Сатыктагы лимон, сарымсак жана имбирь. Архив

Дарыгер иммунитетти көтөрүүдө сарымсак менен имбирдин маанисин айтты

340
(жаңыланган 09:20 03.09.2020)
Ден соолук бекем болуп, инфекциялык оорулардан оолак жүрүү үчүн дарыгер таза абага көбүрөөк чыгып, жөө басууну сунуштады.

БИШКЕК, 3-сен. — Sputnik. Күн сууктаганда тынбай имбирь менен сарымсак жей берүү иммунитетти бекемдөөгө жардам бербейт. Бул тууралуу дарыгер-иммунолог Марина Аплетаеванын айтымына таянып "Известия" басылмасы жазды.

Адис белгилегендей, иммунитет бекем болуш үчүн адам дайыма дени сак жашоо образын карманып, оорунун алдын алган чараларды көрүшү керек.

Иммундук системаны бекемдейт деген имбирь, сарымсак, лимон организмди ар кандай оорулардан жалгыз эле коргой албайт. Ал үчүн туура тамактанып, дене тарбия көнүгүүлөрүн да жасап туруу шарт.

Ден соолук бекем болуп, инфекциядан оолак жүрүү үчүн дарыгер таза абага көбүрөөк чыгып, жөө басууну сунуштады. Мындан сырткары, спорт менен алектенип, тез татымдан баш тартуу да маанилүү экендигин айтты.

340
Белгилер:
кеңеш, оору, инфекциялык оору, иммунитет
Тема боюнча
Сарымсак жеп туруу кайсы органдарга пайдалуу? Дарыгердин кеңеши
АКШ президенти Дональд Трамп. Архивдик сүрөт

Саясат таануучу: Трамптын Навальный жөнүндөгү "чуулуу окуяга" аралашкысы жок

6
(жаңыланган 12:29 28.09.2020)
Америкалык сенаторлордун тобу Алексей Навальный кабылган окуядан улам Россияга каршы санкция киргизүү жөнүндөгү мыйзам долбоорун алып чыкты. Sputnik радиосунун эфиринде саясат таануучу Владимир Можегов бул демилгени "абаны чайкоо" деп атап, себебин түшүндүрдү.

Америкалык сенаторлордун тобу Алексей Навальный боюнча окуядан улам Россияга каршы мыйзам долбоорун алып чыкканын республикачы сенатор Марко Рубионун сайтында жарыяланган.

Авторлордун пикири боюнча, документте "эл аралык укукту көз көрүнөө бузууга", анын ичинде Навальныйдын "ууланышына" тиешеси бар россиялык расмий адамдарга каршы чектөөлөрдү киргизүү да каралат.

Германия Алексей Навальныйды үн катпоого мажбурлайт. Саресеп

Мыйзам долбоору америкалык бийликтен Россиянын президенти Владимир Путин жана анын айланасындагылардын каржылары жөнүндө эмне белгилүү болсо, конгрессте отчет берүүнү талап кылат. Мындан тышкары, ал Ак үйдөн химиялык жана биологиялык куралды пайдаланууга тыюу салган АКШнын мыйзамдарын бузган-бузбаганына жооп берүүгө милдеттендирет.

Марко Рубиодон сырткары, документти республикачы сенатор Митт Ромни, ошондой эле демократтар Крис Кунс, Бен Кардин жана Крис Ван Холлен да кубаттайт. Мыйзам долбоорунун кабыл алынышы үчүн аны сенат жана өкүлдөр палатасы колдоп, АКШ президенти кол коюуга тийиш.

Sputnik радиосунун эфиринде саясат таануучу Владимир Можегов сенаторлордун демилгеси боюнча оюн мындайча билдирди: "Бул коомдук иш. Кандай отчеттор болсун? Таптакыр болбогон нерселер. Булардын баары шайлоо алдындагы шыкактоо. Анан да Навальныйдын иши демократтардын күн тартибинде. Республикачылар буга кыйылып жатып кошулушкан. Менимче, мындан ары колдошпойт. Кандай болгон күндө да мунун баарына Трамп өтө этияттык менен алып келди. Мамлекеттик катчы Майк Помпео окуянын бардык фактылары белгилүү болгондо гана реакция кылуу керектигин айткан, азырынча эмне болуп жатканы анча так эмес", —дейт Владимир Можегов.

Россия Германияга кол суна албайт. Учурдагы жагдайга сереп

Анын пикиринде, америкалыктар Навальный жөнүндө маалыматтарды немецтерден ала алышмак, бирок алардан өтүнүч түшө элек.

"Бул санкциялар үчүн кандайдыр бир негиз болмок, бирок андай өтүнүчтөр али түшө элек. Ошол себептен мунун баары мага абаны чайкоо болуп сезилүүдө... Бул кандайдыр күңүрт окуя, ошондуктан Трамп ага аралашкысы, демократтардын алдамчылыгына илешкиси жок. Менимче, демократтар бул теманы пиар кылууну күчөтүшөт, ал эми Трамп булардын баарынан оолак турат", – деп эсептейт саясат таануучу.

Алексей Навальный учакта абалы начарлап, Омскиде 20-августта ооруканага жаткырылган. Врачтар зат алмашуусу бузулганын, андан улам канда канттын көлөмү кескин түшүп кеткенин аныкташкан. Ага эмне себеп болгону азырынча белгисиз, бирок Навальныйдын каны жана заарасынан уулуу зат табылган эмес. Кийинчерээк аны Германияга которушкан.

Сентябрдын башында немец өкмөтү россиялык жаран "Новичок" деп аталган согуштук заттардын субстанциясы менен ууландырылганын жарыялашкан. Москва берлиндик лабораториянын анализдеринин жыйынтыгы тууралуу толугураак маалымат сурап кайрылган, бирок жооп болгон эмес.

