27 жаштагы грек-рим күрөшү боюнча өлкө чемпиону Навид Афкаринин өлүмүнөн кийинки акция. Архивдик сүрөт

Иран Трамптын өтүнүчүн аткарбай өз спортчусун өлүм жазасына тартты

229
(жаңыланган 13:19 25.09.2020)
2018-жылы өкмөткө каршы акцияга катышкан деп айыпталган спортчу 12-сентябрь күнү өлүм жазасына кесилген.

БИШКЕК, 25-сен. — Sputnik. Иран мамлекети 27 жаштагы грек-рим күрөшү боюнча өлкө чемпиону Навид Афкарини өлүм жазасына тартканы үчүн АКШ Иранга каршы жаңы санкцияларды киргизди.

Иранга каршы санкцияны АКШнын Финансы министрлиги киргизген. Ведомствонун сайтындагы маалыматка караганда, санкциялык тизмеге Шираз шаарынын соту Сейед Махмуд Садати менен Машхад шаарынын судьясы Мохаммад Солтани кирген. Мындан сырткары, тизмеден үч абакты жана Революциялык соттун бөлүмүн көрүүгө болот.

АКШнын малекеттик катчысы Майк Помпеонун айтымында, аты аталган адамдар менен түзүмдөр Ирандагы адам укуктарын бузган. 

"Судья Садати менен Революциялык соттун Шираздагы биринчи бөлүмү Навид Афкаринин ишине тийиштиги бар болгону үчүн санкция киргизилди. Өлүм жазасы сыр бойдон жасалган. Анын алдында Абделабад түрмөсүндө Навидди кыйноого алышкан", — деп айтылат АКШнын мамлекеттик департаментинин сайтында.

12-сентябрь күнү балбан өлүм жазасына кесилген. Аны 2018-жылы өкмөткө каршы акцияга катышкан деп айыпташкан. Ошондой эле бийликти кулатуу үчүн атайын топ түзгөн деген кине коюлган. Спортчуну АКШнын президенти Дональд Трамп, Эл аралык олимпиада комитетинин жетекчиси Томас Бах жана UFC президенти Дана Уайт колдоп чыккан.

229
Белгилер:
өлүм жазасы, санкциялар, балбан, спортчу, АКШ, Иран
Тема боюнча
UFC башчысы жакында дарга асылган ирандык балбанды эскерди
Казакстан расмий түрдө өлүм жазасын жокко чыгарды
Россиянын Мамлекеттик думасынын КМШ иштери, евразиялык интеграция жана мекедештер менен байланыш комитетинин төрагасынын орун басары Виктор Водолацкий

Мамдума депутаты: орус тили КРде жашаган улуттардын пикир алышкан негизги тили

155
(жаңыланган 18:15 26.11.2020)
Буга чейин Конституциялык кеңешменин мүчөсү Садирдин Төралиев орус тилин расмий тил макамынан ажыратууну сунуштаган.

БИШКЕК, 26-ноя. — Sputnik, Мария Науменко. Россиянын Мамлекеттик думасынын КМШ иштери, евразиялык интеграция жана мекедештер менен байланыш комитетинин төрагасынын орун басары Виктор Водолацкий Кыргызстанда орус тилинен расмий тил макамын алып салуу идеясына каршы пикирин билдирди.

"Бул чагымчылдык, анткени орус тили —  Кыргызстанда жашаган бардык улуттардын пикир алышуусуна жардам берген негизги тил. Менимче, мындай чагымчылдык пикирлерге алдыдагы президенттик жана парламенттик шайлоолор чекит коет", — деди депутат.

Буга чейин Конституциялык кеңешменин мүчөсү Садирдин Төралиев орус тилин расмий тил макамынан ажыратууну сунуштаган. Мындай пикирин ал "кыргыз жаштары эне тилинде сүйлөбөй калды" деп түшүндүргөн.

"Россия — Кыргызстандын негизги саясий өнөктөшү. Орус тилинен баш тартуу, демек, өз мамлекеттүүлүгүн бузуу. Эгер бул маселе референдумга коюлса, Кыргызстанда жашаган элдин 99 пайызы анын макамын сактап калууга добуш берет деп ойлойм", — деди Водолацкий.

Кыргызстанда мамлекеттик тил — кыргыз тили, ал эми орус тили расмий тил макамына ээ.

Эске салсак, ушу тапта Кыргызстанда Констититуциялык кеңешме иштеп жатат. Ал Баш мыйзамдын долбоорун ар тараптуу талкуулоо жана бирдиктүү пикирге келүү үчүн түзүлгөн.

155
Белгилер:
депутат, пикир, макам, орус тили, Россия, Кыргызстан
Тема боюнча
Конституциялык кеңешмеде Кыргызстандын аталышын өзгөртүү сунушталды
Россия биздин ишенимдүү өнөктөш. Садыр Жапаров элчи менен жолукту
Кыргызстан жана Россиянын желектери. Архив

Президенттик аппарат орус тилинен расмий макамын алуу сунушу боюнча үн катты

324
(жаңыланган 18:11 26.11.2020)
Конституциялык кеңешмеде Садирдин Төралиев мамлекеттик тилди өнүктүрүү үчүн расмий тилди алып салууну сунуштаган.

БИШКЕК, 26-ноя. — Sputnik. Президенттин маалымат кызматынын жетекчиси Нургазы Анаркулов Конституциялык кеңешмеде орус тилинин расмий макамын алып салуу боюнча айтылган сунуш боюнча комментарий берди.

Кеңешменин жыйынында мүчөлөрдүн бири Садирдин Төралиев мамлекеттик тилди өнүктүрүү үчүн Конституциядан расмий тилди алып салууну сунуштаган.

"Бул тек гана Садирдин Төралиевдин көз карашы. Конституциялык кеңешменин мүчөлөрү ар тараптан чогулган, ар кандай пикирлер айтылып жатат. Бул бир адамдын гана ою, жыйынтыгында баары бир пикирге келет деп ишенебиз. Президенттик аппаратта орус тилинин расмий макамын алып салуу идеясы каралган эмес", — деди Анаркулов.

Учурда Кыргызстанда кыргыз тили — мамлекеттик, орус тили — расмий тил макамына ээ.

324
Белгилер:
президенттик аппарат, расмий, макам, орус тили
Тема боюнча
Конституциялык кеңешмеде Кыргызстандын аталышын өзгөртүү сунушталды
Конституциялык кеңешменин курамы өзгөрдү. Жаңы кошулган 10 адамдын тизмеси
Нарын облусундагы айыл. Архив

Жумага карата аба ырайы

0
27-ноябрга караган түнү жаан-чачын жаабайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-Ноя. — Sputnik. 27-ноябрь, жума күнү, Чүй, Ош облустарынын тоолуу райондорунда кар жаашы мүмкүн. Республиканын башка аймактарында күн ачык болот. Бул тууралуу Кыргызгидромет билдирди.

Абанын темпетарутасы Чүйдө +6...+11, Талас өрөөнүндө +5...+10 градуска жетсе, Ош, Жалал-Абад жана Баткен облустарында +7...+12, Ысык-Көл ойдуңунда +3...+8, Нарын жергесинде -2...+3 градусту көрсөтүп турат.

Ош жана Бишкек шаарларында жаан-чачын болбойт, күндүн табы +8...+10 градуска жетет.

0
Белгилер:
Кыргызстан, аба ырайы
Тема боюнча
Фотофакт: ышка тумчуккан Бишкектин асмандан көрүнүшү