Россиянын Сириядагы аскерлери. Архивдик сүрөт

"Бет тырмаган тактика". РФ жана АКШ аскерлеринин Сириядагы чыры

281
(жаңыланган 17:17 28.08.2020)
Окуя Сириянын түндүк-чыгышында болгон. Америка Кошмо Штаттары буга Россияны айыптап жатса, Москва өз жүйөсүн келтирүүдө.

БИШКЕК, 28-авг. — Sputnik. Ак үй "Россия Сирияда эки өлкө аскерлеринин кокусунан болчу кагылышуусун алдын алуу протоколун бузду" деп кине коюп жатат. Sputnik радиосунун эфиринде аскерий баяндамачы, "Россия офицерлери" эксперттик кеңешинин мүчөсү Александр Перенжиев кырдаалга баа берген.

Эскерте кетсек, окуя 26-август күнү Сириянын Дерик аймагында болгон. Видеодон эки мамлекеттин аскерий техникалары жүрүп баратып кагышканын көрүүгө болот.

Америка тараптын билдирүүсү боюнча, Сириядагы россиялык аскерлер жол кырсыгын шарттап, натыйжада АКШлык жоокерлер жабыркаган.

"РФтин автоунаасы Сириянын түндүк-чыгышында коалициянын (АКШ башында турган — ред.) сооттолгон техникасына урунган. Мындан машинанын ичиндеги экипаждын мүчөлөрү жапа чекти", — деп айтылат Улуттук коопсуздук кеңешинин өкүлү Жон Уллиоттун билдирүүсүндө.

Анын айтымында, чырдын чыгып кетишине жол бербөө үчүн америкалык автомобиль окуя болгон жерден кетип калган.

Сириядагы кыймыл. Ким элдин каарына калып куугунтуктала баштады?

Вашингтон "мындай кооптуу жана кесипкөйлүккө жатпаган аракеттер" чыр-чатакты алдын алуу боюнча россиялык-америкалык макулдашууга каршы келерин жар салды. Уллиот АКШ абалдын курчушун каалабай турганын, бирок "өзүн коргоого укугу бар" экенин кошумчалаган.

Россия коюлган айыптардын баары четке кагууда. Генералдык штабдын жетекчиси Валерий Герасимовдун айтымында, эл аралык коалиция россиялык колоннанын өтөрүн билип, алдын ала кабардар болгон. Буга карабастан АКШ аскердик күчтөрү россиялык патрулдун жолун бөгөөгө аракет кылган.

"Россиянын Куралдуу күчтөрүнүн аскер полициясы жооп иретинде чырды болтурбоо жана коюлган тапшырманы аткаруу боюнча бардык тийиштүү чараларды көргөн", — дешти Коргоо министрлигинен.

Sputnik радиосунун эфиринде Плеханов атындагы Россия экономикалык университетинин саясат таануу жана социология кафедрасынын доценти, "Россия офицерлери" эксперттик кеңешинин мүчөсү, аскерий баяндамачы Александр Перенжиев АКШ атаандашын жасабаган нерсеге күнөөлөй берүүгө маш болуп бүткөнүн белгиледи.

Батыш Россиянын Сириядагы аскердик ийгиликтерин биринчи жолу моюнга алды

"Америка негизинен бет тырмаар тактиканы жакшы өздөштүргөн: кайсы бир макулдашууну же келишимдин эрежелерин бузат да, ошол замат Россияны күнөөлөп чыга калат. Бул жерде кол салуу — эң мыкты коргонуу деген принцип иштейт. Биздин улам актана беришибизди каалашат. Орустар актана берсин, биз андан ары макулдашууларды буза беребиз, орустар күнөөлүү болуп калат да, биз суудан кургак чыгабыз дешет. Бул өтө куу, митаам тактика. Мындайды ашкерелеп, бетин ачып туруу керек", — деди Перенжиев.

Эскперт дал ушинтип Россияны айыптаган жагдайларда АКШ өзү күнөөлүү болуп чыгарын белгиледи.

281
Белгилер:
эксперт, макулдашуу, Чыр-чатак, Аскер, АКШ, Сирия, Россия
Тема боюнча
Хмеймим гүлдөгөн шаарга айланганда. Россиянын Сириядагы базасы
Медициналык кызматкерлер ооруканада. Архив

ДССУ: бардык өлкөлөрдүн өкмөттөрү катаал карантин киргизүүгө даяр турушу керек

71
(жаңыланган 12:35 27.09.2020)
ДССУ өкүлүнүн айтымында, катуу чектөөлөр болбосо, жакын арада коронавирустан көз жумгандардын саны 2 миллионго жетип калышы ыктымал.

БИШКЕК, 27-сен. — Sputnik. Дүйнөнүн бардык өлкөлөрүнүн өкмөттөрү COVID-19дан өлүмдүн саны көбөйүп кетпеши үчүн кайрадан катаал карантин киргизүүгө даяр болушу керек. Бул тууралуу Дүйнөлүк саламаттык сактоо уюмунун (ДССУ) өзгөчө кырдаалдар боюнча программасынын жетекчиси Майк Райанга шилтеме берип ВВС жазды.

