Коронавируска тест тапшыруу үчүн кезекте турган адамдар. Архив

Кытай коронавирустун экинчи толкунунан кантип кутулду. Тургундардын баяны

218
(жаңыланган 10:56 11.10.2020)
Кытайга баргандар эки жума карантинде болушат. Айрым мекемелерде кызматкерлер менен сырттан келгендердин дене табын текшерип, кээде ким экенин тактаган маалымат сурашат.

БИШКЕК, 11-окт. — Sputnik. Кытайда жашаган россиялыктар "Вечерняя Москвага" берген маегинде COVID-19дун экинчи толкунунан кутулуу үчүн КЭРге "иштелип чыккан система" жана коопсуздук чарасын көзөмөлдөө жардам берген.

"Негизинен жашоо эбак эле мурунку калыбына түшкөн. Гонконгдо убак-убагы менен кандайдыр бир оорунун очогу жарыяланууда, бирок тез эле басып коюп жатышат. Кытайларда бардык система иштелип чыккан, ресурстар жетиштүү", — деди басылмага Гуаньчжоу шаарынын жашоочусу Александр.

Анын айтымында, бийлик жарандардан коомдук коопсуздук эрежелерин сактоону суранса эле жетиштүү. Инфекциянын очогу чыгары менен бийлик дароо реакция берет.

"Мисалга, июнда Пекинде оору тез жайылып баштаганда инфекциянын пайда болгон очогу тез эле жок кылынган. Эки жумада жеңип чыгышты. Шаарды да жапкан жок", — деди ал.

Дарыгер: Трамптын коронавирусту башкаларга жуктуруу коркунучу жок

Шанхайдын жашоочусу Андрей белгилегендей, Кытайда кээ бир чектөөлөр калтырылган. Мисалга, сырттан келгендер эки жума карантинде болушат. Муну менен катар айрым уюмдар кызматкерлеринин жана кардарлардын дене табын өлчөп, кээде өздүгүн тастыктаган документин талап кылат.

"Ар бир жергиликтүү тургундун смартфонунда атайын программа жүктөлгөн. Ал телефон ээсинин кыймылын көзөмөлдөп, ден соолук кодун көрсөтүп турат. Эгер адам вирус көп жакка барса ага жашыл код, кооптуу аймакта болсо, тетирисинче, кызыл код жиберилет", — деди Андрей.

Кээ бир шаар бийлиги байкоосуна жараша кошумча чектөөлөрдү киргизип коёт. Андрейдин айтымында, Кытайдагы карантинди көзөмөлдөө олуттуу жүрөт, аны бузгандарга атайын браслет кийгизилип, үйүнүн алдына камера орнотуп коюшат.

Акыркы учурда Кытайда коронавирустун 26 жаңы түрүн катташкан. Өлкөдө 91 миң адамдан COVID-19 аныкталган.

218
Белгилер:
чектөө, карантин, коронавирус, Кытай
Тема:
Дүйнөгө жайылган коронавирус (1106)
Тема боюнча
Сарыбаев: региондорго чыгуу үчүн врачтардан турган топ даяр турушу зарыл
Дарыгер кандай дүкөндөрдө COVID бат жугарын айтты
Степанакертке жакын жерде зенит-ракеталык комплекси. Архивдик сүрөт

Азербайжан менен Армения жаңы элдешүүгө келмей болду

44
(жаңыланган 12:14 26.10.2020)
Элдешүү боюнча биринчи аракеттер Москвада 10-октябрга караган түнү болгон кеңешүүлөрдө башталып, бирок ал майнабын берген эмес.

БИШКЕК, 26-окт. — Sputnik. Азербайжан менен Армениянын тышкы иштер министрлери Жейхун Байрамов менен Зограб Мнацаканян АКШнын мамлекеттик катчысынын орун басары Стивен Биган менен жолугуп, анын соңунда Тоолуу Карабах маселесинде элдешүү болгонун айтышты. Бул туурасындагы маалымат Американын мамлекеттик департаментинин сайтына жазылгандыгын РИА Новости кабарлады.

Маалыматта ок атууну токтотуу 26-октябрь саат 08:00дө ( Бишкек убактысы боюнча 10:00) күчүнө кирери айтылган.

"АКШ тышкы иштер министрлер менен Минск тобунун (ЕККУ) теңтөрагаларынын сүйлөшүүлөрүнүн ыкчам жүрүшүнө көмөкчү болду. Ал Азербайжан менен Армениянын ынтымакка келип, Тоолуу Карабах чырынын чечилиши эле", — деп айтылган маалыматта.

