Лаборатория кызматкери. Архивдик сүрөт

Индия коронавирустун геномун аныктаган алгачкы тестти иштеп чыкты

75
(жаңыланган 09:22 21.09.2020)
Индия дүйнөдө коронавирус эң көп аныкталган мамлекеттердин тизмесинде экинчи орунда турат. Учурда өлкөдө 5,4 миллион киши оору жуктурду.

БИШКЕК, 21-сен. — Sputnik. Индия коронавирусту аныктаган жаңы тестти ойлоп тапты, ал вирустун геномдук маалыматын тааный аларын РИА Новости өлкөнүн Илим жана технология министрлигине шилтеме берип жазды.

Геном — клеткадагы тукум кууган маалыматтардын жыйындысы. Көпчүлүк геномдор, анын ичинде адамдыкы ДНКдан куралган, бирок кээ бир вирустардын гендери РНКдан турат.

Учурда индиялыктар Tata CRISPR деп аталган тестти сатыкка чыгарууга уруксат алышты.

Европада эпидемиологиялык абал эмнеге начарлап баратат. ДССУнун түшүндүрмөсү

Маалыматта айтылгандай, бул дүйнөдө COVID-19 вирусун аныктоодо Cas9 белогун колдонгон биринчи диагностикалык тест. Анын сезгичтиги 96 пайызды, спецификасы 98 пайызды түзөрү белгиленди.

Индия дүйнөдө коронавирус эң көп аныкталган мамлекеттердин катарында экинчи орунда турат. Учурда өлкөдө 5,4 миллиондон ашык киши оору жуктуруп, анын 4,3 миллиондон көбү айыкты. Ал эми 86 миңден ашыгыраагы илдетти жеңе алган жок.

75
Белгилер:
геном, тест, коронавирус, Индия
Тема:
Дүйнөгө жайылган коронавирус (1104)
Тема боюнча
Беларусь COVID-19га каршы россиялык вакцинаны сыноо боюнча айтты
Баткен облусунда чек ара бекетиндеги мунара. Архив

Асманга ок атылды. Кыргыз-тажик чек арасында кайрадан жаңжал чыкты

20
(жаңыланган 19:42 25.10.2020)
Тажик жарандары Үч-Төбө айылынан чек ара аркылуу жер алдынан суу түтүк өткөрүп жатканда кыргыз чек арачылары келип, ишти токтотууну талап кылышкан.

БИШКЕК, 25-окт. — Sputnik. Кыргыз-тажик чек арасында чатак чыкканын Мамлекеттик чек ара кызматы кабарлады.

Ага ылайык, бүгүн, 25-октябрда, саат 17:00дөр чамасында тажик жарандары Баткен облусунун Үч-Төбө айылынан чек ара аркылуу жер алдынан суу түтүк өткөрүп башташкан.

"Окуя болгон жерге кыргыз чек арачылары барып, тактала элек аймактагы ишти токтотууну талап кылышкан. Бирок тажик тарап айткандарга баш ийбей, кайым айтышкан. Аскер кызматкерлеринин өмүрүн жана саламаттыгын сактоо максатында, ошондой эле абалдын курчуп кетпеши үчүн Кыргызстандын чек арачылары эскертүү иретинде асманга ок чыгарууга аргасыз болушту", — деп айтылат маалыматта.

Учурда түтүк өткөрүү иши токтотулду. Эки өлкөнүн чек ара өкүлдөрү сүйлөшүү жүргүзүүдө. Ага жергиликтүү бийлик органдары менен укук коргоо органдарынын өкүлдөрү катышып жатат.
Мамлекетик чек аранын аталган аймагында абал туруктуу деп бааланды.

20
Белгилер:
ок атуу, Жаңжал, Мамлекеттик чек ара кызматы, Тажикстан, Кыргызстан
Тема боюнча
Кыргыз-өзбек жумушчу тобу чек арадагы чечиле элек тилкелерди карап чыгышты
Джастин Гэтжи менен Хабиб Нурмагомедов беттешүү учурунда

Хабиб мыкты беттеш тартуулаганы үчүн кошумча 50 миң доллар алат

120
(жаңыланган 18:24 25.10.2020)
Бишкек убактысы менен 25-октябрга караган түнү Нурмагомедов каршылашын экинчи раундда муунтуу ыкмасы менен утуп, чемпиондук наамын сактап калды.

БИШКЕК, 25-окт. — Sputnik. Абсолюттук мушкерлер уюму (UFC) россиялык чемпион Хабиб Нурмагомедовго мыкты беттеш тартуулаганы үчүн гонорарынан сырткары бонус берет. Бул тууралуу Дана Уайт маалымат жыйынында айтканын "Известия" жазды. 

Нурмагомедов беттешкени үчүн канча сый акы алары белгисиз. Ал эми бонустун суммасы 50 миң долларды түзөт.

Хабибден тышкары ушунча акчаны молдовалык Ион Куцелабаны нокаутка кетирген россиялык Магомед Анкалаев дагы алмакчы.

Макгрегор эзелки атаандашы Нурмагомедовдун Гэтжи менен беттеши боюнча үн катты

Бүгүн түнү Нурмагомедов каршылашын экинчи раундда муунтуу ыкмасы менен утуп, чемпиондук наамын сактап калды. Хабиб бул анын акыркы кармашы болгонун жар салды. Мындай убадасын апасына атасы Абдулманап Нурмагомедов каза болгондон кийин бергенин айтты.

120
Белгилер:
сый акы, бонус, беттешүү, Хабиб Нурмагомедов, UFC
Тема боюнча
Хабиб менен Гэтжи беттешкен UFC 254 турниринин эң кызуу ирмемдери. Видео