АКШнын Тегерандагы эски элчилигинин алдында. Архивдик сүрөт

Иранга каршы санкциялар: АКШнын опузасы суу кечпей калдыбы?

(жаңыланган 18:26 29.10.2020)
АКШнын тышкы саясаты көп жыл бою "кыйрагыча басым жасоо" деген принципти колдонуп келген, бул чынында иштеп, үзүрүн берчү. Кээде анын четин кыйытып коюу да жетиштүү болор эле.

Мамлекеттик катчы Майк Помпео Иранга каршы санкциялар кайтарыларын айтуу үчүн атайын БУУнун штаб-квартирасына бармай болду. Мындан тышкары, АКШнын тышкы саясий мекемесинин жетекчиси Fox New телеканалына маек куруп, окуя кандай өнүгө турганына токтолгон. Кырдаалга россиялык журналист Ирина Алкснис көз салды.

Помпеонун айтымында, "санкциялардын баары калыбына келип", "дүйнө жүзүндө коопсуздук өкүм сүрөт". Анткени "Иран Россиянын абадан коргонуу каражаттарын, кытай танктарын, дегеле Жакынкы Чыгыштын тынчын алчу нерсенин баарын ала албай калат". Ал эми Кошмо Штаттары бекиткен чектөөлөрдү сактагысы келбеген башка мамлекеттерди (бул жерде биринчи кезекте Россия менен Кытай) рестрикция күтөт. Помпео АКШ "буга чейин мындай кадамга барганын" айтып, "америкалык санкцияларды бузган мамлекеттин баары жоопкерчиликке тартылганын, мындан ары да БУУнун кеңири санкцияларына моюн толгогондорду ушундай тагдыр күтүп турганын" белгиледи.

Соодада кастык жок. АКШ Россиядан рекорддук көлөмдөгү мунай сатып алды

Иран темасынын мынча жанданып кетиши 2020-жылдын 18-октябры менен байланыштуу.

Дал ушул күнү өзөктүк макулдашуунун маанилүү пункттарынын биринин мөөнөтү аяктайт. 18-октябрга чейин Иранга аскерий техника киргизүүгө уруксат, ар бир учур боюнча БУУнун макулдугу талап кылынат.

АКШ өзөктүк макулдашуудан 2018-жылы эле чыккан, бирок курал-жарак эмбаргосунун мөөнөтү жакындаган сайын анын башка катышуучулары менен иши өтө эле активдешип кетти. Бул америкалыктар үчүн түн уйкудан калтырган тема. Себеби ушул маселе боюнча бир жума мурун ою оңунан чыкпай калган. Вашингтон БУУнун Коопсуздук кеңеши аркылуу эмбаргонун мөөнөтүн жылдырууну көздөп, бирок андан майнап чыккан эмес.

Кеп Россия менен Кытайдын вето укугунан пайдаланганында да эмес. АКШ мындай жыйынтыкка алдын ала даяр эле. Болгону аларды жалгыз Доминикан республикасы колдоп чыкканы катуу тийди. Коопсуздук кеңешинин калган мүчөлөрү, туруктуусу да, убактылуусу да калыс болуп коюшту. Антиирандык саясаты керек болсо тилектештеринин көкөйүнө көк таштай тийгенин тастыктаган бул көрүнүштөн Вашингтон аябай эле кемсинип калды.

Бирок мындай абал алардын ээлеп турган позициясына таасир деле эткен жок.

АКШнын алдан тайышы: балдар полициядан коркуп жана жек көрүүнү үйрөнүп жатышат

Алгач Дональд Трамп Владимир Путиндин Иран боюнча жогорку деңгээлдеги онлайн-саммит өткөрүү сунушун четке какты. Россия президенти Ирандын айланасындагы ири масштабдуу чырга айланып кетчү кырдаалдын алдын алып сүйлөшүүнү сунуштаган учурда америкалык тарап БУУнун Коопсуздук кеңеши "курал-жарак эмбаргосун узартууга байланышкан талкуу жүргүзүү үчүн мыкты аянт" экенин жар салды. Андан да Москванын аталган маселени талкуулоого "юридикалык негиз жок деп бир нече ирет" айтканына нааразы болду.

Эми Майк Помпео минтип Вашингтон өз оюнан такыр кайтпай, максатына жетиш үчүн чечкиндүү кадамдарга барарын айтып отурат.

