РФтин тышкы иштер министри Сергей Лавров. Архив

Лавров европалык лидерлер менен сүйлөшүүнү токтотууга сөз берди. Себеби

237
Россия менен Батыштын алакасы кыйроонун жаңы деңгээлине жетти — Россиянын тышкы иштер министри эгер Европа жарытарлык диалог курууну каалабаса, анда жетекчилери менен баарлашуу токтошу мүмкүн экендигин билдирди.

"Акыркы жыйырма жыл аралыгында дайым өз кадыр-баркыбыз менен иш алпардык. Бирок Батышта тышкы саясатка жооп берген адамдар өз ара сый сакталган сүйлөшүүнүн зарылдыгын түшүнбөй жатышат. Балким биз кайсы бир убакытка чейин алар менен сүйлөшүүнү токтотууга тийишпиз. Еврокомиссиянын төрагасы Урсул фон дер Ляйен азыркы россиялык бийлик менен геосаясий өнөктөштүк ишке ашпай жатканын билдирүүдө. Эгер алар ушуну кааласа, дал ошондой болсун", – деди С.Лавров. РФтин тышкы иштер министринин бул билдирүүсүнүн тегерегиндеги Петр Акоповдун макаласы РИА Новости агенттигинин сайтына жарыяланган.

Урсул фон дер Ляйендин жакындагы эле "Россия азыркы жетекчилиги менен Европа биримдигинин геосаясий өнөктөшү макамын калыптандыра алат деген куру кыялдан арылган оң" дегенин ал "Еврокомиссиянын расмий өкүлүнүн өз оозунан чыккан өтө олуттуу билдирүү" деп атады.

Лавров ЕБдин Россияга киргизген санкцияларына АКШнын катыштыгын айтты

Европага Россиянын жетекчилиги, болгондо да европалыктардын көз карашы боюнча натуура ички саясатты жүргүзгөнү ("Навальныйды ууландырганы"), Европанын ички саясатына кийлигишкени ("бундестагдын серверин талкалаганы"), анан да дегеле ойрондотуучу маанайда экени менен жакпайт. Башкача айтканда, Европа өзү мамлекеттик кызыкчылыктарды жана мамлекеттер аралык мамилелерди россиялык бийликке койгон дооматтарга алмаштырып, жеке асылууга өтүүдө. Анан калса, ошол дооматтары Европанын өзүн Россиядан артык санаганын айгинелеп турат.

Сый жана теңата сүйлөшкүңөр келбесе, анда дегеле баарлашпай коелу деген тейде Сергей Лавров "Валдай" клубунун докладынын бет ачарында айтып, кийин үч россиялык радиостанцияга, анын ичинде "Спутник" радиосуна берген маегинде ушул оюн улаган.

Журналисттер ал билдирүүсүн "Кандайча сүйлөшпөй калабыз?" деп такташканында Лавров: "Кеп жогортон да эмес, теңине албай караган Евробиримдик менен деги эле бизнес болуп-болбогонунда. Бул биримдик өз оюнда биз кетирген "күнөөлөрдүн" баарына жооп берүүнү талап кылууда... Менимче, биз аларга отчет берүүгө тийиш эмеспиз", – деп жооп кайтарды.

Ошону менен бирге эле мында сөз экономикалык мамилелерде эмес, алардын бузуларына Лавров ишенбейт. Кеп жеке эле россиялык-европалык гана эмес, жалпы эл аралык иштерге, анын ичинде маанилүү кризистик жерлерге тиешелүү саясий диалогдо.

Лавров: Беларустагы конституциялык реформаны колдойбуз

Андай диалогду Россия, албетте, айрым европалык өлкөлөр менен сактап калат, бирок Европа биримдиги менен аны жүргүзүүдөн баш тартышы ыктымал. "Евробиримдиктин геосаясий өнөктөшү болууга жарай элексиңер дегендей ойдо болуп жатышпайбы. Чуркап, кемсинүү бизге туура келбейт. Менимче, Батыш бизге эмне дейт экен деп улам кылчактап туруунун кереги жок", – дейт Лавров.

