Бет кап сатып жаткан балдар. Архив

БУУ пандемия учурунда байыган миллиардерлерди элге жардам берүүгө чакырды

99
(жаңыланган 11:09 19.09.2020)
БУУнун өкүлү пандемия учурунда миллиарддаган киреше тапкан байлар ачкачылыкка кептелген адамдарга жардам бериши керек деп эсептейт.

БИШКЕК, 19-сен. — Sputnik. БУУнун Дүйнөлүк азык-түлүк коопсуздугу боюнча программасынын аткаруучу директору Дэвид Бизли дүйнөдөгү бай ишканалар менен миллиардерлерге ачкачылыкта күн кечирип жаткан 30 миллион адамды сактап калуу өтүнүчү менен кайрылды. Бул тууралуу “Известия” жазды.

Анын айтымында, ушул тапта БУУга бир жыл бою өзгөчө жакыр жана ачкачылыкта жашап жаткан адамдарды багуу үчүн 4,9 миллиард доллар талап кылынат. Ал эми жер жүзүндө азыр байлыгы сегиз триллион долларга бааланган эки миңден ашык миллиардер жашайт.

ДССУ Европада коронавирус боюнча кырдаал начарлай баштаганын жар салды

“Алардын айрымдары миллиарддарын дал ушул пандемия учурунда тапты. Мен алардын капчыгы кампайышына каршы эмесмин, бирок адам баласы мурда болуп көрбөгөндөй оор абалга кептелгенде жардам бериши керек деп эсептейм. Экономикалык кризис миллиондогон адамды ачка калуу коркунучуна кептеди. Азыр колунда бар адамдар жанындагыларга жардам берип, чындап кайрымдуулук кылганга убакыт жетти”, — деди аткаруучу директор.

Эске салсак, буга чейин Дэвид Бизли коронавирус пандемиясынан улам адам баласы массалык ачкачылыкка кабылышы мүмкүн экенин айткан.

99
Белгилер:
БУУ, кайрымдуулук, кризис, ачкачылык, миллиардер, дүйнө
Тема:
Дүйнөгө жайылган коронавирус (1164)
Тема боюнча
Өлгөндөр миллионго жетип... БУУ COVID көзөмөлдөн чыгып бара жатканын айтты
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

41
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

41
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш

Тынчтыкка карай... Россия Тоолуу Карабахка кандай жардам берип жатат

115
Өзүн-өзү эркин деп жарыялаган Тоолуу Карабах республикасынын жашоочулары согуштан кийин акырындык менен үйлөрүнө кайта баштады. Аларга россиялык тынчтык орнотуучулар менен ӨКМ куткаруучулары жардам берүүдө.

Аскер инженерлери согуш учурунда талкаланган аймакта байланыш каражаттары менен инфраструктураны калыбына келтирүүгө жардам берүүдө. Ошондой эле жол кыймылы калыбына келип, борбор калаада коомдук транспорт каттай баштады.

Адистер мурда согуш талаасы болгон аймактын ар бир метринен жарылуучу заттарды издеп, учурда 2 гектар аймак менен 3 чакырым жолду тыкыр карап чыгышты. Көптөгөн жарандык жана социалдык объектилер текшерилди.

115
Белгилер:
жашоо, эл, тынчтык, Тоолуу Карабах, Россия
Тема:
Тоолуу Карабахтагы жаңжал
Тема боюнча
Кадам сайын жарылбасын! Карабахтагы миналарды зыянсыздандыруу аракеттери
Карабахтагы сириялык туркомандар: согушууга барышканбы же жайгашуугабы?