Ара. Иллюстративдик сүрөт

Миллион евро алам деп колун араалап салган кыз кесилип кетти. Словениядагы окуя

347
(жаңыланган 14:43 12.09.2020)
22 жаштагы кыз окуя болордон бир жыл мурун беш камсыздандыруу компаниясы менен келишим түзгөнү айтылды.

БИШКЕК, 12-сен. — Sputnik. Словенияда жашаган кыз камсыздандыруу компаниясынан 1 миллион евро алууну көздөп араа менен колун кесип салган. Бул туурасында ABC News басылмасы жазды. 

22 жаштагы Юлия Адлесич 2019-жылдын башында сүйгөн жигити менен макулдашып, ал анын колунун бир бөлүгүн кесип алып салууга жардам берген. Кыз андан бир жыл мурун беш камсыздандыруу компаниясы менен келишим түзгөн болчу. Ага ылайык, кырсыкка кириптер болгону үчүн 1 миллион евро алмак. Каражаттын жарымы башында берилип, калганы ай сайын төлөнмөк.

Кыз колунун бир бөлүгүнөн ажырагандан кийин ооруканага барып, даракты бутап жатып жаракат алганын айткан. Деген менен колунун кесилген бөлүгүн алып барышкан эмес.

Мындан улам кыз-жигиттин жоругу күмөн санаткан. Прокуратура Юлия окуядан бир нече күн мурун интернеттен жасалма кол кантип иштээри туурасында маалыматтарды издегенин аныктаган. Бул "кырсыкка" атайылап болгонуна дагы бир далил болуп берди.

АКШ: уурулар байлыгы менен интернетте мактанам деп колго түштү

Сот учурунда кыз мындай ишке эч качан өз каалоосу менен барбай турганын билдирген.

"Эч ким майып болуп калгысы келбейт. Менин жаштыгым бүлүндү. 20 жашымда колумдан ажырадым. Кандай оор болгонун бир гана өзүм билем", — деп айткан Юлия.

Деген менен Словения соту Юлияны камсыздандыруу боюнча алдамчылыкка аракет кылууга күнөөлүү деп таап, эки жылга эркинен ажыратты. Ал эми жигити үч жылга кесилген.

347
Белгилер:
камакка алуу, сот, кыз, алдамчылык, камсыздандыруу, Словения
Тема боюнча
Быйыл үч айда камсыздандыруу компаниялары 408 млн сом киреше тапты
Бактыңды ачып берем деп... Ошто адамдарды алдады деген шектүү аял кармалды. Сүрөт
Россиялык алып баруучу Ольга Шелест. Архив

Россиялык алып баруучу аз убакыттын ичинде кантип арыктаганын айтып берди

33
(жаңыланган 09:08 20.09.2020)
Шелесттин айтымында, ал эки айдын ичинде жети килограмм салмак таштаган. Алып баруучу 10 жылдан бери мынчалык арыктай электигин белгилеп, мунун баарын таттуу менен байланыштырды.

БИШКЕК, 20-сен. — Sputnik. Россиялык алып баруучу Ольга Шелест "Телепрограмма" басылмасына маек берип жатып тез убакыттын ичинде кантип арыктаганын айтып берген. Бул тууралуу РИА Новости жазды.

Ага ылайык, социалдык тармактын колдонуучулары алып баруучунун сындуу болуп калганын байкашып, андан кантип арыктаганын сурашкан.

Шелесттин айтымында, ал эки айдын ичинде жети килограмм салмак таштаган. Алып баруучу 10 жылдан бери мынчалык арыктай электигин белгилеп, мунун баарын таттуу менен байланыштырган.

"Бир отурганда эле бир тортту жеп койчумун. Бирок кийин кумшекерден баш тарттым. Эки айдан кийин жети килограмм таштаганымды билдим. Атайын деле "арыктайм" деп максат койгон эмесмин. Анткени өзүмдүн тулку-боюм жакшы эле формада болчу", — деди ал.

Алып баруучу карантинде кокустан "Мен таттууну жакшы көрбөйм" деген китеп окуп калганын айтты. Ошондон баштап анын кумшекер, таттууга болгон көз карашы өзгөргөн.

Дагестан: пенсионер беш саатта 10 килограммга жакын салмак таштаган

"Бул китепте кумшекер кантип жаралганы, адамдар ага эмнеге жакын болуп калганы тууралуу илимий негизде маалыматтар берилген. Ошондой эле биз аталган "жасалма баңгизатты" колдонгондо организмде кандай реакция жүрөрү да айтылган", — деди Шелест.

