Түндүк Кореянын лидери Ким Чен Ын. Архив

Ким Чен Ын өз элинен кечирим сурады. Себеби

581
(жаңыланган 11:07 11.10.2020)
Лидер "Эмгек" партиясынын 75 жылдык мааракесинде сүйлөп жатып, ушул убакка чейин элине тийиштүү түрдө жооп бере албаганы үчүн өзүнө кечирим жок экенин айтты.

БИШКЕК, 11-окт. — Sputnik. Түндүк Кореянын лидери Ким Чен Ын өзүнүн жакшы жетекчи эмес экенин моюндап, элинен кечирим сурады. Андан соң элдин ишенимин актоо үчүн жанын берүүгө даяр экенин айтты. Бул тууралуу жергиликтүү Борбордук телеграфтык агенттикке шилтеме берип РИА Новости жазды.

Мындай сөздөрдү ал "Эмгек" партиясынын 75 жылдык мааракесинде сүйлөп жатып айткан.

"Мен ар дайым жарандардын асмандай кенен, көлдөй терең ишенимине ээ болуп келем. Бирок ушул убакка чейин силерге жооп бере алган жокмун. Бул үчүн мага кечирим жок. Бүгүнкү улуу күндө силерге эмне сөз айтарымды көпкө ойлондум. Жыйынтыгында "рахмат" дегенден башка сөз жок экенин түшүндүм. Менин дагы деле күчүм жетпей жатат, ошондуктан элибиз күнүмдүк жашоонун көптөгөн азаптарынан кутула албай келет. Бирок мен силердин ишенимиңер үчүн жанымды берүүгө даярмын", — деген Ким Чен Ын.

Мындан тышкары, лидер корей аскерлеринен азаптуу эмгек кылып жатышкандыгы үчүн кечирим сурады.

Ким Чен Ын бийлигинин бир бөлүгүн карындашына өткөрүп берди

"Түндүк Кореяны каптаган тайфундан кийин аймакты калыбына келтирип, ошондой эле коронавирустун өлкөгө киришине каршы күрөшүп жаткан аскерлерден кечирим сурайм. Ушундай оор учурда жаныңарда боло албаганыма жүрөгүм ооруп турат", — деди лидер.

Ошондой эле салтанатта Ким Чен Ындын карындашы Ким Ё Чжон сүйлөп, аягында Түндүк Кореянын куралдарын көрсөткөн аскердик парад болгону кошумчаланды.

581
Белгилер:
салтанат, саясый партия, Ким Чен Ын, Түндүк Корея
Тема боюнча
Түндүк Кореяда бир адам COVID-19га шектелип, Ким Чен Ын бир шаарды жапты
АКШнын Чикагосундагы Trump Tower имараты. Архив

АКШ: "Трамп" имаратында салаңдап турган кишинин Кыргызстандан экени айтылды

393
(жаңыланган 23:52 19.10.2020)
Окуя 13 саатка чукул созулган. Социалдык тармактын бир катар колдонуучулары акциянын демилгечиси Black Lives Matter кыймылынын активисти Эдил Элиев аттуу жигит экендигин айтышты.

БИШКЕК, 19-окт. — Sputnik. АКШнын Чикагосундагы Trump Tower деп аталган көз жеткис бийик имаратта 13 саат бою аркан менен байланып, салаңдап турган адамдын полицияга багынып бергенин Chicago Tribune жазды.

Буга чейин коомдук тартипти бузган киши асман тиреген имараттын 16 кабатынан белине аркан байланып алып, жекшембиден тарта, болжол менен саат 17:30дан бери илинип тургандыгын жазган. Ал АКШ президенти Дональд Трамптын өзү менен жолугууну ниет кыларын, болбосо өзүн бийиктен таштап жибере тургандыгын айтып коркуткан.

Буту тайып... Бийик имараттын кырында туруп кулап кеткен жигиттин видеосу

"Абал сүйлөшүүлөрдөн улам жакшы жагына чечилди. Шектүү кармалды. Эч ким жабыркаган жок", — деген Чикаго полициясынын кызматкери Том Ахерн.

​Басылманын маалыматына таясак, окуя 13 саатка чукул созулган. Социалдык тармактын бир катар колдонуучулары акциянын демилгечиси Black Lives Matter кыймылынын активисти Эдил Элиев (Eddil Eliev) аттуу жигит экендигин билдиришкен.

Полиция кызматкерлери абалды жөнгө салгыча Trump Tower имаратынын айланасындагы кыймыл токтотулган. Басылма анын тегерек-четине кызыгып келгендердин тобу чогулуп, кээ бирлери "Бэтмен" киносу тартылып жаткан жокпу деген суроолорду да беришкен.

Буга чейин Pledge Times жигиттин курагы 20 жаштын тегерегинде жана ал болжол менен Кыргызстандан экендигин билдирген.

393
Белгилер:
полиция, кыргызстандыктар, Дональд Трамп, АКШ
Тема боюнча
Карантинде Москвадагы мигранттар арасында кылмыштуулук күчөдүбү? Мэрдин жообу
Пострадавшие при обрушении моста на подмосковном предприятии. Архивное фото

Элчилик: Москвада көпүрө кырсыгына кабылган 139 кыргызстандык компенсация алды

169
(жаңыланган 18:22 19.10.2020)
Көпүрө кырсыгынан жабыркаган мекендештердин 29у ооруканага жаткырылган. Учурда 28 бейтап чыгып, ооруканада бирөө эле калганы айтылды.

БИШКЕК, 19-окт. — Sputnik. Подмосковьедеги ишканада көпүрө урап жабыркаган 139 кыргызстандыкка кенемте төлөнүп берилди. Бул тууралуу Кыргызстандын Россиядагы элчилигинин маалымат кызматы билдирди.

Эске салсак, 27-сентябрь күнү Россиянын Москва облусундагы "FM LOGISTIC" (кампа комплекси) логистикалык ишканасында жөө адамдар өтүүчү көпүрө урап, андан 51 кыргыз жараны жабыркаган.

Элчиликтин вице-консулу Алмаш Алтымышеванын айтымында, көпүрө ураган күнү ишканада 160 мекендеш иштеп жаткан. Анын ичинен учурда 139у компенсация алды. Дагы 11 кыргызстандыктын документи каралып жатат.

"Жабыркаган мекендештердин 29у ооруканага жаткырылган. Алардын айрымдары айыгып, кээ бири амбулатордук дарыланууга жөнөтүлгөн. Бейтаптардын ичинен 24 жаштагы Ч.К. аттуу жарандын мээсине кан кетип, катуу жабыркаган. Ага операция ийгиликтүү жасалып, амбулатордук дарыланууга чыгарылды. Учурда ооруканада бир жаран калды", — деди Алтымышева.

Кырсыктан жабыркагандардын ичинен үч мекендешке операция жасалган.

Россияда кыргызстандыктар жабыркаган кырсыктын болжолдуу себеби айтылды

Бул боюнча РФтин Кылмыш-жаза кодексинин 143-беренесинин 1-бөлүгү ("Эмгекти коргоо талаптарын бузуу, этиятсыздыктын кесепетинен адамдардын ден соолугуна оор зыян келтирүү") боюнча кылмыш ишин козгоо чечими кабыл алынган

Учурда тергөө иштери уланып жатат.

169
Белгилер:
ден соолук, кырсык, компенсация, мекендештер, Москва
Тема боюнча
Москвада көпүрө кырсыгында жабыркаган кыргызстандыктардын абалы айтылды. Сүрөт
Элчилик: компания көпүрө урап жабыркаган КР жарандарынын бүт чыгымын төлөйт