АКШ президенти Дональд Трамптын Висконсин штатына келишин күтүп аткандар. Архивдик сүрөт

Амалдуу планбы? Кремль Трамптын тактысын сактоо үчүн Американы "чайпалтабы"?

245
(жаңыланган 17:32 04.09.2020)
АКШдагы башаламандык үчүн Дональд Трамп жана Россия жооп берет. Ооба, дал ушундай болчудай. Себеби кайра шайланышына жол бербөө үчүн АКШ президенти менен күрөштүн бардык ыкмаларын иргеп көрүп, кайра эле эң башындагы "баарына орустар күнөөлүү" дегенге кайтышты.

Азыр социалдык медиада гана эмес, америкалык калаалардын көчөлөрүндө да коркунуч менен жек көрүүнү тутантууга басым жасашууда. Бул кандайча болуп калды? Өткөндө эле америкалык маалымат каражаттары протесттерди негизинен тынч жана туура экенин, башкача айтканда, расизм жана полициянын зомбулугуна каршы багытталганына ынандырып келишпеди беле? Ушундай собол салуу менен Кошмо Штаттардагы шайлоо алдындагы оюндарга баяндамачы Петр Акопов сереп салган.

Калктын каары Байденге добуш берүү, орустар тарабынан коюлган кишини Ак үйдөн чыгаруу үчүн ноябрды чыдамсыздык менен күткөн шайлоочуларды мобилдештирүүгө чоң жардам болот. Ошондо кандай болуп калат? Алар баяндап келген туура протесттерди натуура орустар тутанткан болуп калабы? Азырынча муну Жо Байден өзү билдирбесе да, Конгресстеги белгилүү демократтар айтып чыга баштады. Маселен, өкүлдөр палатасынын чалгындоо комитетинин башчысы, Трамптын "орустар менен байланышынын" башкы иликтөөчүсү жана импичмент аракетинин демилгечилеринин бири Адам Шифф.

Трамп: Россия менен ынтымакта болгонубуз жакшы

CNN каналына берген маегинде жакында эле ал: "Төрт жыл мурун орустар Black Lives Matter эксплуатациялап, Желеге эл арасында расалык белгилери боюнча жик салууга чагымчыл тасмаларды чыгарышкан.

— Азыр эмне кылышууда?

— Кайра эле алар социалдык медиа баракчаларында, өздөрүнө таандык жана башка маалымат каражаттарында да ошол ажырымды кеңейтүү колдорунан келгенин бүт жасоодо", – деп билдирди. Башкача айтканда, орустар Американы өз маалымат каражаттарында гана эмес, америкалык калаалардын көчөлөрүндө да "чайпалтып" жаткан имиш. Мындай акылга сыйбаган кеп боюнча америкалык маалымат каражаттарындагы негизги трампист (антитрамптык басылмалардын арасындагы абсолюттук ак карга) Fox News алпаруучусу Такер Карлсон: "Сиздерди касташкан державанын, башкасын айтпаганда да Facebook тымызын көзөмөлдөгөн жалган маалыматтары менен сугарышкан. Туптуура, айымдар жана мырзалар, Россия башаламандыктарды уюштуруп, Жо Байденди айыптады! Бул Айга барып конгондой же андан да айлакер аракет. "Бул Россиянын жасаганы!" Чындап эле ушундай ойдобу алар? Эртең эл күлүп эстээр муну, күлкүлүү көрүнүш. Экинчи жагынан, Twitter баракчаларында көрүнүктүү демократтардын бир тобу алгач ирет ишенди. Адам Шиффке өз энчисин бериш керек, ал ырааттуу түрдө ушундай маанайда. Бирок ал ири партиядагы бир гана киши. Демократиялык партиянын калган жетекчилерине не болду?!".

АКШ эмнеге РФ жээктерине суу түбүндө жүрүүчү кайыктарын жеткирүүдө? Саресеп

Өлкөдөгү кырдаалды Трамп ички терроризм деп атайт, ал эми демократтар Россиядан көрөт. Алардын оюнда: жакшы адамдар митингге чыгат, бирок аларга "орус пропагандасынын" курмандыктарына айланган талап-тоноочулар кошулган. Мунун баары Трамптын утулушуна эмес, анын жеңишине өбөлгө болот. Путиндин амалдуу планы ушундай имиш. Аргасыздык бул.

