АКШнын мурунку вице-президенти Жо Байден. Архив

Жо Байден АКШ экономикасын кыйратууну убадалоодо. Арты кандай болот?

256
Америкалык маалымат каражаттары Жо Байдендин ABC телеканалына жакында эле берген маегинде көрсөткөн чечкиндүүлүгү менен катуу принципиалдуулугун кубаттап турган чагы.

Басма сөздү кубандырууга Байдендин эпидемия улана бере турган болсо экономикалык активдүүлүктү толук чектөө менен дагы бир ирет катаал жалпы улуттук карантин киргизүүгө билдирген ниети себеп болгон. Саясатчынын бул билдирүүсү алдыдагы шайлоодо атаандашы, учурдагы президент Трамптын көз карашына карама-каршы келет. Дал ушул жагдай тууралуу Иван Данилов ой жүгүрткөн. 

Мындай көз караштын кесепетин түшүнүү үчүн коронавирус Европа биримдигинде, Россия, Бангладеш же Кытайда эң оболу эпидемиологиялык маселе болсо, АКШда гана бул өтө саясий мүнөздөгү маселе экенин эске алуу керек.

Трамптын талапкерлиги президенттик экинчи мөөнөткө расмий сунушталды

Politico басылмасы: "Президенттикке демократтардан сунушталган талапкер Жо Байден өлкө ичинде коронавирустун таралышын ооздуктоо үчүн "баарын" жасай турганын, ал түгүл, зарыл болсо АКШ экономикасын бөгөттөөгө да барарын билдирди. "Аны (экономиканы – ред. тактоосу) токтотмокмун. Окумуштуулардын пикирин тыңдамакмын, — деди Байден ABC телеканалынын кабарчысы Дэвид Мьюирге шайлоодогу шериги, ошону менен бирге эле вице-президенттикке талапкер, сенатор Камала Харрис менен биргеликте курган маегинде. — Өмүрлөрдү сактап калуу үчүн мүмкүн болгон нерселердин баарын жасайбыз". АКШда 175 миңден кем эмес кишинин өмүрүн алган вирустун жайылышын токтотуп калуу үчүн Демократиялык партиядан президенттикке талапкер сунуштай турган эң катуу потенциалдуу чара экенин көрсөтөт", — деп жазды.

Жалпы Демократиялык партия жана жеке Байден шайлоочуларга өздөрүн коронавирустун айыгышкыс, Кошмо Штаттарда эпидемияны токтотуу үчүн эң кескин чараларга барууга даяр күрөшчүлөрү катарында көрсөтүү далалатында. Алар бул менен азыркы президент Трамп администрациянын экономикалык чектөөлөрдү улантууга, америкалыктарды үйдөн чыгууга тыюу салып, камакка алабыз деп коркута бет кап тагынууга мажбурлоого баргысы келбегендиктен, канча кишинин убалына калганына, алардын каны ушул бийликтин колунда экенине басым жасоого аракет кылышууда.

АКШнын Демократиялык партия тарабынан көзөмөлдөнгөн аймактарында кээде бийликтин алаңгазардыгы акылга сыйбай баратат. Маселен, Лос-Анджелесте жергиликтүү мэрия үйдө өткөрүлгөн кечелерге тыюу гана салбастан (башкача айтканда, адамдардын чогулуу жана эркин жүрүүсүнө болгон конституциялык укугун реалдуу түрдө чектеп койгон), мындай чектөөлөрдүн чегинен чыккандардын үйлөрүндө электр жарыгын, суу жана канализациясын өчүрүүгө чейин барууда.

Бийликти өткөрүп берүү. Тихановская АКШнын мамкатчысынын өкүлү менен жолукту

Планетанын америкалык маалыматтык талаадан тыш жашаган тургундарына мындай абалды түшүнүү кыйындыр. Бирок америкалык маалымат каражаттары (Трампка каршы иштеген жана индустриялык масштабда карапайым адамдардын аң-сезимин аңтар-теңтер кылчу нерселерге сугарган басма сөз) өз көздөгөнүнө жетпей койбоду. Мисалы, Franklin Templeton каржылык компаниясы эпидемия боюнча коомдук пикирди аныктоо үчүн атайын сурамжылоого буюртма берген. Анын жыйынтыгы боюнча төмөнкүдөй бүтүмдөргө келген: " COVID-19дан, же илдетке кабылса анын оор кесепеттеринен чочулагандардын үлүшү 25-64 жаштагылар арасында дээрлик бирдей. Бул көрсөткүч 65 жаштан өйдөңкү чочулаган респонденттерден анчалык деле төмөн эмес.

