Газопроводдун деңиз участогун курулушу. Архив

Эл үчүн эмес, болгону саясат: Түркияга газдын ачык кени эмне берет

(жаңыланган 18:40 26.08.2020)
Жаңы эранын башталышы", "бул өлкөнү энергетика жактан көз карандысыз кылат", "тарыхый ирмем"... Түркия Кара деңизде табылган газ кени туурасында кабарды болушунча жар салды.

Бул бир караганда бар, бир караганда жок нерсе. Аны казуу деле жакын арада боло койбойт.

80 миллиард долларлык үч жүз жыйырма миллиард куб метр газ деген бир топ эле олуттуу угулат. Аналитиктер көгүлтүр оттун кени Кара деңизде табылганы боюнча Анкаранын кабарынан кийин макроэкономикалык божомол жасап, бааларын бере баштады.

Продукция Түркиянын муктаждыгын жабабы же аймактык деңгээлде экспортко да чыгышы мүмкүнбү деген талкуулар болду. Кимдир-бирөөлөр "Түрк агымы" боюнча да кооптонуусун айтып жиберди, дагы бири аны сордуруп алуунун баасы канчага чыгарын түкшүмөлдөдү.

Европа менен Америка Россиянын газ түтүгүнөн улам тирешүүгө барабы?

Бул иш жүзүнө келгенде такыр башкача экен, негизи бардык бүтүмдү өлкөнүн ичиндеги окуяларга карата жасаш керек. Sözcü басылмасындагы макаланын автору Рахми Турандын айтымында, өлкөдө саясий салт калыптанып калган. Шайлоо алдында мунай заты же газ табылганы туурасында көбүртүп-жабыртып элге жар салынарын айтты.

Жакынкысы 2023-жылга пландалган. Мындай караганда пиар-кампания үчүн эртедей сезилет. Бирок дал ушул учурда бийлик казууну баштайт. Ал эми үч жылдан кийин макаланын аталыштары мындан да башкача таасирдүү болуп чыга келет.

Түркия учурда көгүлтүр от жаатында чет жактарга толугу менен көз каранды жана электоратты добуш берүүнүн алдында үмүттөндүрүү оңой иш эмес. Бул өлкөдөгү бардык экономикалык көйгөйлөрдү чечип салгандай эле көрүнөт.

Газ жана Израиль: Европа дагы бир жол таптыбы?

Sözcü муну менен макул эмес: биринчиден, үч жылдын ичинде эле республика бардык процесстерди — казуу жана кайра иштетүүнү жайгарып жибере албайт. Экинчиден, жакынкы жети жылда өндүрүштүн көлөмү жылына 80-10 миллиард куб метрге жетип турушу зарыл. Ал эми бул Түркиянын муктаждыгынын бешинчи гана бөлүгү. Автордун пикиринде, эгерде толугу менен энергетикалык көз карандылык жарала турган болсо, ал деле жакында келбеши мүмкүн.

Адилет жана өнүгүү партиясынын бийликтеги 18 жылында түркиялыктар табылган мунай туурасындагы кабарга тогуз ирет катуу кубанган. Бирок кезектеги добуш берүүдөн соң эмнегедир баары унутулуп калчу. Ал эми углеводороддук шайлоо алдындагы салт өтө көп убакыт мурда түптөлгөн. Кеминде 65 жыл илгери болгон, анда Демократиялык партиянын лидери Аднан Мендерес эле.

Россия айткан сөзүнө турат. "Түрк агымынын" ачылышы буга ачык далил

Ошол мезгилде гезиттердеги жаңылыктар "Фракияда кору көп мунай кени табылды!" деп аталган. Анткен менен бул чуулуу "жаңы эранын башталышы" жана республиканын энергетикалык көз карандылыгынын кепилдиги болуп калдыбы? Албетте, жок.

Белгилер:
убада, саясый партия, Өнүгүү, шайлоо, кен, газ, Түркия
Тема боюнча
Австрия "Түндүк агым — 2" долбооруна жарыяланган санкцияларды сынга алды
Электр линиясы. Архив

Кыргызстан Өзбекстандан электр кубатын кандай шартта алып жатканы айтылды

(жаңыланган 09:52 23.04.2021)
Министрдин айтымында, Өзбекстандан электр энергиясы азыр эле импорттоло баштады. Бул иш быйыл жана кийинки жылдын биринчи кварталына чейин уланат.

БИШКЕК, 23-апр. — Sputnik. Кыргызстан Өзбекстандан 750 миллион киловатт-саат алуу боюнча сүйлөшүү жүргүзүп, электр энергиясы өлкөгө импорттоло баштады. Бул тууралуу Sputnik Кыргызстан агенттигине энергетика жана өнөр жай министри Кубанычбек Турдубаев билдирди.

Эске салсак, бүгүнкү күндө Токтогул суу сактагычындагы суу былтыркыга салыштырмалуу 3 миллиард куб метрге аз. Бул өлкөгө электр энергиясын сырттан алып келүү зарыл дегенди түшүндүрөт.

