Россия ТИМ жетекчиси Сергей Лавров

Лавров Карабахтагы абалды турукташтыруучу шарттарды атады

88
(жаңыланган 17:16 14.10.2020)
Армения менен Азербайжандын согуш отун токтотууга, туткунга түшкөндөр менен каза болгондордун сөөгүн алмашуу боюнча кепке келишкени менен кармаш дагы деле уланып жатат.

БИШКЕК, 14-окт. — Sputnik. Тоолуу Карабахтагы саясий абалдын жөнгө салынышы эки тараптын келишиминен сырткары конкреттүү кадамдар менен кошо жүрүшү керек. Бул тууралуу Россия ТИМ жетекчиси Сергей Лавров билдиргенин РИА Новости жазды.

"Теңтөрагалар иштеп чыккан жана дагы иштеп чыгып жаткан сунуштар сүйлөшүүлөрдүн столунда калат. Анда эмне жазылганы белгилүү. Бул этап-этабы менен Армения жана Азербайжандын ортосундагы ишенимдүү байланыш болгон Карабахтын макамы аныкталганга чейин коопсуздукка кепилдик берүү менен Карабахтын айланасындагы райондорду акырындап бошотуу", — деп айткан ал журналисттерге.

"Капканга түштү". Карабахтагы кагылышуу эмнеге басылбай жатат

Министр акыркы учурда улам келип жаткан көңүл түшүргөн кабарлар саясий процессти активдештирерине үмүт арткан.

Аймактагы чатак 1988-жылдан, Тоолуу Карабах автоном облусу өзүн Азербайжан ССРинин аймагынан чыкканы боюнча жар салгандан тарта башталган. Анын кесепетинен 1992-1994-жылдардагы куралуу каршылыктан кийин Баку аймакка жана ага караган жети районго көзөмөл кылуу укугунан ажыраган.

1992-жылдан тарта Россия башында турган жана АКШ менен Франция катышкан ЕККУнун Минск тобунун алкагында чатакты тынчтык жолу менен жөнгө салуу боюнча сүйлөшүүлөр жүрүп келет. Азербайжан аймагынын бүтүндүгүнүн сакталышын талап кылса, Армения таанылбаган республиканын кызыкчылыгын коргоодо.

Карабах чыры: Баку менен Ереван согуш отун токтотууну чечишти

27-сентябрдын таңында аталган жердеги чектешкен аймакта абал курчуган. Баку менен Ереван кырдаалдын чыңалышы боюнча жоопкерчиликти бири-бирине арткан. Чырга катышкан тараптар толук жана жарым-жартылай мобилизация жарыялап жиберишти. Тирешүүнүн кесепетинен аскерлерден сырткары жай адамдардын арасынан каза тапкандар болду.

9-октябрда Москвада Армения менен Азербайжандын ТИМ жетекчилеринин 9 саатка созулган сүйлөшүүлөрү жүрдү. Тараптар согуш отун токтотууга, туткунга түшкөндөр менен каза болгондордун сөөгүн алмашуу боюнча кепке келишкени менен кармаш дагы деле уланууда.

88
Белгилер:
согуш, адам, Армения, Азербайжан, Тоолуу Карабах, Сергей Лавров, Россия
Тема:
Тоолуу Карабахтагы жаңжал (21)
Тема боюнча
Путин Коопсуздук кеңеши менен Кыргызстандагы кырдаалды талкуулады
Отоларинголог кызмат убагында. Архивдик сүрөт

Бир гана коронавирустан эмес! Жыт сезбей калуунун себептери

32
Дарыгер эпидемиологиялык кырдаалга байланыштуу жыт билүү жоголуп, даам дагы сезилбей жатса тезинен медициналык жардам алууга чакырган.

БИШКЕК, 20-окт. — Sputnik. Коронавирус инфекциясын жуктурган учурда гана жыт билбей калат деген түшүнүк туура эмес экенин Sputnik радиосуна отоларинголог, медицина илимдеринин кандидаты Владимир Зайцев айтып берди.

Адистин билдиришинче, жыт билүүнүн жоголушу бир нече оорудан кабар бериши мүмкүн.

"Мурун көңдөйүнө суук тийгенде, мисалы, курч же өнөкөт ринитте, дем алуу жолунун былжыр чели менен көңдөйү сезгенген учурда жыт сезгичтердин кабыл алуусу алгач төмөндөп, андан кийин таптакыр жоголуп кетет", — деди адис.

Коронавирустун мээ менен нерв системасына тийгизген таасири ачыкталды

Отоларинголог учурдагы эпидемиологиялык кырдаалга байланыштуу жыт билүү жоголуп, даам дагы сезилбей жатса тезинен медициналык жардам алууга чакырган. Ошондой эле өз алдынча дарылануудан оолак болууну айткан.

32
Белгилер:
оору, мурун, коронавирус
Тема:
Дүйнөгө жайылган коронавирус
Тема боюнча
Кулактан дагы кармайт. Коронавирустун жаңы симптому белгилүү болду
Бейтап СOVID же КРВИге чалдыкканын кантип билет. Дарыгердин аныктамасы
Ноутбукта иштеп жаткан аял. Архив

Россияда аралыктан иштесе да эң көп маяна төлөнө турчу кесиптер аталды

48
Веб-дизайнер жана программисттер үйүнөн отуруп иштесе да кеминде 100 миң рубль алары аныкталган.

БИШКЕК, 20-окт. — Sputnik. Россияда аралыктан иштөөгө ылайыкталган кесиптердин ичинен 1С боюнча программист-аналитиктер эң көп маяна алары белгилүү болду. Мындай кесиптин ээлери айына 270 миң рублге чейин табышат. Бул тууралуу РИА Новости Работа.ру порталынын иликтөөсүнө таянуу менен жазды.

Аталган суммадагы эмгек акы иш тажрыйбасы төрт жылдан кем эмес, маалыматтар базасын башкаруу системасы менен иштей алган, 1С конфигурациясынын жок дегенде бир түрүн билген кызматкерге төлөнөт.

Ал эми сырткы-экономикалык ишмердүүлүк боюнча долбоорлордо иштеген менеджерлерге 200 миң рублдан жогору сунушталат. Бул үчүн тажрыйбасы беш жылдан жогору, сүйлөшүүлөрдү жүргүзүү үчүн чет тилди билүүсү шарт.

Сберавто компаниясы Backend иштеп чыгуучуларга үйдө отуруп иштесе да айына 180 миң рубль маяна берет. Жумушка аларда үч жылдан кем эмес тажрыйбасына, Golang программалоо тилин билгенине жана Docker, Kubernetes программаларын колдоно аларына маани берет.

Forbes Конор Макгрегордун жылдык кирешесин жарыялады

Эки жылдык тажрыйбасы бар HTML5 жана CSS3 системасын билген Html-макет дизайнери (Senior) айына 140 миң рубль таба алат.

Ошондой эле веб-дизайн жасоону үйрөтүү курсунда иштеген мугалимдерге 100 миң рубль төлөп беришет.

48
Белгилер:
жумуш, программа, Россия, маяна
Тема боюнча
Россиялыктар 64 млн. рубль маянага дем алышсыз иштөөгө даяр
Жумушсуз жүргөндөр министрликтин сайтына катталып, иш тапса болот