Россия дүйнөлүк аренада гана тургай, андан алда канча маанилүүсү – өз үйүндө да суверенитетин толук калыптандыра алды. Өлкөдө тартипти жана бийликтин вертикалын орнотууда гана эмес, кеп – дүйнөгө, анын ичинде геосаясий көз карашынын өз алдынчалыгын кайтара алганында. Лавровдун айтымында, өлкөнүн тышкы саясатын тескеген адамдар улуттук кызыкчылыктарга гана эмес, акыл калчап, аларды тарых жана салт-санаа, баалуулуктар жана тажрыйбага таянуу менен өз алдынча түзөт. Дал ушул нерсе – улуу державанын эле түгүл, өз алдынча өлкөнүн негизги белгиси.

Ал эми "Россия катуу кетпей, өз кызыкчылыктарын начар аныктоодо" дегендей айыптарга Лавров: "Биздин позиция баары бир эл аралык укуктун алкагында калууга тийиш" – деп жооп берди.

Дүйнө башынан өткөрүп жаткан терең трансформация, күчтөрдүн глобалдык балансынын кайра бөлүштүрүлүшү "демократиялуураак, көп полярдуу дүйнөнүн түзүлүшүнүн объективдүү процесси" болуп саналарын белгиледи РФтин тышкы иштер министри. Анын пикиринде, бул бүтүндөй доорго, тагыраак, далай он жылдыктарга созулат. Бирок дал ушул маалда авантюра кылып башкаларга өз эркин таңуулоого тырышпай, татаал, көп деңгээлдеги оюнду жүргүзүү маанилүү.

"Бизди тайсалдатууга, Россия Федерациясын бардык жана ойго келген бардык чөйрөдө ыплас атаандаштык, мыйзамга сыйбаган санкциялар жана ошого окшогон кадамдар менен эле эмес, чек араларыбыздын айланасындагы кырдаалдагы тең салмактуулукту бузуп, жаратмандык иштерге басым жасообузга мүмкүндүк бербеген аракеттери алардын ниетин ачык көрсөтүп турат.

Лавров Карабахтагы абалды турукташтыруучу шарттарды атады

Сергей Лавровду да, Владимир Путинди да геосаясий чабал оюнчулар деп да, реалдуулуктан тайган кыялкечтер, тактикалык айлакерлер деп атоого болбойт. Алар Россияга дүйнөдөгү ордун кайтара турган тышкы саясий ишти өжөрлүк менен жүргүзүп келишет. Россиянын эл аралык аренадагы азыркы салмагы бир кыйла өстү, анткен менен бул Лавровдун да, Путиндин да башын айландыра алган жок.

Баары өз мүмкүнчүлүктөрүн даана баалай билүүдөн башталат. Өз кадыр-баркыңды сезе билүү өзүңдү жана өз күчүңдү туюп, сага чейинкилер басып өткөн жолду эстен чыгарбай, тагдыр койгон максатты көздөөгө негизделген. Бул адамдарга да, державаларга да тиешелүү.

237
Белгилер:
Сергей Лавров, Россия, Владимир Путин, Европа, саясат, лидер
Тема боюнча
"Капканга түштү". Карабахтагы кагылышуу эмнеге басылбай жатат
Ыйлаган кыз Архивдик сүрөт

Психолог: балага кол көтөрбөш керек, жазанын башка түрлөрү бар

12
Адистин айтымында, баланы жазалоонун негизги максаты — ката кетиргенин сездирип, кийинкиде туура чечим кабыл алууга үйрөтүү.

БИШКЕК, 17-сен. — Sputnik. Баланы жазалоо үчүн эч качан ур-тепкиге албаш керек. Бул тууралуу РИА Новости агенттигине маек куруп жатып психологдор Александр Колмановский жана Екатерина Кес айтты.

Алгач адистердин бири жазанын негизги максатын түшүндүрдү.

