АКШнын президенти Дональд Трамп. Архив

Трамп Россия менен "мамилеси" тууралуу маалыматтарды ачыктоого макулдук берди

87
(жаңыланган 11:25 07.10.2020)
АКШ бийлиги Россияны 2016-жылдагы президенттик шайлоого кийлигишти деп айыптаган. Москва аны жокко чыгарып келет.

БИШКЕК, 7-окт. — Sputnik. АКШ президенти Дональд Трамп өзүн Россия менен байланышы бар деген маалыматтар боюнча документтердин баарын ачыктоого буйрук берди. Бул тууралуу бүгүн РИА Новости жазып чыкты. 

Ал ошондой эле АКШнын мурдагы мамлекеттик катчысы Хиллари Клинтон менен жеке сервер аркылуу байланышкан маалыматтарды да коомчулукка жарыялоону чечкен.

"Мен Америка тарыхындагы эң ири саясий кылмышка, Россия менен байланышкан алдамчылык боюнча бардык документтердин сырларын толугу менен ачыктоого буйрук кылдым. Ошондой эле Хиллари Клинтондун электрондук почтасына байланышкан чыр боюнча да маалыматтарды эч кандай өзгөртүүсүз коомчулукка жарылоого макулдук бердим", — деп Трамп Twitter баракчасына жазган.

Трамп экс-президент Обаманы мамлекеттик чыккынчылыкка айыптоодо

Дагы бир постунда АКШ лидери "Россия менен мамилеси" жөнүндө бардык маалыматтарды мурда эле коомчулукка жарыялаганын эске салган.

"Тилекке каршы, биздин өлкө үчүн адамдардын көргөн аракети өтө жай болду, өзгөчө бул биздин өлкөнүн тарыхындагы эң чоң саясий кылмыш болушу мүмкүн экенин эске алганда өтө жай иштешти. Чамдагыла!" — деген Трамп.

АКШ Россияны 2016-жылдагы президенттик шайлоого кийлигишти деп айыптаган. Москва муну жокко чыгарып келет.

Американын атайын кызматы Россия менен "мамилеге" байланышкан билдирүүнүн алкагында учурдагы президенттин штабынын кызматкерлерин аңдышкан. Аягында "Россияга байланышкан ишти" атайын прокурор Роберт Мюллер иликтеп, "мамиле" боюнча далил таба алган эмес.

87
Белгилер:
мамиле, Россия, Дональд Трамп
Тема боюнча
Путин, Трамп жана Макрон Карабах боюнча билдирүү даярдашты
Трамп: президенттик шайлоодо бир эле себеп менен утулуп калышым мүмкүн
Учак. Архив

Кыргызстандан Россияга кантип кетсе болот? Эрежелер

19
(жаңыланган 16:43 25.10.2020)
Сүйлөшүлгөн тартипке ылайык, Россияга бара жатканда кыргызстандыктардын колунда ПЦР-тесттин "ооруган эмес" деген жыйынтыгы болушу шарт.

БИШКЕК, 25-окт. — Sputnik. "Аэрофлот" жана "Авиатрафик" авиакомпанияларынын учактары жумасына бир ирет Россияга каттап жатат. Бул тууралуу Мамлекеттик чек ара кызматынын расмий өкүлү Гүлмира Бөрүбаева билдирди.

Анын айтымында, аталган авиакомпаниялар аркылуу кыргызстандык каалоочулардын бардыгы Россияга бара алат.

Аталган өлкөгө баруунун дагы бир жолу — атайын уюштурулуп жаткан чартердик каттамдар. Алар менен төмөндөгүдөй кырдаалда кетсе болот:

  • Россиянын жараны болгон жакын тууганы (аялы/күйөөсү, балдары, ата-энеси) болсо;
  • медициналык кызматка муктаж болуп жатса (кабыл алуучу тараптын чакыруусу керек);
  • кандайдыр бир мамлекеттик программага катышып жатса;
  • Россияда туруктуу жашоого уруксаты болсо.