Алып баруучу кумшекердин ден соолукка тийгизген таасири тууралуу билгенден кийин таттуудан толугу менен баш тартканын кошумчалады.

33
Белгилер:
Кумшекер, арыктоо, алып баруучу, Россия
Тема боюнча
30 килограммга чейин арыктаган. Улгайган аял сыры менен бөлүштү
Арыктоо үчүн күнүмдүк тамакка колдончу азыктар тизмектелди
Манас аэропортундагы учак. Архив

Бишкек Москва каттамы жуманын кайсы күнү аткарылары маалымдалды

375
(жаңыланган 19:34 19.09.2020)
Бүгүн, 19-сентябрда, Россия бир катар мамлекеттер менен аба каттамын жанданта турганы маалым болду. Алардын арасында Кыргызстан дагы бар.

БИШКЕК, 19-сен. — Sputnik. Үстүбүздөгү жылдын 21-сентябрынан тарта Бишкек — Москва аба каттамы такай жума күнү аткарылмай болду. Бул тууралуу Республикалык ыкчам штабдан билдиришти.

Маалыматка караганда, борбор калаадан Москваны көздөй жүргүнчүлөрдү Avia Traffic Company авиакомпаниясы ташыйт.

Белгилей кетсек, буга чейин РФ Кыргызстан, Казакстан жана Беларусь менен аба каттамын жанданта турганы айтылып, учактар жумасына бир ирет гана каттай турганы кабарланган.

375
Белгилер:
Москва, Бишкек, аба каттам, Россия, Кыргызстан
Тема боюнча
Россия Кыргызстан менен аба каттамын сентябрда жандантмай болду
Башкыртстан чек арада калган кыргыз мигранттарына кантип жардам берүүдө. Репортаж
Бишкек шаарындагы Курмажан датканын айкели. Архив

Күн сууктайбы? Бир жумага карата аба ырайы

0
(жаңыланган 09:45 20.09.2020)
Синоптиктердин маалыматына караганда, өлкөдө аптанын биринчи жарымында күндүзү жаан жаабаганы менен түнкүсүн жаан-чачындуу болот.

БИШКЕК, 20-сен. — Sputnik. Кыргызгидромет агенттиги келерки жумага карата аба ырайы тууралуу болжолдуу маалымат берди.

Бишкек шаары

Борбор калаада 20-21-сентябрда жаан-чачын күтүлбөйт. 22-сентябрда түнкүсүн жаан жаашы мүмкүн. Аптанын аягында дагы күндүн көзү ачылбасы божомолдонууда. Батыштан соккон шамалдын ылдамдыгы секундасына 4-9 метрге жетет.

Чүй, Талас облустарында

Аптанын башында жаан-чачын күтүлбөйт. 22-сентябрда түнкүсүн кээ бир райондордо жаан жаап, бийик тоолуу райондордо карга айланат. Мындай аба ырайы 24-сентябрга чейин кармалып турат. Батыштан соккон шамалдын ылдамдыгы секундасына 4-9 метрден, 23-сентябрда кээ бир райондордо 15-20 метрге жетиши күтүлөт.

Ош, Жалал-Абад, Баткен облустарында

20-21-сентябрда жаан жаабайт. 22-сентябрь күнү Жалал-Абад облусунун тоо этектеринде жана тоолуу райондорунда жаан жаап, бийик тоолуу райондорунда кар жаашы күтүлөт.

Аптанын акыркы күндөрүнө чейин көпчүлүк аймактарда күндүз күн ачык болгону менен түнкүсүн бийик тоолуу жерлерде жаан жаап, карга айланышы ыктымал.

Жер бетиндеги эң жогорку температура катталган аймак аталды

Ысык-Көл облусунда

20-сентябрда түнкүсүн кээ бир райондордо жаан жаап, тоолуу райондордо кар жааса, 20-сентябрь күндүз дагы мындай аба ырайы уланат. 23-сентябрда күндүз жана 24-сентябрда кээ бир райондордо жаан жаайт. Батыштан соккон шамалдын ылдамдыгы секундасына 4-9 метрден, 23-сентябрда кээ бир райондордо 15-20 метрге жетиши күтүлөт.

Нарын облусунда

Нарында аптанын ортосуна чейин жаан жаабайт. 23-сентябрдан тарта күндүз кээ бир райондордо жаан жаап, бийик тоолуу райондордо кар жаашы күтүлөт.

0
Белгилер:
жаан-чачын, Кыргызгидромет, аба ырайы, Кыргызстан
Тема боюнча
Ак-Сай жайлоосуна малчылар жакага түшө электе кар жаап салды. Видео