Россиялык саясатчы Алексей Навальный. Архив

Германия Алексей Навальныйды үн катпоого мажбурлайт. Саресеп

95
(жаңыланган 15:05 17.09.2020)
Алексей Навальный социалдык медиага ооруканага жаткырылгандан кийин биринчи сүрөтүн жарыялады. Саламаттыгы жакшыра элек болсо да, жалпысынан жылыш бар экенин кошумчалаган.

Ал эми Германиянын тышкы иштер министри Хайко Маас дүйшөмбүдөгү басма сөз жыйынында блогердин "Новичок" менен ууланышы боюнча тыянактарды сындоону токтотууну талап кылды. Анткени, анын айтымында, Франция жана Швециядагы кайсы бир көз карандысыз лабораториялар бундесвердин адистери чыгарган корутундуну тастыктаган. Ушул маселенин тегерегиндеги Ирина Алкснистин макаласы РИА Новости сайтына жарыяланган.

Лабораториялар боюнча маалыматтар да жашыруун. Министр каалагандай болору арсар. Натыйжасы тескерисинче болушу да ыктымал. New York Times басылмасы ФРГнын коопсуздук органдарынын жогорку кызматтагы өкүлүнө шилтеме кылуу менен Алексей Навальный сакайган соң Россияга "өз ишмердигин улантуу үчүн" кайтууга ниеттенгенин жарыялаган.

"Түндүк агым – 2нин" тагдырын "Новичок" чечеби? Геосаясаттын кезектеги көшөгөсү

Эгер гезиттегилер чындыкка дал келсе, анда Навальный үчүн кубансак болот. Анткени, андай болсо, анын когнитивдик функциялары сакталгандыгын айгинелейт. Врачтар оор абалын эске алуу менен буга кепилдик беришкен эмес.

Соңку он жылдыктарда Россиянын "каалгасын тарс жаап" бир топ адам чыгып кеткен. Өз мекенинде аттуу-баштуу адамдар эмигранттардын жалпы массасына аралашып, коомдогу салмагын да тез жоготушкан. Кремль менен айыгышкыс күрөшчү абалы менен бирге каржылык мүмкүнчүлүктөрүнөн да ажырашкан. Михаил Ходорковский сымал чындап бардар адамдар россиялык оппозиционерлердин арасында аз.

Прага, Рига жана Лондондогу жупуну батирлеринде отуруп алып, социалдык медиада жаалдангандан башка аргалары жок. Алардын тагдырынан сабак алышкандай. "Биротоло Россиядан кеттим" деген билдирүүлөр аз жана акырын жаңырчу болду. Алексей Навальный алардын кейпин кийсе, бир топ эле ичи ачышмак. Акыркы убакта ал Россиянын эң белгилүү оппозиционерине гана айланбастан, өз тарапташтарынан каражат да топтой турган система түзүп алган. Үй-бүлөсү менен чет элдик кымбат курорттордо эс алуулардан тышкары кызын Стэнфорд университетине студент кылууга чейинки жагымдуу бонустарды камсыз кылып алган.

"Оңой тапкан олжосун" колдон чыгарууга, экинчи Скрипалга айланууга блогердин ниети да жоктугу таң каларлык эмес. Бирок Алексей Навальныйдын жеке кызыкчылыктары менен Батышта анын дартынын сүрөттөлүшү таптакыр дал келбейт.

Россия ТИМи Берлиндин Навальный тууралуу билдирүүсүнө үн катты

Немистер тарабынан ага коюлган диагноз менен мекенине кайтышы коопсуздук жагынан мүмкүн болбогондой. Бирок блогердин кайра кайтууга ашыгып турганы айдан ачык. Ал эми бул каалоосу "Новичок" менен ууланбаганын жана өмүрүнө россиялык бийлик тарабынан эч кандай кооптуулук жок экенин айгинелейт.

