АКШ аскерлери Багдадда. Архив

Үйгө куралчан тараган балдар. АКШнын Ирактагы жеңиши жана кемчилиги

119
(жаңыланган 10:18 03.09.2020)
"Экстремисттер бомба жардырууну, калкка кол салып жана душмандыкты тутантууну улантышат", — деп эскерткен Барак Обама Ирактагы согуштук операция аяктаганын жарыялап жатканда. Коалиция аталган өлкөдө вазыйпасын аяктап, үйгө кайтууга тийиш болчу.

Андан бери он жыл өттү, бирок америкалыктар дале Багдадда. Ирак калкына көрсөткөн АКШнын жардамынын аягы эмне болуп бүттү? Бул тууралуу РИА Новости агенттиги эскерет.

Операция башаты

"Ушул сааттарда коалициялык күчтөр Иракты куралсыздандыруу, анын калкын куткаруу жана дүйнөнү чоң коркунучтан коргоп калуу үчүн согуштук операциясын баштайт" — кенже Жорж Буштун ушул сөздөрү менен Кошмо Штаттар 2003-жылдын 19-мартында Иракка аяк баскан. Бир жарым саат өтпөй Персия булуңунда жайгашкан "Томагавк" ракетасы алгачкы буталарын жок кылып, ал эми коалиция Кувейт менен чектешкен жерде чабуулга өткөн.

Кошмо Штаттар үчүн бул эл аралык терроризмге каршы күрөшкө дагы бир кадам болгон. Эсиңиздерде болсо, 2001-жылдын 11-сентябрындагы терактыдан кийин террорго каршы согуш жарыяланган. Ал күнү "Аль-Каида"* согушкерлери үч миңдин тегерегиндеги кишини өлтүргөн.

Жеңилүүгө дуушар кылган жеңиш. Ирак окуясын талдаган китепке сереп

Жорж Буш өз калкына ал кандуу окуяга айыптууларды таап, жазалоого убада берген. Афганистандагы согуштун аркасы менен да "биринчи саптагы террорчу" Усама бен Ладен колго түшүрүлгөн эмес. Бирок америкалыктар башка лидерге — Саддам Хусейнге басым жасоого өткөн. Чалгын кызматынын маалыматы боюнча, ал террорчуларга жең ичинен жардам берген, мындай билдирүүлөр кийин жалган экендиги аныкталган эле.

Жаңы ирактык кампанияга америкалык коомчулукту алдын ала даярдашкан. "Жамандыктын огу" планына дагы бир бөлүктү кошуу жөнүндө Жорж Буш 2002-жылдын январында кеп козгогон. Сентябрда БУУнун Башкы ассамблеясынын трибунасынан: "Эгер Хусейн куралсызданбай турган болсо, согуштан кача албайбыз", — деп опузалаган.

Көп өтпөй Конгресс Иракка каршы күч колдонууга уруксат берген резолюцияны президентке кол коюуга жөнөткөн. Ал эми сенат аскердик чыгымдарды он жылда рекорддук түрдө 37,5 миллиард доллардан 355,1 миллиардга чейин көбөйтүү чечимин жактырган.

2003-жылдын январында Буш: АКШнын чалгындоо кызматында Саддам Хусейн массалык жабыркатуучу куралды, атап айтканда, сибирь жарасынын спораларын катып жатканы боюнча маалымат бар деп кабарлаган.

Жыйынтыгында Иракта 1980-жылдан калган, масштабдуу зыян келтирүүгө жараксыз химиялык куралды гана табышкан. "Ирак эркиндиги" операциясынын расмий шылтоосу ушул болчу.

Тез эле басып кирүү

"Жаман ниет менен келгендер, Кудайдын, мекендин жана адамзаттын душмандары макоолук кылып, биздин мекенге жана калкыбызга кол салды", — деп жарыялаган Ирак радиосу коалициялык күчтөр өлкөгө басып кирген күнү. Саддам Хусейн качууга аргасыз болуп, элге үн жаздыруу аркылуу кайрылган.