Бирок көп өтпөй АКШ коронавирус жетти, экономиканын арышы басаңдады, ал эми жайында "расалык" толкун башталды. Демократтар эми Трампты ээрден оодарып түшөрүнө көздөрү жетип турат. Бирок экономикалык көйгөйлөр, массалык башаламандыктар президентти солгундаткандын ордуна талап-тоноолор уланган сайын Трамптын тараза ташы оорлоп барат. Ал Америкага "Мыйзам жана тартип" керектигин кайталайт, анын айтканын колдогон америкалыктардын саны артууда.

"Россиялык күчтөрдүн Сирияда америкалык аскерлерге чабуул жасаганы, биздин жоокерлерди жарадар кылгандары тууралуу билдирүүлөрдү көрдүк. Трамптан бир сөз уга алдыңызбы? АКШ президенттеринин эч кимиси россиялык лидерлерге минтип кыңк этпей баш ийген ролду ойногон эмес. Бул кооптуу гана иш эмес, кемсинүү дагы", — дейт Жо Байден.

Үйгө куралчан тараган балдар. АКШнын Ирактагы жеңиши жана кемчилиги

Ал эми Байдендин штабынын соңку билдирүүсүндө: "Президент Трампты Владимир Путин дагы бир жолу анын талапкерлигин колдооруна, үрөй учурган катачылыктарын жашырууга жардамдашарына үмүт артат. Мунун баары дал ушул киши биздин өлкө жетекчилигине келип, аны жайнаган көйгөйгө тушуктурушу үчүн жасалууда. Дональд Трамптын тышкы саясаты Кремль үчүн белек сымал болгондуктан, Путинге кийлигишүү мынчалык маанилүү жана Трамптын кайра шайланып келиши үчүн көрүлгөн Владимир Путиндин кадамдарын Американын калкы билишин каалабайт", – деп айтылат. Айтор, ар бир кадамдан "россиялык изди таап", ар кандай сценарий менен жоромолдоп, Россияны айыптап калууга ашыгуусу жакында токтоору арсар...

245
Белгилер:
демократия, Владимир Путин, Дональд Трамп, кремль, АКШ
Тема боюнча
Трамп президенттикке экинчи ирет ат салышууга расмий түрдө макулдугун берди
Акча жоготтук! Трамп Кытай менен бизнести токтотуп коюшу мүмкүндүгүн эскертти
Трамп "Чоң жетиликтин" жыйынына Путинди чакырат
Тоолуу Карабахтагы талкаланган үй жана автоунаа

Карабахтагы абал: "алоолонгон" маалымат согушунун ачуу үнү

29
(жаңыланган 23:18 01.10.2020)
Согушта контрпропаганда адатта душмандын ындынын өчүрүү (деморализациялоо) үчүн анын жоготууларын көбүртүп-жабыртып, өз ийгиликтерин күчөтүп көрсөтүү ыкмасы менен пайдаланылат.

Ошентсе да Азербайжан жана Армениянын Тоолуу Карабахтагы куралдуу тиреши мурункусунан кабарлардын ушунчалык көптүгү, анан да жарыяланар замат дээрлик дароо экинчи тараптын төгүндөөсү чыкканы менен айырмаланат. Бул эл аралык байкоочуларга кырдаалды талдоону кыйындатууда, Баку менен Еревандын кандай гана расмий билдирүүсү болбосун шек жаратпай койбойт. Аскерий баяндамачы Александр Хроленко бул сапар жаңжалдын алкагында "алоолонгон" маалымат согушуна сереп салды.

Согуштук аракеттер тутанган сентябрь ичиндеги бир нече күнүндө эле шектүү сандар, фактылар, бүдөмүк эпизоддор өтө көп болуп кетти. Мисалга, Армениянын Коргоо министрлигинин маалыматы боюнча, 49 азербайжандык учкучсуз учак атып түшүрүлүп, бирок бир гана аппараттын сыныктарынын сүрөттөрү жарыяланган.

Путин, Трамп жана Макрон Карабах боюнча билдирүү даярдашты

Өз кезегинде Азербайжандын Коргоо министрлиги армениялык 18 учкучсуз аппарат атып түшүрүлүп, 80 танк жана ички курамдын бүтүндөй полку (эки миңдин тегерегиндеги киши) жок кылынганын маалымдаган.

Армения жана Азербайжан таанылбаган Тоолуу Карабах Республикасынын аймагындагы согуштук-саясий олку-солкулуктун өткөн он жылдыгында болгону 20 чакты учкучсуз аппаратынан айрылышкан.

