Америкалык көп багыттуу F-35 бомбалоочу истребители. Архив

Америкалык F-35тин кезектеги көйгөйү: абада май куюучу учак менен кагышты

194
Америкалык көп багыттуу F-35 бомбалоочу истребители толук иштелип чыкпаган машина экенин айгинелеп келет. Мүчүлүштүктөрү жана кайра-кайра кырсыкка кабылышы менен адистерди улам таң калтырат.

АКШнын Аскер-деңиз флотунун Аскер-деңиз институту 30-сентябрда Калифорния штатындагы Эль-Сентро аскердик базасына жакын жерде АКШнын Деңиз пехотасынын корпусунун KC-130J май куючу учагы жана F-35B Lightning II ("Чагылган") абада кошумча май куюу маалында кагышкан. Бул окуяга жана аталган учактын техникалык мүнөздөмөсүнө аскерий баяндамачы Александр Хроленко сереп салган.

Май куюу технологиясы истребителди май куйгуч учак сүзгөнүн айтып турат, андан соң F-35 кулап түшүп, талкаланган. Учкуч катапульта менен секирген, ушул тапта госпиталда дарыланууда. Анткен менен KC-130J танкеринин сегиз аскер кызматкеринен турган экипажы жабыр тарткан эмес, жерге эсен-соо коно алышкан.

"Абрамстарды" жеткиришти. АКШ Беларусь чек арасында эмне баштоодо?

Америкалык учактардын кырсыкка кабылуу көрсөткүчү салыштырмалуу төмөн деп эсептелип келген. Бирок 2020-жылдын жаз жана жай мезгилдеринин аягында АКШнын Аскер-аба күчтөрү жана Аскер-деңиз күчтөрүнүн жети истребители: F-35A – 19-май жана 9-июнда, F-22 Raptor – 15-майда, F-15C Eagle – 15-июнда, F-18F Super Hornet – 18-июнда, кийинчерээк – F-16C талкаланган. Акыркы кырсыктан улам Шоу (Shaw Air Force Base) базасында чоң жалын тутанган. Булардын баары эксплуатация жана аскердик жөндөм көйгөйлөрүнөн кабар берет.

"Бешинчи муундагы" F-35 истребителдери үч модификацияда: Аскер-аба күчтөрү үчүн F-35A (стандарттык учуш жана конуу), Деңиз пехотасынын корпусу үчүн F-35B (кыска учуш жана жана вертикалдык конуу), Аскер-деңиз күчтөрү үчүн F-35C (авиа ташуучунун катапультасы аркылуу учуш жана аэрофинишерди пайдалануу менен конуу) иштелип чыккан. Кыска убакыт аралыгында эле бул "көзгө көрүнбөстөрдүн тобу" кырсыктарда үч учагынан ажыраган.

Эске салсак, 2019-жылы япониялык Аскер-аба күчтөрүнө таандык F-35A да кулаган.

2018-жылы Түштүк Каролина штатындагы Бофорт америкалык Деңиз пехотасынын корпусунун авиабазасынын жанында F-35B Lightning II истребители талкаланган. Өрт чалган F-35B да жарактан чыгарылган.

Баа жана сапаттын башаламандыгы

Joint Strike Fighter (JSF) программасынын былтыр октябрда долбоордук кубаттуулугу арткан. F-35 Lightening II истребители дал ушул программанын алкагында жасалган. Ушуга байланыштуу Lockheed Martin компаниясы жана АКШ Коргоо министрлиги 478 F-35 учагын сатып алуунун орто мөөнөттүү планын жарыялаган. Алардын 291и Кошмо Штаттардын аба күчтөрүнө, 127 машина JSF программасы боюнча эл аралык өнөктөштөрүнө, 60 истребитель эл аралык сатып алуучуларга бөлүнгөн. 478 бирдиктин жалпы наркы – 34 млрд. доллардын тегерегинде.

АКШны тынч уктатпаган Су-57 неге мынча бүйүр кызытат?

F-35А истребителинин наркы (азыр 100 млн. долларга жакын) анын сериясынын жогорулатылышы менен акырындап ылдыйлашы болжонот. 13-партиядан тарта 80 млн. доллардан төмөн болушу мүмкүн. Бирок "чагылгандардын" арзандашы жарыялангандай бешинчи муундун деңгээлиндеги сапатка жогорулатыларына кепилдик бербейт.

Андан мурун Пентагон менен ымалалаш Defense News басылмасы F-35 Lightning II учагын кескин баасын жарыялаган. Эгер кыскача токтолсок, F-35 – форсажда 1 мүнөттөн кем эмес убакытта ыкчамдай алган үнгө чейинки истребитель. Ал эми 1 Махтан жогорку ылдамдыкта корпусу ысып кетип, кыйроо коркунучу туулат.

Ал эми 1,6 Махтан өйдө учактын куйругу сынып түшүп калат. Анткени бешинчи муундагы истребителдин крейсердик ылдамдыгы 1,4 Махтан төмөн болбоого тийиш, ал эми бул жагынан F-35 Lightening II төртүнчү муунда калган.

Машинанын беш чоң кемчилиги технологиялык жактан жоюлбайт, бул мыйзам ченемдүү түрдө жалпы 1,7 триллион доллардан ашуун нарктагы өндүрүш программасын арсар абалга салат. 2020-жылдын сентябрында F-35 учуш үчүн абдан кымбат деп таанылды. Программа алдыдагы беш жылда 10 млрд доллар өлчөмүндөгү каржылоо таңсыктыгына кабылып отурат.

F-35ти модернизациялоо. АКШнын доо кеткен беделин бийиктетүү аракети

Пайдаланууда оор эки моторлуу F-22 Raptor учагына караганда арзан болгону менен аргасыз "заманбапташтыруу", курал менен жабдуу, күйүүчү май, запастык тетиктерин алуу жана техникалык тейлөөнү уюштуруу боюнча кошумча изилдөө жана иштелмелерден улам F-35 учагынын наркы өтө кымбатка түшкөн.

Мында F-22ден болгону 187 бирдик чыгарылганын, ал эми F-35тен 3000ден ашуун учактан турган серия менен чыгаруу белгиленген. "Чагылгандардын" мындай саны жай убакта Кошмо Штаттарга санаалаш мамлекеттердин жана Пентагондун өзүнүн бюджетин эңшерет. Мындай коркунуч кыйла реалдуу, себеби F-35 программасынын наркынын 75 пайызы эксплуатациялык чыгымдарына туура келет. Мындай чыгымдар техникалык тейлөөгө өтө чоң талаптар жана күйүүчү майдын сарпталышы үчүн болжонгон суммадан алда канча ашып кетет. Башкача айтканда, технологиялык жактан "бышып жетилбеген" F-35ти дайым даярдыкта кармоо F-16 же F-18 истребителдерине караганда кыйын жана бир топ кымбат.

Аскердик күчтү "тууроо"

Болжол менен америкалык армия F-35 Lightening II истребители үчүн талаптарга шайкеш 15 миң тетик алды. Тушуккан көйгөйлөрүн чечүү үчүн жакын арада "молнияларга" 70 млн. доллардан ашуун каражат сарптайт.

F-35 эксплуатациялык чыгымдардын улам өсүшү, өндүрүшчү ишкананын программалык камсыздоосунан (жаңылоосунан) "керектөөчүнүн" көз карандылыгын күчөтүү, тетиктери менен жабдуунун олку-солку болушу сүрдүү учактын "бышып-жетиле" электигин айгинелейт.

"Чагылгандар" теориялык жактан гана радарлардан буйтап, душмандын коргонуучу коен жатагына чейин сокку ура алат. Иш жүзүндө бардык модификациядагы F-35 истребителдери жеткиликтүү бийиктик жана ылдамдыкта, кандай гана куралдануу топтомдуу болбосун, максималдуу аралыктагы потенциалдуу душмандын радиолокациялык станцияларынын экранында ачык байкалат. Башкача айтканда, багыты боюнча милдеттерин концептуалдык-технологиялык жактан аткара албайт. Ал эми согуштук аракеттер аймагында жай жүрүүчү бутага айланат.

Россияда өндүрүлгөн радиолокациялык станцияларын пайдаланган Иран Персид булуңунун аймагында жайгаштырылган америкалык "көзгө чалдыкпастардын" – эки F-35A эскадрилиясын, ал түгүл Катардагы F-22 Raptor эскадрильясын даана көрүп турат.

Тегерандын алда канча натыйжалуу табылгасы С-300ПМУ-2 узун аралыкта абадан коргонуу тутуму болуп саналат. Күчтүү радар жана ракета кое берүүчү орнотмолорун камтыйт. Ирандын "Резонанс-НЭ" абадан коргонуу тутуму да кыйла эффективдүү. Өлкөнүн чек араларына жакын жердеги F-35 истребителдерин ийгиликтүү таап, изине байкоо салат.

Мээлегенин алып түшкөн "Прометей". Бутасын 550 чакырымдан кыйратчу жаңы ракета

Россиялык адистер тарабынан чыгарылган "Резонанс" радиолокациялары 600 чакырым аралыктан 100 чакырымга чейинки бийиктиктен аэродинамикалык аба объектилерин ("көзгө чалдыкпас истребителдерди" да, гипер үндүү ракеталарды да) таап, бута көрсөткүчтөрүн берүүгө жөндөмдүү. Ошону менен бирге эле баллистикалык буталар "Резонанс-НЭнин" байкоо аймагына 1100 чакырым аралыктан "илинет". Негизи эле Иран Ислам Республикасынын абадан коргонуу тумумунун баары Пентагонго 2017-жылдан тарта баш оору болуп келет, ошол себептен да баш ийбеген Тегеранды бомбалоого даабайт.

194
Белгилер:
чек ара, Аскер, АКШ, учак, истребитель, курал
Тема боюнча
100 млн. долларлык парадокс. F-35 истребителинин баага татыбаган сапаты
Степанакертке жакын жерде зенит-ракеталык комплекси. Архивдик сүрөт

Азербайжан менен Армения жаңы элдешүүгө келмей болду

13
(жаңыланган 12:14 26.10.2020)
Элдешүү боюнча биринчи аракеттер Москвада 10-октябрга караган түнү болгон кеңешүүлөрдө башталып, бирок ал майнабын берген эмес.

БИШКЕК, 26-окт. — Sputnik. Азербайжан менен Армениянын тышкы иштер министрлери Жейхун Байрамов менен Зограб Мнацаканян АКШнын мамлекеттик катчысынын орун басары Стивен Биган менен жолугуп, анын соңунда Тоолуу Карабах маселесинде элдешүү болгонун айтышты. Бул туурасындагы маалымат Американын мамлекеттик департаментинин сайтына жазылгандыгын РИА Новости кабарлады.

Маалыматта ок атууну токтотуу 26-октябрь саат 08:00дө ( Бишкек убактысы боюнча 10:00) күчүнө кирери айтылган.

"АКШ тышкы иштер министрлер менен Минск тобунун (ЕККУ) теңтөрагаларынын сүйлөшүүлөрүнүн ыкчам жүрүшүнө көмөкчү болду. Ал Азербайжан менен Армениянын ынтымакка келип, Тоолуу Карабах чырынын чечилиши эле", — деп айтылган маалыматта.

Тараптар Минск тобунун (ЕККУ) теңтөрагаларынын Карабах боюнча 1-октябрдагы билдирүүсүнүн негизинде 10-октябрда Москва шаарында айтылган келишимдерди сактоого ынтызар экендигин айтышкан.

"Кан төгүп жатышат". Карабахта россиялык тынчтык орнотуучуларды ким күтөт?

АКШнын мамлекеттик катчысы Майк Помпео Twitter баракчасына эки жак дүйшөмбүдөн тарта ок атууну токтотуу тартибин карманууга милдеттенме алганын тастыктаган.

Элдешүү боюнча биринчи аракеттер Москвада 10-октябрга караган түнү болгон кеңешүүлөрдө башталган. Азербайжан менен Армениянын ТИМ жетекчилерин Россия борборуна президент Владимир Путин чакырган. Жолугушуунун аягында Баку менен Ереван 10-октябрда согушту токтотуп, туткундарды, каза болгондордун сөөгүн алмашууга макулдашкан. Бирок эки тарап дароо эле бири-бирин келишимди бузгандыгы боюнча күнөөлөөгө өткөн.

Кийин 18-октябрда кайрадан гумантитардык элдешүү аракети жасалып, бирок андан эч нерсе чыккан эмес.

Карабахтагы абал

Аймакта кырдаал 2020-жылдын 27-сентябрында курчуй баштаган. Бүгүнкү күндө Баку менен Ереван бири-бирин чатактын баштоочусу катары күнөөлөп келет.

Армения согуштук абал киргизип, жалпы мобилизация жарыялаган да, 18ден 55 жашка чейинки эркек кишилердин өлкөдөн чыгуусуна тыюу салган.

Лавров Карабахтагы абалды турукташтыруучу шарттарды атады

Азербайжанга да коменданттык саат киргизилип, жарым-жартылай мобилизация жарыяланган.

Бул чатактын кесепетинен адам өмүрлөрү кыйылууда. Дүйнөлүк коомчулук эки тарапты эсине келип согуш отун токтотууга чакырган.

13
Белгилер:
чатак, Тоолуу Карабах, Армения, Азербайжан
Тема:
Тоолуу Карабахтагы жаңжал
Тема боюнча
Карабахтагы абал: "алоолонгон" маалымат согушунун ачуу үнү
Карабах чыры. Азербайжандык MMA мушкери армияга чакырылды
Армения менен Азербайжандын башчылары телеэфирде катуу билдирүү жасашты

ПЦР-тест кайсы өлкөдө канча турат

119
(жаңыланган 10:33 26.10.2020)
Учурдагы эпидемиологиялык абалга байланыштуу бир өлкөдөн экинчисине өткөн адам сөзсүз түрдө коронавирус жуктурбагандыгы тууралуу тесттин жыйынтыгын көрсөтүшү керек.

БИШКЕК, 26-окт. — Sputnik. Көптөгөн өлкөлөр чек арасын ачып, чет элдиктерге кирүүгө уруксат бергени менен ар бир кишиге коронавируска ПЦР-тест тапшыруу талабын коюуда. Sputnik Казакстан агентиги өлкөлөрдө бул тесттин баасы канча турарын жана тапшыруу шарттарын билип көрдү.

Казакстан

Коңшуларда ПЦР-тест тапшыруунун акысы март айынан бери 1,5 эсеге арзандаптыр. Анда дээрлик 20 миң теңге турса, учурда 8 миң теңгеге (1500 сомдон бир аз көбүрөөк) тапшырса болот. Баса, Казакстан бүгүндөн тарта коронавирус жуктурбаганын далилдеген маалым кат жок өз аймагына казак жарандарын дагы киргизбейт. Тесттин жыйынтыгы 72 саатка чейин жарактуу болуп эсептелет.

Россия

Россияда бир кишинин тест тапшыруусу үчүн 2 300 рубль керек (2 600 сомдун тегереги). Жыйынтыгы 24-72 сааттын ичинде даяр болот.

Өзбекстан

Ташкентте ПЦР-тест тапшырууну каалагандар 250 000-300 000 сум (1 800-2 400 сомдун тегереги) төлөшү керек. Жыйынтыгын 24 сааттын ичинде чыгарып беришет.

Кайсы өлкөлөрдүн жарандары Кыргызстанга кирип-чыга алат? Тизме

Украина

Киевде ПЦР-тесттин баасы 950 гривен (2 700 сомдун тегереги). Жыйынтыгы 12-24 саатта колго тиет.

Түркия

Стамбул шаарында коронавируска тест тапшырууга туура келип калса капчыкта 250-400 лираңыз (2500-4000 сомдун тегереги) болушу керек. Жыйынтыгын 24 сааттын ичинде аласыз. Аэропорттордо 4 сааттын ичинде даярдап беришет.

Түштүк Корея

Сеул шаарында ПЦР-тест бир топ кымбат, 100 доллардан 200 (8 миң-16 миң сомдун тегереги) долларга чейин жетет. Жыйынтыгы 12-48 саатта чыгат.

Египет

Кыргызстандык туристтер көп каттаган Шарм-эль-Шейхте ПЦР-тестти 180 египет фунтка (8500 сомдун тегереги) тапшырууга болот. Жыйынтыгы 48 саатта чыгат.

Бириккен Араб Эмирлиги

Дубай, Шарджа, Абу Даби, Аль Айне шаарларында тесттин баасы — 150 дирхам (3200 сомдун тегереги). Жыйынтыгы 24-48 саатта чыгат.

Кыргызстандыктар чет өлкөлөргө кантип чыга алат. Жаңы эрежелер

Германия

Франкфурт, Дюссельдорф, Мюнхен шаарларында тест тапшыруу жыйынтыгы даяр болчу убакытка жараша 59-139 евро турат. Бул 5600-13 000 сомдун тегерегиндеги сумма. Жыйынтыгы 6 сааттан 24 саатка чейин берилет.

Кыргызстан

Ал эми Бишкекте ПЦР-тесттин баасы — 1 700 сомдон 2 390 сомго чейин. Жыйынтыгы 24-48 саатта даяр болот.

119
Белгилер:
баа, ПЦР-тест, коронавирус, дүйнө, Кыргызстан
Тема:
Дүйнөгө жайылган коронавирус
Тема боюнча
Казакстанга кирип-чыгуунун жол-жобосу
Кыргызстандан Россияга кантип кетсе болот? Эрежелер
Футзал оюнчусу топ менен. Архивдик сүрөт

Кыргызстандык футзалчы Ильяс Чотбаев Тажикстанда чемпион болду

0
(жаңыланган 12:22 26.10.2020)
Ильястын "Сипар" клубу ордо калаанын "Соро компания" командасын утуп, өз тарыхында алгачкы жолу өлкө чемпиону болууга жетишти.

БИШКЕК, 26-окт. — Sputnik. Кыргызстандын футзал боюнча улуттук командасынын оюнчусу Ильяс Чотбаев "Сипар" клубу менен Тажикстандын профессионалдык футзал лигасынын чемпиону болду. Бул тууралуу Кыргызстандын футбол союзунун маалымат кызматы Instagram баракчасына жазды.

Посмотреть эту публикацию в Instagram

Публикация от Ассоциация футзала КР 🇰🇬 (@futsal_kgz)

Худжанддык клуб финалдык серияда 3:1 эсебинде ордо калаанын "Соро компания" клубун утуп, өз тарыхында алгачкы жолу өлкө чемпиону болууга жетишти.

Футзал: мыкты дарбазачы Акматалиев Россиянын "Волгарь" клубуна өттү

Финалдык сериянын төртүнчү беттешинде Ильяс эсеп айырмасын теңеген. Андан ары командалаштары Саломов менен Рахматов бирден топ киризип, жеңишти ишенимдүү камсыздашкан.

Кыргызстандык футзалчы Ильяс Чотбаев бул оюнда мыкты футболчу деп табылган. Ал Кыргызстандын "Фарватер" клубунан "Сипарга" өтүп, август айынан бери ойноп келет.

0
Белгилер:
чемпион, Тажикстан, футзал
Тема боюнча
Бишкекте футзал боюнча эл аралык турнир өтөт. Кимдер катыша алат?
Футзал: мыкты дарбазачы Акматалиев Россиянын "Волгарь" клубуна өттү