бул докладдын чыгышы АКШ саясатчылары азыр өлкө ичинде жана дүйнөдө болуп жаткан нерселер боюнча алардыкына дал келбеген пикирлердин айтылышынан коркуп жатканынан кабар берет", — деди депутат Сергей Железняк.
Мисалы, RT менен Sputnik агенттигинде батыш ЖМКларына караганда акчасы аз. Бирок АКШны чочулатып жаткан альтернативдик көз караш бар.
Кимдир бирөөгө дагы деле батышта сөз эркиндиги бардай сезилиши мүмкүн. Бирок андай эмес. Көпчүлүк маселелер боюнча (биринчи кезекте идеологиялык мүнөздөгү) америкалык ЖМКлар Советтер Союзу учурундагы гезиттерди эске салат. Жалгыз, саясий жактан туура деп эсептеген көз карашты гана чагылдырышат.
Ошол таңууланган көз караштан тажаган батыш эли альтернативдик пикир издеп, аны англис тилдүү орус ЖМКларынан таап жатат. Албетте, бул АКШ үчүн чоң көйгөй. Анткени дүйнөнүн маалымат тармагын башкаруу америкалык үстөмдүктүн негизи болуп эсептелет.
Ошондуктан Россиянын Тышкы иштер министрлигинен айтышкандай, Вашингтон өздөрүнүкүнөн башка пикирлердин баарын сындап, Американын "талаптарына" жооп бербеген бардык маалыматты жок кылууга аракет кылууда. Ал эми сын жардам бербей калган учурда санкцияларды киргизип коет (мисалы, кытайлык TikTok).
"Кара схема": ички душманы АКШны соо койбой, Россияны сактап калышы мүмкүн
Чындыгында мындай жоруктар АКШнын геосаясий мүмкүнчүлүктөрүн бир топ алсыратып коет. Мисалы, Кытайды токтотуу боюнча Россияны колдонгусу келгени жана башка көптөгөн көйгөйлөрдө.
Акыркы учурда бир топ адистер Вашингтонго Москва менен прагматикалык диалогго барууну сунуштап келишет. Дал ушундай кайрылуу менен бийликке АКШнын эң көрүнүктүү 103 серепчиси ачык кат жолдогон.
Бирок депутат Сергей Железняктын айтымында, мындай оппоненттердин кайрылуусу Глобалдык кызматташуу борборунун доклады сыяктуу эле Россия-Америка диалогуна балта чаап, эки өлкөнүн ортосундагы ишенбөөчүлүк кризисин дагы бир нече жылга созуп койчудай көрүнөт.
БУУнун Коопсуздук кеңешин кеңейтүү... Тынчтыкты сактоо үчүн эмнесин калтыруу зарыл?
Быйыл Бириккен Улуттар Уюмуна 75 жыл толду. Ага мүчө-өлкөлөр бир катар жерлерин өзгөртүүнү чечишти. Дүйнө башкача боло баштады, түзүм өзгөрдү. Эмне болгон күндө да, өзгөрүү баары бир жакшы жакка алып бара турган ыңгайлуу учур. Маселен, Владимир Путин вето укугун сактоону сунуштады. Дүйнөдө туруктуулукту сактоо эмне үчүн маанилүү деген суроого төмөнкү видеодон жооп алууга болот.
Белгилер:
БУУну АКШ ыдыраткысы, Россия куткаргысы бар
(жаңыланган 17:16 24.09.2020)
Бириккен Улуттар Уюмунун Башкы Ассамблеясынын мааракелик 75-сессиясы бир топ ойго салат. Аралыктан өтүп жаткан бул иш-чарага дүйнөлүк лидерлер бул ирет аталган уюмдун Нью-Йорктогу штаб-квартирасында трибунадан эмес, видеоформат боюнча катышууда.Ушул тапта планетанын үч таасирдүү адамынын докладдары бүйүр кызытып турат. Бул боюнча Ирина Алкснистин ой толгоосу РИА Новости агенттигинин сайтына жарыяланган.
