Офис кызматкери. Архив

Психолог эмгек өргүүдөн кийин кыйналбай иштеп кетүүнүн сыры менен бөлүштү

81
(жаңыланган 10:24 05.09.2020)
Адистер жумушка чыккан алгачкы күндөрү эле ишке баш-оту менен кирип кетүү адамды стресске алып барышы мүмкүндүгүн кошумчалайт.

БИШКЕК, 5-сен. — Sputnik. Жайкы эмгек өргүүдөн соң жумушка кайтып келүүдө көпчүлүк адамдар дароо эле иш процессине аралашып кете албай кыйналарын "Западное Дегунино" үй-бүлөлүк борборунун адиси Мария Ломжева билдирди.

Адистин айтымында, ишке чыгууга өргүүдө жүргөндө эле даярдануу абзел. Ал үчүн эс алууга кетер алдында анча татаал эмес бир ишти баштап койгон оң. Бул жумушка чыкканда иш ыргагына тез эле көнүп кетүүгө өбөлгө түзөт.

"Албетте, бир канча убакытка созулган тынымдан соң маанилүү жана жоопкерчиликтүү ишке киришүү оңой эмес. Ошол себептен алгач жөнөкөй иштерден баштоо ишке ынтызарлыктын концентрациясын жогорулатат. Адаптация жай жана иш ыргагына жараша келет", — деди ал.

Ал белгилегендей, көпчүлүк жумушка кайтаарда эс алууда жүргөндө иште кандай өзгөрүүлөр болду экен деп кооптонот. Ал эми бул жаатта иш жагдайын түшүндүргөн кесиптештер жардамга келет.

Ууруну убагында токтотуп калган күзөтчү аял UFC уюмунда иштемей болду

Психолог жумушка чыккан алгачкы күндөрү эле ишке баш-оту менен кирип кетүү адамды стресске алып барышы мүмкүндүгүн кошумчалады. Ошондой эле анын ден соолукка да таасири тийиши мүмкүн.

"Иш күнүн туура пландагыла. Күндүн режимин уюштуруп, баарын алдын ала ойлонуштуруп алыш керек. Иш процессине акырындык менен киришүү жумушта жакшы жыйынтыкка жетишүүгө жардам берет", — деди Ломжева.

Андыктан иш маалында ыңгайы келгенде беш мүнөттүк тыныгууларга чыгып, жумуштан кийинки убакытты адам толук өзүнө жумшаганы оң.

81
Белгилер:
психолог, эмгек өргүү, жумуш
Тема боюнча
Бул окуя мурда болгон сыяктуу... Психолог дежавюнун себебин чечмеледи
Модель көргөзмө учурунда. Архив

60 жаштагы модель жаштык сырлары менен бөлүштү

7
(жаңыланган 09:03 30.09.2020)
Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн билдирген. Ошондон бери ал өзүн модель катары көрсөтүп келет.

БИШКЕК, 30-сен. — Sputnik. 60 жаштагы англиялык ишкер аял, интерьер дизайнери жана модель Шери Дэвенпорт Daily Mail агенттигине жаштык сырлары менен бөлүшкөн. Бул тууралуу РИА Новости кабарлады.

Маалым болгондой, Шери этек кири биротоло токтогондон кийин тамактануу рационун өзгөртүп, тамак-аш кошулмаларын колдоно баштаган. Ошондой эле дене тарбия көнүгүүлөрүн жасоону таштаган эмес.

"Азыр өзүмдү 50 жаштагыдан да жакшы сезем. Мен гормон алмаштыруу терапиясынан баш тартып, анын жөнөкөй жолун таптым. Тагыраагы, өсүмдүк экстрактынан жасалган дарыларды колдоно баштадым. Мындан сырткары, кофеин, ичимдик, кумшекерди рациондон чийип салгам. Кызыл эт, тоок этин да жебейм, балыкты гана пайдаланам. Косметологго барып, сапаттуу гана косметикаларды колдоном. Сөөк, муундар бекемдесин деп тамак-аш кошулмаларын алам. Ар таңда медитация жасап, андан кийин спорт менен машыгам. Сальса дагы бийлейм", — деген ал.

Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн кошумчалаган. Ошондон бери ал өзүн модель катары көрсөтүп келет.

Ишкер аялдын учурда башы бош. Ал бир баланын апасы, эки неберенин чоң энеси. Уулу 39 жашта.

7
Белгилер:
дизайнер, сыр, сулуулук, жаштык, модель, Англия
Тема боюнча
Жаштык жана сулуулукту көпкө сактоочу азык айтылды
Паста. Архив

Бөдөнөнүкү пайдалуу. Чийки жумуртка кошулган тамактын кооптуулугу айтылды

20
(жаңыланган 08:31 30.09.2020)
Адистин айтымында, чийки жумуртканын курамында ууланууга алып келүүчү сальмонелла бактериясы болушу мүмкүн.

БИШКЕК, 30-сен. – Sputnik. Ресторандагы карбонара пастасы, тирамису десерти жана курамына чийки жумуртка кошулган тамактар кооптуу болот. Мындай пикирди ветеринар-дарыгер Алексей Кухно ForPost порталына берген маегинде айтканын РИА Новости жазды.

Анын белгилешинче, чийки жумуртканын курамында ууланууга алып келүүчү сальмонелла бактериясы болушу ыктымал. Адис мындан көрө тамак даярдоодо бөдөнөнүн жумурткасын пайдаланууну сунуш кылат. Ал кооптуу инфекциянын болушун жокко чыгарат.

Диетолог организмге пайдалуу деп жүргөн азыктардын зыянын айтып берди

"Бөдөнөнүн дене табы жогору, 40 градустан ашык болгондуктан, алар сальмонеллез илдети менен оорубайт. Эгер патоген (оорунун козгогучу) организмге кирип калса, анда ал жашап кете албайт", — деген Алексей Кухно.

Ошондуктан дарыгер коомдук тамактануу жайларында жогоруда кооптуу деп айтылган тамак-аштарга буюртма берүүдөн карманууга чакырат.

20
Белгилер:
кооптуулук, уулануу, ден соолук, тамак-аш
Тема боюнча
Чөнтөккө да күч келбейт, ден соолукка да пайдалуу. Диетолог 7 азыкты санады