Танктарды колдоочу аскердик машина “Тайфун-ВДВ”. Архив

Эл аралык "Армия-2020" форуму. Россия, Казакстан, Беларустун экспозициялары

145
(жаңыланган 18:13 20.08.2020)
Эл аралык аскерий-техникалык форум "Армия-2020" пандемия жана глобалдуу аскердик-саясий олку-солкулуктун шартында дүйнөлүк коргонуу өнөр жай жаатындагы эң биринчи ири көргөзмө болот.

Үстүбүздөгү жылдын 23-29-август күндөрү Армения менен Россиянын бир катар аймактарында өтө турган иш-чарада 1 500дөй компания курал-жарак менен техниканын 28 миңден ашуун түрүн көрсөтмөкчү.

Форумга 72 өлкө катышарын билдирди. Армения, Беларусь, Бразилия, Вьетнам, Иран, Казакстан, Ливан, Руанда, Борбордук Африка республикасы жана Түштүк Осетиядан жогорку деңгээлдеги делегация келет. Ал эми Беларусь, Бразилия, Индия, Казакстан менен Пакистан улуттук экспозициясын алып чыгары айтылды.

Иш-чара 23-августта "Патриот" көргөзмө борборунда ачылып, 24-26-август күндөрү адистер иштесе, 27-29-августта көрүүчүлөр үчүн эшигин ачат.

Негизги көргөзмө аянтчалары болуп "Патриот" паркы, Кубинка аэродрому, "Алабино" жана "Ашулук" полигондору кызмат кылат. Бирок курал-жарак жана аскердик техниканын экспозициясы Россиянын Түндүк флотунун аскердик округдарында да жайгашат.

"Армата" экспортко чыгат: россиялык жаңы Т-14 танкын биринчи ким алат?

Былтыркыга салыштырмалуу экспозиция 60 миң чарчы метр аянтка кеңейип, жалпы жонунан 320 миң чарчы метрди түзөт. Санкт-Петербургдан Владивостокко, Сереморскиден Севастополго чейин жайгашкан 47 аянтча болот.

Форумдун илимий-ишкердик программасына 170 иш-чара камтылган.

Беларусь менен Казакстандын экспозициялары

Быйыл өз продукциясын Казакстан менен Беларусь гана көрсөтөт.

Санитардык-эпидемиологиялык чараларга өзгөчө көңүл бурулмакчы. "Армия-2020" форумунун аймагы коронавирустан таза деп табылганы менен учурдагы кырдаал көргөзмөгө даярдыкты алсыратып, чет мамлекеттердин активдүүлүгүн басаңдатып койду. Былтыр иш-чарага 120 өлкө катышып, 10 улуттук экспозиция коюлган.

Беларусь республикасы улуттук коргонуу өнөр жайынын продукциясын — электроника, оптика, пилотсуз учуучу аппараттарын алып чыгат. Москва аянтчасы бизнести кеңейтүүгө келечектүү деп эсептелет, ал эми августтагы өлкө ичиндеги олку-солкулук "Белспецвнештехника" компаниясы бириктирген катышуучуларга кедергисин тийгизбейт.

Россиянын жаңы флоту: бир күндө дароо алты кеменин курулушу башталат

Былтыр аталган форумга 15 ишкана катышса, быйыл алардын саны 20га жетти. Аталган компаниялар аскерий багыттагы продукциясын, 122 мм калибрлүү “Шквал” аскер машинасы менен Р-443О спутник байланыш станциясынын, МЗКТ-490101-010 жеңил сооттолгон автоунаанын макетин эл назарына коймокчу. Беларусь жыл сайын 1,5 миллиард долларга чейин курал-жарак жана аскердик техника экспорттойт. Анын басымдуу бөлүгү Россияга жөнөтүлөт.

Ал эми Казакстандын активдүүлүгү жылдан жылга өсүп, республика россиялык өнөктөштөрү менен кызматташуусун бекемдеп келе жатат. Былтыр ар кыл адистиктеги 10 ишкана катышкан. Быйыл өлкө “Семипалатинск машина куруу заводунун” модификацияланган каз таман сүйрөөчү тракторун, “Киров атындагы заводдун” корголгон ноутбук менен планшеттерин, “Семей инжиниринг” ишканасынын сооттолгон техниканы модернизациялоо жана капиталдык ремонттон өткөрүү кызматтарын сунуштайт. Ал эми “Казакстан инжиниринг” компаниясынын туунду структурасы болгон “Тыныс” заводу авиациялык буюмдардын үлгүсүн, күч структуралары үчүн жеке коргоочу каражаттарды даярдап келет.

