Медкызматкер анализ өспүрүмдөн анализ алууда. Архивдик сүрөт

Баланын алаканы менен таманы шишийт. Кавасаки синдрому тууралуу эмне билүү керек

9496
(жаңыланган 18:50 30.08.2020)
Кыргызстан коронавирус инфекциясынын катуу толкунун баштан өткөрдү. Экинчи мындай кайталанбашын тилек кылуудабыз. Ошентсе да күзүндө оорунун экинчи толкуну болорун, анда көбүнчө балдар жабыркап калышы мүмкүн экенин дарыгерлер коңгуроо кагууда.

Sputnik Кыргызстан агенттигинин кабарычысы Эне жана баланы коргоо боюнча улуттук борбордун директору Камчыбек Узакбаев менен коронавирустун балдарга таасири жана Кавасаки синдрому тууралуу маек даярдаган. 

Директор Национального центра охраны материнства и детской хирургии, доктор медицинских наук, профессор Камчыбек Узакбаев
© Sputnik / Таалайгуль Усенбаева
Эне жана баланы коргоо боюнча улуттук борбордун директору Камчыбек Узакбаев

— Акыркы кезде ата-энелерди тынчсыздандырган Кавасаки синдромунун өзгөчө кооптуулугу эмнеде?

— Кавасаки — бул COVID-19 инфекциясынын күчөп кеткен бир түрү. Алыскы Америкада, Европада жана коңшу Казакстанда Кавасаки синдрому менен ооруган балдар катталып жатат. Кыргызстанда азырынча жок. Ошентсе да пандемия башталганда эле дарыгерлер кеңешип, кооптуу жагдайдагы бир нече топту аныктаганбыз. Көбүнчө ал жүрөк-кан тамыр жана кан оорулары менен жабыркагандар үчүн кооптуу. Себеби кан ооруларына тушуккан балдар ансыз да анемия менен жабыркашат, мындан улам иммунитети алсыз. Өнөкөт оорусу бар балдарга жана ар кандай операцияны баштан өткөргөн наристелерге да коркунуч күч.

— Баланын Кавасаки синдромуна кабылганын кантип билүүгө болот? Белгилери кандай?

— Бул илдет адамдын терисинен да байкалат. Кичинекей баланын таманы, алаканы шишип, кан тамырлары жарылып денеде кызыл тактар пайда болот. Дене табы көтөрүлөт. Бирок ооруну так аныктоо үчүн дарыгерге кайрылуу керек. Азыркы тапта биздин жумушчу топ бул ооруну кантип аныктап, кандай изилдөөлөрдү жүргүзүү керектигин жана аны дарылоо жолдорунун клиникалык протоколун иштеп чыкты. Жакында ал Саламаттык сактоо министрлигинин буйругу менен бекитилип, үй-бүлөлүк дарыгерлерге таратылат. Ата-энелер паникага алдырбай, өз убагында баланы ооруканага алып келүүсү керек.

Күндө окушат! 1-класска барчу балдардын ата-энелери үчүн 10 суроого жооп

— Жакында бала бакчалар иштеп, 1-класстар мектепке бара баштайт. Бул жаатта билим берүү мекемелери менен бирге коопсуздук чараларын да көрдүңүздөрбү?

— Бала бакчалардын жана мектептердин иштеши менен жугуштуу оорунун индекси көтөрүлүшү мүмкүн. Ошол себептен өздүк гигиена эрежелеринин сакталышын ар бир ата-эне жана тарбиячы көзөмөлдөшү керек. Балдарга колду самындап жууп турууну, аралыкты сактоону жана антисептик колдонууну үйрөтүү зарыл. Азыр бир бөлмөдө көп балдарды топтогонго болбойт. Бакча тайпаларында балдардын саны абдан көп. Ошондой эле тарбиячылар коронавирустун жана Кавасаки синдромунун белгилерин окуп-билиши керек. Оорунун симптомдору байкалса медицина кызматкерлерине кабар бериши абзел. Азыр, тилекке каршы, бала бакчаларда медкызматкерлер жокко эсе. Ооруп жаткан балдарды бакчага же мектепке киргизбей көзөмөлдү күчөтүү зарыл. Мында ата-эненин жоопкерчилиги да маанилүү. Коомдук тартип болмоюнча бул ооруну жалаң эле медиктер жеңе албайбыз. Эпидемиологиялык кырдаалды кылдат көзөмөлгө алышыбыз керек. 