"Товар алмашуу шарты менен биз Өзбекстандан 750 миллион киловатт-саат алуу тууралуу сүйлөштүк. Электр энергиясы импорттоло баштаган. Бул иш быйыл жана кийинки жылдын биринчи кварталына чейин уланып, жай мезгилинде тыныгуу болуп турат. Электр энергиясын кайтарып берүү жайында башталып, карызды үч жылдын ичинде берип бүтүп калабыз", — деди Турдубаев.

Буга чейин министр Кыргызстан менен Казакстан электр кубатын алмашуу макулдашылганын айткан.

Ал быйыл Казакстан Кыргызстандын энергосистемасына 900 миллион киловатт-саат бере турганын белгилеп, коңшуларга кайра Токтогул суу сактагычына эквиваленттик көлөмдө суу топтоп, камсыздап бере турганын кошумчалаган. Муну менен Кыргызстан үч жылдын ичинде миллион киловатт-сааттык сууну коё берип, ошону менен кутулат.

Белгилер:
импорт, электр энергиясы, суу, Өзбекстан, Кыргызстан
Тема боюнча
"Кудайга шүгүр" жашаган элдин санын кантип билебиз? Абоненттердин статистикасы
Эртең Бишкектин 56 көчөсүндө электр кубаты болбойт. Тизме

Чопулдатып сүт эмип. Эки баштуу, төрт көздүү музоонун видеосу

Фермер уникалдуу бул музоону канча жашаса ошончо жыл бакканга даяр экендигин, ага болушунча кам көрөрүн айткан.

Түндүк Македониядагы уй фермада эки баштуу жана төрт көздүү музоо туулган. Бул тууралуу Wis TV телеканалы маалымдаган.

Видеодон эки баштуу музоо бир оозу менен сүт ичкенде экинчи оозу кошо кыймылга келип жатканын көрүүгө болот.

Фермердин айтымында, жаныбарды карап чыккан ветеринар музоонун органдары азырынча кадыресе, толук кандуу иштеп жаткандыгын билдирген.

Адистер полицефалия сейрек кездешерин, мындай болуп туулган жаныбарлар көпкө жашабай тургандыгын айткан. Анткен менен фермер музоону канча жашаса ошончо жыл бакканга даяр экендигин, ага болушунча кам көрөрүн журналисттерге билдирген.

Полицефалия сүт эмүүчүлөр менен адам баласында жолугат. Эгерде эки эмбрион курсакта жатканда экиге бөлүнбөй калса, алардын эки мээси калыптанып, дем алуу жана тамак сиңирүү органдары бир болуп жарыкка келет. Адатта алар тез эле көз жумат, бирок узакка жашагандары да бар.

Белгилер:
ветеринар, Сүт, фермер, музоо, Македония
Тема боюнча
Зыяны жок. Таиланддагы эки баштуу жыландын видеосу
Медициналык кызматкерлер COVID-19 менен ооругандарды дарылап жатышат

7 киши көз жумуп, 272 киши вирус жугузуп алды. COVID статистикасы

(жаңыланган 10:17 23.04.2021)
Кыргызстан боюнча коронавирус аныкталгандардын саны 93 278ге жетти. Ал эми орудан 87 717 киши айыкты. Каза болгондордун саны 1 573кө барды.

БИШКЕК, 23-апр. — Sputnik. Өткөн суткада Кыргызстанда 272 кишиден коронавирус табылып, 163 бейтап оорудан сакайып чыкты. Бул тууралуу Республикалык штабдан билдиришти.

Жуктургандар:

  • Бишкек шаары – 148;
  • Ош шаары – 6;
  • Чүй облусу – 86;
  • Ош облусу – 4;
  • Талас облусу – 2;
  • Нарын облусу – 3;
  • Ысык-Көл облусу – 18;
  • Жалал-Абад облусу – 4;
  • Баткен облусу – 1.

Айыккандар:

  • Бишкек шаары – 78;
  • Ош шаары – 3;
  • Чүй облусу – 52;
  • Ош облусу – 3;
  • Нарын облусу – 2;
  • Ысык-Көл облусу – 15;
  • Жалал-Абад облусу – 6;
  • Баткен облусу – 4.

Ушуну менен коронавирус аныкталгандардын саны 93 278ге жетти. Ал эми оорудан айыккандардын саны 87 717 болду.

Тилекке каршы, кечээтен бери коронавирус Бишкектен төрт, Чүй облусунан үч кишинин өмүрүн алды. Көз жумгандардын жалпы саны 1 573кө жетти.

Белгилер:
статистика, коронавирус, Бишкек, Кыргызстан
Тема:
Кыргызстандагы коронавирус жуктуруп алгандар
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Кыргызстанга "Спутник V" вакцинасы кантип жеткирилди. Видео