Беткапчан кыз коронавирустун иллюстрациянын фонунда өтүп баратат. Архивдик сүрөт

Шахтёрлор ооруп... Окумуштуулар COVID 2012-жылы эле чыкканын болжошууда

433
(жаңыланган 18:09 17.08.2020)
Алты кытайлык кен казуучу шахтаны жарганаттын кыгынан тазалагандан кийин коронавирустун симптомдору менен ооруп калышкан.

БИШКЕК, 17-авг. — Sputnik. Коронавирустун жаңы COVID-19 деп аталган түрү 2012-жылы кытай шахтасында пайда болушу мүмкүн. Бул туурасында The Sun британиялык гезити жазып чыкты. 

Маалыматка ылайык, ошол кезде Юньнань провинциясынан алты кытайлык кен казуучу эки жумадай шахтаны жарганаттын кыгынан тазалагандан кийин ооруп калышкан. Аларды дарылаган медиктер бейтаптардан COVID-19 жаңы коронавирусуна мүнөздүү белгилерди, тагыраак айтканда, өпкөнүн сезгениши, кургак жөтөл, кол-буттардын оорушу жана дене табынын көтөрүлгөнүн каттаган.

Коронавирус жуктурган биринчи адам ким экени жарыяланды

Кийинчерээк тоо кенчилердин анализдеринин үлгүсү Ухандагы лабораторияга изилдөөгө жөнөтүлгөн. Жергиликтүү адистер бардык бейтаптар атиптүү пневмонияга окшош коронавируска чалдыкканын аныкташкан. Мындан улам, окумуштуулардын пикиринде, COVID-19 адамдын организмине эбак эле көнүп калышы толук ыктымал.

433
Белгилер:
жарганат, Окумуштуулар, оору, шахта, коронавирус, Кытай
Тема:
Дүйнөгө жайылган коронавирус (1100)
Тема боюнча
Коронавирус менен грипптин эң негизги айырмачылыгы айтылды
ЖМК: коронавирусту биринчи жуктурган адам Ухандагы лабораторияда иштеген
Тышкы иштер министри Руслан Казакбаев. Архив

Тышкы иштер министри Руслан Казакбаев Россияга барды

146
(жаңыланган 14:26 22.10.2020)
Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

БИШКЕК, 22-окт. — Sputnik. Кыргызстандын тышкы иштер министри Руслан Казакбаев бүгүн, 22-октябрда, Россия Федерациясына барды. Бул тууралуу өлкөнүн РФтеги элчилигинен билдиришти.

Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

Алдыдагы сүйлөшүүлөрдө саясий, соода-экономикалык жана маданий-гуманитардык чөйрөлөрдөгү, ошондой эле эки тараптуу кызыкчылыкты көздөгөн маселелер талкууланат.

Мындан тышкары, кыргыз-орус кызматташтыгынын күн тартибиндеги маселелерди кароо пландаштырылууда.

Буга чейин Казакбаев Россияга эки күндүк иш сапары менен барары айтылган болчу

146
Белгилер:
Сергей Лавров, жолугушуу, Руслан Казакбаев, Кыргызстан, Россия
Тема боюнча
Россия биздин ишенимдүү өнөктөш. Садыр Жапаров элчи менен жолукту
Рим папасы Франциск. Архив

Рим папасы Франциск бир жыныстуу никени мыйзамдаштырып берүүгө чакырууда

95
(жаңыланган 12:39 22.10.2020)
Дин өкүлүнүн айтымында, ЛГБТ коомчулугундагы адамдарды дагы Кудай жараткан жана алар үй-бүлөлүү болууга укуктуу. Демек, бул нерсени мыйзам деңгээлинде ишке ашыруу керек.

БИШКЕК, 22-окт. — Sputnik. Рим папасы Франциск бир жыныстагы адамдарга мыйзамдуу түрдө никеге турууга уруксат берүү керектигин айтып чыкты. Бул тууралуу The Washington Post басылмасы жазды.

Анын айтымында, ЛГБТ коомчулугундагы адамдарды дагы Кудай жараткан жана алар үй-бүлөлүү болууга укуктуу. Андыктан бул нерсени мыйзам деңгээлинде ишке ашыруу зарыл.

"Бул үчүн бир дагы адам коомдон куулуп же бактысыз болбошу керек. Биз бул дүйнөгө душмандашуу үчүн эмес, үй-бүлөлүү болуу үчүн келгенбиз", — деди Рим папасы.

Эске салсак, ал башынан эле бир жыныстагы адамдардын баш кошуусун колдоп келет.

95
Белгилер:
мыйзам, нике, үй-бүлө, Рим папасы Франциск
Тема боюнча
Рим папасы төшөк кумары тууралуу оюн билдирип, аны башкача баалады
Добуш берип жаткан адам. Архив

Шайлоо босогосун азайтуу мыйзам долбоорун ЖК комитети үч окууда жактырды

0
Маселе комитеттен кийин Жогорку Кеңештин жалпы жыйынында талкууланмак. Бирок саат 14:00дөн бери кворум жок жыйын башталбай жатат.

БИШКЕК, 22-окт. — Sputnik. Конституциялык мыйзамдар, сот-укуктук маселелер жана Жогорку Кеңештин регламенти боюнча комитет шайлоо мыйзамдарына өзгөртүү киргизүү боюнча мыйзам долбоорун үч окууда жактырды.

Белгилей кетсек, аталган демилге кечээ, 21-октябрда, парламентте биринчи окуудан өткөн. Бүгүн комитетте дароо экинчи жана үчүнчү окууда каралып колдоо тапты.

Андан соң Жогорку Кеңештин жалпы жыйынында талкууланмак. Бирок саат 14:00дөн бери кворум жок жыйын башталбай жатат. Бул конституциялык мыйзам болгондуктан кабыл алуу үчүн кеминде 80 депутат добуш бериши керек.

ЖК комитети эки шайлоонун мөөнөтүн жылдыруу мыйзам долбоорун колдоду

Эгер сунушталган мыйзам күчүнө кирсе:

  • парламенттик шайлоонун күрөөсү 5 миллион сомдон 1 миллион сомго түшүрүлөт;
  • босого чеги 7 пайыздан 3 пайызга төмөндөтүлөт;
  • шайлоо участкасын алмаштырууга шарт түзгөн №2 форма жокко чыгарылат. Анын жолу татаалдаштырылат;
  • шайлоого катышууга ниети бар мамлекеттик жана муниципалдык кызматкерлер жумуштан убактылуу гана четтетилбей, толугу менен ишинен бошотулат.
0
Белгилер:
колдоо, комитет, мыйзам долбоору, шайлоо
Тема:
Жогорку Кеңешке боло турган кайра шайлоо
Тема боюнча
Шайлоолордун мөөнөтүн жылдырууну кайсы депутаттар демилгеледи. Тизме
Эки шайлоонун мөөнөтү жылып, Конституция өзгөрүшү мүмкүн. Жаңы сунуш