Парк. Архив

Кооптуу... Күзүндө паркка барбай тургула. Адистин кеңеши

182
(жаңыланган 14:49 02.09.2020)
Россиялык адис күзүндө аллергияга байланыштуу вирустар активдешерин айтты. Андан сырткары, кадимки эле чириген жалбырактар бир катар ооруну шарттай турганын эскертти.

БИШКЕК, 2-сен. — Sputnik. Грипптин вирусуна кабылып калбаш үчүн күзүндө сейил бак аралоону жана кадимки эле кантты ичүүнү азайтыш керек. Бул тууралуу Sputnik радиосуна жогорку квалификациядагы дарыгер Людмила Лапа айтып берген.

Жылдын аталган мезгилинде аллергияга байланыштуу вирустар активдешет. Күн сууктап, ным тартып, жамгыр жаап баштаганда жалбырактар түшөт, бул учурда паркка барган катардагы эле сейилдөөнүн ооруга себепчи болору айтылды.

COVID-19га күзүндө кабылгандар дартты оор көтөрүшү мүмкүн. Эксперттин пикири

"Күзүндө абайлаш керек. Себеби азыр аллергиядан жапа чеккендердин 50 пайызы — билинбей жүргөн ноокастар. Жамгыр жааганда жердеги жалбырактар чирий баштайт да, жугуштуу оору таркатуучу жана түрдүү нерселерди ачытуучу өсүмдүк микроорганизми деп таанылган инфекция өрчүйт. Алар аллергияны же иммундук системанын күчтүү реакциясын пайда кылат. Аталган инфекция былжыр челдерди сезгентип, кандай гана вирус болбосун тез жугат", — деп эсептейт дарыгер Лапа.

Терапевт мындан сырткары күзүндө таттууну азайтуу зарыл экендигин айткан.

"Кант диабети менен аллергиядан жапа чеккендердин клиникалык белгилери окшош болот. Кант териде, былжыр челде сезгенүүнү шарттагандыктан, кандай гана вирустук же бактериялык инфекция болбосун дароо жармашат. Андан ары курч респиратордук оорулар, бронхит жана башка илдеттер башталат", — деп кошумчалаган дарыгер.

Күздү утурлай. Өкмөт сасык тумоого каршы арбын вакцина сатып алууну пландоодо

Мындан улам адис күзүндө сейил бакка арбын чыгууну жакшы көргөндөр ал адатынан кармана турушу керектигин кошумчалады.

182
Белгилер:
жалбырак, грипп, сасык тумоо, бактерия, коронавирус, күз
Тема:
Дүйнөгө жайылган коронавирус (1059)
Тема боюнча
ДССУ башчысы жай турмушка кайтуунун төрт негизги жолун атады
Бразилияда эч оорубастан 5 ай бою COVID-19ду алып жүргөн аял табылды
Бир рубль монетасы жана долларлык монета жана купюрасы. Архив

Россияда доллардын баасы кескин кымбаттап кетти

62
(жаңыланган 00:14 24.09.2020)
Доллардын сомго карата баасы сезилерлик өзгөргөн жок. Анткен менен Россия акчасынын наркы түшүп кетиши, доллардын Кыргызстандагы баасына таасир этип койгон учурлар көп.

БИШКЕК, 23-сен. — Sputnik. Россияда апрель айынан бери биринчи жолу доллар 77 рублге чыгып, кескин кымбаттады. Бул тууралуу РИА Новости жазды.

Москва биржасынын маалыматына караганда, бир доллар Бишкек убактысы боюнча саат 20:24тө 77,07 рублди түздү (96 тыйынга кымбаттады). Ал эми евро 80 тыйынга кымбаттап, 89,93 рубль болду.

Белгилей кетсек, доллардын сомго карата баасы сезилерлик өзгөргөн жок. Анткен менен Россия акчасынын наркы түшүп кетиши, доллардын Кыргызстандагы баасына таасир этип койгон учурлар көп.

62
Белгилер:
баа, доллар, Россия
Тема боюнча
Россияда евронун баасы рекорддук көрсөткүчкө жетти. Кыргызстанда абал кандай?
Президент Сооронбай Жээнбековдун БУУнун Башкы Ассамблеясынына видеокайрылуусу

Жээнбеков БУУнун Башкы Ассамблеясынын сессиясында сүйлөдү. Эмне тууралуу сөз болду

42
(жаңыланган 00:21 24.09.2020)
Президент Кыргызстан элинин атынан БУУга бардык реформаларды колдоого алгандыгы үчүн ыраазычылык билдирип, уюмдун коронавирус инфекциясы менен күрөшүүдөгү күч-аракеттерин колдой турганын айтты.

БИШКЕК, 23-сен. — Sputnik. Президент Сооронбай Жээнбеков бүгүн, 23-сентябрда, БУУнун Башкы Ассамблеясынын 75-сессиясындагы Жалпы дебаттар алкагында видеокайрылуу жасады. Бул тууралуу өлкө башчынын маалымат кызматынан билдиришти.

Жээнбеков бүгүнкү күндө дүйнөнү Бириккен Улуттар Уюмусуз элестетүү мүмкүн эместигин, бул уюм социалдык-экономикалык, каржылык, маданий көйгөйлөрдү чечүүнүн өтө маанилүү куралы болуп калганын баса белгиледи. Анын пикиринде, БУУнун мекемелери, фонддору жана программалары өнүгүп келе жаткан мамлекеттердин керектүү жана натыйжалуу өнөктөшү болуп саналат.

