Киши кишенчен. Архив

АКШда өлүм жазасына кесилген киши 37 жылдан кийин акталып, абактан чыкты

244
Жаран 1983-жылы 19 жаштагы кызды сабап, зордуктап өлтүрүп салган деп айыпталып, өлүм жазасына тартуу өкүмү чыккан.

БИШКЕК, 16-сен. — Sputnik. Американын Флорида штатындагы түрмөдө 37 жыл отурган киши акталып чыкты. Бул тууралуу The Guardian жазды.

Маалыматка караганда, Роберт Дюбуаз 1983-жылы 19 жаштагы кызды сабап, зордуктап, өлтүрүп салган деп айыпталып, өлүм жазасына кесилген. Бирок кийинчерээк жазасы өмүр бою эркинен ажыратууга алмаштырылган.

Ал эми 2020-жылдын 27-августунда соттун чечими анализдин туура эмес жыйынтыктарына жана ишенимсиз күбөнүн көрсөтмөсүнө таянып чыгарылганы аныкталган.

Жабылат экен. Дүйнөдөгү эң чоң түрмөнүн сүрөттөрү

Ишти кайра кароо учурунда Дюбуаздын ДНКсынын үлгүсү алынып, натыйжада анын кылмышка эч кандай тиешеси жоктугу аныкталган. Мындан улам америкалык жаран акталып, абактан чыгарылды.

Дюбуаздын иши коммерциялык эмес юридикалык уюмдун жардамы менен кайра каралган.

Эркиндикке чыккан Дюбуаз соттун туура эмес чечиминен жабыркагандарга түзүлгөн атайын борборго убактылуу жайгаштырылды. Ал жактан жаңы жашоого көнүү үчүн жардам көрсөтүлөт. Жабырлануучунун мамлекеттен моралдык чыгым талап кылар-кылбасы азырынча белгисиз.

244
Белгилер:
сот, абак, Америка
Тема боюнча
Мамытов: учурда түрмөдө күнөөсүз адамдар отурган фактылар бар
Модель көргөзмө учурунда. Архив

60 жаштагы модель жаштык сырлары менен бөлүштү

19
(жаңыланган 09:03 30.09.2020)
Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн билдирген. Ошондон бери ал өзүн модель катары көрсөтүп келет.

БИШКЕК, 30-сен. — Sputnik. 60 жаштагы англиялык ишкер аял, интерьер дизайнери жана модель Шери Дэвенпорт Daily Mail агенттигине жаштык сырлары менен бөлүшкөн. Бул тууралуу РИА Новости кабарлады.

Маалым болгондой, Шери этек кири биротоло токтогондон кийин тамактануу рационун өзгөртүп, тамак-аш кошулмаларын колдоно баштаган. Ошондой эле дене тарбия көнүгүүлөрүн жасоону таштаган эмес.

"Азыр өзүмдү 50 жаштагыдан да жакшы сезем. Мен гормон алмаштыруу терапиясынан баш тартып, анын жөнөкөй жолун таптым. Тагыраагы, өсүмдүк экстрактынан жасалган дарыларды колдоно баштадым. Мындан сырткары, кофеин, ичимдик, кумшекерди рациондон чийип салгам. Кызыл эт, тоок этин да жебейм, балыкты гана пайдаланам. Косметологго барып, сапаттуу гана косметикаларды колдоном. Сөөк, муундар бекемдесин деп тамак-аш кошулмаларын алам. Ар таңда медитация жасап, андан кийин спорт менен машыгам. Сальса дагы бийлейм", — деген ал.

Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн кошумчалаган. Ошондон бери ал өзүн модель катары көрсөтүп келет.

Ишкер аялдын учурда башы бош. Ал бир баланын апасы, эки неберенин чоң энеси. Уулу 39 жашта.

19
Белгилер:
дизайнер, сыр, сулуулук, жаштык, модель, Англия
Тема боюнча
Жаштык жана сулуулукту көпкө сактоочу азык айтылды
Паста. Архив

Бөдөнөнүкү пайдалуу. Чийки жумуртка кошулган тамактын кооптуулугу айтылды

23
(жаңыланган 08:31 30.09.2020)
Адистин айтымында, чийки жумуртканын курамында ууланууга алып келүүчү сальмонелла бактериясы болушу мүмкүн.

БИШКЕК, 30-сен. – Sputnik. Ресторандагы карбонара пастасы, тирамису десерти жана курамына чийки жумуртка кошулган тамактар кооптуу болот. Мындай пикирди ветеринар-дарыгер Алексей Кухно ForPost порталына берген маегинде айтканын РИА Новости жазды.