Өлүм боюнча иш жүзүндөгү маалыматтардын шайкеш келбегени таң калтырат: 18-24 жаштагы санаага алдырган адамдардын үлүшү коронавирустан көз жумган адамдардын жалпы санынан 400 эсе жогору. 25-34 жаштагылар арасында 90 эсе көп".

Муну кадыресе этияттык деп эсептөөгө болот, бирок бир жагдай бар: вирустан чочулаган ошол эле адамдар жеке гигиенаны сактап, бет кап тагынгысы жок. Анткен менен мектеп, бизнес, мамлекеттик мекемелердин жабылышын жана дегеле толук коопсуздукка жетчү мезгилге чейин кадимки турмушту чексиз чектөөнү жактайт экен. Franklin Templeton сурамжылоосу аныктагандай, мындай абал социалдык медианын активдүү колдонуучулары жана антитрамптык маалымат каражаттарынын аудиториясынын арасында байкалат. Дал ушуну көзгө кармоо менен Байден шайлоодон утуп чыккандан кийин экономиканы токтотууга даяр экенин билдирди. Бирок андай аракет экономиканы кыйратары турулуу иш. "Бүт өлкөгө бөгөт коюу ИДПны ай сайын үч пайызга кемитет, ошондуктан планетанын чириген байлары да эки же үч ай толук бөгөттөөнү көтөрө албайт", — деген америкалык CNBC телеканалына берген маегинде UBS швейцариялык банкынын азия-тынч океандык аймактын акциялар бөлүмүнүн башчысы Хартмут Иссель.

Тажикстан: жалгыз оппозициялык партиянын лидери президенттик шайлоодон баш тартты

Эпидемия менен күрөштү мынчалык саясатташтырбаган жана аны шайлоо кампаниясынын маселесине айлантпаган өлкөлөрдө кырдаал жүйөлүү кабылданууда: эми экономиканы толук тоңдурууга болбойт. Дал ушундай пикирди Улуу Британиянын экс-премьери Тони Блэр, Siemens ишканасынын жетекчиси Жо Козер жана Франциянын премьер-министри Жан Кастекс өңдүү бир топ саясатчы, бизнес өкүлдөрү билдирген.

Бул багытта АКШ эч айырмаланбайт, ал түгүл абдан начар абалда. The New York Post билдиргендей, "Нью-Йорктун ач тургундары бекер таратылган тамак үчүн Квинсте чейрек чакырымга чейин кезек күтүп турушат".

Белгилүү экономист жана Allianz камсыздандыруучу гигантынын экономикалык маселелер боюнча башкы кеңешчиси Мохаммед Эль-Эриан "чакан бизнести коронавирус менен талкалоо АКШдагы капитализмге коркунуч туудурат" деп эсептейт. CNBC каржылык телеканалы таянган расмий мамлекеттик баалар боюнча, "АКШ калкынын (улуу муундагы) дээрлик жарымы — жумушсуз".

Ушундай жагдайда Жо Байден, тагыраак, анын саясий технологдору коронавирус менен шайлоочулардын жүрөгүнүн үшүн алып, аларды өз тарабына оодаруу үчүн катуу экономикалык чектөөлөрдү убада кылууда.

Eurasia Group эл аралык саясий консалтингдик компаниясынын ээси Ян Бремер адилеттүү белгилегендей, электораттын Байденге караганда Трампка ишенген жалгыз маселе — экономика. Байдендин мындай билдирүүсү азыркы президентке кошумча мүмкүнчүлүктөрдү бериши мүмкүн. Анда америкалык экономика дагы бир толук карантинге (анын канчалык кыскалыгына карабай) кантип туруштук беришине күбө боло албай калабыз.

256
Белгилер:
Жо Байден, саясат, талапкер, шайлоо, коронавирус, Дональд Трамп
Тема боюнча
Трамп өткөн жылы кантип канча киреше тапканын ММКлар айтып чыкты
Россиянын президенти Владимир Путин

Путин келерки жумада коронавируска каршы эмдөө жүргүзүүнү тапшырды

125
(жаңыланган 23:34 02.12.2020)
2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган.