Америкалык бийликтин тоскоолдуктарга кабагым-кашым дебеген көктүгүнө баа берсе да болот. Бирок азыр бир ордунан жылбай эле кыймылдап жатышкан сыяктуу. Короткон күчү менен алган жыйынтыгы бири-бирине татыйбы, дегеле мындай аракет канчалык натыйжалуу, жемиштүү деген мыйзам ченемдүү суроо жаралат.

АКШнын тышкы саясаты көп жыл бою "кыйрагыча басым жасоо" деген принципти колдонуп келген, бул чынында иштеп, үзүрүн берчү. Кээде анын четин кыйытып коюу да жетиштүү болор эле.

Маселе мындай ыкманын натыйжалуулугу алсырап баратканында. Анын үстүнө АКШнын тышкы саясаттагы байма-бай кетирген кемчиликтери "азыр өлөсүң" деген опузасынын күчүн кетирип койду.

Түркия С-400дү экинчи ирет сыноодо: артка жол жок

Бүгүнкү күндө санкция жарыялайм деп Россия менен Кытайды коркутуу мүмкүн эмес. Анын үстүнө таразанын тиги ташында курал-жарагын жаңылоого муктаж жана бул үчүн акча төлөөгө даяр Иран турат. Россиядан С-400 комплекстерин сатып алган союздашы Түркияга алы жетпей койгон америкалыктар Иранды тизгиндей алабы?

БУУда добуш берүүдө калыс пикирин билдиргендердин, ошол эле АКШнын жакын союздашы Улуу Британиянын да, Ирандын курал-жарак рыногунда үлүшкө илинип калсам деген ою бардай. Керек болсо океандын ары жагындагы өнөктөшүнүн нааразычылыгы менен коркутуп-үркүтүүсү да оюнан кайтууга себеп боло алчудай эмес.

Белгилер:
макулдашуу, өзөктүк курал, курал-жарак, санкциялар, Коопсуздук кеңеши, БУУ, Кытай, Россия, Иран, АКШ
Тема боюнча
"Вакциналар жарышы": Батыш башка эмдөөнү тааныгысы жок
Жеңилүүгө дуушар кылган жеңиш. Ирак окуясын талдаган китепке сереп
Документ текшерип жаткан ФМС кызматкери. Архив

Россияда мыйзамсыз жүргөн мигранттар жоопко тартылбастан каттоого тура алат

(жаңыланган 19:34 23.04.2021)
Үстүбүздөгү жылдын 15-июнуна чейин РФ аймагында мыйзамсыз жүргөн мигранттар каттоого турса аларга карата административдик чара колдонулбайт жана өлкөдөн чыгарылбайт.

БИШКЕК, 23-апр. — Sputnik. Россиянын аймагында мыйзамсыз жүргөн кыргызстандык мигранттар 15-июнга чейин каттоого тура алышат. Бул тууралуу Россия өкмөтүнүн төрагасынын орун басары Алексей Оверчук 21-апрелде Кыргызстандын биринчи вице-премьери Артём Новиков менен жолукканда билдиргенин өкмөттөн кабарлашты.

Маалыматка караганда, үстүбүздөгү жылдын 15-июнуна чейин РФ аймагында мыйзамсыз жүргөн мигранттар каттоого турса аларга карата административдик чара колдонулбайт жана өлкөдөн чыгарылбайт.

"Россия тарап эмгек мигранттарынын укугун чектөө боюнча эч кандай иш-аракеттерди жүргүзбөйт. Бирок мигранттар каттоодон өтүп коюшу керек", — деди Новиков.

Ал ошондой эле жалпы диаспора өкүлдөрүн ишке тартып, ар бир мигрантка жеке статусун тастыктоосу зарыл экенин жеткирүү керектигин кошумчалады.

Белгилер:
статус, мыйзам, Мигрант, Россия, Кыргызстан
Тема боюнча
Россияда мигрант куруучулардын реестрин түзүү сунушталууда. Максаты кандай

Карга үчүн аппак, кирпи үчүн жумшак... Жаныбарлардын балдары тартылган 15 сүрөт

  • Жаңы туулган баласын кучактап жаткан горилла июнь айында Антверпен (Бельгия) шаарында тартылган
Эң коркунучтуу жырткыч да сүйкүмдүү күчүк болуп төрөлөт. Адамдар алардын айрымдарын зоопарктан көргөндө боору ооруйт.