Россия ТИМи Берлиндин Навальный тууралуу билдирүүсүнө үн катты

Ошону менен бирге эле германиялык BND чалгын кызматынын 1990-жылдардан бери "Новичокту" алууга мүмкүнчүлүгү бар экени белгилүү. Андан сырткары, 20 батыш өлкөсү, атап айтканда, Улуу Британия, АКШ, Швеция, Чехия аны изилдеп келген.

Россия 1992-жылы, президенттин жарлыгына ылайык, химиялык курал чөйрөсүндөгү иштеп чыгууларын токтоткон, ал эми 2017-жылы андай заттардын бардык запасын жок кылган. Муну Химиялык куралга тыюу салуу боюнча эл аралык уюм да тастыктаган.

6
Белгилер:
өтүнүч, санкциялар, Россия, АКШ, Дональд Трамп
Тема боюнча
Германия Алексей Навальныйды үн катпоого мажбурлайт. Саресеп
Россия ТИМи Берлиндин Навальный тууралуу билдирүүсүнө үн катты
Россиянын Тергөө комитети. Архивдик сүрөт

51 кыргызстандык жабыркаган Москвадагы кырсык боюнча кылмыш иши козголду

75
(жаңыланган 10:38 28.09.2020)
Тергөө комитетинин алдын ала текшерүү иш-чараларынын натыйжасында кылмыш ишин козгоо чечими кабыл алынган.

БИШКЕК, 28-сен. — Sputnik. Москва облусунда көпүрө урап, 51 кыргызстандык жабыркаган кырсык боюнча кылмыш иши козголду. Бул туурасында Россиянын Тергөө комитети билдирди.

Алдын ала текшерүү иш-чараларынын натыйжасында РФтин Кылмыш-жаза кодексинин 143-беренесинин 1-бөлүгү ("Эмгекти коргоо талаптарын бузуу, этиятсыздыктын кесепетинен адамдардын ден соолугуна оор зыян келтирүү") менен кылмыш ишин козгоо чечими кабыл алынган.

"Россия Федерациясынын Тергөө комитетинин төрагасы Александр Бастрыкин Ступиного борбордук аппараттын криминалисттерин жиберди. Жакынкы аралыкта окуя болгон жерди текшерип башташат. Тергөө бардык жагдайды жана жумушчулардын массалык түрдө жаракат алган себебин аныктап чыкмакчы", — деп айтылат маалыматта.

Эске салсак, 27-сентябрь күнү Москва облусунун Ступино шаарындагы FM LOGISTIC логистикалык ишканасында (кампа комплекси) жөө адамдар өтүүчү көпүрө урап, 51 кыргыз жараны жабыркаган. Анын ичинен төрт мекендештин абалы оор. Каза болгондор катталган эмес.

Россияда кыргызстандыктар жабыркаган кырсыктын болжолдуу себеби айтылды

Кыргызстандын дипломатиялык өкүлчүлүгүнүн кызматкерлери бейтаптардан кабар алып, тийиштүү иш-чараларды жүргүзүүдө. Маселени КРдин Россиядагы элчиси Аликбек Жекшенкулов жеке көзөмөлүнө алган.

75
Белгилер:
тергөө, кылмыш иши, кырсык, көпүрө, Москва
Тема боюнча
Боронов РФте көпүрө урап жабыркаган мекендештерге жардам берүүнү тапшырды
Россияда көпүрө кырсыгынан жабыркаган кыргызстандыктардын саны 51ге жетти
Медицинский работник на территории карантинного центра в Коммунарке.

Министрлик: шайлоого карата вирус жуктургандардын саны азайтылган жок

0
Министрликтин өкүлү июль айында вирус жуктургандардын саны кескин көбөйүп, кийин кайра азайганын эске салуу менен бул кадыресе көрүнүш экенин белгиледи.

БИШКЕК, 28-сен. – Sputnik. Жогорку Кеңештин шайлоосун өткөрүп алуу үчүн коронавирус жуктургандардын саны атайылап азайтылып айтылууда деген маалымат чындыкка дал келбейт. Бул тууралуу саламаттык сактоо министринин орун басары Нурболот Үсөнбаев билдирди.

COVID: Кыргызстанда 13 киши өтө оор абалда реанимацияда жатат

https://sputnik.kg/society/20200928/1049757423/koronavirus-menen-13-kishi-oto-oor-abalda-reanimatsiyada-zhatat.html

Белгилей кетсек, соцтармактын колдонуучулары шайлоого карата элди дүрбөлөңгө салбаш үчүн илдет боюнча статистика азайтылып көрсөтүлүп жатышы мүмкүндүгүн болжошууда.

Бул боюнча Үсөнбаев саламаттык сактоо тармагынын шайлоого эч кандай тиешеси жоктугун билдирди.

"Статистика төмөндөгөн жок. Керебеттер толуп эле калып жатат. Июлда ооругандардын саны абдан көбөйгөн, кийин кайра түштү. Бул кадыресе процесс. Учурда COVID жуктургандар кайра көбөйө баштаганын байкап жатабыз. Бул көрүнүштүн шайлоого эч кандай тиешеси жок", — деди Үсөнбаев.

Жогорку Кеңештин шайлоосу 4-октябрда өтөт. Акыркы кезде илдетке кабылгандардын саны күнүнө 100дөн түшпөй жатат.

Теги: Саламаттык сактоо министрлиги коронавирус шайлоо статистика

Инжект: https://sputnik.kg/society/20200928/1049756932/sonku-sutkada-koronavirustan-osh-oblusunda-bir-adam-koz-zhumdu.html

0