Белорусские правоохранительные органы задерживают мужчин во время митинга сторонников оппозиции после президентских выборов в Минске, Беларусь, 10 августа 2020 года.

Беларуста митинг токтобой, эл күч менен таркатылып жатат. Видео

255
(жаңыланган 09:42 11.08.2020)
9-август күнү Беларуста президенттик шайлоо болуп, ал аяктаары менен нааразычылык акциясы башталган. Күндүз басылып калган акция кечинде кайра уланды.

БИШКЕК, 11-авг. — Sputnik. Беларуста президенттик шайлоодон кийинки акциялар дагы деле токтобой, күч түзүмдөрү элди таркатуу аракетинде. Соңку маалыматтар менен Sputnik Беларустун Telegram каналы бөлүшүүдө.

Бүгүн Минскиден ОМОН жоокерлери тарабынан 30дан ашуун киши кармалганы айтылат. Кечээ түнү үч миңдей киши жоопко тартылган.

Ал арада ИИМ башчысы Юрий Караев элди тынчтандырууга күч менен каражат жете турганын билдирди. Учурда күч түзүмдөрү кулак тундуруучу гранаталарды колдонуп жатышат.

Лукашенко: митингге чыккандарды чет мамлекеттен туруп көзөмөлдөшкөн

Эске салсак, 9-августта Беларуста мамлекет башчыны тандашты. Анда Александр Лукашенко 80,23 пайыз менен атаандаштарын жеңип алды. Шайлоонун алдын ала жыйынтыгына нааразы болгон жүздөгөн адам Минск шаарынын борборун көздөй агылган. Митинг кечке жуук кайра күчөгөн.

 

255
Белгилер:
нааразычылык акциясы, президент, шайлоо, Беларусь
Тема:
Беларустагы нааразылык акциялары (32)
Тема боюнча
Жээнбеков Лукашенкону кайрадан президент болуп шайланышы менен куттуктады
Лукашенко: митингге чыккандарды чет мамлекеттен туруп көзөмөлдөшкөн
Лукашенко Данияр Үсөновго окшош киши менен жолукту. Сүрөт
Место крушения самолета Ан-26 под Харьковом.

Украинада кулаган учактан аман калган курсант окуя кандай болгонун айтып берди

76
(жаңыланган 11:05 01.10.2020)
Золочевскийдин айтымында, учак кулагандан кийин аны учуучу аппараттын корпусу басып калып, курсант акыл-эсин жоготуп койгон.

БИШКЕК, 1-окт. — Sputnik. Украинадагы учак кырсыгынан жалгыз аман калган курсант Вячеслав Золочевский окуя кандай болгонун айтып берди. Бул тууралуу "Известия" басылмасы жазды. 

Эске салсак, 25-сентябрь күнү кечинде Украинанын Харьков облусунда аскер учагы кулаган. Борттогу 27 кишинин ичинен бир гана адам тирүү калган.

Курсант учурда ооруканада. Бирок Мамлекеттик иликтөө бюросунун тергөөчүлөрү аны суракка алып, окуя тууралуу көрсөтмө берүүсүн өтүнүшкөн.

Кулаган учактан аман калган курсанттын атасы: мен дагы үч жолу кырсыктагам

Золочевскийдин айтымында, учак кулагандан кийин аны учуучу аппараттын корпусу басып калып, курсант акыл-эсин жоготуп койгон. Качан өзүнө келгенде, күйүп жаткан учак калдыктарынын алдынан чыгып жолдош баласы Виталий Вильховомго жардам берүүгө аракет кылган.

Золочевский учак кулаардын алдында учкучтар кабинасынын жанында отурганын кошумчалаган.

"Алдыңкы катарда эле отургам. Бир убакта учак бир капталга дароо кыйшайып, анан мен учуп кетип, башым менен түштүм. Андан кийин эсимди жоготуп коюптурмун", — деди Золочевский.

Мамлекеттик иликтөө бюро башкармалыгынын жетекчиси Ярослав Лёшенко билдиргендей, Золоческийдин берген көрсөтмөлөрү сөөктөрдү идентификациялоо процедурасын жеңилдетет.

Курсант учак кырсыгынын алдында эмне болгондугу тууралуу башка да көрсөтмөлөрдү берген. Бирок аларды тергөөчүлөр азырынча жалпыга маалымдай элек.

