Бала көтөрүп бараткан адам. Архив

Балдардын сасык тумоосун COVID-19дан кантип айырмалоо керектиги айтылды

136
(жаңыланган 10:31 21.09.2020)
Дарыгер коронавирус жуккан ар бир эле баланын эти ысый бербестигин, ал эми белгилери гриппке караганда кеч байкалышы ыктымалдыгын айтты.

БИШКЕК, 21-сен. — Sputnik. Лондондогу королдук колледждин профессору Тим Спектор балдардын сасык тумоосун кадимки COVID-19дан кантип айырмалаш керектигин айтып берди. Бул туурасында The Daily Mail жазды.

Адис эгер баланын мурду бүтө баштаса, ата-энелерди дүрбөлөңгө түшпөөгө чакырды. Бул аны коронавирус менен ооруп калды дегендикке жатпайт.

Балдар арасындагы COVID-19ду дарылоо эрежелери камтылган протокол бекиди

Спектор катышкан изилдөө мектеп жашындагы балдар арасында коронавирус инфекциясынын эң көп тараган белгилери — тез чарчагандык, баш оору, эт ысуу экендигин көрсөткөн. Ал эми чоңдордо алсыроо, калчылдоо жана жыт сезбей калуу менен коштолот. Мындан сырткары, изилдөө COVID болгон ар бир алтынчы баланын терисин кызарган бүдүрлөр каптап кетерин көрсөткөн.

Дарыгер коронавирус жуккан ар бир эле баланын эти ысый бербестигин, гриппке караганда белгилери кеч байкалышы ыктымалдыгын айтты.

Спектор кээ бирлеринде оорунун белгилери байкалбастыгын, бирок вирусту алып жүрүп, башкаларга ооруну таратуучу болорун кошумчалады.

Коронавируска шек жаралганда баарынан жакшысы башкаларга жолобой, үйдө калуу экендигин кошумчалады. Ал эми диагноз коюу үчүн дароо дарыгерге кайрылып, өзүн-өзү дарылап үйдө жата бербеш керектиги эскертилди.

136
Белгилер:
сасык тумоо, коронавирус, Лондон
Тема боюнча
Баланын алаканы менен таманы шишийт. Кавасаки синдрому тууралуу эмне билүү керек
Ноутбукта иштеп жаткан аял. Архив

Россияда аралыктан иштесе да эң көп маяна төлөнө турчу кесиптер аталды

21
Веб-дизайнер жана программисттер үйүнөн отуруп иштесе да кеминде 100 миң рубль алары аныкталган.

БИШКЕК, 20-окт. — Sputnik. Россияда аралыктан иштөөгө ылайыкталган кесиптердин ичинен 1С боюнча программист-аналитиктер эң көп маяна алары белгилүү болду. Мындай кесиптин ээлери айына 270 миң рублге чейин табышат. Бул тууралуу РИА Новости Работа.ру порталынын иликтөөсүнө таянуу менен жазды.

Аталган суммадагы эмгек акы иш тажрыйбасы төрт жылдан кем эмес, маалыматтар базасын башкаруу системасы менен иштей алган, 1С конфигурациясынын жок дегенде бир түрүн билген кызматкерге төлөнөт.

Ал эми сырткы-экономикалык ишмердүүлүк боюнча долбоорлордо иштеген менеджерлерге 200 миң рублдан жогору сунушталат. Бул үчүн тажрыйбасы беш жылдан жогору, сүйлөшүүлөрдү жүргүзүү үчүн чет тилди билүүсү шарт.

Сберавто компаниясы Backend иштеп чыгуучуларга үйдө отуруп иштесе да айына 180 миң рубль маяна берет. Жумушка аларда үч жылдан кем эмес тажрыйбасына, Golang программалоо тилин билгенине жана Docker, Kubernetes программаларын колдоно аларына маани берет.

Forbes Конор Макгрегордун жылдык кирешесин жарыялады

Эки жылдык тажрыйбасы бар HTML5 жана CSS3 системасын билген Html-макет дизайнери (Senior) айына 140 миң рубль таба алат.

