Япониянын премьер-министри болуп шайланган Ёсихидэ Суга. Архив

Японияда Синдзо Абэнин ордуна жаңы премьер-министр шайланды

99
(жаңыланган 11:50 16.09.2020)
Мурдагы премьер-министр Синдзо Абэ августтун аягында өнөкөт оорусу өрчүп кеткенине байланыштуу отставкага кеткен.

БИШКЕК, 16-сен. — Sputnik. Ёсихидэ Суга Эл өкүлдөр палатасынын депутаттарынын көпчүлүк добушун алып, Япониянын премьер-министри болуп шайланды. Бул туурасында РИА Новости билдирди.

Суганын талапкерлигин 314 депутат колдогон, ал эми жалпы жонунан добуш бергендердин саны 462 экени айтылат.

Түндүк Кореядан качып чыккан саясатчы Түштүк Кореяда депутат болуп шайланды

Эл өкүлдөрү палатасы шаршемби күнү жаңы премьер-министрди шайлоо үчүн чогулушкан. Төмөнкү палатадагы башкаруу коалициясында Либералдык-демократиялык партиясы менен "Комэйто" партиясы 465 орундун ичинен 313 мандатка ээлик кылат. Суга башкаруу коалициясындагы Либералдык-демократиялык партиясынын лидери болгондуктан, анын жеңиши айкын болуп калган. Ошондой эле жогорку палатадагы шайлоонун жыйынтыгы да ушундай болот деп күтүлгөн, себеби мында дагы башкаруу коалициясынын мандаты көп.

Белгилей кетсек, Япониянын премьер-министри Синдзо Абэ августтун аягында өнөкөт оорусу күчөп кеткенине байланыштуу отставкага кеткен.

99
Белгилер:
депутат, шайлоо, премьер-министр, Япония
Тема боюнча
Рамзан Кадыров 21 жаштагы кызын министрдин орун басары кылып дайындады
Сиэтл Сихокс командасынын башкы машыктыруучусу Пит Кэрролл. Архивдик сүрөт

Америка футболунун бет капсыз насаатчысы 100 миң доллар айыпка жыгылды

9
Башкы машыктыруучусунун бет кабы жок болгону үчүн "Сихокс" клубу да айыпка жыгылып, 250 миң доллар төлөмөй болду.

БИШКЕК, 22-сен. — Sputnik. АКШдагы Улуттук футбол лигасы (УФЛ, америкалык футбол) "Сиэтл Сихокс" командасынын башкы машыктыруучусу Пит Кэрроллго бет капсыз жүргөнү үчүн 100 миң доллар айып салды. Бул тууралуу аталган спорттук уюмдун сайтында айтылганын РИА Новости жазды.

Насаатчы өз командасы "Нью-Ингленд Пэтриотс" клубун кабыл алган оюнда бет кап тагынган эмес. Беттеш жекшемби күнү Сиэтл шаарында өтүп, талаа ээлери 35:30 эсебинде утуп алышкан. Башкы машыктыруучусунун бет кабы жок болгону үчүн "Сихокс" клубу да айыпка жыгылып, 250 миң доллар төлөмөй болду.

КРдеги футболдук үч клубга айып салынды. Машыктыруучу 50 миң сом төлөйт

Жекшемби күндөгү оюндарда бет капсыз иштегендиги үчүн башкы машыктыруучулар Кайл Шэнахен ("Сан-Франциско Форти Найнерс" клубу), Вик Фанхио ("Денвер Бронкос"клубу) жана алардын клубдарына ушундай эле өлчөмдөгү айып салынган.

9
Белгилер:
жаза, айып, бет кап, Америка
Тема боюнча
Штаб: коомдук жайларда бет кап тагынбагандар эми жазаланышы мүмкүн
Кыргызстан Россия желектери. Архивдик сурөт

Бишкекте Кыргыз-Россия өкмөттөр аралык комиссиясынын жыйыны башталды

32
(жаңыланган 15:59 22.09.2020)
Жыйындын алдында комиссиянын теңтөрагасы, Россиянын өкмөт башчысынын орун басары Алексей Оверчуктун КР президенти Сооронбай Жээнбеков жана премьер-министр Кубатбек Боронов менен жолугушуусу болгон.

