КЭР төрагасы Си Цзиньпин жана Россиянын президенти Владимир Путин. Архив

Кытай Россия менен Экинчи дүйнөлүк согуштун жыйынтыгын коргоого даяр

110
(жаңыланган 10:43 03.09.2020)
Пекиндин мындай позициясы КЭР төрагасы Си Цзиньпиндин согуштун аякташына 75 жыл толушуна карата Россиянын президенти Владимир Путинге жолдогон куттуктоо телеграммасында айтылган.

БИШКЕК, 3-сен. — Sputnik. Кытай Эл Республикасы Россия менен бирге Экинчи дүйнөлүк согуштун жыйынтыгын коргоого даяр. Бул тууралуу Синьхуа маалымат агенттиги билдиргенин РИА Новости жазып чыкты.

Маалыматка ылайык, Пекиндин мындай позициясы КЭР төрагасы Си Цзиньпиндин согуштун аякташына 75 жыл толушуна карата Россиянын президенти Владимир Путинге жолдогон куттуктоо телеграммасында айтылган.

Си Цзиньпин россиялык кесиптеши менен Экинчи дүйнөлүк согуштагы жеңишти чечкиндүү түрдө жактоо, ошондой эле эл аралык адилеттик үчүн күчтөрдү бириктирүү жаатында иштөөгө даяр экенин билдирген.

Россиянын президенти Владимир Путин биринчи сентябрда ачык сабак учурунда Улуу Ата Мекендик согушта ырайымсыз түрдө кол салгандар ким болгонун, фашисттердин согуштук машинасын ким талкалаганы боюнча эч кандай шек болбошу керектигин айткан.

Путин: совет эли нацизмди кыйратканын эч качан унутпайбыз

Россиянын өлкө башчысы Чыгыш жана Борбордук Европа өлкөлөрүн куткарууда Кызыл армиянын эмгеги зор болгонун белгилеген.

1945-жылдын 2-сентябрында Япония өлкөсүнүн өкүлдөрү АКШнын "Миссури" авиация учагынын бортунда туруп, алты жылга созулуп, 55 миллиондой адамдын өмүрүн алган Экинчи дүйнөлүк согуштун аяктагандыгына байланыштуу багынып берүү актысына кол коюшкан.

Документте АКШ, Кытай, Улуу Британия, СССР, Австралия, Канада, Франция, Нидерланддар жана Жаңы Зеландия өлкөлөрүнүн кол тамгалары коюлган. Советтер Союзунан бул иш-чарага генерал-лейтенант Кузьма Деревянко катышкан.

110
Белгилер:
жактоочу, жыйынтык, Улуу Ата Мекендик согуш, Россия, Кытай
Тема:
Улуу Ата Мекендик согуштагы Жеңиштин 75 жылдыгы (107)
Тема боюнча
Өзгөчө кадам: Россия менен Кытай доллардан жүз буруп кетти
Паста. Архив

Бөдөнөнүкү пайдалуу. Чийки жумуртка кошулган тамактын кооптуулугу айтылды

5
(жаңыланган 08:31 30.09.2020)
Адистин айтымында, чийки жумуртканын курамында ууланууга алып келүүчү сальмонелла бактериясы болушу мүмкүн.

БИШКЕК, 30-сен. – Sputnik. Ресторандагы карбонара пастасы, тирамису десерти жана курамына чийки жумуртка кошулган тамактар кооптуу болот. Мындай пикирди ветеринар-дарыгер Алексей Кухно ForPost порталына берген маегинде айтканын РИА Новости жазды.

Анын белгилешинче, чийки жумуртканын курамында ууланууга алып келүүчү сальмонелла бактериясы болушу ыктымал. Адис мындан көрө тамак даярдоодо бөдөнөнүн жумурткасын пайдаланууну сунуш кылат. Ал кооптуу инфекциянын болушун жокко чыгарат.

Диетолог организмге пайдалуу деп жүргөн азыктардын зыянын айтып берди

"Бөдөнөнүн дене табы жогору, 40 градустан ашык болгондуктан, алар сальмонеллез илдети менен оорубайт. Эгер патоген (оорунун козгогучу) организмге кирип калса, анда ал жашап кете албайт", — деген Алексей Кухно.