Фронт боюнча позициясы бир топ чакырымга созулган армян полкун ыкчам жок кылуу үчүн жапырт жабыркатуучу курал талап кылынат. Ал ортодо Армениянын Коргоо министрлиги 790 азербайжан жоокери жок кылынгандыгы боюнча кабарлады.

Эгер ушундай жоготууларга дуушар болгондору анык болсо, анда мындай ыргак менен эки армия тең кышка жетпейт. Эске салсак, мобилизациялоого дейре Азербайжандын 65 миңден 125 миңге чейинки жоокери болгон. Армения жана таанылбаган Тоолуу Карабахтын 65 миңге чейинки аскер кызматкери бар.

Карабахтагы абал жана учкучсуздарды пайдалануунун "сириялык" тажрыйбасы

Су-25 чабуулчусуна каршы F-16 истребители

Армениянын Коргоо министрлиги 29-сентябрда түрк Аскердик аба күчтөрүнүн F-16 истребители азербайжандык Гянжа аэродромунан абага көтөрүлүп, Варденис районунда армениялык Су-25 штурмовигин атып түшүргөн.

Учкуч майор Валерий Данелин набыт болгон. Учактын сыныктарынын сүрөттөрү жарыяланган, бирок андан кырсыктын себептерин аныкташ татаал. Армениянын аскердик мекемеси согуштук аракеттерге түркиялык күчтөрдүн катышынын дагы толук далилдерин көрсөтүүнү убада кылууда.

Азербайжан жана Түркия ал сокку туурасында маалыматты четке кагууда. Баку согуштук авиацияны пайдаланбагандыгын айтууда. Президенттин жардамчысы Хикмет Гажиевдин маалыматына таянсак, армениялык эки Су-25 тоого барып урунган. Армения жана башка мамлекеттерде аба шарттарынан улам көрүнбөгөн учурларда мындай кырсыктар болуп келет.

Учак техникалык жактан эскилиги жетип же армениялык абадан коргонуу каражаттарынан капыстан тийген октон кулаган болушу да ыктымал. Эгер армениялык Су-25 душман тарабынан атып түшүрүлсө, республиканын Коргоо министрлигинин адистери түркиялык F-16 истребителинин учушун кантип көрүштү? Эмнеге жок дегенде Гянжада жайгашкан аэродромго сокку менен жооп кайтарган эмес? Булардын баары түкшүмөл ойлорго түртөт.

Тоолуу Карабах: дүйнө бул чатакка кандай карап, ким отко май чачып жатат. Видео

Армениянын премьер-министри Никол Пашинян 30-сентябрдагы журналисттер менен жолугушуусунда Азербайжанга (жана F-16га) каршы Су-30СМ жана ОТРК "Искандер" истребителдерин колдонуу мүмкүнчүлүгү жөнүндө түз жооп берүүдөн качты.

Россия жана дүйнөлүк коомчулуктун көп өлкөлөрү Баку менен Ереванды окту тезинен токтотууга чакырууда. РФ президенти Владимир Путин 29-сентябрда армениялык премьер-министр Никол Пашинян менен болгон сүйлөшүүсүндө жаңжал чыккан аймактагы согуштук аракеттерге тынчсызданганын билдирип, куралдуу тирешти токтотуу керектигине басым жасады. Зарыл болсо РФ президенти Владимир Путин азербайжандык кесиптеши Ильхам Алиев менен да сүйлөшмөкчү.

29
Белгилер:
Аскер, курал-жарак, Россия, Азербайжан, Армения, Тоолуу Карабах
Тема:
Тоолуу Карабахтагы жаңжал
Тема боюнча
Тоолуу Карабах: дүйнө бул чатакка кандай карап, ким отко май чачып жатат. Видео
Путин, Трамп жана Макрон Карабах боюнча билдирүү даярдашты
Тоолуу Карабахтагы Иванян аймагына ташталган бомба. Архивдик сүрөт

Путин, Трамп жана Макрон Карабах боюнча билдирүү даярдашты

120
(жаңыланган 19:27 01.10.2020)
Билдирүү даярдалып жатканы боюнча россиялык лидер Коопсуздук кеңешинин туруктуу өкүлдөрү менен өткөн жыйында айткан.