Кээ бир учурда Кызыл китепке кирген же сейрек кездешүүчү жаныбардын тукуму жарыкка келсе дүйнө жүзү үчүн чоң сенсация болот.

Бул сүрөт түрмөктө жаныбарлардын күчүктөрү кичинекей кезинде кандай болорун көрөсүздөр. Sputnik Кыргызстан сүйкүмдүү 15 сүрөттү сунуш кылат.

 

  • © AFP 2021 / Sebastien Bozon

    Франциянын Мюлуз зоопаркындагы леопарддын күчүгү. Леопард арстан менен жолборско салыштырмалуу кичирээк келет

  • © REUTERS / TT News Agency / Jonas Ekstromer

    Стокгольмдун зоопаркындагы мамалак. Ысыкта ал сууга түшүп сергип жатат

  • Жаңы туулган баласын кучактап жаткан горилла июнь айында Антверпен (Бельгия) шаарында тартылган
    © REUTERS / YVES HERMAN

    Жаңы туулган баласын кучактап жаткан горилла июнь айында Антверпен (Бельгия) шаарында тартылган

  • © AFP 2021 / Guillaume Souvant

    Гиппопотамдын баласы Франциянын зоопаркында 7-июнда туулган. Аны "Мадагаскар" мультфильминин каарманы Глориянын ысымы ыйгарылган

  • © AFP 2021 / Sebastien Bozon

    Игрунка маймыл тукумундагы эң кичинекей жандык деп эсептелет. Анын чоңу куйругун кошо өлчөгөндө 22 сантиметр чыгат. Сүрөт июнь айында Францияда тартылган

  • © AP Photo / Peter Steffen / dpa

    Дарбыз тиштеп алган ак аюунун мамалагына Нана деген ысым ыйгарылган. Ал Ганновердеги (Германия) зоопаркта жашайт

  • © AFP 2021 / Cristina Quicler

    Ак арстандар сейрек кездешкен жандыкка кирет. Ошондуктан анын күчүгүнүн жарык дүйнөгө келишин сенсациялуу окуя деп бааласа болот. Сүрөт Испаниядагы зоопаркта күчүккө сүт берип жатканда тартылган

  • © REUTERS / Daniel Becerril

    Мексикалык карышкырлар тукуму жок болуп кетүү алдында турат. 90-жылдардан тарта бул жандыкты көбөйтүү боюнча программа иштелип чыккан. Бөлтүрүктөрү менен жаткан эне-карышкырдын сүрөтү Сальтильо (Мексика) зоопаркынан тартылган

  • © AFP 2021 / Ashraf Shazly

    Судандагы жапайы айбанаттардын паркында арстан күчүгүн көтөрүп турат. Пандемия убагында бул жерде бир нече арстан жарыкка келген. Азырынча аларды сүрөттөн гана көрүүгө болот

  • © Sputnik / Press service of the Moscow zoo

    Москванын зоопаркында күчүктөрү менен турган Фрея аттуу жапайы ит. Бул жандык көбүнесе үлпүлдөк аюуга окшош. Ал Борбордук жана Түштүк Америкада жашайт

  • © AP Photo / Kerstin Joensson

    Туулганына үч күн болгон керик. Ал 6-июнда Австриянын Зальцбург зоопаркында жарыкка келген

  • © REUTERS / Charles Platiau

    Ымыркайын артына көтөрүп жүргөн лемур. Баласы Франциянын зоопаркында жаз айындагы карантин убагында туулган

  • © AP Photo / Dita Alangkara

    Акыра кичинекей баласынан канчалык чоң экенин көрүңүз. Сүрөт Индонезиянын Жакарта зоопаркында тартылган

  • © Sputnik / Ekaterina Chesnokova

    Бул суматрандык орангутандын баласы Москванын зоопаркында жашайт

  • © AP Photo / Axel Heimken / dpa

    Боор ооруткан сүрөт. Гамбургдун (Германия) жапайы айбанаттар паркында сүлөсүндүн үч мый-мыйынын бири

Белгилер:
зоопарк, Франция, АКШ, жаныбарлар
Тема боюнча
Жамбаштап жатсаң сонун да! Кымыз жыттанган кыргыздын жайлоолору сүрөттө