Ошондой эле веб-дизайн жасоону үйрөтүү курсунда иштеген мугалимдерге 100 миң рубль төлөп беришет.

21
Белгилер:
жумуш, программа, Россия, маяна
Тема боюнча
Россиялыктар 64 млн. рубль маянага дем алышсыз иштөөгө даяр
Жумушсуз жүргөндөр министрликтин сайтына катталып, иш тапса болот
Катуу суукта бараткан беткапчан аял. Архивдик сүрөт

Академик: COVID-19 катуу суук түшкөндө басаңдайт

34
Адистин айтымында, коронавирус аба аркылуу жуккан башка илдеттер сыяктуу эле жыл мезгилинен көз каранды. Жаан-чачын башталып, нымдуу учурда көбөйүп, күн катуу сууктаганда басаңдайт.

БИШКЕК, 20-окт. — Sputnik. COVID-19 кыш келип, күндүн суукташы менен басаңдайт. Бул тууралуу Россиянын Илимдер академиясынын академиги, профессор Михаил Пальцев "Известия" басылмасына билдирди.

"Коронавирус аба аркылуу жуккан башка илдеттер сыяктуу эле жыл мезгилинен көз каранды. Жаан-чачын башталып, нымдуу учурда көбөйүп, күн катуу сууктаганда басаңдайт. Келерки жазда дагы бир жайылып барып анан жоголот деп божомолдоп жатабыз. Бирок жазда азыркыдай күчтүү болбойт", — деди Пальцев.

Адис учурда коронавирус өтө күчөп турган чагы экенин эске салып, бет кап тагынуу, аралыкты сактоо, иммунитетти бекемдөө сыяктуу эрежелерди сактоого чакырат.

34
Белгилер:
адистер, прогноз, кыш, коронавирус
Тема:
Дүйнөгө жайылган коронавирус
Тема боюнча
Ооруган балдар көбөйүүдө. Бишкекте окуучулар I чейректи онлайн окуп бүтүрөт
Ооруканадагы палата. Архивдик сүрөт

Коронавирус менен ооруган бейтаптарды кабыл алган ооруканалар. Тизме

12
Учурда коронавирус жуктургандардын саны өсүүдө. Мындан улам бейтаптарды кабыл алуу үчүн кошумча орундар ачылганы маалым болду.

БИШКЕК, 20-окт. — Sputnik. Борбор калаада COVID-19га кабылган бейтаптарды 11 стационар кабыл алууда. Бул тууралуу Республикалык штабдан кабарлашты.

Ага ылайык, учурда коронавирус жуктургандардын саны өсүүдө. Мындан улам бейтаптарды кабыл алуу үчүн кошумча орундар ачылды.

COVID-19 менен ооругандарды кабыл алып жаткан ооруканалар:

  • Республикалык клиникалык жугуштуу илдеттер ооруканасы;
  • Кыргыз-түрк "Достук" ооруканасы;
  • №1 шаардык клиникалык оорукана;
  • Улуттук госпиталь;
  • Улуттук фтизиатрия борбору;
  • Эне жана баланы коргоо улуттук борбору;
  • Улуттук онкология жана гематология ооруканасы;
  • Улуттук хирургия борбору;
  • Улуттук кардиология жана терапия борбору;
  • Темир жол ооруканасы;
  • №2 клиникалык төрөт үйү.

Кайсы аймакта коронавирустан көп киши каза болду? Статистика

Аталган ооруканаларда жалпысынан 561 орун даярдалган. Бирок кайсы медициналык мекемеде канча бош орун бар экенин министрликтин картасына (map.covid.kg) кирип карап алуу зарыл.

12
Белгилер:
тизме, оорукана, коронавирус, Бишкек
Тема:
Коронавируска байланыштуу Кыргызстандагы кырдаал
Тема боюнча
Министрлик коронавирусту дарылаган стационарлардын картасын жарыялады
Коронавируста бөйрөк оорусу өлүм коркунучун эки эсеге жогорулатат
Өткөн суткада 482 киши коронавирус жуктуруп, 127 бейтап айыкты