Анын белгилешинче, чийки жумуртканын курамында ууланууга алып келүүчү сальмонелла бактериясы болушу ыктымал. Адис мындан көрө тамак даярдоодо бөдөнөнүн жумурткасын пайдаланууну сунуш кылат. Ал кооптуу инфекциянын болушун жокко чыгарат.

Диетолог организмге пайдалуу деп жүргөн азыктардын зыянын айтып берди

"Бөдөнөнүн дене табы жогору, 40 градустан ашык болгондуктан, алар сальмонеллез илдети менен оорубайт. Эгер патоген (оорунун козгогучу) организмге кирип калса, анда ал жашап кете албайт", — деген Алексей Кухно.

Ошондуктан дарыгер коомдук тамактануу жайларында жогоруда кооптуу деп айтылган тамак-аштарга буюртма берүүдөн карманууга чакырат.

23
Белгилер:
кооптуулук, уулануу, ден соолук, тамак-аш
Тема боюнча
Чөнтөккө да күч келбейт, ден соолукка да пайдалуу. Диетолог 7 азыкты санады
Акча каражаттары. Архив

ЖК, президент жана өкмөттүн аппараттары бюджеттен канча каражат алары айтылды

0
(жаңыланган 09:20 30.09.2020)
Министрлик белгиленген чыгымдардын баары маяна төлөөгө эмес, чарбалык иштерге да жумшалганын белгилейт.

БИШКЕК, 30-сен. — Sputnik. Финансы министрлиги башкы мамлекеттик органдардын бир жылдык чыгымы тууралуу маалымат берди.

Анда 2019-жылдагы чыгымдар көрсөтүлгөн.

Жогорку Кеңешке былтыр 765 миллион сом берилип, ал төмөндөгүдөй бөлүштүрүлгөн:

  • Аппарат — 606,53 миллион сом;
  • Иш башкармалыгы — 73,77 миллион сом;
  • Гараж — 48,1 миллион сом;
  • Резервдер фонду — 34,5 миллион сом.
  • КМШ мамлекеттеринин Парламенттер аралык ассамблеясынын Чыңгыз Айтматов атындагы сыйлыгы — 2,09 миллион сом.

Президенттик аппаратка 151,48 миллион сом берилип, төмөндөгүдөй бөлүштүрүлгөн:

  • Аппарат — 113,77 миллион сом;
  • КР Коопсуздук кеңешинин катчылыгы — 1,2 миллион сом;
  • Аппараттын жалпы чарбалык иштери — 2,19 миллион сом;
  • Президенттин резервдер фонду — 34,3 миллион сом.

Бир партия 105 млн. сом. Шайлоого аттангандар канча каражат короткону айтылды

Өкмөттүн аппаратына 207,59 миллион сом берилип, төмөндөгүдөй бөлүштүрүлгөн:

  • Аппарат — 172,48 миллион сом;
  • Чек араларды делимитациялоо жана демаркациялоо иштерине — 2,61 миллион сом;
  • Резервдер фонду — 32, 49 миллион сом.

Президенттин жана өкмөттүн иш башкармалыгына 641,64 миллион сом берилип, төмөндөгүдөй бөлүндү:

  • Президенттин иш башкармалыгы — 496,78 миллион сом;
  • "Автотранспорт" мамлекеттик ишканасы, Мамлекеттик компьютердик байланыштар — 93,45 миллион сом;
  • "Кыргыз мамлекеттик аңчылык чарбасы" мамлекеттик ишканасы — 12,22 миллион сом;
  • "Ала-Арча мамлекеттик жаратылыш паркы" мамлекеттик ишканасы — 39,19 миллион сом.

Мамлекеттик маанидеги чыгымдар:

  • Экс-президенттер — 828,6 миң сом;
  • Мамлекеттик сыйлыктар — 8,11 миллион сом;
  • Саммиттерге — 472,12 миллион сом.

Натыйжада чыгымдардын жалпы суммасы 1 миллиард 481,78 миллион сомду түздү. Финансы министрлиги жогоруда белгиленген чыгымдардын баары маяна төлөөгө эмес, чарбалык иштерге да жумшалганын белгилейт.

0
Белгилер:
Финансы министрлиги, бюджет, Жогорку Кеңеш, чыгым
Тема боюнча
Кыргыз өкмөтү COVID кесепетинен канча карыз алып, кайда жумшап жатат. Саресеп
Быйыл мамлекеттик карызды тейлөөгө 18 млрд сомдон ашык акча жумшалды