БИШКЕК, 2-дек. — Sputnik. Россиянын президенти Владимир Путин вице-премьер Татьяна Голиковага келерки жумадан тарта коронавируска каршы масштабдуу эмдөөнү баштоону тапшырды. Бул тууралуу РИА Новости жазды

​Эске салсак, буга чейин БУУдагы Россиянын атайын өкүлчүлүгү жана Саламаттык сактоо министрлиги "Спутник V" вакцинасынын бет ачарын өткөрөрү айтылган.

Вице-премьер Эльвира Сурабалдиева брифинг учурунда
© Фото / Республиканский штаб КР по борьбе с COVID-19
"Спутник V": COVID-19га каршы вакцина" деп аталган виртуалдык иш-чара БУУнун Башкы ассамблеясынын атайын комиссиясынын аймагында өтөрү маалымдалган. Отурумда россиялык бул препарат боюнча кенен маалымат берилмекчи.

2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган. Октябрда дагы бир "ЭпиВакКорона" аттуу вакцина тууралуу жарыяланган. Анын Новосибирскидеги "Вектор" борборунда иштелип чыкканы маалым.

125
Белгилер:
вакцина, коронавирус, Россия
Тема боюнча
Коронавирус G20 саммитин бузду. Батыш башканын вакцинасын батырбайт
Путин Кыргызстан, Беларусь жана Карабахтагы окуялар боюнча оюн айтты
Нефть казуучу платформа. Архив

Нефтини кайра иштетүү боюнча Кытай АКШдан озуп баратат. Мындан Россия утабы?

84
Пекин нефтини иштетүү жаатында күчтөнүп, бензин менен дизель майына басым жасоодо. Кийинки жылы КЭР бул көрсөткүч боюнча АКШдан озуп өтөт.

Америкалыктар ИДП боюнча да артта калары боолголонууда. Бирок айрым аналитиктердин айтымында, кытайлыктарга пандемия тоскоол болушу мүмкүн. Абалга РИА Новости сереп салды.

Лидердин алмашуусу

КЭРдин мамлекеттик статистика бюросунун маалыматы боюнча, октябрда нефтини кайра иштетүү эки жарым эсеге көбөйүп, суткасына 14,09 миллион баррелге жеткен. Бул тарыхтагы рекорддук көрсөткүч. АКШда бул убакытта болгону 13,5 миллион баррель болчу.

Кытайлыктар муну менен эле токтоп калгысы жок. Кийинки жылдын соңунда нефтини кайра иштетүүчү эки завод ачыларын Эл аралык энергетика комитети ноябрдагы докладында айтты. Өндүрүш негизи 2023-жылы ишке кирет деп пландалган болчу.

Мындан тышкары, жалпы кубаттуулугу суткасына 1,2 миллион баррелге жеткен дагы төрт завод курулуп жатат. Мынча көлөмдү, мисалы, Улуу Британия өзү араң өндүрөт.

Кытай ондогон жылдардан бери бензин менен дизелге болгон суроо-талапты канааттандырууга аракет кылып келет. Эми минтип берекесин көрө баштаганы калды.

"2000-жылдан бери өлкө мунай зат өндүрүүнү үч эсе жогорулатты. 2025-жылга чейин суткасына 20 миллион баррелге чейинки көрсөткүчкө жетет", — деди ТелеТрейд маалымат-аналитикалык борборунун башкы экономисти Марк Гойхман.

Маектеш АКШ өткөн кылымдан бери ээлеп келе жаткан биринчи орундан 2021-жылы эле сүрүлөрүн белгиледи.

АКШнын нефтинин кайра иштетүүчү заводдору мунайдын арзандашынан кийин келген төмөнкү маржиналдуулуктан улам жабылууда. Узап бараткан жылы кара алтын минимумун бир нече ирет жаңылаган. Мисалы, 18-мартта Brent үлгүсү 15 пайызга арзандап, 2003-жылдан бери биринчи жолу баррели 24,52 долларга бааланды.

Мунайга дүйнө жүзүндө да суроо-талап төмөндөдү. Андыктан нефтини кайра иштетүү 1,7 миллион баррелге чейин түштү. Мунун басымдуу бөлүгү дал ушул америкалык заводдорго туура келет. "Айрымдары жабылып, дагы бири модернизициялоого муктаж. Кээсин жыл сайын Мексика куймасынын жээгинен өтчү урагандан кийин калыбына келтирүү керек", — деп оюн улантты Гойхман.

Жашыл энергетика: ким жеңип, ким жеңилет

Кытайдын ийгилигинин дагы бир сыры — коронавирус менен натыйжалуу күрөшү. Бул тууралуу "Алор Брокердин" башкы аналитиги Алексей Антонов билдирди. Анын айтымында, КЭР экономикасы калыбына келип, туруктуулугун көрсөтүп жатса, Европа менен АКШ начарлоонун үстүндө.

