Лабораториянын кызматкери иш учурунда. Архив

Беларусь COVID-19га каршы россиялык вакцинаны сыноо боюнча айтты

53
(жаңыланган 16:10 17.09.2020)
Беларусь адистери препараттын коопсуздугун, майнаптуулугун карап чыгышмакчы. Андан сырткары, аны сыноодогу маселенин этикалык жактары каралары айтылды.

БИШКЕК, 17-сен. — Sputnik. Беларусь коронавируска каршы россиялык вакцинаны клиникалык жактан сыноо боюнча документтерди алды. Бул тууралуу аталган өлкөнүн Саламаттык сактоо министрлигинин Telegram-каналында айтылган.

Учурда алынган кагаздарды карап, таанышып жатышат. Эксперттик топтун курамына "Саламаттык сактоодогу экспертиза жана сыноолор борбору" ишканасынын кызматкерлери, андан сырткары, эпидемиология жана инфекциялык оорулар боюнча жетектөөчү адистер кирген.

Путин: Россиянын коронавируска каршы вакцинасын биринчи Беларусь алат

Алар препараттын "коопсуздук жана майнаптуулугу боюнча шексиз маалыматтарды алуу мүмкүнчүлүгүн" баалашы керек. Андан сырткары, дарыны сыноо боюнча маселенин этикалык жактары каралат.

"Вакцинаны изилдөө заманбап ыкмалардын негизинде жасалат. Бул иш Россия Федерациясынын аймагында жүргүзүлгөн "Гам-КОВИД-Вак" вакцинасына жасалган ири изилдөөнүн бир бөлүгү болуп калмакчы", — деп айтылат маалыматта.

Беларустагы тестке 100гө чукул ыктыярчы катышууда. Каалоочулар изилдөө аянты катары тандалып алынган уюмдун Минск жана Витебск шаарындагы сайтына арызын калтыра алат.

Төрөбөй тургула. Россияда вакцина сайдырып жаткандарга эскертүү берилди

Буга чейин Минск менен Москва Беларустун россиялык "Спутник V" вакцинасын тестирлөөнүн үчүнчү этабына катышуусу боюнча макулдашкан. Анын биринчи стадиясындагы клиникалык изилдөөгө катышкандардын 100 пайызында "Спутник V" вакцинасы туруктуу жана гуморалдык, клеткалык иммундук жообун калыптандырган. Аны менен катар эле "Спутник V" вакцинасын алган ыктыярчыларда вирусту нейтралдаштыра турган антителонун деңгээли COVID-19 менен ооругандарга караганда 1,4-1,5 эсе көп болгон.

Гуморалдык иммунитетке клеткалык эмес түзүмгө ээ жана адам организминин ар кандай биологиялык суюктуктарында болгон факторлор кирет. Алар ткань суюктугу, кан, шилекей, көз жаш, заара ж.б.

53
Белгилер:
сыноо, вакцина, коронавирус, Беларусь, Россия
Тема:
Дүйнөгө жайылган коронавирус (1060)
Тема боюнча
Жээнбеков: Россиядан вакцина алуу боюнча сүйлөшүүлөр жүрүп жатат

БУУнун Коопсуздук кеңешин кеңейтүү... Тынчтыкты сактоо үчүн эмнесин калтыруу зарыл?

10
БУУга мүчө-өлкөлөрдүн лидерлери уюмду жаңылоодо. Башкы ассамблеянын мааракелик отурумунда реформалоо боюнча бир нече сунуш түштү.

Быйыл Бириккен Улуттар Уюмуна 75 жыл толду. Ага мүчө-өлкөлөр бир катар жерлерин өзгөртүүнү чечишти. Дүйнө башкача боло баштады, түзүм өзгөрдү. Эмне болгон күндө да, өзгөрүү баары бир жакшы жакка алып бара турган ыңгайлуу учур. Маселен, Владимир Путин вето укугун сактоону сунуштады. Дүйнөдө туруктуулукту сактоо эмне үчүн маанилүү деген суроого төмөнкү видеодон жооп алууга болот.

10
Белгилер:
Владимир Путин, БУУнун Башкы Ассамблеясы, БУУ, Россия
Тема боюнча
Путин: БУУ бир орунда катып калбай, заманга ылайыкташуусу керек
АКШ президенти Дональд Трамп. Архивдик сүрөт

БУУну АКШ ыдыраткысы, Россия куткаргысы бар

39
(жаңыланган 17:16 24.09.2020)
Бириккен Улуттар Уюмунун Башкы Ассамблеясынын мааракелик 75-сессиясы бир топ ойго салат. Аралыктан өтүп жаткан бул иш-чарага дүйнөлүк лидерлер бул ирет аталган уюмдун Нью-Йорктогу штаб-квартирасында трибунадан эмес, видеоформат боюнча катышууда.

Ушул тапта планетанын үч таасирдүү адамынын докладдары бүйүр кызытып турат. Бул боюнча Ирина Алкснистин ой толгоосу РИА Новости агенттигинин сайтына жарыяланган.