АКШ жана Улуу Британиянын күчтөрү Ирактыкынан алда канча күчтүү болчу. Бир нече апта аралыгында коалициянын кысымы алдында Басра, Кербела, Киркук, Мосулду, ал эми 14-апрелде качып кеткен лидердин кичи мекени Тикрит шаарын аралаган. Операциянын активдүү фазасына 26 күн кетип, 2003-жылдын 1-майында баары аяктаган. Узакка созулган оккупация жана Саддам Хусейнге куугунтук башталган.

Сазга батып... Жакынкы Чыгыштагы орустар АКШнын тынчын алууда

Аны тогуз айдан соң, "Кызгылтым таң" вазыйпасынын жүрүшүндө колго түшүрүшкөн. Тикриттен анчалык ыраак эмес жерде жашырынган саксайган, багытынан тайган Хусейнди сүйрөп баратышканындагы кадрлар бүт дүйнөгө тараган. Колунда огу чыгарылган тапанчасы (аны кийин Жорж Буш сары майдай сактап жүрбөдүбү) жана 750 миң доллар салынган чемодан болгон.

Ошондон эки жылдан кийин мурдагы президент дарга асуу аркылуу өлүм жазасына тартылган. Бирок согуш токтоп калбады. Иракты диний зомбулуктун толкуну каптады.

Жардам деп жабыр тарттырып...

"Ирак — эң татаал аймактардын бири. Америкалыктар конфессиялык планда гана тургай, "цивилизациялык калаа" жана ирак коомчулугунун уруулук бөлүгү, чөлдүн деңгээлинде да көптөгөн көйгөйлөрдү таап чыккан, — деп белгилейт эл аралык иштер боюнча Россиялык кеңештин программалык директору Руслан Мамедов. — Үстөккө босток болуп жатып, иштебеген мамлекеттик түзүлүш түптөлгөн. АКШ басып кирген соң ал өз алдынча жөндөп кете албаган толтура көйгөйгө тушуккан".

2004-жылкы жымжырттыктан кийин Саддам Хусейндин тушунда бийликте турган суннит азчылыгынын шиит жана күрддөр менен кастыгы күч алган. Андан жыл айланбай өлкөдө жарым кылымдан бери биринчи ирет, согушкерлер ар бир тилкеге көз атарларды коерун айтып коркутса да, көп партиялуу парламенттик шайлоо өткөн. Чындыгында сунниттер шайлоого бойкот кылышкан. Анткен менен, жаңы конституцияны тааныштырууга тийиш болгон утурумдук өкмөттү түзүүгө жетишишкен.

Процесс шииттер, күрттөр жана сунниттердин ортосундагы каршылаштыктан улам кечеңдеген. Сунниттер өлкөнүн федералдык түзүлүшүнө макул болушкан эмес. "Баас" партиясынын ыдыратылышы жана башка абалдар көбүнесе шииттер менен күрттөрдүн кызыкчылыгында эле.

"Бет тырмаган тактика". РФ жана АКШ аскерлеринин Сириядагы чыры

Баары бир Конституцияны кабыл алып, жаңы парламентти түптөшкөн. Бирок бул деле өлкөнү зомбулуктан сактай алган эмес. Өлкөнүн саясий бөлүгүнүн басымдуу бөлүгүн ээлеген сунниттер, анын ичинде Саддам Хусейн бергиси келген эмес.

"Негизи жаңы саясий элита — АКШ дайындагандар. Алардын аталары жана чоң аталары монархия убагында, 1958-жылга дейре жооптуу кызматтарды ээлешкен. Коом менен алардын байланышы жок эле", — деп түшүндүрөт Мамедов.

Кан төгүү улана берген, жай жарандар набыт болуп, өлкөдөн качкандары да болгон. 2007-жылы Буш Иракка дагы 21,5 миң аскер жөнөтүп, "Чоң толкун" деген аталыштагы стратегиясын кайра карап чыккан.