Тараптар Минск тобунун (ЕККУ) теңтөрагаларынын Карабах боюнча 1-октябрдагы билдирүүсүнүн негизинде 10-октябрда Москва шаарында айтылган келишимдерди сактоого ынтызар экендигин айтышкан.

"Кан төгүп жатышат". Карабахта россиялык тынчтык орнотуучуларды ким күтөт?

АКШнын мамлекеттик катчысы Майк Помпео Twitter баракчасына эки жак дүйшөмбүдөн тарта ок атууну токтотуу тартибин карманууга милдеттенме алганын тастыктаган.

Элдешүү боюнча биринчи аракеттер Москвада 10-октябрга караган түнү болгон кеңешүүлөрдө башталган. Азербайжан менен Армениянын ТИМ жетекчилерин Россия борборуна президент Владимир Путин чакырган. Жолугушуунун аягында Баку менен Ереван 10-октябрда согушту токтотуп, туткундарды, каза болгондордун сөөгүн алмашууга макулдашкан. Бирок эки тарап дароо эле бири-бирин келишимди бузгандыгы боюнча күнөөлөөгө өткөн.

Кийин 18-октябрда кайрадан гумантитардык элдешүү аракети жасалып, бирок андан эч нерсе чыккан эмес.

Карабахтагы абал

Аймакта кырдаал 2020-жылдын 27-сентябрында курчуй баштаган. Бүгүнкү күндө Баку менен Ереван бири-бирин чатактын баштоочусу катары күнөөлөп келет.

Армения согуштук абал киргизип, жалпы мобилизация жарыялаган да, 18ден 55 жашка чейинки эркек кишилердин өлкөдөн чыгуусуна тыюу салган.

Лавров Карабахтагы абалды турукташтыруучу шарттарды атады

Азербайжанга да коменданттык саат киргизилип, жарым-жартылай мобилизация жарыяланган.

Бул чатактын кесепетинен адам өмүрлөрү кыйылууда. Дүйнөлүк коомчулук эки тарапты эсине келип согуш отун токтотууга чакырган.

44
Белгилер:
чатак, Тоолуу Карабах, Армения, Азербайжан
Тема:
Тоолуу Карабахтагы жаңжал
Тема боюнча
Карабахтагы абал: "алоолонгон" маалымат согушунун ачуу үнү
Карабах чыры. Азербайжандык MMA мушкери армияга чакырылды
Армения менен Азербайжандын башчылары телеэфирде катуу билдирүү жасашты

ПЦР-тест кайсы өлкөдө канча турат

136
(жаңыланган 10:33 26.10.2020)
Учурдагы эпидемиологиялык абалга байланыштуу бир өлкөдөн экинчисине өткөн адам сөзсүз түрдө коронавирус жуктурбагандыгы тууралуу тесттин жыйынтыгын көрсөтүшү керек.

БИШКЕК, 26-окт. — Sputnik. Көптөгөн өлкөлөр чек арасын ачып, чет элдиктерге кирүүгө уруксат бергени менен ар бир кишиге коронавируска ПЦР-тест тапшыруу талабын коюуда. Sputnik Казакстан агентиги өлкөлөрдө бул тесттин баасы канча турарын жана тапшыруу шарттарын билип көрдү.

Казакстан

Коңшуларда ПЦР-тест тапшыруунун акысы март айынан бери 1,5 эсеге арзандаптыр. Анда дээрлик 20 миң теңге турса, учурда 8 миң теңгеге (1500 сомдон бир аз көбүрөөк) тапшырса болот. Баса, Казакстан бүгүндөн тарта коронавирус жуктурбаганын далилдеген маалым кат жок өз аймагына казак жарандарын дагы киргизбейт. Тесттин жыйынтыгы 72 саатка чейин жарактуу болуп эсептелет.

Россия

Россияда бир кишинин тест тапшыруусу үчүн 2 300 рубль керек (2 600 сомдун тегереги). Жыйынтыгы 24-72 сааттын ичинде даяр болот.

Өзбекстан

Ташкентте ПЦР-тест тапшырууну каалагандар 250 000-300 000 сум (1 800-2 400 сомдун тегереги) төлөшү керек. Жыйынтыгын 24 сааттын ичинде чыгарып беришет.

Кайсы өлкөлөрдүн жарандары Кыргызстанга кирип-чыга алат? Тизме

Украина

Киевде ПЦР-тесттин баасы 950 гривен (2 700 сомдун тегереги). Жыйынтыгы 12-24 саатта колго тиет.

Түркия

Стамбул шаарында коронавируска тест тапшырууга туура келип калса капчыкта 250-400 лираңыз (2500-4000 сомдун тегереги) болушу керек. Жыйынтыгын 24 сааттын ичинде аласыз. Аэропорттордо 4 сааттын ичинде даярдап беришет.

