АКШ ракетасын сыноо. Архив

Трамп АКШнын гипер үндүү, укмуштуудай ракетасы бар экенин айтып мактанды

161
(жаңыланган 12:30 19.09.2020)
Трамптын айтымында, Россия, сыягы, Обаманын администрациясынан күчтүү ракетанын технологиясынын маалыматтарын уурдаган. Бирок АКШ президенти айтып жаткан азыркы гипер үндүү ракета андан бир топ эсе бат жүрөт.

БИШКЕК, 19-сен. — Sputnik. АКШ президенти Дональд Трамп Американын өзүнүн гипер үндүү, укмуштуудай ракетасы бар экенин жар салды. Бул тууралуу РИА Новости жазды.

Трамптын айтымында, Россия, сыягы, Обаманын администрациясынан күчтүү ракетанын технологиясынын маалыматтарын уурдаган. Бирок АКШ президенти айтып жаткан азыркы гиперүндүү ракета андан бир топ эсе бат жүрөрү белгиленди.

“Каяктагы бирөө “менимче, Трамп жашыруун маалыматты элге ачыктап салды” деп жатпайбы. Андай болгон эмес. Мен болгону бизде эң күчтүү курал бар экенин жар салгам. Бирок мен ал эмне болгон курал экенин айткан эмесмин. Аны эч качан колдонбойбуз деп үмүттөнөм. АКШда укмуштуудай гипер үндүү ракета бар, анын ылдамдыгы катардагылардан беш эсе тез. Россия болсо бул маалыматты Обаманын администрациясынан уурдап өзүнө жасап алды”, — деди Трамп.

Өлкө президенти АКШ бирок андан дагы тез жүргөн ракетаны иштеп чыкканын белгиледи.

"Адам жараткан улуу, күчтүү курал азыр бизде. АКШ армиясын жандантып, аларды эч кимдин оюна келбегендей деңгээлге жеткирди. Мен эң күчтүү курал жасаганыбызды айткам. Ал чындык", — деди Трамп.

АКШ эмнеге РФ жээктерине суу түбүндө жүрүүчү кайыктарын жеткирүүдө? Саресеп

Президенттин айтымында, бул курал Россия менен Кытайдын ичин күйгүзгүдөй эле күчтүү.

"Алар бизде кандай курал бар экенин билишпейт, бирок анын канчалык күчтүү экенинен кабарлары бар", — деген Трамп.

Буга чейин Washington Post басылмасы журналист Боб Вудвордун Rage аттуу китебинде жазылган бир бөлүмгө таянып, Трамп АКШда Москва менен Пекин укпаган өзөктүк курал системасы бар экенин маалымдаганын жазган. Китептин авторунун айтымында, бул билдирүүдөн кийин анонимдүү булактар АКШда жаңы, эч ким билбеген курал системасы бар экенин тастыктаган.

Кийинчерээк Трамп Мичиганда тарапташтары менен жолугушуу учурунда АКШда Россия менен Кытайда жок курал бар экенин дагы бир жолу айткан.

161
Белгилер:
Дональд Трамп, курал, ракета, АКШ
Тема боюнча
"Абрамстарды" жеткиришти. АКШ Беларусь чек арасында эмне баштоодо?
Портфель менен киши. Архив

Беш кредитор Кыргызстандын карызын төлөө мөөнөтүн жылдырып берди. Тизме

180
(жаңыланган 23:57 27.11.2020)
Өлкө бийлиги тышкы карызды тейлөө боюнча бир катар мамлекеттер менен мөөнөттү жылдыруу боюнча сүйлөшүүлөрдү жүргүзүп жатат.

БИШКЕК, 27-ноя. — Sputnik. Кыргызстандын тышкы карызын тейлөө мөөнөтүн жылдыруу боюнча беш мамлекет менен макулдашуулар болду. Бул тууралуу Sputnik Кыргызстан агенттигине Финансы министрлигинен билдиришти.