Дональд Трамптын сөзү шайлоо алдындагы иш-чаралардын бири болуп калды. Өзүнүн тышкы саясатынын эң негизги – антикытайлык багытка басым жасоо менен гана чектелбестен, Бириккен Улуттар Уюмун теңсинбей-тоготпогон мамилесин дагы бир ирет баса белгиледи.
Трамп Ак үйдө, мамлекеттик туу жана Кошмо Штаттардын президентинин желегинин фонунда кадимки басма сөз жагдайында, кеби БУУга же эл аралык аудиторияга деле даректелбегендей сүйлөдү.
Батыштын тарыхты бурмалоо аракети ишке ашып келе жатат
Америкалык лидер өз өлкөсү Бириккен Улуттар Уюмунун эң ири каржылык булагы болуп саналат, демек, ал Вашингтонго баш ийип, анын буйруктарын аткарууга милдеттүү экенин мурдатан айтып келген. Ага чейинки президенттер деле ушундай ойдо болгону шексиз. Болгону муну Трамп биринчилерден болуп ачык билдирип, ал түгүл "кулак салбаса", жазалай турганын айтып опузалаган. Ошондуктан анын бул жолку сөзүн ал шайлоо кампаниясы кызып тургандагы маселелерди чечип алуу үчүн пайдалануу мындай ыкманын алкагына сыйдырды.
Россиялык маалымат каражаттары америкалык президент кебинде бул ирет РФ боюнча таптакыр оозанбаганын белгилешти. Ал эми Кытайды кеминде эле 12 жолу атады (АКШны он гана ирет сөзүнө кошконун да кыстара кетпесек болбос).
Дал ушул бүйүр кызыткан, чырлуу Кытайга каршы маанай Трамптын БУУ жыйынындагы сөзүнүн маңызы болуп калды. Пекинди коронавирусту жайылтканы үчүн жазалоого үндөгөнү, илдетти "кытай вирусу" деп атаганы эле эмнеге татыйт десеңиз.
Вашингтон Тегеранга эмнеге кайра санкция киргизди? АКШнын жеңилүү коркунучу
Америкалык докладдын конфронтациялык мүнөзү БУУнун калыптанып калган салттарына жана жазылбаган мыйзамдарына каршы келери белгиленди. Бирок Пекин мындай демаршты күткөндөй. Америкалык президенттин жамандоосунан соң дароо кытай өкүлүнүн катуу жообу угулду.
Си Цзиньпиндин сөзү учурдун эң курч көйгөйлөрүнө (биринчи кезекте, албетте, COVID-19 менен күрөшкө) арналды.
Болгон айырмасы – Кытай Эл Республикасынын лидери Улуу Кытай чебинин жана кытай табиятынын каардуу кооздуктары чагылдырылган фондо туруп сүйлөдү. Бул Си Цзиньпин аркасында кандай гана тышкы коркунуч болбосун, туруштук берүүгө даяр эбегейсиз эзелки өлкө турарын туюндурат.
Америкалык жана кытайлык кесиптештеринин сөздөрүнөн кескин айырмалана россиялык президент аталган уюмдун салтынан тайбады. Владимир Путин БУУнун жыйыны экенин белгилеген фондун алдында, чагыбыздын фундаменталдык көйгөйлөрүнүн кеңири спектрине токтолду.
НАТОну соода менен алмаштырып алды. Россия эмнеге "Чоң жетиликти" каалабай турат
Ал түгүл эл аралык иш-чараларга катышуудагы россиялык лидердин өзгөчөлүгү да сакталды, телесуфлерду пайдаланбастан, кагаздан окуду.
Путин планетадагы стратегиялык туруктуулукту колдоодогу БУУнун ролу, тарыхты бурмалоого жол бербөө, куралданууну көзөмөлдөөнү сактоонун зарылдыгы, анан, албетте, коронавирус эпидемиясына каршы күрөштөгү жамааттык эл аралык аракеттердин маанилүүлүгү жана пандемиянын социалдык-экономикалык кесепеттери жөнүндө сүйлөдү. Бул маңызы боюнча да, формасы жагынан да дүйнөнүн кезектеги башаламан доорго көчүп баратканын четтен карап турбастан, анын эң кооптуу натыйжасына жол бербөө үчүн колунан келгендин баарын жасаган өлкөнүн мамлекеттик ишмердин кеби эле.
