АКШ президенти Дональд Трамп. Архивдик сүрөт

АКШда өз жарандарына каршы колдонулган супер курал. Аягы эмне болот?

197
(жаңыланган 12:48 01.09.2020)
Кошмо Штаттарда ушул тапта өзгөчө бир эксперимент жасалууда. Ал эми буга тажрыйба үчүн америкалык шайлоочулар пайдаланылып жатат.

Добуш бере алчу курактагы америкалыктарга саясий реалдуулуктун эки версиясы сунушталууда. АКШдагы шайлоо алдындагы саясий абал жана коомчулуктун жагдайы туурасында серепчи Иван Даниловдун макаласынан окуңуздар.

Абройлуу маалымат каражаттарынын өкүлдөрү, Демократиялык партиядагы саясатчылар, Голливуд жылдыздары, ошондой эле NBA спорт жылдыздары элге сунуштап жаткан расмий версияга ылайык, Кошмо Штаттарда полициянын зордук-зомбулугуна каршы тынч нааразылык акциялары жана расизм менен социалдык адилетсиздикке каршы тынч күрөш жүрүүдө.

Маалымат каражаттарын анчейин барактап, тыңдап же көз салбаган, актёр жана баскетболчу миллионерлерге толук ишене бербеген америкалыктар күбө болуп жаткан реалдуу версия боюнча азыр "социалдык адилеттүүлүктүн күрөшчүлөрү" дүкөндөрдү өрттөп, ары-бери өткөндөрдү сабаган учурлар орун алган массалык башаламандыктар болуп жатат. Ал эми Демократиялык партиянын өкүлдөрү болгон мэр менен губернаторлор полициядан кийлигишпөөнү талап этүүдө.

Ханзаада жана президент. Путин менен Мухаммеддин алакасын АКШ эмнеге кызганат?

Америкалык CNN телеканалы көрсөткөн сюжет ушундай эки ача жагдайдын соңку көрүнүшү болду. Анда кабарчы өрттөнүп жаткан имараттын алдында турат, ал эми экранда "Жалындуу, бирок негизинен тынчтык протест" деген жазуу чыгат.

Демократиялык партия полициядан вандализм акцияларынын катышуучуларына жана дүкөндөрдүн тоноочуларына кийлигишпөөнү, аларды таратпоону талап кылды, анткени "тынч протестчилер" – Демпартиянын негизги саясий активдеринин бири. Экинчиден, "нааразылык акциялары" шайлоочулардын Трампка добуш берүүдөн чочулатуу үчүн зарыл. Ал гана эмес, Демократиялык партия жана айрыкча, анын радикалдуу (медиада активдүү) канаты Трампты жана америкалык полицияны системдүү расизмге айыптоо стратегиясына толугу менен жарашып калды. Демек, эми аларга полицияны кандай күн болуп кеткенде да колдоого болбойт. Анте турган болсо, Байден да, бюджеттерин кыскартып, жергиликтүү полиция департаменттерин тараткан мэр жана губернаторлор да эл алдында кандай көрүнүп калат? Акыры, Байдендин штабынын көзөмөлүндө планетадагы күчтүү медиалык машина жана ошондой эле Киевдин майданындагы куралдуу неоулутчулдарды сүрөттөөдө "тынч митингчилер" деген терминди ойлоп тапкан кишилер бар эмеспи. Украиналык коомду ынандыруу боюнча өз милдетин так аткарган, өз маалымат талаасында ошондогудай эле вазыйпаны аткарууга мүмкүнчүлүгү көбүрөөк эмеспи. Алар телевизор менен социалдык медианы көзөмөлдөгөндөр чындыкты каалагандай бурмалай аларын ойлойт көрүнөт.