Кытайлыктардын нефть иштетүүдө эле эмес, металлургияда да алдыда экени кокусунан эмес. Гойхман ушундай эле тенденция Индияда, Жакынкы Чыгышта да байкалып жатканын белгиледи. Мындай көрүнүш бүгүнкү күндүн талабына жооп бербей калган Батыштын, керек болсо Азиянын да компанияларынын жабылышын шарттап жатат.

Мындан тышкары, АКШ менен Европа акырындап көмүр суутегинен баш тартып, энергиянын альтернативдүү булактарына ыктоодо. Кытай болсо экологиялык милдеттемелерден бош.

"Кошмо Штаттар жашыл энергетикага басым жасап, КЭРди кирдеген өнөр жай аянтчасы катары көрсөтүү далалатында. Экономикалык жактан өнүккөн өлкөлөр жаңылаган ресурстарга өтүүнү башкалардын эсебинен каржылап, аларды "экологиялык салык" төлөөгө да мажбур кылышат. Ак үйдө бул маселе менен саясий лөк, жаңы президент келгенден кийин климат маселелери боюнча атайын өкүл боло турган Жон Керри алпурушмакчы", — дейт Hamilton инвестициялык компаниясынын эксперти Антон Гринштейт.

Нефтиден көз каранды болгон Россия үчүн жашыл сценарий компаниялардын карызга батышын жана кирешенин азайышын шарттайт. "Чийки зат структурасын сактоо менен Россия экономикасы үчүн нефтини кайра иштетүү тармагында АКШнын лидерлиги алда канча пайдалуу", — дейт маектеш.

Марк Гойхман Россия 15-20 жылдан кийин нефтиден түшкөн кирешесинин ордун жаба турган башка булактар тууралуу ойлонушу кажет экенин белгиледи.

Жакынкы аралыкта Кытай мунай затты арбын колдонорун эске алып сырьену ушул багытта экспорттоого басым жасоо зарыл.

Пандемия: азиялык сценарий

Бирок бардык нерсе качандыр бир кезде соңуна чыгат. 2025-жылы КЭРдин өндүргөн продукциясынын көлөмү суроо-талаптан ашып кетиши толук ыктымал. Кытайдын CNPC нефть-газ корпорациясынын маалыматы боюнча, беш жылдан кийин нефть продуктулары суткасына 1,4 баррелге ашык өндүрүлө башташы мүмкүн.

"Азыр кытай нефть өндүрүүчүлөрү тышкы соодадагы чектөөсү үчүн АКШдан өч алып жаткандай. Мындай аракет менен өлкөнүн кадырын арттырууга да жан далбас жасалып жатат", — деп боолголоду Алексей Антонов.

Демек, алдыдагы 3-5 жылга саресеп салып отуруп, нефтини кайра иштетүүчү тармакта эле эмес, экономиканын башкы көрсөткүчү болгон ИДП боюнча да лидердин алмашуусу күтүлүп жатканын болжолдоого болот.

"Пандемияга чейин Кытайда АКШ экономикасын озуп өтүү үчүн беш жыл керек эле. Эми коронавируска каршы майнаптуу күрөшүүнүн негизинде кытайлыктар алдыга эртерээк чыга алышат", — деди Гринштейн.

Ал эми АКШ позициясын алдырууга даярбы? Бул башка маселе. Америка истеблишменти көйгөйдү экономикалык жактан да, дипломатиялык жол менен да чечүүгө аракет жасаган. Бирок ишке ашкан жок. Эми бийликке бизнесмен-президенттин ордуна саясатчы-президент келе турган болду.

Анын үстүнө Кытайда кайра иштетилген мунай затка суроо-талаптын өсүшү эпидемиологиялык абалдын жакшырганынан кабар берет. Бирок экинчи толкун Азиядан кыйгап өтөрү күмөн. Индонезия, Япония жана Түштүк Кореяда оору катталып жатат. Мындай көрүнүш тараза ташын оодарып жибериши мүмкүн.

84
Белгилер:
пандемия, экономика, завод, Мунай, нефть, Россия, АКШ, Кытай
Тема боюнча
Доору бүтүп баратабы? Мунай жаатында эсти оодарчу окуя күтүлүүдө

Каракчылыкка шектүүнү Бишкекте спецназ кармады. Видео

0
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

0
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды