Адис коронавирус менен күрөшкөн иммунитетти дагы эмне начарлата турганын айтты

© REUTERS / JOHN SIBLEYКөчөдө бараткан маскачан кыз. Архив
Көчөдө бараткан маскачан кыз. Архив - Sputnik Кыргызстан
Жазылуу
Адис жарандарды мурдагыдай эле бет кап тагынып, антисептик колдонуп, аралыкты сактагандан тышкары үшүп калбоого чакырды.

БИШКЕК, 3-окт. — Sputnik. Шамалдап калуу инфекцияга каршы турган иммунитетти начарлатат. Ошол себептен COVID-19 күчөп турган маалда адам өзүн жылуу алып жүрүшү зарыл. Бул тууралуу РИА Новостиге Роспотребнадзордун Борбордук эпидемиология илим-изилдөө институтунун клиникалык-аналитикалык иштер боюнча директорунун орун басары Наталья Пшеничная айтып берген.

Пшеничная учурда Роспотребнадзор (Россиядагы керектөөчүлөрдүн укугун коргоо жана адамдык бакубатчылык боюнча федералдык кызмат) сунуштаган эрежелерди сактоо зарыл экенин билдирген.

COVID-19га туруштук берет. Вирусолог иммунитетти кантип бекемдеш керектигин айтты

"Маска тагынып, колду жууп, аралыкты сактоо керек, ошондой эле үшүп калбаганга аракет жасаңыздар", — деген адис.

Роспотребнадзордун өкүлү COVID-19 жаңы илдет болгондуктан ага чалдыккандардын саны бирде өсүп, кайра азайып жатканына эмне себеп экенин түшүндүрүү кыйын экенин белгилеген.

Жон Хопкинс атындагы изилдөө институтунун расмий сайтындагы маалыматка караганда, дүйнө жүзүндө коронавирус жуктургандардын саны 34 503 125ке жетсе, 1 026 756 адам каза тапты. Ал эми 23 миңден ашык киши ооруну жеңди.

Оору эң көп аныкталган өлкөлөрдүн башында Америка, Индия, Бразилия жана Россия турат.

Жаңылыктар түрмөгү
0