Дональд Трамптын сөзү шайлоо алдындагы иш-чаралардын бири болуп калды. Өзүнүн тышкы саясатынын эң негизги – антикытайлык багытка басым жасоо менен гана чектелбестен, Бириккен Улуттар Уюмун теңсинбей-тоготпогон мамилесин дагы бир ирет баса белгиледи.

Трамп Ак үйдө, мамлекеттик туу жана Кошмо  Штаттардын президентинин желегинин фонунда кадимки басма сөз жагдайында, кеби БУУга же эл аралык аудиторияга деле даректелбегендей сүйлөдү.

Батыштын тарыхты бурмалоо аракети ишке ашып келе жатат

Америкалык лидер өз өлкөсү Бириккен Улуттар Уюмунун эң ири каржылык булагы болуп саналат, демек, ал Вашингтонго баш ийип, анын буйруктарын аткарууга милдеттүү экенин мурдатан айтып келген. Ага чейинки президенттер деле ушундай ойдо болгону шексиз. Болгону муну Трамп биринчилерден болуп ачык билдирип, ал түгүл "кулак салбаса", жазалай турганын айтып опузалаган. Ошондуктан анын бул жолку сөзүн ал шайлоо кампаниясы кызып тургандагы маселелерди чечип алуу үчүн пайдалануу мындай ыкманын алкагына сыйдырды.

Россиялык маалымат каражаттары америкалык президент кебинде бул ирет РФ боюнча таптакыр оозанбаганын белгилешти. Ал эми Кытайды кеминде эле 12 жолу атады (АКШны он гана ирет сөзүнө кошконун да кыстара кетпесек болбос).

Дал ушул бүйүр кызыткан, чырлуу Кытайга каршы маанай Трамптын БУУ жыйынындагы сөзүнүн маңызы болуп калды. Пекинди коронавирусту жайылтканы үчүн жазалоого үндөгөнү, илдетти "кытай вирусу" деп атаганы эле эмнеге татыйт десеңиз.

Вашингтон Тегеранга эмнеге кайра санкция киргизди? АКШнын жеңилүү коркунучу

Америкалык докладдын конфронтациялык мүнөзү БУУнун калыптанып калган салттарына жана жазылбаган мыйзамдарына каршы келери белгиленди. Бирок Пекин мындай демаршты күткөндөй. Америкалык президенттин жамандоосунан соң дароо кытай өкүлүнүн катуу жообу угулду.

Си Цзиньпиндин сөзү учурдун эң курч көйгөйлөрүнө (биринчи кезекте, албетте, COVID-19 менен күрөшкө) арналды.

Болгон айырмасы – Кытай Эл Республикасынын лидери Улуу Кытай чебинин жана кытай табиятынын каардуу кооздуктары чагылдырылган фондо туруп сүйлөдү. Бул Си Цзиньпин аркасында кандай гана тышкы коркунуч болбосун, туруштук берүүгө даяр эбегейсиз эзелки өлкө турарын туюндурат.

Америкалык жана кытайлык кесиптештеринин сөздөрүнөн кескин айырмалана россиялык президент аталган уюмдун салтынан тайбады. Владимир Путин БУУнун жыйыны экенин белгилеген фондун алдында, чагыбыздын фундаменталдык көйгөйлөрүнүн кеңири спектрине токтолду.

НАТОну соода менен алмаштырып алды. Россия эмнеге "Чоң жетиликти" каалабай турат

Ал түгүл эл аралык иш-чараларга катышуудагы россиялык лидердин өзгөчөлүгү да сакталды, телесуфлерду пайдаланбастан, кагаздан окуду.

Путин планетадагы стратегиялык туруктуулукту колдоодогу БУУнун ролу, тарыхты бурмалоого жол бербөө, куралданууну көзөмөлдөөнү сактоонун зарылдыгы, анан, албетте, коронавирус эпидемиясына каршы күрөштөгү жамааттык эл аралык аракеттердин маанилүүлүгү жана пандемиянын социалдык-экономикалык кесепеттери жөнүндө сүйлөдү. Бул маңызы боюнча да, формасы жагынан да дүйнөнүн кезектеги башаламан доорго көчүп баратканын четтен карап турбастан, анын эң кооптуу натыйжасына жол бербөө үчүн колунан келгендин баарын жасаган өлкөнүн мамлекеттик ишмердин кеби эле.

Путин 75 жылдан берки эл аралык кызматташтык, диалог жана өз ара түшүнүү тутуму үчүн өткөн жолу оор кун төлөнгөнүн дагы бир ирет эске салды. Ага эң башкы үлүшүн кошкон Россия планета ар качан таяна алган нормалдуулук жана жүйөлүү маанинин аралчасы бойдон акырына дейре кала бермекчи.

39
Белгилер:
адам, БУУ, АКШ, Россия
Тема боюнча
АКШ Дүйнөлүк саламаттыкты сактоо уюмунан качан чыгарын так айтты
"Улуу Жеңишке 75 жыл: тарых жана келечек алдындагы жалпы милдет". Путиндин макаласы
Пайдасы жокпу? Америкалык Patriot комплексинин натыйжасыздыгы