76
Белгилер:
окуя, курсант, авиакырсык, учак, Украина
Тема боюнча
Иран бийлиги Украинанын кыйраган учагынын иликтөөсү эмне болгонун айтты
Украинада аскер учагы кулады. 23 адамдын өмүрүн алган кырсыктын видеосу
Армениянын аскери артиллериялык замбиректен атууда. Карабах

Карабахтагы абал жана учкучсуздарды пайдалануунун "сириялык" тажрыйбасы

56
(жаңыланган 10:56 01.10.2020)
Тоолуу Карабахтагы эки тараптын куралдануусунун технологиялык деңгээли кыйла өскөнүн, Азербайжан жана Армениянын күчтөрүн, ошондой эле "сириялык" тажрыйбаны эске алганда сокку уруучу учкучсуз аппараттар активдүү пайдаланылып жатканын көрсөтүүдө.

Мыйзам ченемдүү түрдө бул күч жана техникалык жоготуулардын өсүшүнө да алып келерин белгилейт саясий баяндамачы Александр Хроленко.

Тоолуу Карабахтагы каны дале кургай элек окуялар оор куралдарды пайдалануу менен кайрадан ырбап отурат. Согуштук аракеттер бул ирет абада айланган Азербайжан менен Армениянын абадан чалгындоо жана сокку уруучу учкучсуз учуучу аппараттары согуш талаасынан түз алып көрсөтүп жаткан тасмалар менен коштолууда.

Тоолуу Карабах: дүйнө бул чатакка кандай карап, ким отко май чачып жатат. Видео

Армениянын аскердик мекемесинин маалыматы боюнча, азербайжандык күчтөр 29-сентябрда армян аймагындагы Варденис калаасында жайгашкан аскердик бөлүккө Түркияда өндүрүлгөн учкучсуз аппаратты пайдалануу менен абадан сокку урган. Мурдараак, Азербайжандын Коргоо министрлиги Армениянын куралдуу күчтөрү Карабах менен чектешкен жердеги калктуу пункттарды аткылашканын жарыялаган.

Позициялык салгылашуу уланып, каршылаштар даректүү сокку урууда. Салыштырмалуу түрдө согуштук аракеттердин "сыпайылыгын" жаңжал тутанган жерде качкындардын агымы катталбаганы да кыйыр түрдө айгинелеп турат.

"Кызыган" асман

Азыркы тапта эксперттик коомчулук Азербайжан Республикасынын жана Армения Республикасынын аскердик мекемелердин расмий маалыматтарына гана таянууга тийиш. Карабахтын күчтөрү эмитен эле 49 азербайжандык учкучсуз учуучу аппаратын атып түшүргөнүн, өз кезегинде армян армиясы ушундай эле 18 аппаратынан ажыраганы айтылууда.

БУУнун Коопсуздук кеңеши Карабахтагы эрегиш боюнча билдирүү жасады

Менимче, кабарларда бул сандар көбүртүлүп жаткандай. Салыштырсак, өткөн он жылдык аралыгында Тоолуу Карабахта болгону жыйырма чакты азербайжандык жана армениялык учкучсуз аппарат атып түшүрүлгөн. Анткен менен аймакта учкучсуздардын согушу – чындык. Сириялык тажрыйба көрсөтүп тургандай, азыркы куралдуу кагылыштарда учкучсуз комплекстердин мааниси тынымсыз жогорулап турат.

Согуштук аракеттердин стратегиясы жана тактикасын келечекте көбүнесе жасалма интеллект орнотулган, чалгындоочу жана сокку уруучу жабдуулар менен жабдылган, буталарын жүз жана миң чакырым аралыктан таап чыкчу автономдук учуучу аппараттарды пайдалануу технологиялары аныктайт.

Учкучсуз учуучу аппараттардын күчү менен согуштук аракеттер жүрүп жаткан аймактардын баары күнү-түнү көзөмөлгө алынууда. Карабах тирешинде Баку көбүнесе Израилде чыгарылган учкучсуздарды, атап айтканда, Aerostar, Hermes, Heron жана Harop аппараттарын колдонууда. Алар 50 килограммга чейин жүк ташып, 250 чакырымга чейинки аралыкка уча алышат.

Мындай аппараттар чалгындоо, окту корректировкалоо жана душмандын тирүү күчтөрү, сооттолгон жеңил техникалары менен күрөш үчүн тескөөчү курал катары пайдаланылат. Учкучсуз аппараттар кымбат, абадан коргонуу каражаттарынын "көзүнө" да илинип калат.

Мисалга, Hermes 20 миллион доллар турат, бирок бутасына бараткан жолдо атып түшүрүлүшү мүмкүн. Чыгымдарды азайтуу үчүн Азербайжан "Зарба" аталган өзү из салуучу, күзөтүүчү куралды лицензиялык чыгарууну уюштурган (Израилдик Aeronautics Defense Systems компаниясынын "Орбитер-1К" учкучсуз камикадзенин бир түрү. Көзгө көрүнгөн жана инфракызыл диапазондогу байкоо салуунун оптикалык-электрондук тутуму бар).

