АКШнын президенти Дональд Трамп

Коронавирус жуктурган Трамп дарылануу алдында кайрылуу жасады. Видео

169
(жаңыланган 10:55 03.10.2020)
Жума күнү АКШнын президенти тест тапшырганда коронавирус чыкканы аныкталган. Өзү менен кошо аялы да ооруп калган.

БИШКЕК, 3-окт. — Sputnik. АКШнын президенти Дональд Трамп Вашингтондогу аскер госпиталына келер алдында видео кайрылуу жасады. Бул туурасында РИА Новости кабарлады.

Америка лидери түшкөн тик учак оорукананын алдындагы Уолтер Рид айдыңына келип конду.

Муну менен бир убакытта эле Трамп Twitter баракчасына госпиталга бара жаткандыгын тастыктаган видео постун жарыялады.

Америка жана кытайлык медиктер Covid-19га каршы нукура дары тапты

"Менде баары жакшы болот деп ойлоп турам. Бардыгы жакшы болоруна ишениш керек", — деген бир аз ооруп турганы сыртынан да байкалган Трамп.

​Буга чейин Ак үйдөн Трамптын бир нече күнгө аскер госпиталына которулары кабарланган эле.

Жума күнү АКШнын президенти тест тапшырганда коронавирус чыкканы маалым болгон. Өзү менен кошо аялы Мелания Трамп да ооруп калган. Анын айтымында, экөө тең дароо карантинге кетишкен.

Президенттин катышуусундагы шайлоо алдындагы бардык иш-чаралар кийинкиге жылдырылып же онлайн-форматка өткөрүү чечими кабыл алынган. Эске салсак, АКШда президенттик шайлоо 3-ноябрда өтөт. Трамп экинчи мөөнөт үчүн ат салышууда.

Трампты караган дарыгери Шон Конли анын түштөн кийин бир аз чарчагандай болуп, бирок маанайы жакшы экендигин билдирген.

169
Белгилер:
шайлоо, Аскер, коронавирус, Дональд Трамп, АКШ
Тема боюнча
Трамп: президенттик шайлоодо бир эле себеп менен утулуп калышым мүмкүн
Катуу суукта бараткан беткапчан аял. Архивдик сүрөт

Академик: COVID-19 катуу суук түшкөндө басаңдайт

14
Адистин айтымында, коронавирус аба аркылуу жуккан башка илдеттер сыяктуу эле жыл мезгилинен көз каранды. Жаан-чачын башталып, нымдуу учурда көбөйүп, күн катуу сууктаганда басаңдайт.

БИШКЕК, 20-окт. — Sputnik. COVID-19 кыш келип, күндүн суукташы менен басаңдайт. Бул тууралуу Россиянын Илимдер академиясынын академиги, профессор Михаил Пальцев "Известия" басылмасына билдирди.

"Коронавирус аба аркылуу жуккан башка илдеттер сыяктуу эле жыл мезгилинен көз каранды. Жаан-чачын башталып, нымдуу учурда көбөйүп, күн катуу сууктаганда басаңдайт. Келерки жазда дагы бир жайылып барып анан жоголот деп божомолдоп жатабыз. Бирок жазда азыркыдай күчтүү болбойт", — деди Пальцев.

Адис учурда коронавирус өтө күчөп турган чагы экенин эске салып, бет кап тагынуу, аралыкты сактоо, иммунитетти бекемдөө сыяктуу эрежелерди сактоого чакырат.

14
Белгилер:
адистер, прогноз, кыш, коронавирус
Тема:
Дүйнөгө жайылган коронавирус
Тема боюнча
Ооруган балдар көбөйүүдө. Бишкекте окуучулар I чейректи онлайн окуп бүтүрөт
АКШнын Чикагосундагы Trump Tower имараты. Архив

АКШ: "Трамп" имаратында салаңдап турган кишинин Кыргызстандан экени айтылды

419
(жаңыланган 23:52 19.10.2020)
Окуя 13 саатка чукул созулган. Социалдык тармактын бир катар колдонуучулары акциянын демилгечиси Black Lives Matter кыймылынын активисти Эдил Элиев аттуу жигит экендигин айтышты.

БИШКЕК, 19-окт. — Sputnik. АКШнын Чикагосундагы Trump Tower деп аталган көз жеткис бийик имаратта 13 саат бою аркан менен байланып, салаңдап турган адамдын полицияга багынып бергенин Chicago Tribune жазды.

Буга чейин коомдук тартипти бузган киши асман тиреген имараттын 16 кабатынан белине аркан байланып алып, жекшембиден тарта, болжол менен саат 17:30дан бери илинип тургандыгын жазган. Ал АКШ президенти Дональд Трамптын өзү менен жолугууну ниет кыларын, болбосо өзүн бийиктен таштап жибере тургандыгын айтып коркуткан.

Буту тайып... Бийик имараттын кырында туруп кулап кеткен жигиттин видеосу

"Абал сүйлөшүүлөрдөн улам жакшы жагына чечилди. Шектүү кармалды. Эч ким жабыркаган жок", — деген Чикаго полициясынын кызматкери Том Ахерн.

​Басылманын маалыматына таясак, окуя 13 саатка чукул созулган. Социалдык тармактын бир катар колдонуучулары акциянын демилгечиси Black Lives Matter кыймылынын активисти Эдил Элиев (Eddil Eliev) аттуу жигит экендигин билдиришкен.

Полиция кызматкерлери абалды жөнгө салгыча Trump Tower имаратынын айланасындагы кыймыл токтотулган. Басылма анын тегерек-четине кызыгып келгендердин тобу чогулуп, кээ бирлери "Бэтмен" киносу тартылып жаткан жокпу деген суроолорду да беришкен.

Буга чейин Pledge Times жигиттин курагы 20 жаштын тегерегинде жана ал болжол менен Кыргызстандан экендигин билдирген.

419
Белгилер:
полиция, кыргызстандыктар, Дональд Трамп, АКШ
Тема боюнча
Карантинде Москвадагы мигранттар арасында кылмыштуулук күчөдүбү? Мэрдин жообу