Путин: БУУ бир орунда катып калбай, заманга ылайыкташуусу керек

Ошондой эле президент Кыргызстан элинин атынан БУУга бардык реформаларды колдоого алгандыгы үчүн ыраазычылык билдирип, уюмдун коронавирус инфекциясы менен күрөшүүдөгү күч-аракеттерин колдой турганын айтты.

Президент Кыргызской Республики Сооронбай Жээнбеков выступил с видеопосланием на 75-й юбилейной сессии Генеральной Ассамблеи ООН. 21 сентября 2020 года
© Пресс-служба президента КР / Султан Досалиев
Президент Сооронбай Жээнбековдун БУУнун Башкы Ассамблеясынын 75-сессиясындагы Жалпы дебаттар алкагында видеокайрылуусу
“Кыргызстанда 43 миңден ашуун адамга илдет жукканы аныкталды, тилекке каршы, бир миң алтымыш үч жараныбызды жоготуп алдык. Үстүбүздөгү жылдын 30-июлунда биздин өлкөдө Аза күтүү күнү жарыяланган. Кыргызстан элинин биримдигинин, медиктерибиз менен ыктыярчыларыбыздын каарман эмгегинин аркасында вирустун жайылышын бир кыйла төмөндөтө алдык. Дүйнөлүк саламаттык сактоо уюму, Бириккен Улуттар Уюму жана анын ыкчам түрдө түзгөн фонду, ошондой эле эл аралык донорлор тарабынан көрсөтүлгөн жардам биз үчүн чоң мааниге ээ”, — деди Жээнбеков.

Мындан тышкары, президент пандемия тышкы карыз кризисин абдан татаалдаштырганын белгиледи.

Президент Кыргызской Республики Сооронбай Жээнбеков выступил с видеопосланием на 75-й юбилейной сессии Генеральной Ассамблеи ООН. 21 сентября 2020 года
© Фото / UN Photo/ Eskinder Debebe
Президент Сооронбай Жээнбековдун БУУнун Башкы Ассамблеясынын 75-сессиясындагы Жалпы дебаттар алкагында видеокайрылуусу
"Биз “Чоң жыйырмалыктын” жана эл аралык каржы институттарынын карыздар боюнча төлөмдөрдү токтото туруу чечимин кубаттайбыз. Үстүбүздөгү жылдын май айында БУУнун жогорку деңгээлдеги иш-чараларында туруктуу өнүктүрүү долбоорлорунун ордуна тышкы карызды терең реструктуризациялоо механизмин колдонууну сунуш кылганбыз. Биздин демилгебиз активдүү колдоого алынарына үмүт кылабыз”, — деди өлкө башчы.

Дүйнө чарчады. Лавров БУУнун Башкы Ассамблеясынын сессиясында сүйлөдү

Ошондой эле президент Кыргызстан Борбордук Азиядагы ядролук куралсыз аймак жөнүндөгү келишимдин депозитарийи катары, өзөктүк куралсыздандыруу жана аны жайылтпоо боюнча мамилелерди күчөтүүнү жактаарына токтолду.

Президент аны менен катар экологиялык маселелер боюнча Кыргызстанда кылынып жаткан иш-чаралар тууралуу кеп кылды.

Президент Кыргызской Республики Сооронбай Жээнбеков выступил с видеопосланием на 75-й юбилейной сессии Генеральной Ассамблеи ООН. 21 сентября 2020 года
© Фото / пресс-служба президента КР
Президент Сооронбай Жээнбековдун БУУнун Башкы Ассамблеясынын 75-сессиясындагы Жалпы дебаттар алкагында видеокайрылуусу
“Өткөн жылдын ноябрында Климаттын өзгөрүшү боюнча Париж келишимин ратификацияладык. Кыргызстан бул милдеттерди ишке ашыруунун эң маанилүү кадамы катары “жашыл” экономиканы өнүктүрүүнү көздөйт. Биз таза энергиянын өлкөсү болууга умтулуудабыз. Кыргызстан салттуу энергия булактарын керектөөнү бара-бара кыскартууга багыт алат. Суу-энергетикалык потенциалыбызды ГЭСтерди куруу жана “CASA-1000” эл аралык долбооруна катышуу аркылуу пайдаланууну маанилүү деп эсептейбиз. Бул биздин коңшуларыбыздын сугат муктаждыктары үчүн суу ресурстарынын топтолушуна жана бүтүндөй аймактын туруктуу өнүгүүсүнө өбөлгө түзөт”, — деди президент.

Маалыматка караганда, Кыргызстан Башкы Ассамблеянын бул сессиясына “Жаратылыштын чек арасы жок: трансчекаралык кызматташтык — биоартүрдүүлүктү сактоодогу жана туруктуу пайдалануудагы негизги фактор” аттуу жаңы резолюциянын долбоорун алып чыкты. Өлкө башчы БУУда Кыргызстандын демилгеси колдоого алынарына ишеним артарын айта кетти.

Ошондой эле кайрылууда Кыргызстан Борбор Азияда аймактык кызматташтыкка өзгөчө маани берери жана аймактык пикир алышуу аянтчаларына активдүү катышары айтылды.

Жээнбеков мамлекеттик карызды кечүүнү суранды. Эмнеге алмашууну сунуштады?

Президент өз сөзүндө тарых БУУнун тынчтыкты сактап, өзүнүн негизги милдетин татыктуу аткарып жатканын тастыктап турарын билдирди.

Эске салсак, буга чейин президент 21-сентябрь күнү БУУнун Башкы Ассамблеясынын мааракелик 75-сессиясында видеокайрылуу жасаган.

42
Белгилер:
кайрылуу, сессия, Сооронбай Жээнбеков, БУУ, Кыргызстан
Тема боюнча
Жоомарт сунушка рахмат! БУУ Путинге вакцина боюнча ыраазылык билдирди