Россиялык коллекция

РФ Коргоо министрлиги курал-жарактын, аскерий жана атайын техниканын 370 түрүнүн сериялык үлгүсүн көрсөтөт. Анын арасында аналогу жок Т-14 аскердик танкы, “Армата” платформасындагы Т-15 аскердик машинасы, танктарды колдоочу аскердик машиналар, “Тайфун-ВДВ” автоунаасынын базасында жасалган өзү жүрүүчү “Дрок” миномёту, абадан коргонуучу орточо ыраактагы “Бук-М3” комплекси, "Деривация-ПВО" 2С38 зениттин артиллериялык комплекси, модернизацияланган Т-90М жана Т-80БВМ танктары бар.

Мындан тышкары, келгендер россиялык танк куруунун 100 жылдыгына арналган “Танкпром аллеясынын” көргөзмөсү менен да тааныша алышат. 22 танк жана сооттолгон автоунаа “Патриот” паркына коюлуп, биринчи жолу эл сынынан өтмөкчү.

Өзгөчөлүктөр

“Армия-2020” форуму көп кызык менен коштолору айтылууда: ачык аянттагы экспозициялар, Улуу Ата Мекендик Согуштагы Жеңиштин 75 жылдыгына арналган иш-чаралар камтылган.

Мындан тышкары, көрүүчүлөр "Русские витязи", "Стрижи", "Беркуты" топторунун авиашоусуна күбө боло алышат. Быйыл "Стрижи" биринчи жолу тогуз экипаждын катышуусу менен асманга көтөрүлмөкчү.

“Патриот” паркынын көргөзмө борборунун аймагында учкучсуз авиациянын мүмкүнчүлүктөрү көрсөтүлөт. Мында “Триумф” системасы, радиолокациялык “Подлет” станциясы, “Панцирь-С1 зениттик ракета-замбирек комплексинин машинасы, учкучсуз чалгын самолету “Рейс” Ту-143 , аралыктан башкарылуучу “Пчела” учуучу аппараты менен таанышууга болот. Мындан тышкары, Ми-25М, Ми-25П, Ми-171Ш жана Ка-226 тик учактарына күбө боло алышат.

Кургакта да, сууда да… Россиялык флот Бе-200 амфибиялык учагына ээ болду

“Армия” форумунун аскерий-техникалык кызматташуу жаатында дүйнө боюнча аналогу жок. Анын кенен чабыты “Алабино” полигонунда, Комсомол көлүндө жана Кубинка аэродромунда көрсөтүлөт. Иш-чарага чет элдик, өзгөчө америкалык The National Interest басылмасынын кызыгуусу да мыйзам ченемдүү нерсе.

Баары 2015-жылы беш мамлекет — Армения, Беларусь, Казакстан, Пакистан жана Малайзиядан башталган. 2017-жылы Кытай, Түштүк Африка жана Малайзиянын ордуна Словакия катышкан. Кийинки жылы Түркия, 2019-жылы Азербайжан менен Таиланд кошулду. 2016-жылы 58 ишкана менен холдинг ишмердиги менен тааныштырса, 2017-жылы — 78, кийинки жылы 84, ал эми 2019-жылы 100 чет элдик компания катышкан.

145
Белгилер:
форум, армия, курал-жарак, техника, комплекс, танк, учак, ракета
Тема боюнча
Мээлегенин алып түшкөн "Прометей". Бутасын 550 чакырымдан кыйратчу жаңы ракета

Белгилүү боксчу көз караштар таймашында атаандашынын бетин тытып алды. Видео

98
(жаңыланган 12:31 23.09.2021)
Бул 6-ноябрь күнү Лас-Вегаста (АКШ) өтө турган беттешке карата уюштурулган биринчи маалымат жыйын болгон.

БИШКЕК, 23-сен. — Sputnik. Мексикалык боксчу, WBA, WBC жана WBO чемпиону Сауль (Канело) Альварес америкалык IBF титулунун ээси, супер орточо салмактагы Калеб Планттин бетин тытып алды. Бул туурасында ESPN телеканалы жазды.

Белгилүү мушкерлердин жаңжалы көз караштар таймашы учурунда чыккан. Алгач алар айтыша кетип, андан соң мексикалык боксчу америкалык атаандашын түртүп жиберген. Ага жооп катары кайтып келип алаканы менен чапкан. Аларды күзөтчүлөр арачалап, токтотуп калган. Натыйжада Альварестин бетинин оң тарабы тытылып кеткен.