Анткен менен немис тарап Москвага анын диагнозун тастыктаган маалымат берүүдөн дале баш тартып келет. Россиянын Башкы прокуратурасы германиялык кесиптештерине блогердин дартынын таржымалы тууралуу текшерүү үчүн кезектеги өтүнмөсүн жолдоду. Бирок Берлиндин иликтөөгө кол кабыш кылары күмөн. Блогер "Шаритэ" клиникасынан чыгарылганда алып келчү кагазы россиялык тийиштүү органдарга кыйла кызык маалыматты берер.

Айтор, Алексей Навальныйдын Россияга сөзсүз кайтуу ниети немецтерди бир топ жагымсыз жана оор абалга тушуктурат. Себеби бир нече аптадан берки Россияны каралоо аракети текке кетет.

Баса, мындай учур британиялыктар тарабынан кылдат иштелбеди беле. Скрипалдын ууланышы боюнча шоу масштабдуулугу жана чоо-жайына чейин этияттык менен иштелип чыгышы эле эмес, "курмандык" да абдан сабаттуулук менен тандалган. Эч кимге белгисиз жана керексиз тыңчы кураторлорунун кебинен чыкпайт. Лондон Скрипалдын аракеттерине кымындай да эркиндик бербей, журналист же дипломаттар менен бир да жолу сүйлөштүргөн эмес.

Алексей Навальныйды үй-бүлөсү менен кошо россиялык башкы оппозиционердин таттуу жашоосун өз ыктыяры менен таштоого көндүрүү өтө кыйын болор.

Блогердин Россияга кайтуусу менен Берлин бул окуянын тегерегинде өзү салган ызы-чуунун жагымсыз кесепеттерине кабылат. Бул көйгөйдү чечүү үчүн алар "көндүрүү" же "ыктыярдуу түрдө" деген тейдеги ыкмаларга барары турулуу иш.

95
Белгилер:
кызыкчылык, уулануу, оорукана, Россия, Германия, Алексей Навальный
Тема боюнча
Чоң ката. Германия "Түндүк агым — 2" курулушун токтотуу талабын сындады
Украинадагы кулаган учактын кырсыгы

Кулаган учактан аман калган курсанттын атасы: мен дагы үч жолу кырсыктагам

23
(жаңыланган 11:26 27.09.2020)
25-сентябрь күнү кечинде Украинанын Харьков облусунда аскер учагы кулап, борттогу 27 кишинин ичинен бир гана курсант аман калган.

БИШКЕК, 27-сен. — Sputnik. Украинадагы учак кырсыгынан аман калган курсанттын атасы Виталий Золочевский дагы үч ирет учак кырсыгына кабылган. Бул тууралуу "Сегодня" басылмасына өзү билдиргенин "Известия" жазды.

Эске салсак, 25-сентябрь күнү кечинде Украинанын Харьков облусунда аскер учагы кулаган. Борттогу 27 кишинин ичинен бир гана курсант аман калган.

"Мен дагы буга чейин үч ирет учак кырсыгына кабылгам. Балам да эсен калды. Бул — атасынын уулу дегенди түшүндүрөт", — деди Золочевский.

Ал учак кырсыгынан баласы болгону этин оорутуп алганын кошумчалаган.

Украинада аскер учагы кулады. 23 адамдын өмүрүн алган кырсыктын видеосу

"Баары эле уулумду учактан секирип кеткен деп айтышууда. Бирок чындыгында андай болгон эмес. Ал катуу басымдан ыргып кеткен. Мен билгенден ал досун куткарууга аракет кылган", — деди ал.

Маалым болгондой, кырсыктаган аскер учагынын ичинде 27 киши болгон. Анын жетөө экипаж мүчөлөрү, 20сы аскер-аба күчтөрүнүн Харьков улуттук университетинде билим алган курсанттары эле.

Аман калган курсант учурда ооруканада жатат.