Ал конфессиялар аралык жаңжалды жөнгө салат деп боолголонгон, бирок андан майнап чыккан эмес. Жыйынтыгында, Багдаддын эң бекем корголгон району "жашыл аймак" да кооптуу болуп калган. Америкалык жөнгө салуу аракеттеринин натыйжалуулугу шек туудурган.

Ак үйгө Барак Обаманын келиши менен америкалык күчтөрдү Америкадан чыгарып кетүү боюнча чечим кабыл алынган. 2010-жылдын жайында мекенине 90 миң аскер кайткан. Өлкөдө 50 миңдин тегерегинде америкалык жоокер калган. Ал эми 31-августта Обама улутка кайрылып, Иракта АКШнын согуштук операциясы толугу менен аяктаганын жар салган.

Үрөй учурган жыйынтык

АКШ Иракта кургусу келген мамлекеттүүлүк жана коопсуздук институттар Руслан Мамедовдун пикиринде кудуретсиз болуп калды: "Бул структуралар тышкы да, ички да коркунучтарга туруштук берүүгө даяр эмес эле. Иракта америкалык кампаниянын аякташы жана шайлоодон кийин ошол кездеги премьер Нури Аль-Малики бийликти борборлоштуруу боюнча катуу кадамдарга барганына, өзүнө ылайык келбеген саясатчыларды куугунтуктап, аларды террордук ишмердикке айыптаганы таң каларлык эмес. АКШнын кетиши менен аны эч нерсе ооздуктай албай калган. Натыйжада, Ирак коомунун басымдуу бөлүгү, атап айтканда, сунниттер маргиналдашып кеткен".

Бирок Вашингтондун негизги кемчилиги — сунниттик кошуун, алар америкалыктарга радикалдуу топторго каршы күрөштө көмөктөшкөн. "Жаш балдар үйлөрүнө курал менен тарады. Ошол топторду коопсуздуктун жалпы тутумуна киргизишкен эмес. Алар маянасыз калышты, лидерлерин куугунтукка алышкан", — дейт Мамедов.

Сунниттерди дал ушундай оор абалга радикалдуу демилгелерин таратканы тушуктурду.

"2014-жылы баарынын үрөйү учту: "Ислам мамлекети"* өлкөнүн түндүк-батышын басып алган, Ирак өкмөтү өз аймагынын жарымынан көбүнүн көзөмөлүн колдон чыгарды", — дейт Мамедов.

Ирак акыры "Ислам мамлекетин" жеңди, буга америкалыктардын кайтып келишинин да салымы бар. Бирок АКШнын аталган мамлекеттеги операциясын жалпысынан ийгиликтүү деп атоо — өтө апыртуу экенин белгилейт эксперт.

Ошол согушта Ирактын канча жараны каза болгону алигүнчө белгисиз. Америкалык маалымат каражаттарынын маалыматына таянсак, жоготуулар 100 миңден 300 миңге чейин. Ал эми Дүйнөлүк саламаттык сактоо уюму согуштун алгачкы үч жылында эле 150 миңден 223 миңге чейин киши набыт болгонун белгилейт.

Талибдер бийликке умтулууда. Кабул курчоодобу?

Америкалыктардын жоготуулары андан алда канча аз — 4,5 миң чакты жоокер каза таап, 30 миң аскер жарадар болгон. Иракта жалпысынан бир жарым миллион АКШ жараны кызмат өтөгөн. Ирактагы операцияга ардагер жана алардын үй-бүлөлөрүнө төлөнгөн каражаттарды кошо эсептегенде салыкчылардын эки триллион доллардан ашуун акчасы сарпталган.