Директор Национального центра охраны материнства и детства Камчыбек Узакбаев во время интервью корреспонденту Sputnik Кыргызстан
© Sputnik / Табылды Кадырбеков
Камчыбек Узакбаев: коронавирустун экинчи толкунунда инфекцияга балдар көп кабылышы мүмкүн

— Чет мамлекеттерде коронавирустун балдарда жайылышы күч алды деген кооптуу маалыматтар чыгууда. Сиздердин байкоо кандай?

— Коронавирус адамдын жашын сурабайт. Бул жугуштуу инфекция менен бизде 600дөй бала ооруду. Анализдеп көрсөк, ооруган балдардын 90 пайызында илдет жеңил өттү. Анын ичинен беш пайызы орто деңгээлдеги жана эки пайызы оор түрүнө кабылды. Бирок биз муну менен өзүбүздү алдабашыбыз керек. Учурда экинчи толкун келе жатат деп божомолдоодобуз. Бул жолу оору балдар арасында көбүрөөк болушу мүмкүндүгү айтылууда. Биз ошого даярданышыбыз зарыл. Ал иммунитети начар, көйгөйлүү оорулар менен жабыркаган балдар үчүн көбүрөөк кооптуу.

Кавасаки синдромун кошуп. Казакстан COVID жуктурган балдарга өзүнчө протокол даярдады

— Коронавирустун экинчи толкуну балдарды көбүрөөк жабыркатары тууралуу маалымат кайдан келип жатат? Себеби буга ата-энелер да өтө тынчсызданууда...

— Ата-энелердин тынчсызданганы жөндүү. Былтыркы жылдын статистикасын карасак, күздөгү мезгилдик грипп менен 31 миң адам ооруган, анын 29 миңи балдар болчу. Мындан улам коронавирустун экинчи толкунунда инфекцияга балдар көп кабылышы мүмкүн деген тыянак чыгардык. Биз буга даяр болушубуз керек. Учурда балдардагы күзгү-кышкы вирустун алдын алуу иштери жүрүүдө. Андан тышкары, чет мамлекеттерде коронавирус чакырган Кавасаки синдромунун балдар арасында пайда болгондугу тууралуу маалыматтар да чыгууда.

— Кавасаки менен күрөшүүгө биздин медиктер даярбы? Тажрыйба жок да...

— Биз дүйнөлүк тенденцияны дайыма анализдеп турабыз. Ал оорулар эртеби-кечпи, бизге келерин билебиз. Ошол себептен биз Кавасаки синдрому боюнча атайын жумушчу топ түзгөнбүз. Анын жыйынтыгында педиатрларга, үй-бүлөлүк дарыгерлерге керектүү методикалык жардамдарды берип, протоколдорду даярдап койдук.

9496
Белгилер:
Кавасаки синдрому, коронавирус, балдар, Камчыбек Узакбаев
Тема боюнча
Кавасаки синдромун кошуп. Казакстан COVID жуктурган балдарга өзүнчө протокол даярдады
Узакбаев: балдар арасында Кавасаки синдрому катталган жок. Дарттын чоо-жайы
Тоолуу Карабахтагы талкаланган үй жана автоунаа

Карабахтагы абал: "алоолонгон" маалымат согушунун ачуу үнү

33
(жаңыланган 23:18 01.10.2020)
Согушта контрпропаганда адатта душмандын ындынын өчүрүү (деморализациялоо) үчүн анын жоготууларын көбүртүп-жабыртып, өз ийгиликтерин күчөтүп көрсөтүү ыкмасы менен пайдаланылат.

Ошентсе да Азербайжан жана Армениянын Тоолуу Карабахтагы куралдуу тиреши мурункусунан кабарлардын ушунчалык көптүгү, анан да жарыяланар замат дээрлик дароо экинчи тараптын төгүндөөсү чыкканы менен айырмаланат. Бул эл аралык байкоочуларга кырдаалды талдоону кыйындатууда, Баку менен Еревандын кандай гана расмий билдирүүсү болбосун шек жаратпай койбойт. Аскерий баяндамачы Александр Хроленко бул сапар жаңжалдын алкагында "алоолонгон" маалымат согушуна сереп салды.

Согуштук аракеттер тутанган сентябрь ичиндеги бир нече күнүндө эле шектүү сандар, фактылар, бүдөмүк эпизоддор өтө көп болуп кетти. Мисалга, Армениянын Коргоо министрлигинин маалыматы боюнча, 49 азербайжандык учкучсуз учак атып түшүрүлүп, бирок бир гана аппараттын сыныктарынын сүрөттөрү жарыяланган.