Балким, бул сырттан сүрөттөлсө, табалап жаткандай көрүнөр, бирок Трампты таптакыр жактырбаган айрым америкалык журналисттер да ушундай ойдо: "Адам өлүмүнө чейин алып келген массалык башаламандыктардын чордонуна айланган Кеношинин мэринен тарта президенттик шайлоодо ат салышкандарга чейинки демократиялык лидерлер укуктук ишти каралагысы, республикачылардын чырагына май тамызгысы же өзүнүн прогрессивдүү базасынын (электоратынын) кыжырын кайнаткысы жок. Ошентип, демократтар зордук-зомбулукка болгон реакцияны жайгарып, жай бою уланып келе жатканына карабай, жакында басылып калар деп үмүттөнүүдө".

Россия сигналы. АКШ Норвегия жээгине жашыруун кайыкты эмнеге жөнөттү

Axios жаңылык порталы кабарлагандай, "Жо Байденге жакын демократтар талап-тоноо жана зордук-зомбулуктар президент Трамптын керегине жарап кетчүдөй. Айрыкча, чечкинсиз же азырынча бир чечимге келе албай турган америкалыктар ал тарапка ооп кетиши ыктымал. Эмнеге бул маанилүү? Анткени бул – Трамп утуп чыкпасын деп убайым жегендердин абалын түшүндүрө турган масштабдуу окуя".

Эртеңки күнү иштен чыгып калбайын деп социологиялык кызматтар менен сүйлөшүүдөн же ачык жооп берүүдөн баш тартып турган шартта да, маанилүү штаттардагы сурамжылоо жана фокус-топтордун жыйынтыгы көрсөткөндөй, Трампты колдогондордун саны күн санап өсүүдө. Дал ушул себептен, абройлуу басылмалардын журналисттери түйшөлүүдө. 2016-жылы Хиллари Клинтондун жеңишин жоромолдогон социологдор ушул тапта Жо Байдендин жеңип чыгарына көзү ачыктык кылууда. Мындан улам коомчулукту күч менен коркутуу жана медиалык манипуляциясы демократтардын өз башына муш болуп калышы да мүмкүн. Балким, чыныгы реалдуулуктан четтеген журналист жана серепчилер үчүн ар бир өрттөлгөн дүкөнчө же үй-бүлөлүк кафе Трампты колдоого күчтүү жарнамалык акция экенине ишениш кыйын көрүнөт.

Талап-тоноочулар этникалык азчылыктарга таандык бизнестерди атайын талкалап турганда вандалдар "социалдык адилеттүүлүк үчүн тынч күрөшүп жатат" дегенге элди ынандырууга CNN менен NBA жылдыздары биргелешкенде да күчү жетпейт.

Миннеаполистеги талкаланган вьетнам ресторанынын ээси Юм Нгуен журналисттерге:

"Мародерлордун үй-бүлөлүк рестораныбыздын таш-талканын чыгарып жатканына көз салуу жүрөк тилди. Алар мунун баарын күлүп, шылдыңдап жасашты. Бирөөсүн атып сала жаздаганымды да жашырбайм. Ал үй-бүлөлүк сүрөтүбүзгө менин көзүмө тике карап туруп таш ыргытты... Жашып алдым. Мындай кордукка эми чыдап болбойт...", — деди.

Россиянын Коопсуздук кеңеши: киберчабуулдун 75%ын АКШ жасайт

Демократиялык партиянын саясатчылары башкарган калаада тоноочуларды атып салуу эч кандай акыйкат сотко үмүт жандырбастан, өмүрүн түрмөдө өткөрүп каларын түшүнгөн ресторан кожоюнунун сабырдуулугу суктандырбай койбойт. Бирок ушундай окуялар кайталанган сайын Трампка добуш берүүгө даяр шайлоочулардын саны артып жатканында шек жок. Ал эми бул да жетишсиз болсо, анда Вашингтондун көчөлөрүнө курал көтөрүп, өз өмүрү жана менчигин коргоодон артка кайтпагандар да чыгар.

Бул окуялардан эки маанилүү бүтүмгө келебиз: биринчиден, медианын кудурети чексиз эмес жана анын реалдуулукту өзгөртүү үгүтү акыры элдин ишеничинен биротоло тайдырышы ыктымал. Экинчиден, америкалык коомдун каймактары куралдуу талап-тоноочуларды пайдалануу аркылуу бири-бири менен мамилесин териштире бере турган болсо, дүйнөдө баягы кубаттуу державадан эч нерсе калбайт. АКШнын бүт дүйнөгө жараткан тобокелдиктери жагынан алып карасак, бул – кыйла кооптуу конфигурация.

197
Белгилер:
жаран, курал, АКШ
Тема боюнча
"Бет тырмаган тактика". РФ жана АКШ аскерлеринин Сириядагы чыры
Трамп президенттикке экинчи ирет ат салышууга расмий түрдө макулдугун берди
Тоолуу Карабахтагы талкаланган үй жана автоунаа

Карабахтагы абал: "алоолонгон" маалымат согушунун ачуу үнү

38
(жаңыланган 23:18 01.10.2020)
Согушта контрпропаганда адатта душмандын ындынын өчүрүү (деморализациялоо) үчүн анын жоготууларын көбүртүп-жабыртып, өз ийгиликтерин күчөтүп көрсөтүү ыкмасы менен пайдаланылат.

Ошентсе да Азербайжан жана Армениянын Тоолуу Карабахтагы куралдуу тиреши мурункусунан кабарлардын ушунчалык көптүгү, анан да жарыяланар замат дээрлик дароо экинчи тараптын төгүндөөсү чыкканы менен айырмаланат. Бул эл аралык байкоочуларга кырдаалды талдоону кыйындатууда, Баку менен Еревандын кандай гана расмий билдирүүсү болбосун шек жаратпай койбойт. Аскерий баяндамачы Александр Хроленко бул сапар жаңжалдын алкагында "алоолонгон" маалымат согушуна сереп салды.

Согуштук аракеттер тутанган сентябрь ичиндеги бир нече күнүндө эле шектүү сандар, фактылар, бүдөмүк эпизоддор өтө көп болуп кетти. Мисалга, Армениянын Коргоо министрлигинин маалыматы боюнча, 49 азербайжандык учкучсуз учак атып түшүрүлүп, бирок бир гана аппараттын сыныктарынын сүрөттөрү жарыяланган.

Путин, Трамп жана Макрон Карабах боюнча билдирүү даярдашты

Өз кезегинде Азербайжандын Коргоо министрлиги армениялык 18 учкучсуз аппарат атып түшүрүлүп, 80 танк жана ички курамдын бүтүндөй полку (эки миңдин тегерегиндеги киши) жок кылынганын маалымдаган.

Армения жана Азербайжан таанылбаган Тоолуу Карабах Республикасынын аймагындагы согуштук-саясий олку-солкулуктун өткөн он жылдыгында болгону 20 чакты учкучсуз аппаратынан айрылышкан.

Фронт боюнча позициясы бир топ чакырымга созулган армян полкун ыкчам жок кылуу үчүн жапырт жабыркатуучу курал талап кылынат. Ал ортодо Армениянын Коргоо министрлиги 790 азербайжан жоокери жок кылынгандыгы боюнча кабарлады.

Эгер ушундай жоготууларга дуушар болгондору анык болсо, анда мындай ыргак менен эки армия тең кышка жетпейт. Эске салсак, мобилизациялоого дейре Азербайжандын 65 миңден 125 миңге чейинки жоокери болгон. Армения жана таанылбаган Тоолуу Карабахтын 65 миңге чейинки аскер кызматкери бар.

Карабахтагы абал жана учкучсуздарды пайдалануунун "сириялык" тажрыйбасы

Су-25 чабуулчусуна каршы F-16 истребители

Армениянын Коргоо министрлиги 29-сентябрда түрк Аскердик аба күчтөрүнүн F-16 истребители азербайжандык Гянжа аэродромунан абага көтөрүлүп, Варденис районунда армениялык Су-25 штурмовигин атып түшүргөн.