23
Белгилер:
ата, курсант, окуя, кырсык, учак, Украина
Тема боюнча
38 адам жер алдында калган. Жер көчкүгө күбө болгон өзгөндүк Калдыбаевдин маеги
Кыздар смартфондо оюндарды ойноп жатышат. Архив

Мээни эс алдырыш керек! Смартфондо оюн ойноонун пайда-зыяны 

18
(жаңыланган 11:32 27.09.2020)
Адистин айтымында, эгер адам жумуш учурунда, транспортто, үйдө, жакын адамдардын жанында отурган маалда ойногонун токтотпосо — бул көз карандуулук. Дал ушундай учурда тынчсызданса болот.

БИШКЕК, 27-сен. — Sputnik. Психиатр жана медицина илимдеринин кандидаты Наталья Шемчук Sputnik радиосуна маек берип жатып смартфон аркылуу оюндарды ойноо адамга кайсы учурда пайда, кайсы учурда зыян алып келерин айтып берди.

Адистин пикиринде, мээни анчалык чыңалтпаган, мисалы, окшош шарларды үч катар кылып тизүү сыяктуу оюндардын заяны жок.

“Көпчүлүк бул оюнду убакытты алуучу, пайдасыз нерсе катары эсептейт. Бирок жумуштан кийин бир аз ойноп койсо, ал мээни эс алдырат. Негизи эле кайсы оюн болбосун бардык жумуштар бүткөн соң, же бош отурган 1-2 саат ичинде ойносо зыян алып келбейт. Мындай учурда онлайн оюндар эс алуунун бир түрү катары каралат”, — деди Шемчук.

Эксперт баскычтуу телефон кайрадан популярдуу болуп жатканын айтты

Анын айтымында, эгер адам жумуш учурунда, транспортто, үйдө, жакын адамдардын жанында отурган маалда ойногонун токтотпосо — бул көз карандуулук. Дал ушундай учурда тынчсызданса болот.

Психиатр смартфондогу оюндар эч качан адамга социалдык жана кызматтык милдеттерин аткарууга тоскоол болбошу керектигин кошумчалайт.

18
Белгилер:
зыян, оюн, смартфон
Тема боюнча
Адис канткенде телефондогу сүйлөшүүнү эч ким тыңшай албай каларын айтты
Медициналык кызматкер COVID-19 менен оруган бейтаптын рентген сүрөтүн карап турат. Архив

Окумуштуулар коронавирустун негизги “амалын” аташты

0
(жаңыланган 11:59 27.09.2020)
Адистер буга чейин башка илдеттерди дарылап келген синтетикалык интерферон эми коронавирус менен күрөшүүдө дагы таасирдүү болорун айтышат.

БИШКЕК, 27-сен. — Sputnik. Коронавирустун негизги “амалкөйлүүлүгү” — организмге түшөрү менен анын вирустарга каршы реакциясын жайлатып койгонунда. Мындай бүтүмгө америкалык вирусолог Шэйн Кротти келгенин жергиликтүү ЖМКга шилтеме берип РИА Новости жазды.

"Вирус организмдин алгачкы реакциясын начарлатуу менен утушта болот. Анткени коронавирус организмге түшкөндөгү негизги душманы болуп эсептелген интерферон заты жакшы иштебей калат. Тагыраагы, вируска каршы турчу эң маанилүү учурда иммунитет жооп бере албайт”, — деди адис.

Коронавирустун белгилери байкалса кайда кайрыласыз? Министрликтин жообу

Буга чейин деле окумуштуулар интерферон жетишпеген адамдарда COVID-19 оорураак өтөрүн айтып келишкен. Андыктан адистер буга чейин башка илдеттерди дарылап келген синтетикалык интерферон эми коронавирус менен күрөшүүдө дагы таасирдүү болорун айтышат.

0
Белгилер:
иммунитет, дары, коронавирус
Тема:
Дүйнөгө жайылган коронавирус
Тема боюнча
Вирусолог: пандемияны биринчи, экинчи толкун деп бөлүүнүн кажети жок