Путин, Трамп жана Макрон Карабах боюнча билдирүү даярдашты

Өз кезегинде Азербайжандын Коргоо министрлиги армениялык 18 учкучсуз аппарат атып түшүрүлүп, 80 танк жана ички курамдын бүтүндөй полку (эки миңдин тегерегиндеги киши) жок кылынганын маалымдаган.

Армения жана Азербайжан таанылбаган Тоолуу Карабах Республикасынын аймагындагы согуштук-саясий олку-солкулуктун өткөн он жылдыгында болгону 20 чакты учкучсуз аппаратынан айрылышкан.

Фронт боюнча позициясы бир топ чакырымга созулган армян полкун ыкчам жок кылуу үчүн жапырт жабыркатуучу курал талап кылынат. Ал ортодо Армениянын Коргоо министрлиги 790 азербайжан жоокери жок кылынгандыгы боюнча кабарлады.

Эгер ушундай жоготууларга дуушар болгондору анык болсо, анда мындай ыргак менен эки армия тең кышка жетпейт. Эске салсак, мобилизациялоого дейре Азербайжандын 65 миңден 125 миңге чейинки жоокери болгон. Армения жана таанылбаган Тоолуу Карабахтын 65 миңге чейинки аскер кызматкери бар.

Карабахтагы абал жана учкучсуздарды пайдалануунун "сириялык" тажрыйбасы

Су-25 чабуулчусуна каршы F-16 истребители

Армениянын Коргоо министрлиги 29-сентябрда түрк Аскердик аба күчтөрүнүн F-16 истребители азербайжандык Гянжа аэродромунан абага көтөрүлүп, Варденис районунда армениялык Су-25 штурмовигин атып түшүргөн.

Учкуч майор Валерий Данелин набыт болгон. Учактын сыныктарынын сүрөттөрү жарыяланган, бирок андан кырсыктын себептерин аныкташ татаал. Армениянын аскердик мекемеси согуштук аракеттерге түркиялык күчтөрдүн катышынын дагы толук далилдерин көрсөтүүнү убада кылууда.

Азербайжан жана Түркия ал сокку туурасында маалыматты четке кагууда. Баку согуштук авиацияны пайдаланбагандыгын айтууда. Президенттин жардамчысы Хикмет Гажиевдин маалыматына таянсак, армениялык эки Су-25 тоого барып урунган. Армения жана башка мамлекеттерде аба шарттарынан улам көрүнбөгөн учурларда мындай кырсыктар болуп келет.

Учак техникалык жактан эскилиги жетип же армениялык абадан коргонуу каражаттарынан капыстан тийген октон кулаган болушу да ыктымал. Эгер армениялык Су-25 душман тарабынан атып түшүрүлсө, республиканын Коргоо министрлигинин адистери түркиялык F-16 истребителинин учушун кантип көрүштү? Эмнеге жок дегенде Гянжада жайгашкан аэродромго сокку менен жооп кайтарган эмес? Булардын баары түкшүмөл ойлорго түртөт.

Тоолуу Карабах: дүйнө бул чатакка кандай карап, ким отко май чачып жатат. Видео

Армениянын премьер-министри Никол Пашинян 30-сентябрдагы журналисттер менен жолугушуусунда Азербайжанга (жана F-16га) каршы Су-30СМ жана ОТРК "Искандер" истребителдерин колдонуу мүмкүнчүлүгү жөнүндө түз жооп берүүдөн качты.

Россия жана дүйнөлүк коомчулуктун көп өлкөлөрү Баку менен Ереванды окту тезинен токтотууга чакырууда. РФ президенти Владимир Путин 29-сентябрда армениялык премьер-министр Никол Пашинян менен болгон сүйлөшүүсүндө жаңжал чыккан аймактагы согуштук аракеттерге тынчсызданганын билдирип, куралдуу тирешти токтотуу керектигине басым жасады. Зарыл болсо РФ президенти Владимир Путин азербайжандык кесиптеши Ильхам Алиев менен да сүйлөшмөкчү.

33
Белгилер:
Аскер, курал-жарак, Россия, Азербайжан, Армения, Тоолуу Карабах
Тема:
Тоолуу Карабахтагы жаңжал
Тема боюнча
Тоолуу Карабах: дүйнө бул чатакка кандай карап, ким отко май чачып жатат. Видео
Путин, Трамп жана Макрон Карабах боюнча билдирүү даярдашты
Тоолуу Карабахтагы Иванян аймагына ташталган бомба. Архивдик сүрөт

Путин, Трамп жана Макрон Карабах боюнча билдирүү даярдашты

120
(жаңыланган 19:27 01.10.2020)
Билдирүү даярдалып жатканы боюнча россиялык лидер Коопсуздук кеңешинин туруктуу өкүлдөрү менен өткөн жыйында айткан.

БИШКЕК, 1-окт. — Sputnik. Россия, АКШ, Франциянын президенттери Владимир Путин, Дональд Трамп жана Эммануэль Макрон Тоолуу Карабахтагы кырдаал боюнча бирдиктүү билдирүү даярдашты. Анын тексти Кремлдин сайтына жарыяланды. 

Билдирүү даярдалып жатканы боюнча россиялык лидер Коопсуздук кеңешинин туруктуу өкүлдөрү менен өткөн жыйында айткан.

Документте мамлекет башчылары аймактагы эскалацияны сындап, ок атууну токтотууну жана сүйлөшүүлөрдү жандантуу талабын коюшканы жазылган. Ошондой эле президенттер көз жумгандардын туугандарына терең кайгыруу менен көңүл айтышкан.

27-сентябрга караган түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында аскердик кагылышуулар башталган. Мунун келип чыгышына тараптар бири-бирин күнөөлөп жатат. 28-сентябрь күнү эртең менен эки тараптан тең жүздөгөн аскерлер жарадар жана каза болгону айтылды. Армения өз аймагында аскердик абал жарыялагандан соң, Азербайжан да өз өлкөсүнө аскердик абал киргизген.

Карабах чыры. Азербайжандык MMA мушкери армияга чакырылды

Баку менен Ереван абалдын курчуп кетишине бири-бирин күнөөлөп жатат. Азербайжандын Коргоо министрлиги аймакка биринчи армян тарап сокку урганын билдирсе, Армения Карабахты Азербайжан абадан ракеталар менен аткылаганын билдирүүдө.

Белгилей кетсек, Карабах чыры 1988-жылдын февраль айында башталган. Анда Карабах автономдук облусу Азербайжан ССРинин курамынан чыгарын жар салган. 1992-1994-жылы куралдуу тирештин жыйынтыгында Азербайжан Карабахты колдон чыгарган. 1992-жылдан бери бул кырдаалды тынчтык жолу менен жөнгө салуу боюнча Европадагы Коопсуздук жана кызматташтык уюмундагы (ОБСЕ) Минск кеңешмесинин алкагында сүйлөшүүлөр жүрүп келет. Анда Азербайжан өз аймагынын бүтүндүүлүгүн көздөсө, Армения сүйлөшүүлөргө аралаша албаган Карабах Республикасынын кызыкчылыгын коргойт.

120
Белгилер:
билдирүү, Тоолуу Карабах, Франция, АКШ, Россия
Тема:
Тоолуу Карабахтагы жаңжал
Тема боюнча
Ингушетиядагы операцияда КРде легионер-спортчу болгон Евлоев жок кылынды
Тоолуу Карабах: дүйнө бул чатакка кандай карап, ким отко май чачып жатат. Видео
Карабахтагы абалдын курчушу Кавказдагы чырга Россияны аралаштыруу аракетиндей...
Тышкы иштер министри Чыңгыз Айдарбеков

Айдарбеков Улуу жана Кичи Памирдеги кыргыздар боюнча афган кесиптеши менен сүйлөштү

0
Боордошторго байланышкан долбоорлордон тышкары эки аткаминер инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышкан.

БИШКЕК, 1-окт. — Sputnik. Тышкы иштер министри Чыңгыз Айдарбеков афганистандык кесиптеши Мохаммад Ханиф Атмар менен видеобайланыш аркылуу сүйлөшкөнүн ТИМдин маалымат кызматы билдирди.

Сүйлөшүүнүн жүрүшүндө кыргыз-афган мамилелеринин күн тартибинин актуалдуу маселелери, анын ичинде Улуу жана Кичи Памирдеги афган кыргыздарын колдоо боюнча долбоорлор талкууланды. Андан тышкары, тараптар инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышты.

ТИМ: Вандык кыргыздар Түркиядагы Кыргызстандын элчисине ыраазычылык билдирди

Айдарбеков 2020-жылдын сентябрында Доха шаарында башталган элдешүү процессин колдой турганын, ошондой эле Афганистанда тынчтыктын орношу үчүн жана бүтүндөй региондук коопсуздукту бекемдөө максатында ал процесстин ишке ашарына үмүт артарын билдирди.

0
Белгилер:
мамиле, Афганистан, Чыңгыз Айдарбеков, Памир кыргыздары
Тема боюнча
Бутумду кучактап "кыргызга салам айт" деп ыйлаган кандаш. Афганчылардын баяны