АКШда ошол вазыйпанын жөндүүлүгү жөнүндө бирдиктүү пикир жоктугун айтат Россия Илимдер академиясынын алдындагы Эл аралык экономика жана эл аралык мамилелер институтунун түндүк атлантикалык изилдөөлөр программасынын жетекчиси Виктория Журавлева: "Массалык жабыркатуучу куралдын жана Хусейндин "Аль-Каиданын"* байланышы жоктугуна карабастан, Республикалык партиянын позициясы бир беткей — 11-сентябрдагыдай нерсеге дааган кимисине болбосун психологиялык таасир этүү жагынан туура чечим болгон. Жазалоо кампаниясы максатына жетти".

Айрыкча, Буш бул чечимди кысым менен алганы тууралуу мемуарлар жарыяланган соң коомдо Ирак операциясы милдеттүү эмес, чектен тыш кадам катары кабыл алынганын белгилейт Журавлева.

"Албетте, державалык маанайды колдогондор да жок эмес: АКШ дайым лидерлигин тастыктоого тийиш имиш, — деп улантат ал. — Бирок "поствьетнамдык синдром" маанайы да басымдуулук кылат — кыска кампаниялар гана ийгиликтүү болуп саналат. Эгер алар узарып, АКШ жоготууларга учураса, коом андайга болушунча терс карайт".

Барак Обама жана Дональд Трамптын убадаларына карабастан, америкалыктар дале Багдадда. Ирак Вашингтон үчүн маанилүү. Өлкө мурдагыдай эле америкалык-ирандык конфронтациянын барымтасында. Ал эми Ак үй дале бул маселени ачык бойдон калтырууда.

*Россия жана бир катар өлкөлөрдө ишмердигине тыюу салынган террордук уюмдар.

119
Белгилер:
өлүм, жоготуу, операция, Барак Обама, Жорж Буш, согуш, Аскер, АКШ, Ирак
Тема боюнча
Сириядагы кыймыл. Ким элдин каарына калып куугунтуктала баштады?
Президент Сооронбай Жээнбеков жана Венгрия премьер-министри Виктор Орбан Стратегиялык өнөктөштүк жөнүндө биргелешкен декларацияга кол коюу учуранда

Кыргыз-венгер кызматташтыгы боюнча 12 документке кол коюлду. Тизме

30
(жаңыланган 18:46 29.09.2020)
Жээнбеков кыргыз-венгер кызматташтыгын жакшы деңгээлге көтөрүп, эки тараптуу алаканы күчөтөрүн белгилеген.

БИШКЕК, 29-сен. — Sputnik. Будапешт шаарында президент Сооронбай Жээнбеков жана Венгрия премьер-министри Виктор Орбан Стратегиялык өнөктөштүк жөнүндө биргелешкен декларацияга кол коюшту. Бул тууралуу өлкө башчынын маалымат кызматы кабарлады.

Андан сырткары, билим берүү, саламаттык сактоо, финансы жана бир топ тармактардагы алака-катыштар болмокчу.

Эки тараптуу кызматташтыгын кеңейтүүгө багытталган төмөнкү документтер:

  • Кыргыз Республикасынын өкмөтү менен Венгрия өкмөтүнүн ортосундагы Кыргыз-венгер өнүктүрүү фонду жөнүндө меморандум;
  • Кыргыз Республикасынын өкмөтү менен Венгрия өкмөтүнүн ортосундагы Кош салыктан качуу жөнүндө макулдашуу;
  • Кыргыз Республикасынын өкмөтү менен Венгрия өкмөтүнүн ортосундагы Инвестицияларды коргоо жана кеңейтүү жөнүндө макулдашуу;
  • Кыргыз Республикасынын Билим берүү жана илим министрлиги менен Венгриянын Тышкы экономикалык байланыштар жана тышкы иштер министрлигинин ортосундагы квоталык орундарды 75тен 150гө чейин көбөйтүү жөнүндөгү макулдашууга өзгөртүүлөрдү жана толуктоолорду киргизүү жөнүндө протокол;
  • Кыргыз Республикасынын Экономика министрлиги менен Венгриянын Тышкы иштер жана соода министрлигинин ортосундагы экономиканы санариптештирүү тармагында кызматташуу жөнүндө меморандум;
  • Кыргыз Республикасынын Саламаттык сактоо министрлиги менен Венгриянын Социалдык ресурстар министрлиги ортосунда саламаттык сактоо тармагында кызматташуу жөнүндө макулдашуу;
  • Кыргыз Республикасынын Өкмөтүнүн Жалал-Абад облусундагы ыйгарым укуктуу өкүлчүлүгү менен Венгриянын Дьёр-Мошон-Шопрон аппараттарынын ортосундагы соода-экономикалык, илимий-техникалык жана социалдык-маданий кызматташуу жөнүндө меморандум;
  • Кыргыз Республикасынын Айыл чарба, тамак-аш өнөр жайы жана мелиорация министрлиги менен Венгриянын Айыл чарба министрлиги ортосунда өсүмдүктөрдүн карантини тармагында кызматташуу жөнүндө макулдашуу;
  • Кыргыз Республикасынын өкмөтү менен Венгриянын өкмөтү ортосунда эл аралык автоунаа каттамдары жөнүндө макулдашуу;
  • Кыргыз Республикасынын өкмөтүнө караштуу Суу ресурстары мамлекеттик агенттиги менен Венгриянын Ички иштер министрлиги ортосунда суу ресурстарын башкаруу тармагында кызматташуу тууралуу өз ара түшүнүшүү жөнүндө меморандум;
  • Кыргыз Республикасы менен Венгриянын Финансы министрликтеринин ортосунда өз ара байланыш жана кызматташуу жөнүндө меморандум;
  • Кыргыз Республикасынын өзгөчө кырдаалдар министрлиги менен Венгриянын Ички иштер министрлигинин ортосунда өзгөчө кырдаалдарды алдын алуу жана жоюу тармагында кызматташуу жөнүндө меморандум.

Жээнбековдун расмий иш сапарынын алкагында Будапешт шаарында өтүп жаткан кыргыз-венгер бизнес форумунун жүрүшүндө кол коюлушу күтүлүп жаткан документтер:

  • Кыргыз Республикасынын Инвестицияларды илгерилетүү жана коргоо боюнча агенттиги менен Венгриянын Экспортту илгерилетүү агенттигинин ортосундагы өз ара түшүнүшүү жана кызматташуусу жөнүндө меморандум;
  • Кыргыз Республикасынын Соода-өнөр жай палатасы жана Венгриянын Соода-өнөр жай палатасынын ортосундагы кызматташуусу жөнүндө меморандум;
  • Кыргыз Республикасынын Соода-өнөр жай палатасы менен Будапешт шаарынын Соода-өнөр жай палатасынын ортосундагы кызматташуусу жөнүндө меморандум.

Эске салсак, президент Жээнбеков 28-сентябрда, Венгриянын премьер-министри Виктор Орбандын чакыруусу менен аталган өлкөгө жооп катары жасалган сапары менен барган.

Мамлекет башчы иш сапар кыргыз-венгер кызматташтыгын жакшы деңгээлге көтөрүп, алаканы күчөтөрүн белгилеген.

30
Белгилер:
кызматташуу, меморандум, Будапешт, Сооронбай Жээнбеков, Венгрия, Кыргызстан
Тема боюнча
Гимндер жаңырып... Жээнбеков Венгрияда премьер Орбан менен расмий жолукту
Венгрияга барган Жээнбеков Баатырлар аянтына гүлчамбар койду
Европадагы биринчи стратегиялык өнөктөш. Жээнбеков Орбанды Кыргызстанга чакырды
АКШ жана Евробиримдигинин желектери. Архивдик сүрөт

Вакцина канчалык кооптуу: АКШ жооп сурап, Европа түшчү пайдасын эсептеп...

29
(жаңыланган 17:45 29.09.2020)
Британия-швед фармакологиялык компания менен Оксфорд университети иштеп чыккан AstraZeneca вакцинасынын көйгөйү өзүнчө күү алып кетти.