Учкуч майор Валерий Данелин набыт болгон. Учактын сыныктарынын сүрөттөрү жарыяланган, бирок андан кырсыктын себептерин аныкташ татаал. Армениянын аскердик мекемеси согуштук аракеттерге түркиялык күчтөрдүн катышынын дагы толук далилдерин көрсөтүүнү убада кылууда.

Азербайжан жана Түркия ал сокку туурасында маалыматты четке кагууда. Баку согуштук авиацияны пайдаланбагандыгын айтууда. Президенттин жардамчысы Хикмет Гажиевдин маалыматына таянсак, армениялык эки Су-25 тоого барып урунган. Армения жана башка мамлекеттерде аба шарттарынан улам көрүнбөгөн учурларда мындай кырсыктар болуп келет.

Учак техникалык жактан эскилиги жетип же армениялык абадан коргонуу каражаттарынан капыстан тийген октон кулаган болушу да ыктымал. Эгер армениялык Су-25 душман тарабынан атып түшүрүлсө, республиканын Коргоо министрлигинин адистери түркиялык F-16 истребителинин учушун кантип көрүштү? Эмнеге жок дегенде Гянжада жайгашкан аэродромго сокку менен жооп кайтарган эмес? Булардын баары түкшүмөл ойлорго түртөт.

Тоолуу Карабах: дүйнө бул чатакка кандай карап, ким отко май чачып жатат. Видео

Армениянын премьер-министри Никол Пашинян 30-сентябрдагы журналисттер менен жолугушуусунда Азербайжанга (жана F-16га) каршы Су-30СМ жана ОТРК "Искандер" истребителдерин колдонуу мүмкүнчүлүгү жөнүндө түз жооп берүүдөн качты.

Россия жана дүйнөлүк коомчулуктун көп өлкөлөрү Баку менен Ереванды окту тезинен токтотууга чакырууда. РФ президенти Владимир Путин 29-сентябрда армениялык премьер-министр Никол Пашинян менен болгон сүйлөшүүсүндө жаңжал чыккан аймактагы согуштук аракеттерге тынчсызданганын билдирип, куралдуу тирешти токтотуу керектигине басым жасады. Зарыл болсо РФ президенти Владимир Путин азербайжандык кесиптеши Ильхам Алиев менен да сүйлөшмөкчү.

38
Белгилер:
Аскер, курал-жарак, Россия, Азербайжан, Армения, Тоолуу Карабах
Тема:
Тоолуу Карабахтагы жаңжал
Тема боюнча
Тоолуу Карабах: дүйнө бул чатакка кандай карап, ким отко май чачып жатат. Видео
Путин, Трамп жана Макрон Карабах боюнча билдирүү даярдашты
Тоолуу Карабахтагы Иванян аймагына ташталган бомба. Архивдик сүрөт

Путин, Трамп жана Макрон Карабах боюнча билдирүү даярдашты

121
(жаңыланган 19:27 01.10.2020)
Билдирүү даярдалып жатканы боюнча россиялык лидер Коопсуздук кеңешинин туруктуу өкүлдөрү менен өткөн жыйында айткан.

БИШКЕК, 1-окт. — Sputnik. Россия, АКШ, Франциянын президенттери Владимир Путин, Дональд Трамп жана Эммануэль Макрон Тоолуу Карабахтагы кырдаал боюнча бирдиктүү билдирүү даярдашты. Анын тексти Кремлдин сайтына жарыяланды. 

Билдирүү даярдалып жатканы боюнча россиялык лидер Коопсуздук кеңешинин туруктуу өкүлдөрү менен өткөн жыйында айткан.