Ошондуктан дарыгер коомдук тамактануу жайларында жогоруда кооптуу деп айтылган тамак-аштарга буюртма берүүдөн карманууга чакырат.

5
Белгилер:
кооптуулук, уулануу, ден соолук, тамак-аш
Тема боюнча
Чөнтөккө да күч келбейт, ден соолукка да пайдалуу. Диетолог 7 азыкты санады
Армениянын премьер-министри Никол Пашинян менен Азербайжандын президенти Илхам Алиев. Архив

Армения менен Азербайжандын башчылары телеэфирде катуу билдирүү жасашты

112
(жаңыланган 01:15 30.09.2020)
Пашинян жаңжалга Түркиянын аралашканын сындап чыкса, Алиев аталган өлкө Азербайжанга моралдык гана колдоо көрсөтүп жатканын билдирди.

БИШКЕК, 30-сен. — Sputnik. Армениянын премьер-министри Никол Пашинян менен Азербайжандын президенти Илхам Алиев "Россия 1" телеканалынын "60 минут" программасынын эфиринде Тоолуу Карабахтагы жаңжал тууралуу бири-бирине комментарий беришти.

Маанилүү билдирүүлөрү:

  • Илхам Алиев Азербайжан тараптан 11 жай тургун, анын ичинде эки жаш бала каза таап, аскерлер дагы набыт болгонун билдирди. Мындан улам Баку тийиштүү жооп кайтарганын айтты;
  • Никол Пашинян Түркия Карабахтагы жаңжалга кадимкидей аралашып, жадагалса Түркиянын жогорку даражалуу адамдары аскердик аракеттерди жетектеп турганын билдирди;
  • Алиев Түркия Ереван менен болгон жаңжалга катышып жатканы туурасында маалыматты четке кагып, "фейк" деп атады;
  • Пашинян армян элине коркунуч жаралып жатканын айтып, дүйнөлүк коомчулукту Баку менен Анкаранын аракеттерин талкуулоого жана Түркияны "Түштүк Кавказдан кетүүгө" аргасыз кылууга чакырды.
  • Алиев Армениянын талаптары Карабах боюнча сүйлөшүүгө ылайыксыз деп атады. Ал "Армениянын премьер-министри "Карабах — бул Армения, ошону менен чекит коюлушу керек" деп ачык эле айтууда. Мындай учурда кандай сүйлөшүү процесси тууралуу кеп кыла алабыз?" — деди;
  • Пашинян Карабахтагы жаңжалга түркиялык учактын катышканы көрүнүп турган факт экенин айтты;
  • Алиев Түркия Азербайжанга моралдык гана колдоо көрсөтүп жатканын билдирди.

Кыргызстан Азербайжан менен Армениянын жаңжалы боюнча позициясын билдирди

Карабахтагы жаңжал

27-сентябрга караган түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында аскердик кагылышуулар башталган. Мунун келип чыгышына тараптар бири-бирин күнөөлөп жатат. 28-сентябрь күнү эртең менен эки тараптан тең жүздөгөн аскерлер жарадар жана каза болгону айтылды. Армения өз аймагында аскердик абал жарыялады.

Белгилей кетсек, Карабах чыры 1988-жылдын февраль айында башталган. Анда Карабах автономдук облусу Азербайжан ССРинин курамынан чыгарын жар салган. 1992-1994-жылы куралдуу тирештин жыйынтыгында Азербайжан Карабахты колдон чыгарган. 1992-жылдан бери бул кырдаалды тынчтык жолу менен жөнгө салуу боюнча Европадагы Коопсуздук жана кызматташтык уюмундагы (ЕККУ) Минск кеңешмесинин алкагында сүйлөшүүлөр жүрүп келет. Анда Азербайжан өз аймагынын бүтүндүүлүгүн көздөсө, Армения сүйлөшүүлөргө аралаша албаган Карабах Республикасынын кызыкчылыгын коргойт.

112
Белгилер:
Жаңжал, Тоолуу Карабах, Армения, Азербайжан
Тема боюнча
ЖККУ Карабахтагы абал боюнча тынчсыздануусун айтты. Башкы катчынын билдирүүсү
Карабахтагы абалдын курчушу Кавказдагы чырга Россияны аралаштыруу аракетиндей...