БИШКЕК, 22-сен. — Sputnik. Бишкекте Кыргызстан менен Россиянын өкмөттөр аралык комиссиясынын соода-экономикалык, илимий-техникалык жана гуманитардык кызматташуу боюнча 22-жыйыны башталды.

Анын алдында аталган комиссиянын теңтөрагасы, Россиянын өкмөт башчысынын орун басары Алексей Оверчуктун КР президенти Сооронбай Жээнбеков жана премьер-министр Кубатбек Боронов менен жолугушуусу болгон.

Жээнбеков Кыргызстандын БУУнун Коопсуздук кеңешине өкүл болууга умтулганын эскертти

Мындан тышкары, Оверчук вице-премьер Эркин Асрандиев менен кезигип, бир катар экономикалык маселелер талкууланган.

Бүгүнкү кеңешмеде жыйынтыктоочу протоколго кол коюлуп, аягында өкмөт мүчөлөрү ЖМКга маалымат берет.

32
Белгилер:
жыйын, Россия, Кыргызстан
Тема боюнча
Жээнбеков Кыргызстандын БУУнун Коопсуздук кеңешине өкүл болууга умтулганын эскертти
Ош облусунун Өзгөн районунда 200 орундуу мектептин курулушу аяктап, ишке берилди

Өзгөндө 200 орундуу мектеп курулуп, пайдаланууга берилди. Сүрөт

0
Курулуш иштерине республикалык бюджеттен 32 миллион 700 миң сом бөлүнгөн. Мектептин спорт залынын курулуш иштери уланууда.

БИШКЕК, 22-сен. — Sputnik. Ош облусунун Өзгөн районунда 200 орундуу мектептин курулушу аяктап, ишке берилди. Бул тууралуу Билим берүү жана илим министрлигинен билдиришти.

 

  • Церемония открытия новой школы на 200 мест в Узгенском районе Ошской области
    Ош облусунун Өзгөн районунда 200 орундуу мектептин курулушу аяктап, ишке берилди
    © Фото / пресс-служба Министерства образования и науки КР
  • Церемония открытия новой школы на 200 мест в Узгенском районе Ошской области
    Алча-Башат айылында жайгашкан №86 Кысык-Алма орто мектебинин ачылышына министрликтин статс-катчысы Жапаркул Ташиев катышкан.
    © Фото / пресс-служба Министерства образования и науки КР
  • Начало строительствановой школы в Узгенском районе Ошской области
    Мындан сырткары, ушул эле райондун Жалпак-Таш айыл аймагына караштуу Т. Оморкулов атындагы мектептин жаңы 150 орундуу имаратынын (спорт залы менен бирге) курулушу башталды
    © Фото / пресс-служба Министерства образования и науки КР
  • Начало строительствановой школы в Узгенском районе Ошской области
    Аталган мектеп 1990-жылы салынган. Анын 1-корпусу 2015-жылдын 17-ноябрындагы жер титирөөдөн улам жараксыз абалга келген.
    © Фото / пресс-служба Министерства образования и науки КР
1 / 4
© Фото / пресс-служба Министерства образования и науки КР
Ош облусунун Өзгөн районунда 200 орундуу мектептин курулушу аяктап, ишке берилди

Алча-Башат айылында жайгашкан №86 Кысык-Алма орто мектебинин ачылышына министрликтин статс-катчысы Жапаркул Ташиев катышкан.

 

"Мектептин курулушу 2015-жылы башталып, республикалык бюджеттен 32 миллион 700 миң сом бөлүнгөн. Мектептин ашканасы заманбап талапка ылайык салынган. Компьютердик классы бар. Мектептин спорт залынын курулуш иштери уланууда", — деп айтылат маалыматта.

Мындан сырткары, ушул эле райондун Жалпак-Таш айыл аймагына караштуу Т. Оморкулов атындагы мектептин жаңы 150 орундуу имаратынын (спорт залы менен бирге) курулушу башталды.

Аталган мектеп 1990-жылы салынган. Анын 1-корпусу 2015-жылдын 17-ноябрындагы жер титирөөдөн улам жараксыз абалга келген. Курулуш иштерине республикалык бюджеттен 54 миллион сом бөлүнгөнү маалым болду.

0
Белгилер:
Билим берүү жана илим министрлиги, курулуш, курулуш материалдары, Өзгөн
Тема боюнча
Министрлик: окуучулар мектепке октябрда барар-барбасы арсар