"Бүгүнкү күндө нөл пайыздык чен менен карыздарды төлөп берүү мөөнөтүн жылдыруу боюнча беш кредитор менен макулдаштык. Алар: БАЭ, Сауд Аравиясы, Германия (KfW, Euler Hermes) жана Түркия”, — деп айтылат билдирүүдө.

Пролонгация кылынган каражаттын көлөмү 51 миллион долларга жетти. Аны мамлекет төрт жылдын ичинде кутулушу керек.

Дагы алты кредитор, анын ичинен Париж клубунун мүчөлөрү (Франция, Дания, Түштүк Корея, Япония) менен дагы сүйлөшүүлөр уланып жатат.

Эске салсак, Кыргызстандын мамлекеттик карызы 4,8 миллиард доллардан жогору. Анын ичинен дээрлик 4,2 миллиарды тышкы карызга туура келет.

180
Белгилер:
Тышкы карыз, Финансы министрлиги, Кыргызстан
Тема боюнча
КР экономикасын 2021-жылы эмне күтүп турат? ЕАБРдин сценарийи
Кытай карыз төлөө мөөнөтүн узартууга макул болуп, кошумча 3 млрд. сом сурады
Министрлик тышкы карызды төлөөнүн жолун айтып, ачылган эсепти жарыялады
Беларусь президенти Александр Лукашенко

Лукашенко жаңы Конституция кабыл алынганда президент болбой турганын жар салды

200
(жаңыланган 19:50 27.11.2020)
Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

БИШКЕК, 27-ноя. — Sputnik. Беларусь президенти Александр Лукашенко жаңы Конституция кабыл алынгандан кийин өлкө башчысы болбой турганын жар салды. Бул тууралуу БелТА агенттиги жазды.

"Конституцияны өзүмө ылайыктаган жокмун. Жаңы Баш мыйзам кабыл алынса, мен силердин президентиңер болуп иштебейм. Ошондуктан муну жеңил кабыл алып, тынч болгула", — деген президент.

Ал шайлоонун жыйынтыгын кимдир бирөөнүн жасалмалоосуна жол бербей турганын айтып, ошол себептен жаңы Баш мыйзамды өзгөртүүнү колдоп жатканын айткан.

"Мен жаңы Баш мыйзамдын тарапташымын. Себеби азыркы иштеп жаткан Конституцияны "белгисиз президенттин" колуна карматканга болбойт", — деген ал.

Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

200
Белгилер:
өзгөртүүлөр, конституция, Александр Лукашенко, Беларусь
Тема:
Беларустагы нааразылык акциялары
Тема боюнча
Жапаров референдумга Конституция эмес, башка маселени алып чыгууну сунуштады
Лавров: Беларустагы конституциялык реформаны колдойбуз
УКМКнын төрагасынын мурдагы орун басары Дүйшөнбек Чоткараев. Архив

УКМК төрагасынын мурдагы орун басары алтын аткезчилиги боюнча суракка чакырылды

0
(жаңыланган 23:02 27.11.2020)
Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

БИШКЕК, 27-ноя. — Sputnik. УКМКнын төрагасынын мурдагы орун басары Дүйшөнбек Чоткараев УКМКга алтын аткезчилиги боюнча тергөө амалдарына катышуу үчүн чакырылды. Бул тууралуу аталган комитеттен билдиришти.

Маалыматка караганда, иштин чоо-жайы тууралуу тергөө амалдарынан кийин айтылат.

Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

Учурда ал президенттикке талапкерлердин бири Абдил Сегизбаевдин штабын координациялап жатат.

0
Белгилер:
аткезчилик, алтын, Дүйшөнбек Чоткараев, УКМК
Тема боюнча
УКМК төрагасы Камчыбек Ташиев ооруканага түштү
УКМК башчысы Матраимовдун өкүл баласын кабыл алды. Видео