Биржа соодасын карап жаткан адам. Архив

Deutsche Bank ааламдашуудан кийин "башаламандык доору" келерин болжоду

130
(жаңыланган 10:51 10.09.2020)
Божомолго ылайык, Кытай экономикалык өсүү боюнча АКШдан ашып түшкөнү жаңы доордун мүнөздүү белгиси болуп калат.

БИШКЕК, 10-сен. — Sputnik. 40 жылдан бери созулуп келе жаткан ааламдашуу доорун "башаламандык кылымы" алмаштырууда. Бул тууралуу Deutsche Bank жүргүзгөн иликтөөдө айтылганын РИА Новости жазды.

Билдирүүнүн автору Джим Рейд жана анын кесиптештеринин божомолуна ылайык, экономикалык өсүү боюнча Кытай АКШдан ашып түшкөнү жаңы доордун мүнөздүү белгиси болуп калат.

Өлкөлөрдүн тирешүүсү экономикалык чөйрөдө болот. Бул Америка Кошмо Штаттары менен СССРдин кансыз согуш маалындагы өз ара алакасын эске салат.

Кыргызстанда инвесторлорду колдоочу долбоор иштей баштады

Изилдөөчүлөр глобалдык карыздын өсүшү уланарын, борбордук банктардан "асмандан түшүүчү акчалар" саясаты жана 21-кылымда эрезеге жеткен жаш муундун таасиринин күчөшү күтүлөрүн белгилешти.

Ошондой эле "башаламандык доору" инфляциянын өсүшү, климат көйгөйү, муундар атаандаштыгынын катаалдашы жана жаңы технологиялык революция менен шартталат.

Азыркы өкүм сүргөн "башаламандык" болжол менен жакынкы он жылда же андан ашык мезгилде жаңы доорду аныктайт.

Ошол эле учурда изилдөөнүн авторлору "башаламандык доорун" инвестиция салуудан баш тартуунун себеби катары кабыл албоого үндөп, ал "ири көлөмдөгү интервенцияларды жана өтүмдүүлүктү жаратат" деп белгилешүүдө.

Адистер учурдагы глобалдык баалуулуктарды жаңы турмуш чындыгы өзгөртөрүн эскертип жатышат.

130
Белгилер:
башаламандык, экономика
Тема боюнча
Кыргызстанга инвестиция жасаган өлкөлөр жана акчанын көлөмү. Статистика
Тейлөө кызматкерлер жолду белгилөө учурунда. Архив

Кырсыктарды алдын алуу үчүн Алматыда өзгөчө жол белгисин чийүү пландалууда

2
(жаңыланган 13:36 27.09.2020)
Шаардык административдик полиция башкармалыгынын жетекчиси Жандос Мураталиев кызыл түстөгү жол чийин айдоочулардын көңүлүн өзүнө бурат деп эсептейт.

БИШКЕК, 27-сен. — Sputnik. Алматы шаарында авариялык кооптуу делген жерлерге кызыл түстөгү жол белгисин чийүү пландалууда. Бул тууралуу Sputnik Казакстан жазды.

Шаардык административдик полиция башкармалыгынын жетекчиси Жандос Мураталиевдин айтымында, жол белгилерин чийүүдө азыр ар кандай инновациялык материалдар колдонулууда. Ошондой эле ак, сары, жашыл, кара сыяктуу ар кандай түстөр да кеңири пайдаланыла баштаган. Бирок натыйжаны күчөтүү максатында кызыл түстү да колдонуп көрүү каралууда.

"Кызыл түстөгү чийин — айдоочулардын көңүлүн буруудагы эң натыйжалуу ыкма", — деди Мураталиев.

Кызыл жол чийинин шаардагы кооптуу делген жерлерге колдонуу пландалып жатканы кошумчаланды.

2
Белгилер:
коопсуздук, кырсык, жол чийин, Алматы
Тема боюнча
Жолдун экинчи катарынан кайсы учурда кайрылса болот? Айдоочуга кулак кагыш
Медициналык кызматкерлер ооруканада. Архив

ДССУ: бардык өлкөлөрдүн өкмөттөрү катаал карантин киргизүүгө даяр турушу керек

107
(жаңыланган 12:35 27.09.2020)
ДССУ өкүлүнүн айтымында, катуу чектөөлөр болбосо, жакын арада коронавирустан көз жумгандардын саны 2 миллионго жетип калышы ыктымал.

БИШКЕК, 27-сен. — Sputnik. Дүйнөнүн бардык өлкөлөрүнүн өкмөттөрү COVID-19дан өлүмдүн саны көбөйүп кетпеши үчүн кайрадан катаал карантин киргизүүгө даяр болушу керек. Бул тууралуу Дүйнөлүк саламаттык сактоо уюмунун (ДССУ) өзгөчө кырдаалдар боюнча программасынын жетекчиси Майк Райанга шилтеме берип ВВС жазды.

Райандын айтымында, мындай чектөөлөр болбосо, жакын арада коронавирустан көз жумгандардын саны 2 миллионго жетип калышы ыктымал. Ал жакын арада вакцина чыгарын жана дарылоо ыкмалары бир топ жакшырарын айтып, ошол эле учурда бул нерселер өлүмдүн азаюусуна анча жакшы жардам бере албасын кошумчалады.

ДССУ: коронавирустан дагы миллион адам ажал табышы мүмкүн

"Болгон аракетибизди жумшабасак, тилекке каршы, өлгөндөрдүн саны кескин өсүп кетиши ыктымал”, — деди жетекчи.

Жон Хопкинс университетинин акыркы маалыматына караганда, дүйнөдө коронавирус жуктургандардын саны 32,7 миллионго жетти. Алардын арасынан 993 миң киши каза болуп, 22,6 миллион киши сакайды.

107
Белгилер:
Дүйнөлүк саламаттыкты сактоо уюму, өлүм, чектөө, карантин, пандемия, коронавирус
Тема боюнча
Коронавирустан айыккандардан жуктургандар көбөйдү. Статистика