Райандын айтымында, мындай чектөөлөр болбосо, жакын арада коронавирустан көз жумгандардын саны 2 миллионго жетип калышы ыктымал. Ал жакын арада вакцина чыгарын жана дарылоо ыкмалары бир топ жакшырарын айтып, ошол эле учурда бул нерселер өлүмдүн азаюусуна анча жакшы жардам бере албасын кошумчалады.

ДССУ: коронавирустан дагы миллион адам ажал табышы мүмкүн

"Болгон аракетибизди жумшабасак, тилекке каршы, өлгөндөрдүн саны кескин өсүп кетиши ыктымал”, — деди жетекчи.

Жон Хопкинс университетинин акыркы маалыматына караганда, дүйнөдө коронавирус жуктургандардын саны 32,7 миллионго жетти. Алардын арасынан 993 миң киши каза болуп, 22,6 миллион киши сакайды.

71
Белгилер:
Дүйнөлүк саламаттыкты сактоо уюму, өлүм, чектөө, карантин, пандемия, коронавирус
Тема боюнча
Коронавирустан айыккандардан жуктургандар көбөйдү. Статистика
Украинадагы кулаган учак

Кулаган учактан аман калган курсанттын атасы: мен дагы үч жолу кырсыктагам

47
(жаңыланган 13:05 27.09.2020)
25-сентябрь күнү кечинде Украинанын Харьков облусунда аскер учагы кулап, борттогу 27 кишинин ичинен бир гана курсант аман калган.

БИШКЕК, 27-сен. — Sputnik. Украинадагы учак кырсыгынан аман калган курсанттын атасы Виталий Золочевский дагы үч ирет учак кырсыгына кабылган. Бул тууралуу "Сегодня" басылмасына өзү билдиргенин "Известия" жазды.

Эске салсак, 25-сентябрь күнү кечинде Украинанын Харьков облусунда аскер учагы кулаган. Борттогу 27 кишинин ичинен бир гана курсант аман калган.

"Мен дагы буга чейин үч ирет учак кырсыгына кабылгам. Балам да эсен калды. Бул — атасынын уулу дегенди түшүндүрөт", — деди Золочевский.

Ал учак кырсыгынан баласы болгону этин оорутуп алганын кошумчалаган.

Украинада аскер учагы кулады. 23 адамдын өмүрүн алган кырсыктын видеосу

"Баары эле уулумду учактан секирип кеткен деп айтышууда. Бирок чындыгында андай болгон эмес. Ал катуу басымдан ыргып кеткен. Мен билгенден ал досун куткарууга аракет кылган", — деди ал.

Маалым болгондой, кырсыктаган аскер учагынын ичинде 27 киши болгон. Анын жетөө экипаж мүчөлөрү, 20сы аскер-аба күчтөрүнүн Харьков улуттук университетинде билим алган курсанттары эле.

Аман калган курсант учурда ооруканада жатат.

47
Белгилер:
ата, курсант, окуя, кырсык, учак, Украина
Тема боюнча
38 адам жер алдында калган. Жер көчкүгө күбө болгон өзгөндүк Калдыбаевдин маеги

Кыргызстан тууралуу тасма эл аралык фестивалда гран-при алды. Видео

0
(жаңыланган 12:56 27.09.2020)
Тасмада дүйнөдө биринчилерден болуп суу тартыштыгына кептелген Кыргызстан тууралуу баяндалат. Фестивалда Россия, Норвегия, Финляндия жана Швеция режиссёрлорунун эмгектери көрсөтүлдү.

Кыргызстандагы суу тартыштыгы тууралуу баяндаган "Вода. Время жажды" даректүү тасмасы “Түндүктүн мүнөзү: green screen" фестивалында гран-при сыйлыгына татыды. Бул тууралуу "Би-порт" сайты жазды

Режиссёр Евгений Безбородовдун тасмасында дүйнөдө биринчилерден болуп суу тартыштыгына кептелген Кыргызстан тууралуу көрсөтүлөт. Автор бүтүндөй адам баласынын көйгөйүн бир өлкөнүн мисалында чагылдырат.

Шевченко катышкан Холли Берринин тасмасын Netflix чоң акчага сатып алды

Иркутск облустук кинофондунун YouTube-каналында тасманын трейлери жүктөлгөн. Фильм 39 мүнөткө созулат.

"Суунун жаратылышта түбөлүктүү айлануусу. Миңдеген жылдар бою адам бул мыйзам менен жашап келген. Бирок XXI кылымда адам баласы чоң көйгөйгө кептелди. Мөңгүлөрдүн, тоодон аккан таза суунун мекени болгон Кыргызстан суу тартыштыгы менен дүйнөдө биринчилерден болуп жабыркай баштады. Суунун бир тамчысы жана өлкөдөгү көйгөйлөр аркылуу бүткүл адам баласынын трагедиясы көрсөтүлдү”, — деп айтылат сүрөттөмөдө.

Фестивалда Россия, Норвегия, Финляндия жана Швеция режиссёрлорунун эмгектери көрсөтүлдү.

“Түндүктүн мүнөзү: green screen" — экологиялык жана социалдык тасмалардын эл аралык фестивалы.

0
Белгилер:
фестиваль, сыйлык, тасма, көйгөй, Суу, Кыргызстан
Тема боюнча
Кыргыз режиссёрунун "Көл" тасмасы Кытайдагы ири фестивалга чакыруу алды