Казакстанга кирип-чыгуунун жол-жобосу

Сүйлөшүлгөн тартипке ылайык, Россияга бара жатканда кыргызстандыктардын колунда ПЦР-тесттин "ооруган эмес" деген жыйынтыгы болушу шарт. Ал аталган мамлекетке учканга үч күн калганда жасалышы керек.

19
Белгилер:
жол эрежеси, чек ара, каттам, Кыргызстан, Россия
Тема боюнча
Кыргызстандыктар чет өлкөлөргө кантип чыга алат. Жаңы эрежелер
Ирландиялык мушкер Конор Макгрегор. Архив

Макгрегор эзелки атаандашы Нурмагомедовдун Гэтжи менен беттеши боюнча үн катты

330
(жаңыланган 13:34 25.10.2020)
Эки жыл мурда ирландиялык мушкер россиялык Нурмагомедовго утулуп калган. Макгрегор ага көп ирет сын айтып жүрүп, кийинчерээк сый мамилеге өткөн.

БИШКЕК, 25-окт. — Sputnik. Ирландиялык мушкер Конор Макгрегор UFC 254 турниринин алкагындагы Хабиб Нурмагомедов менен Жастин Гэтжинин кармашын мыкты деп атады.

Бүгүн түнү Нурмагомедов каршылашын экинчи раундда муунтуу ыкмасы менен утуп, чемпиондук наамын сактап калды.

​"Мыкты кармаш. Мен сенин ишиңди улантам. Дагы бир ирет атаңа сый-урматымды билдирип, жакындарыңа жана сага көңүл айтам", — деп жазган Макгрегор Twitter баракчасына.

Нурмагомедов октагонго чыгарына үч жума калганда бутун сындырып алган

Эске салсак, 2018-жылы ирландиялык мушкер Нурмагомедовго утулуп калган. Анда дагы россиялык спортчу муунтуу ыкмасын колдонуп жеңип алган. Ошондон бери Макгрегор ага социалдык тармактан көп ирет сын айтып жүрүп, кийинчерээк сый мамилеге өткөн.

Хабиб бел курун сактап калгандан кийин бул анын акыркы кармашы болгонун жар салды. Бул убаданы апасына атасы Абдулманап Нурмагомедов каза болгондон кийин бергенин айтты.

330
Белгилер:
беттешүү, Конор Макгрегор, Жастин Гэтжи, Хабиб Нурмагомедов, UFC
Тема боюнча
Карьерасын жыйынтыктаган Нурмагомедов алдыдагы пландарын айтты
Ак үй. Архив

Садыр Жапаров: Ак үйдү оңдоого 450 млн. эмес, 10 эле млн. сом кетет

126
(жаңыланган 16:45 25.10.2020)
Буга чейин депутат Акылбек Жапаров Жогорку Кеңештин имаратын калыбына келтирүү үчүн 450 миллион сомго жакын каражат керектеле турганын айткан.

БИШКЕК, 25-окт. — Sputnik. Ак үйдү оңдоо иштерине 450 миллион сом кетет экен деген маалымат туура эмес. Бул тууралуу Садыр Жапаров Telegram каналы аркылуу билдирди.

Анын айтымында, 450 миллион сом — бул парламенттик шайлоого жумшалган каражат.

"450 миллион сом Ак үйдү оңдоого кетчү чыгым экен деп адашып айтып жатышат. Имаратты ремонттоого көп каражат кетпейт. Кыдырып баарын көрүп чыктым. 10 миллион сомго жетпеген каражат керектелет. Тапшырмаларды бердим. Жакын арада оңдоо иштери бүтөт", — деп жазды Жапаров.

Эске салсак, буга чейин парламенттин бюджет жана финансы комитетинин мүчөсү, премьер-министрдин коомдук башталыштагы кеңешчиси Акылбек Жапаров Жогорку Кеңештин имаратын калыбына келтирүү үчүн 450 миллион сомго жакын каражат керектеле турганын айткан.

126
Белгилер:
ремонт, Акылбек Жапаров, Ак үй, Садыр Жапаров
Тема:
Парламенттик шайлоодон кийинки окуялар
Тема боюнча
Депутат: Ак үйдү калыбына келтирүүгө 450 млн. сом керек