АКШ эки апта мурда алардын аймагында токтотулган сыноолорду кайрадан жандандыруу талабы менен эле калбастан, негизги делген ЖМКлары анын коопсуздугу туурасындагы суроолорду улам берип жатат. Баарынан катуураак CNN телеканалынын кыйкырыгы угулууда. Вакцинанын айланасындагы кырдаал тууралуу Ирина Алкснис ой толгоду.

Белгилүү болгондой, AstraZeneca препаратын клиникалык жактан сыноо эки ирет — июль жана сентябрь айында токтотулган. Ыктыярчы болгон эки адамда адаттагыдан тышкаркы неврологиянын симптомдору байкалган. Анткени менен эки учур тең кишилерге вакцина саюу маселеси менен байланышпаганы, көп өлкөлөрдө, анын ичинен Улуу Британияда улана тургандыгы айтылган эле.

Бирок АКШнын саламаттык сактоо системасынын адистери менен чычканга кебек алдырбаган окумуштуулары анын кыйыр таасири боюнча отчеттордон олуттуу айырмачылыктарды таап чыккан.

AstraZeneca боюнча июлдагы чатакта буга чейин жайылган склероздун тастыкталбаган учуру көрсөтүлгөн. Анткен менен Оксфорд университетинин сайтында ал "неврологиялык түшүнүксүз симптом" катары сүрөттөлгөн.

Экинчи, сентябрдагысында, компания ыктыярчы болгон аялда "түшүнүксүз оору" пайда болгондугун жар салган. Ал эми ички документтерде сейрек кездешкен неврологиялык илдет катары жазылып жүрөт.

Россиялык вакцинанын алгачкылары Беларуска келе баштады

Жыйынтыгында америкалыктар мындай айырмачылыктар боюнча жөндүү суроо салып жатышат. Ансыз деле вакцинанын ачыктыгы боюнча көп сын-пикирге кабылган AstraZeneca компаниясынын беделин, жаңы препаратына болгон ишенимди, коопсуздукту буга чейинки жаралган карама-каршылыктуу маалыматтар чар учкандай кылды.

AstraZeneca боюнча вакцинага оорунун такыр эле тиешеси жоктур, балким, дал келүүлөр болуп калгандыр. Бирок эмне болгон күндө да муну башын кумга катпай, сыноону токтотуп койбогон америкалык жооптуу кызматтарга бергенге болобу деген бир учурду тактап алуу керектигин талап кылган мыйзам ченемдүү суроо жаралат.

Бул жерде баарынан кызыгы анын шектүү учурларына көз жуумп, сыноону улантууга уруксат берген алардын европалык кесиптештеринин позициясы болууда.

Бирок Евробиримдиктин бийлиги менен компаниянын кылт этип кетчү темадагы каалгыган, "топон суу алса да тоготпогон" мамилесинин себебин жөнөкөй эле түшүндүрүүгө болот.

Жакынкы күндөрү Reuters агенттиги ЕБдин расмий өкүлүнө шилтеме кылып, AstraZeneca Евробиримдик менен вакцина макулдашуусунун алкагында кандайдыр бир иммунитет алгандыгын жазды.

Макулдашууга августта кол коюлуп, маанилүү делген бир катар учурлары эми гана айтылып отурат.

Кеп фармацевттик компаниялар препаратты ЕБге арзан баада берип, бирок колдонгондордо пайда болгон кыйыр таасири үчүн финансылык жоопкерчилик (аныкталган чектен өйдө) тартпагандыгында турат.

Путин менен жолуккан Жээнбеков: россиялык вакцина КРге жетет деп үмүттөнөм

Макулдашуунун так масштабы ачыкталган эмес, бирок AstraZeneca дозасы үчүн Европанын 2,5 евро төлөй турганы белгилүү болду. GlaxoSmithKline концерни менен өзүнүн препаратын иштеп чыгып жаткан Франциянын Sanofi аталышындагы фарм өндүрүш компаниясы аны Европага 10 евродон саткан, ал эми буларга иммунитет берилген эмес.

