Жылан. Архивдик сүрөт

Ургаачысы үчүн кармашып... Шыптан кулаган Австралиядагы жыландардын сүрөтү

757
(жаңыланган 09:03 03.09.2020)
Адис узундугу бир нече кулач болгон жыландарды кармаган. Экөөнүн салмагын кошкондо 50 килограммга жакындаганын айтып берген.

БИШКЕК, 3-сен. — Sputnik. Австралиянын Квинсленд штатынын жашоочусу Дэвид Тейт үйүнө келип талкаланган шыпты көрүп, эки башка бөлмөдөн узундугу бир нече кулач болгон эки жыланды тапкан. Бул тууралуу "National Geographic Россия" сайты жазды.

Ал эми окуянын кандай болгонун баяндаган сүрөт Facebook тармагына жарыяланды.

Тейт үйүнө келип талкаланган шыпты, ашканасынан чачылган идиш-аяктарды көрүп, алгач эмне болуп кеткендигин баамдаганга аракет кылган. Ал жакынкы күндөрү жамгыр жаабагандыктан чагылган түштү деген ойдон алыс болгондугун айткан.

Питондун оозунан антилопаны жула качкан жырткычтын видеосу

Тамын акырындап карап чыгып, уктоочу жана конок бөлмөдөн илимде Morelia spilota деп аталган эки питонду тапкан. Коопсуздугун ойлогон жигит жыландарды кармап кызмат көрсөтүп жүргөн Стивен Браунга кайрылган.

Адис узундугу 2,5 жана 2,8 метр болгон жыландарды кармаган. Экөөнүн салмагын кошкондо 50 килограммга жакындаган.

"Менимче, бул экөө тамдын чатырынан ургаачы жылан үчүн урушуп кетип, алардын салмагын көтөрө албай шып сынып кеткен", — деген Браун.

Кучакташып, оролуп, чимириле бийлеген жыландар. Индиядагы видео

Күтүлбөгөн конокторду кармаган Браун питондорду токойго, ал эми алардын сүрөттөрүн Facebook колдонуучуларына жөнөткөн.

Жылан кармагыч кылдаттык менен ургаачы жыланды издеп, бирок чатырдан таба алган эмес. Адис питондордун тамдын үстүнө чыгып кеткенине өзү да айран-таң.

757
Белгилер:
Австралия, питон, шып, кооптуулук, жылан
Тема боюнча
Арстандар ургаачысына жагайын деп бири-бирин тытып сала жаздады. Видео
Жашоо үчүн күрөш. Чүткөр менен жыландын кармашкан видеосу
Дагестанда аялдын оозунан жылан алып чыгыштыбы? Соцтармактагы видеого жооп

1 500 аскер катышууда. Россия менен Өзбекстандын аскердик машыгуусу видеодо

19
Россия менен Өзбекстан коңшу өлкөнүн Термез шаарындагы полигонунда биргелешкен аскердик машыгуу өткөрүп жатат.

Видеону Россиянын Коргоо министрлиги жүктөдү.

Күжүрмөн окуунун алкагында атайын даярдыктагы бөлүктөр Ми-171 жана Н-215 тик учактарынан секирип түшүп, "куралдуу топторду жок кылышты". Ошондой эле аскерлер 15 чакырымга жүрүш жасап, жолдо катар татаал сыноолордон өттү.

Машыгууга эки тараптан кеминде 1 500 миңдей аскер катышууда.

19
Белгилер:
Россия, Өзбекстан, Аскер, машыгуу, видео
Тема боюнча
Афганистанга жакын аймакта Тажикстан, Россия, Өзбекстандын машыгуусу башталды
Алтайдагы Катунь дарыясы. Архив

Алтайда 25 жаштагы кыргызстандык жигит дарыяга чөгүп каза болду

42
(жаңыланган 19:49 05.08.2021)
Кыргыз диаспорасы полиция жана куткаруучулар менен биргеликте жаранды издеп таба албай коюшкан. 10 күндөн кийин сөөгүн туристтер көрүп калган.

БИШКЕК, 5-авг. — Sputnik. Алтайда инструктор болуп иштеп жүргөн 25 жаштагы кыргызстандык жигит Катунь дарыясында сүзүп жүрүп чөгүп кетти. Бул туурасында Кыргызстандын Новосибирскидеги башкы консулдугу билдирди.

Окуя 20-июлда Тельдекпень-2 аймагында болгон. Кыргыз диаспорасы полиция жана куткаруучулар менен биргеликте издеп таба албай коюшкан.

"30-июлда туристтердин бири Катунь дарыясынын Еланда аймагынан кыргызстандык М.С. аттуу жарандын сөөгүн көрүп полицияга кабарлаган. Кыргыз диаспорасынын көмөгү менен маркумдун сөөгү Кыргызстанга 4-августта жиберилди. Жол чыгымдары үчүн Башкы консулдук тарабынан 70 миң рубль өлчөмүндө мамлекеттик компенсация төлөндү", — деп жазылат маалыматта.

Башкы консулдук окуянын иликтенишин көзөмөлүнө алганы белгиленди. Аны менен катар Россиянын ТИМинин Барнаулдагы өкүлчүлүгүнө, тергөө жана көзөмөл органдарынын жетекчилигине тергөө ишин көзөмөлгө алууну сурап кайрылуу жиберген.

42
Белгилер:
Алтай крайы, Кыргызстан, өлүм, дарыя, сөөк, жеткирүү
Тема боюнча
Экинчи ирет киргенде тапкан. Караколдо милиционер чөккөн өспүрүмдү куткарып калды
Ысык-Көлдө 15 күн мурда жоголгон турист кыздын сөөгү табылды. Сүрөттөр