Документте мамлекет башчылары аймактагы эскалацияны сындап, ок атууну токтотууну жана сүйлөшүүлөрдү жандантуу талабын коюшканы жазылган. Ошондой эле президенттер көз жумгандардын туугандарына терең кайгыруу менен көңүл айтышкан.

27-сентябрга караган түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында аскердик кагылышуулар башталган. Мунун келип чыгышына тараптар бири-бирин күнөөлөп жатат. 28-сентябрь күнү эртең менен эки тараптан тең жүздөгөн аскерлер жарадар жана каза болгону айтылды. Армения өз аймагында аскердик абал жарыялагандан соң, Азербайжан да өз өлкөсүнө аскердик абал киргизген.

Карабах чыры. Азербайжандык MMA мушкери армияга чакырылды

Баку менен Ереван абалдын курчуп кетишине бири-бирин күнөөлөп жатат. Азербайжандын Коргоо министрлиги аймакка биринчи армян тарап сокку урганын билдирсе, Армения Карабахты Азербайжан абадан ракеталар менен аткылаганын билдирүүдө.

Белгилей кетсек, Карабах чыры 1988-жылдын февраль айында башталган. Анда Карабах автономдук облусу Азербайжан ССРинин курамынан чыгарын жар салган. 1992-1994-жылы куралдуу тирештин жыйынтыгында Азербайжан Карабахты колдон чыгарган. 1992-жылдан бери бул кырдаалды тынчтык жолу менен жөнгө салуу боюнча Европадагы Коопсуздук жана кызматташтык уюмундагы (ОБСЕ) Минск кеңешмесинин алкагында сүйлөшүүлөр жүрүп келет. Анда Азербайжан өз аймагынын бүтүндүүлүгүн көздөсө, Армения сүйлөшүүлөргө аралаша албаган Карабах Республикасынын кызыкчылыгын коргойт.

121
Белгилер:
билдирүү, Тоолуу Карабах, Франция, АКШ, Россия
Тема:
Тоолуу Карабахтагы жаңжал
Тема боюнча
Ингушетиядагы операцияда КРде легионер-спортчу болгон Евлоев жок кылынды
Тоолуу Карабах: дүйнө бул чатакка кандай карап, ким отко май чачып жатат. Видео
Карабахтагы абалдын курчушу Кавказдагы чырга Россияны аралаштыруу аракетиндей...
Тышкы иштер министри Чыңгыз Айдарбеков

Айдарбеков Улуу жана Кичи Памирдеги кыргыздар боюнча афган кесиптеши менен сүйлөштү

0
Боордошторго байланышкан долбоорлордон тышкары эки аткаминер инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышкан.

БИШКЕК, 1-окт. — Sputnik. Тышкы иштер министри Чыңгыз Айдарбеков афганистандык кесиптеши Мохаммад Ханиф Атмар менен видеобайланыш аркылуу сүйлөшкөнүн ТИМдин маалымат кызматы билдирди.

Сүйлөшүүнүн жүрүшүндө кыргыз-афган мамилелеринин күн тартибинин актуалдуу маселелери, анын ичинде Улуу жана Кичи Памирдеги афган кыргыздарын колдоо боюнча долбоорлор талкууланды. Андан тышкары, тараптар инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышты.

ТИМ: Вандык кыргыздар Түркиядагы Кыргызстандын элчисине ыраазычылык билдирди

Айдарбеков 2020-жылдын сентябрында Доха шаарында башталган элдешүү процессин колдой турганын, ошондой эле Афганистанда тынчтыктын орношу үчүн жана бүтүндөй региондук коопсуздукту бекемдөө максатында ал процесстин ишке ашарына үмүт артарын билдирди.

0
Белгилер:
мамиле, Афганистан, Чыңгыз Айдарбеков, Памир кыргыздары
Тема боюнча
Бутумду кучактап "кыргызга салам айт" деп ыйлаган кандаш. Афганчылардын баяны