Айтмакчы, эки компания тең ЕБден кайтарылбай турган авансылык төлөмдөрдү алып койгон. 400 миллион доза менен камсыздоо үчүн AstraZeneca 336 миллион евро, ал эми 300 миллион доза үчүн Sanofi 324 миллион евро алган.

Ошентип, келе жаткан массалык эмдөөнүн жүрүшүндө AstraZeneca чындыгында эле адам баласынын ден соолугуна зыян келтирсе, мунун кесепети компанияга тийбей турганы айтылды. Жабырлангандарга компенсацияны улуттук өкмөт берет, тагыраагы, бул акчалар тиешелүү өлкөлөрдүн салык төлөөчүлөрүнүн чөнтөгүнөн кетмекчи.

Аны менен катар эле европалык истеблишменттин эки башка ыкма менен иштелип чыккан бул вакциналарга жасалган мамилеси таң калтырбай койбойт. Социалдык жана саясий манипуляция үчүн бир топ мүмкүнчүлүктөрдү жаратып жатканы түшүнүктүү. ЕБдин кайсы мамлекеттери кандай вакцинаны алат, андан сырткары, өлкөлөрдүн ичине райондордун жакшы, жаманына карата жана андагы жашагандардын деңгээлине жараша кандай бөлүштүрүлөрү абдан кызык болуп турган учур.

COVID-19га каршы россиялык вакцина КМШга берилет

Алардын ден соолугун кооптуулукка кептебеш керек деген тандалган европалыктарга Sanofi дарысы дайыма даяр турат, анын сапатына франциялык компаниялар жооп берет. Демек, анын коопсуздугу менен майнаптуулугуна ишеним бар.

Мындай абалдан алып караганда белгилүү, жогорку даражалуу жарандардын жергиликтүү өндүрүштөн чыккан вакцинанын сыноосуна катышкандыгы, россиялык чыныгы кырдаалдын чагылдырылып турушу экзотика катары көрүнөт. Ал тургай дүйнөлүк ЖМКлар россиялык элита көп айлар бою клиникалык сыноодон өтпөгөн препарат менен эмделген деп жазып да жиберишти. Бирок "Спутник-V" вакцинасына коюлган дооматтары менен препарат кооптуу болушу мүмкүн деп айткандары кандайча айкалышары түшүнүксүз.

Кыязы, Батыштын маңдайына Россияга карата "кимдин эмнеси ооруса" деген принцип менен асыла берген адат жазылып калса керек деген ой кетет.

29
Белгилер:
вакцина, коронавирус, Европа, АКШ, Россия
Тема боюнча
Путин кызы COVID-19га каршы вакцина алып, өзүн кандай сезип жатканын айтты
Жол кырсыгынан жабыркаган унаа. Архив

Бишкекте төрт машина кагышты. Видео

0
(жаңыланган 19:39 29.09.2020)
Төрт машина кагышкан жол кырсыктан жабыркагандар жок. Окуя шаардын түндүк тарабында, Элебесов көчөсүндө болгон.

БИШКЕК, 29-сен. – Sputnik. Бишкекте бүгүн төрт жеңил унаа кагышканын Кайгуул милициясынан билдиришти.

Жол кырсыгынын видеосу Telegram-каналынын “Короче” тайпасына жарыяланды.

Окуя Фере жана Элебесов көчөлөрүнүн кесилишинде болгон. Күбөлөрдүн айтымында, кырсыктын айынан Баялинов көчөсүнө чейин тыгын жаралган.

Милициядан билдиришкендей, жабыркагандар жок.

0
Белгилер:
жол кырсык, Бишкек
Тема боюнча
Анжиянда кыргызстандык айдоочу эки кызды коюп, өзү кошо көз жумду