БИШКЕК, 1-окт. — Sputnik. Россия, АКШ, Франциянын президенттери Владимир Путин, Дональд Трамп жана Эммануэль Макрон Тоолуу Карабахтагы кырдаал боюнча бирдиктүү билдирүү даярдашты. Анын тексти Кремлдин сайтына жарыяланды. 

Билдирүү даярдалып жатканы боюнча россиялык лидер Коопсуздук кеңешинин туруктуу өкүлдөрү менен өткөн жыйында айткан.

Документте мамлекет башчылары аймактагы эскалацияны сындап, ок атууну токтотууну жана сүйлөшүүлөрдү жандантуу талабын коюшканы жазылган. Ошондой эле президенттер көз жумгандардын туугандарына терең кайгыруу менен көңүл айтышкан.

27-сентябрга караган түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында аскердик кагылышуулар башталган. Мунун келип чыгышына тараптар бири-бирин күнөөлөп жатат. 28-сентябрь күнү эртең менен эки тараптан тең жүздөгөн аскерлер жарадар жана каза болгону айтылды. Армения өз аймагында аскердик абал жарыялагандан соң, Азербайжан да өз өлкөсүнө аскердик абал киргизген.

Карабах чыры. Азербайжандык MMA мушкери армияга чакырылды

Баку менен Ереван абалдын курчуп кетишине бири-бирин күнөөлөп жатат. Азербайжандын Коргоо министрлиги аймакка биринчи армян тарап сокку урганын билдирсе, Армения Карабахты Азербайжан абадан ракеталар менен аткылаганын билдирүүдө.

Белгилей кетсек, Карабах чыры 1988-жылдын февраль айында башталган. Анда Карабах автономдук облусу Азербайжан ССРинин курамынан чыгарын жар салган. 1992-1994-жылы куралдуу тирештин жыйынтыгында Азербайжан Карабахты колдон чыгарган. 1992-жылдан бери бул кырдаалды тынчтык жолу менен жөнгө салуу боюнча Европадагы Коопсуздук жана кызматташтык уюмундагы (ОБСЕ) Минск кеңешмесинин алкагында сүйлөшүүлөр жүрүп келет. Анда Азербайжан өз аймагынын бүтүндүүлүгүн көздөсө, Армения сүйлөшүүлөргө аралаша албаган Карабах Республикасынын кызыкчылыгын коргойт.

120
Белгилер:
билдирүү, Тоолуу Карабах, Франция, АКШ, Россия
Тема:
Тоолуу Карабахтагы жаңжал
Тема боюнча
Ингушетиядагы операцияда КРде легионер-спортчу болгон Евлоев жок кылынды
Тоолуу Карабах: дүйнө бул чатакка кандай карап, ким отко май чачып жатат. Видео
Карабахтагы абалдын курчушу Кавказдагы чырга Россияны аралаштыруу аракетиндей...
Тышкы иштер министри Чыңгыз Айдарбеков

Айдарбеков Улуу жана Кичи Памирдеги кыргыздар боюнча афган кесиптеши менен сүйлөштү

0
Боордошторго байланышкан долбоорлордон тышкары эки аткаминер инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышкан.

БИШКЕК, 1-окт. — Sputnik. Тышкы иштер министри Чыңгыз Айдарбеков афганистандык кесиптеши Мохаммад Ханиф Атмар менен видеобайланыш аркылуу сүйлөшкөнүн ТИМдин маалымат кызматы билдирди.

Сүйлөшүүнүн жүрүшүндө кыргыз-афган мамилелеринин күн тартибинин актуалдуу маселелери, анын ичинде Улуу жана Кичи Памирдеги афган кыргыздарын колдоо боюнча долбоорлор талкууланды. Андан тышкары, тараптар инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышты.

ТИМ: Вандык кыргыздар Түркиядагы Кыргызстандын элчисине ыраазычылык билдирди

Айдарбеков 2020-жылдын сентябрында Доха шаарында башталган элдешүү процессин колдой турганын, ошондой эле Афганистанда тынчтыктын орношу үчүн жана бүтүндөй региондук коопсуздукту бекемдөө максатында ал процесстин ишке ашарына үмүт артарын билдирди.

0
Белгилер:
мамиле, Афганистан, Чыңгыз Айдарбеков, Памир кыргыздары
Тема боюнча
Бутумду кучактап "кыргызга салам айт" деп ыйлаган кандаш. Афганчылардын баяны