"Сен мен тууралуу оозуңа келгендин баарын айтсаң да, апама тийишпе. Мен апам тууралуу жаман нерсе айткан кишинин ар бири менен мушташам", — деп айткан Альварес жаңжалдан кийин журналисттердин суроосуна жооп берип жатып.

Бул 6-ноябрда Лас-Вегаста (АКШ) өтө турган беттешке карата уюштурулган биринчи маалымат жыйын болгон. Ал күнү супер орточо салмак категориясындагы абсолюттук чемпион аныкталат.

98
Белгилер:
бокс, көз караштар таймашы, атаандаштык, мушташ
Тема боюнча
"Нокауттардын ханышасы". Шевченко UFC уюмун кантип багындырган. Видео
Жаракат алгандары бар... Казакстанда спортчулар чабыша кеткен видео
Россиянын Кыргызстандагы элчиси Николай Удовиченко. Архив

Россиянын элчиси мекендештери менен тыгыз иштешкен кыргыз бийлигин үлгү кылды

78
(жаңыланган 11:54 23.09.2021)
РФтин элчиси Удовиченко кыргыз бийлиги мекендештердин коомдук кыймылы менен кызматташуу аркылуу дайыма бир нерсеге ыкчам реакция кыларын айткан.

БИШКЕК, 23-сен. — Sputnik. Россиянын Кыргызстандагы элчиси Николай Удовиченко мекендештери менен тыгыз иштешкен кыргыз бийлигин үлгү кылды.

Удовиченко Бишкекте Жакынкы Чыгыш өлкөлөрүндөгү россиялыктар уюштурган аймактык жаштар конференциясында сөз сүйлөгөн.

Элчи көбөйүп, өсүп жаткан көйгөйлөр мекендештер менен кызматташууну кантип күчөтүш керек деген маселени ойлонууга мажбур кылып жатканын белгиледи.

"Кыргыз бийлигин мисал катары айткым келет. Алар мекендештердин коомдук кыймылы менен кызматташуу аркылуу дайыма бир нерсеге ыкчам реакция кылышат", — деген Удовиченко.

Ал белгилегендей, конференцияга Кыргызстандын президенттик администрациясынын өкүлүнүн катышып жатканы кыргыз бийлигинин Россиянын элчилиги, Россотрудничествонун өкүлчүлүгү жана мекендештер менен тыгыз кызматташууга даярдыгын тастыктайт.

78
Белгилер:
Россия, Кыргызстан, Николай Удовиченко, элчи, мекендештер, кызматташуу
Тема боюнча
Мамытов: пандемия учурунда мигранттар бири-бирин жакшы колдоду
Канттагы аскер базасы көп балалуу жалгыз бой энеге жардам берди. Сүрөт
Бүткүл дүйнөлүк жаш мекендештер оюндарынын жеңүүчүлөрүн сыйлоо аземи. Архив

Мекендештер оюндарында кыргызстандыктар алдыңкы орундарды ээлешет

0
"Росскызматташтык" уюмунун башчысынын кеңешчиси аталган мекеме жаштар менен кандай иштерди алып барганын белгиледи. Тактап айтканда, ал Кыргызстандан барган катышуучулардын спорттук ийгиликтери тууралуу айтып берди.

БИШКЕК, 23-сен. — Sputnik. "Росскызматташтык" уюмунун башчысынын кеңешчиси Дмитрий Федотов "Бүткүл дүйнөлүк жаш мекендештер оюндары" мелдешинде Кыргызстандын спортчуларынын ийгиликтери тууралуу айтып берди.

Ал жакынкы чет өлкөлөрдөн келишкен россиялык мекендештердин аймактык жаштар конференциясында сөз сүйлөдү.

Федотов белгилегендей, жаштар менен иштөөгө өзгөчө көңүл бурулуп келет, тогуз жаштан баштап бардык курактагы топтор камтылган.

"Бизде кичинекей балдар үчүн "Бүткүл дүйнөлүк жаш мекендештер оюндары" сыяктуу чоң программа бар. Ал мелдешке ар кайсы өлкөлөрдүн балдары күчүн сыноо үчүн келишет. Кечээ "Русский дом" мекемесине кирип, Кыргызстан дээрлик дайыма биринчи орунду алып келгенин көрдүм", — деген ал.

Ырасында, анын "дайыма" деген сөзүн көпчүлүк учурда деп оңдошкон.

0
Белгилер:
мелдеш, орун, спорт, Кыргызстан, Россия
Тема боюнча
Россиянын элчиси мекендештери менен тыгыз иштешкен кыргыз бийлигин үлгү кылды