Армения менен Азербайжандын башчылары телеэфирде катуу билдирүү жасашты

Анчалык каражаттарга ээлик кылбаган Ереван өзүнүн коргонуу өнөр жайынын мүмкүнчүлүктөрүнө таянууда. Армения жүк көтөрүмдүүлүгү 20 кг дейре, 150 чакырымга чейинки аралыкка уча алган "Крунк" өңдүү чалгындоочу жана сокку уруучу жеңил учкучсуздарды, андан сырткары, наркы анчалык жогору эмес, тоолуу аймактарда натыйжалуу, өтө чакан "Базе" (эки килограммга чейинки кумулятивдик ок-дарысы бар "камикадзе") учкучсуз аппараттарды чыгарып, азыр колдонууда. Армениялык армиянын учкучсуздарынын 95 пайызы ата мекендик өндүрүшүнө таандык.

Түштүк Кавказ туруктуу дүйнө үчүн "ысык" жана улам саны артып бараткан жогорку технологиялык курал үчүн тыгыз бойдон калууда. Согуш талаасында тегиз үстөмдүк кылган тарап азырынча байкалбайт.

56
Белгилер:
курал, Жаңжал, согуш, Азербайжан, Армения, Тоолуу Карабах
Тема:
Тоолуу Карабахтагы жаңжал
Тема боюнча
Карабах чыры. Азербайжандык MMA мушкери армияга чакырылды
Тоолуу Карабах: дүйнө бул чатакка кандай карап, ким отко май чачып жатат. Видео
БУУнун Коопсуздук кеңеши Карабахтагы эрегиш боюнча билдирүү жасады
Дарыгер-психиатр Музурхат Курманалиев

Курманалиев: өлкөдө Альцгеймер дарты менен ооруган 300дөй киши каттоодо

0
Дарыгер-психиатр Музурхат Курманалиев көргөзмөлөргө барып, сүрөт тартып, токуп же жөн эле сейилдесе оорунун белигилери анча байкалбай деле каларын айтты.
Курманалиев: өлкөдө Альцгеймер дарты менен ооруган 300дөй киши каттоодо

Альцгеймер оорусуна чалдыккан адамдарга вагабандаж жана плюшкин синдромдору мүнөздүү. Алар түйүнчөгүн чогултуп бир жака кете тургандай камданып жана сырттан болгон керексиз эски-уску буюмдарды алып келип топтой беришет. Бул тууралуу Музурхат Курманалиев Sputnik Кыргызстан радиосунун эфиринде маек куруп жатып билдирди.

Жай кыймылдаган адамдардын өмүрү кыскабы? Окумуштуулардын жообу

Анын айтымында, Альцгеймер оорусун адамдар бири-бирине жумшак, сый мамиле жасап алдын алса болот.

"Республика боюнча Альцгеймер дартына кабылган 300дөн ашык киши каттоодо турат. Бирок бул сандар айсбергдин учу эле. Туугандары маани бербеген же ооруганын билип туруп кайрылбаган адамдар көп. Өзгөчө айыл жергесинде жашаган карылар ансыз деле үйдөн чыкпайт. Аларга балдары кийим, тамагын даярдап берип, пенсиясын алып келип беришет. Ошону менен бирге ата-энесинин ооруп калганын айткандан уялгандар да бар. Качан гана кийимин кие албай, таза эле өзүн алып жүрө албай калганда ооруканага кайрылышат. Негизи адам баласы бири-бирине жумшак, мээрим менен мамиле кылса, толеранттуу болсо Альцгеймерге кабылган адамдын оорусунун белгилери анча деле билинбей калат. "Сыр аяктын сыры кетсе да сыны кетпейт" дегендей, эгер адам мурда жумшак, сөзгө көнгөн адам болсо, ооруп калгандан кийин деле андан да жумшак болуп калат. Себеби альцгеймердин негизги белгиси мүнөздүн курчушу болуп жатпайбы. Эгер ооруган адамга жакшы мамиле жасаса, ал деле ошондой жооп алат. Мындайча айтканда, альтруисттик мамилени күчөтүү керек. Бул адамдар жаш баладан да таарынчаак болуп калат", — деди Курманалиев.

Дарыгер-психиатр Альцгеймер оорусун дарылап айыктыруу, ооруну кечеңдетүү мүмкүн эместигин кошумчалады.

0
Белгилер:
психикалык абал, илдет, Альцгеймер оорусу
Тема боюнча
Алжыбай жашоонун эң жөнөкөй жолу айтылды