Европада COVID-19дан көп адамдын көз жумары айтылууда

© AP Photo / Jorge SaenzОоруканадагы дарыгер. Архив
Ооруканадагы дарыгер. Архив - Sputnik Кыргызстан
Жазылуу
Дүйнөлүк саламаттык сактоо уюму Европада коронавирус боюнча абал кайрадан кыйын болорун алдын ала божомол менен билдирип жатат.

БИШКЕК, 14-сен. — Sputnik. Европада бул күздө коронавирустун жаңы штаммынан каза тапкандардын саны өсөт деп билдирген Дүйнөлүк саламаттык сактоо уюмунун Евпропа аймагы боюнча бюронун башчысы Ханс Клюге. Бул тууралуу Sputnik Тажикстан Agence France-Presse басылмасына шилтеме кылып кабарлады.

Анын айтымына караганда, жакынкы айларда Европадагы коронавирус боюнча кырдаал бир топ кыйын болот.

Вирусолог Россияда коронавирустун экинчи толкуну качан болорун айтты

"Октябрь жана ноябрь айларында өлүм көп болушу мүмкүн", — деген ДССУ өкүлү.

Аталган уюм кечээ COVID-19ду бир күндө 308 миң киши жуктуруп алып, бул пандемия башталгандан тарта дүйнөдөгү рекорддук көрсөткүч болгондугун айтты. Мурдагы антирекорд 6-сентябрда катталып, анда илдетке чалдыккандар 306,8 миң адамга чыккан.

Ал эми Жон Хопкинс университети дүйнө жүзүндө жалпысынан 29 миллион 19 миӊ 639 адам коронавируска чалдыкканын кабарлады.

Жаңылыктар түрмөгү
0