Путин 75 жылдан берки эл аралык кызматташтык, диалог жана өз ара түшүнүү тутуму үчүн өткөн жолу оор кун төлөнгөнүн дагы бир ирет эске салды. Ага эң башкы үлүшүн кошкон Россия планета ар качан таяна алган нормалдуулук жана жүйөлүү маанинин аралчасы бойдон акырына дейре кала бермекчи.
Жаңжал, жаза, акыркы тизме. Шайлоонун кызыган учурундагы окуялар
(жаңыланган 20:23 24.09.2020)
Жогорку Кеңештин депутаттарын канча адам шайлай алары белгилүү болду. Массалык мушташка жооптуу талапкерлер жарыштан четтетилди.БИШКЕК, 24-сен. — Sputnik. Бүгүн Борбордук шайлоо комиссиясынын төрайымы жана башкы прокурор менен ички иштер министринин орун басарлары маалымат жыйын өткөрүштү. Анда алдыдагы парламенттик шайлоону уюштуруу жана даярдыктары тууралуу маалымат беришти.
Sputnik Кыргызстан агенттиги жыйында айтылган маанилүү билдирүүлөрдүн топтомун сунуштайт.
Шайлоо учурундагы коопсуздук талкууланды. Жээнбеков УКМК төрагасын онлайн кабыл алды
- Шайлоочулардын акыркы тизмеси жарыяланып, 3 миллион 523 миң 532 кыргызстандык катталды. Бул 2015-жылдагы парламенттик шайлоого салыштырмалуу 762 735 адамга көп же 27,6 пайызга өсүш болду;
- Убактылуу жашаган жеринен добуш берүү үчүн 488 873 шайлоочу №2 формасын алды;
- Чет өлкөдө жүргөн 32 582 мигрант ЖК депутаттарын шайлоого катыша алат. 2015-жылы 15 312 гана кыргызстандык добуш берүүгө укук алган;
- Документтерди кароо учурунда ар кайсы партиядан 42 талапкер шайлоого катышуу укугунан ажыратылды;
- Жалпы жонунан 2 475 шайлоо участкасы ачылды. Анын ичинен 45и чет өлкөдөгү дипломатиялык өкүлчүлүктөрдө;
- Шайлоо өнөктүгү маалында 128 мыйзам бузуу катталып, прокуратура тергеп жатат. Анын 82си Жазык кодекси, 46сы Жоруктар кодекси менен каралууда;
- Башкы прокуратура административдик ресурсту колдонуу боюнча 11 фактыны иликтеп жатат. Азырынча эч бир мамлекеттик кызматкерге чара колдонула элек;
- Шайлоочулардын добушун сатып алуу беренеси менен 40 кылмыш иши козголду;
- Араванда үгүт учурунда массалык мушташты тутандырган деп алты адам айыпталууда. Учурда анын бешөө тергөө абагына киргизилген, бирөө ооруканада жатканына байланыштуу баш коргоо чарасы тандала элек. Жалпысынан тогуз адам ооруканада жатат;
- Шайлоо күнү өлкөдө коомдук коопсуздукту камсыздоо жана шайлоо участкаларын кайтаруу үчүн 11 507 милиция кызматкери тартылат;
- 27-сентябрдан тарта Ички иштер министрлиги күчөтүлгөн тартипте иштөөгө өтөт;
- ИИМ шайлоо тартиптерин бузуу боюнча 236 фактыны Кылмыш жана жоруктардын бирдиктүү реестрине каттады;
- 24-сентябрда кечки саат 17:00дө БШКнын отуруму болуп, Аравандагы массалык мушташ боюнча маселе каралды. Натыйжада жаңжалга жооптуу "Мекеним Кыргызстан" партиясынан талапкер Илхам Маннанов жана "Биримдиктин" талапкери Шүкүрулло Файзуллаев жарыштан четтетилди.