Түштүк Корея

Сеул шаарында ПЦР-тест бир топ кымбат, 100 доллардан 200 (8 миң-16 миң сомдун тегереги) долларга чейин жетет. Жыйынтыгы 12-48 саатта чыгат.

Египет

Кыргызстандык туристтер көп каттаган Шарм-эль-Шейхте ПЦР-тестти 180 египет фунтка (8500 сомдун тегереги) тапшырууга болот. Жыйынтыгы 48 саатта чыгат.

Бириккен Араб Эмирлиги

Дубай, Шарджа, Абу Даби, Аль Айне шаарларында тесттин баасы — 150 дирхам (3200 сомдун тегереги). Жыйынтыгы 24-48 саатта чыгат.

Кыргызстандыктар чет өлкөлөргө кантип чыга алат. Жаңы эрежелер

Германия

Франкфурт, Дюссельдорф, Мюнхен шаарларында тест тапшыруу жыйынтыгы даяр болчу убакытка жараша 59-139 евро турат. Бул 5600-13 000 сомдун тегерегиндеги сумма. Жыйынтыгы 6 сааттан 24 саатка чейин берилет.

Кыргызстан

Ал эми Бишкекте ПЦР-тесттин баасы — 1 700 сомдон 2 390 сомго чейин. Жыйынтыгы 24-48 саатта даяр болот.

136
Белгилер:
баа, ПЦР-тест, коронавирус, дүйнө, Кыргызстан
Тема:
Дүйнөгө жайылган коронавирус (1106)
Тема боюнча
Казакстанга кирип-чыгуунун жол-жобосу
Кыргызстандан Россияга кантип кетсе болот? Эрежелер
Бишкек мэриясынын алдындагы митинг

Бишкек мэриясынын алдында кайрадан митинг. Сүрөт

0
(жаңыланган 13:10 26.10.2020)
Нааразы болгондор жаңы мэр дайындалмайынча күнүгө саат 12:00дө митингге чыга тургандыктарын айтышты.

БИШКЕК, 26-окт. — Sputnik. Бишкек мэриясынын алдында кайрадан митинг болуп, шаар башчылыгына жаңы жетекчини дайындоону президенттин милдетин аткаруучу Садыр Жапаровдон талап кылып жатышат.

  • Митингующие у здания мэрии Бишкека, где требуют отставки и.о. мэра Наримана Тюлеева.
    Бишкек мэриясынын алдында кайрадан митинг болуп, шаар бышчылыгына жаңы жетекчини дайындоону президенттин милдетин аткаруучу Садыр Жапаровдон талап кылып жатышат
    © Sputnik / Эркин Садыков
  • Митингующие у здания мэрии Бишкека, где требуют отставки и.о. мэра Наримана Тюлеева.
    Нааразы болгондор жаңы мэр дайындаламайын, күнүгө саат 12:00дө митингге чыга тургандыктарын айтышты.
    © Sputnik / Эркин Садыков
1 / 2
© Sputnik / Эркин Садыков
Бишкек мэриясынын алдында кайрадан митинг болуп, шаар бышчылыгына жаңы жетекчини дайындоону президенттин милдетин аткаруучу Садыр Жапаровдон талап кылып жатышат
"Бул кишилер 30 жыл ичинде натыйжалуу башкара албагандыгын көрсөткөн, эми кайрадан бийликке келип жатышат. Эски саясатчылардын кайрадан кызматка келүүгө моралдык укугу жок", — деген митингдин катышуучусунун бири.

Алардын бир бөлүгү тарай баштады.

Нааразы болгондор жаңы мэр дайындалмайынча күнүгө саат 12:00дө митингге чыга тургандыктарын айтышты.

Эске салсак, Нариман Түлеев өзүнүн биринчи вице-мэр жана мэрдин милдетин аткаруучулуктан кетүү тууралуу жазган арызын кайтарып алып, кызматка кайтып келген.

21-октябрда Бишкек шаардык мэриясынын алдына Түлеевдин калаа башчысынын милдетин аткаруучу болуп дайындалышын мыйзамсыз деп эсептегендер митингге чыгып, анын тарапташтары менен чатакташа кеткен. Эртеси Түлеев мэрдин милдетин аткаруудан да, вице-мэрликтен да баш тартып арыз жазган.

0
Белгилер:
митинг, Бишкек мэриясы, Бишкек, Кыргызстан
Тема боюнча
Нариман Түлеев Бишкек мэринин милдетин аткаруучулукка кайтып келди