"Баланы жазалоонун негизги максаты — ката кетиргенин сездирип, кийинкиде туура чечим кабыл алууга үйрөтүү. Мисалы, канткенде туура эмес болорун, анын аркасынан ата-эне кандай санаа тартып, үйдө кандай абал түзүлөрүн түшүндүрүү зарыл. Анткени бала өзү көп нерсени түшүнө элек, жашоо тажрыйбасы аз, ага азыр оюн эле болсо болду. Ошондуктан "экинчи минтпейсиң же антпейсиң" деп жалаң коркутуп сүйлөп, ур-тепкиге алганда, ал эч нерсени түшүнбөй калат. Анализ кыла албайт. Жөн гана коркуп, жек көрүп же жалакайлык мүнөз калыптанат", — деди Екатерина Кес.

Адистер бала алгачкы жолу ката кетиргенде түшүндүрүү жолу менен маселени чечип, кийинкилеринде чектөө коюуну сунуштаган.

"Айткан тилди укпай, кайра эле катасын кайталай берсе, жөн гана ал жакшы көргөн нерселерден оолактатып коюу керек. Мисалы, компьютердик оюндарга, көчөгө ээн-эркин чыгып ойноосуна чек коюп койсо, жаза таасирдүүрөөк болот", — деди Кес.

Ал эми Александр Колмановский адистердин бул кеңешин айрым ата-энелер туура эмес кабыл алышы мүмкүн экенин айтат.

"Муну уккандардын айрымдары "бизди ата-энебиз урушуп, уруп тарбиялаган. Сопсонун эле киши болбодукпу" деп айтышы мүмкүн. Бирок биз сопсонун, телегейибиз тегиз экенин кантип далилдей алабыз? Көпчүлүк адамдардын өксүгү, комплекси бар. Мунун баары балалыктан калган психологиялык жарааттын изи", — деди адис.

Буга чейин психолог баланы жоопкерчиликке кантип үйрөтсө болорун айтып берген.

12
Белгилер:
уруш, психология, тарбия, ата-эне, бала
Тема боюнча
Баланы жоопкерчиликке кантип үйрөтсө болот? Адистин кеңеши
Өч алууну ойлоно берем. Жолдошу таштап кеткен аялдын каты
Кытайдын Тышкы иштер министри Ван И президент Садыр Жапаров менен жолукту

Кытай Кыргызстанга 100 млн. доллар жана миллион доза вакцина берүүгө даяр

224
(жаңыланган 23:02 16.09.2021)
Президент Садыр Жапаров Кытайдын тышкы иштер министри Ван И менен Душанбеде жолугуп, бир катар маселелерди талкуулады.

БИШКЕК, 16-сен. — Sputnik. Кытай өкмөтү Кыргызстандын социалдык-экономикалык өнүгүүсүн колдоо иретинде 650 миллион юань (100 миллион доллардын тегереги) менен коронавирустук инфекцияга каршы кытайлык вакцинанын 1 миллион дозасын берүүгө даяр. Бул тууралуу Кытайдын тышкы иштер министри Ван И президент Садыр Жапаров менен жолукканда билдирди.

Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.

  • Президент Кыргызской Республики Садыр Жапаров принял члена Государственного совета, министра иностранных дел Китайской Народной Республики Ван И. 16 сентября 2021 года
    Кытайдын Тышкы иштер министри Ван И президент Садыр Жапаров менен жолукту
    © Пресс-служба президента КР / Султан Досалиев
  • Член Государственного совета, министр иностранных дел Китайской Народной Республики Ван И во время встречи с президентом КР Жапаровым
    Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Кытайдын Тышкы иштер министри Ван И президент Садыр Жапаров менен жолукту

Жапаров Кыргызстан Кытайды негизги соода инвестициялык өнөктөштөрдүн бири катары карай турганын жана биргелешкен инвестициялык долбоорлорду ишке ашырууга кызыкдар экенин билдирген.

Президент учурда өлкөдөгү инвестициялык климатты жакшыртуу боюнча активдүү чаралар көрүлүп жатканын кошумчалаган. Анын айтымында, кыргыз тарап эки өлкө ортосундагы туруктуу аба каттамдарын жандантууну маанилүү деп эсептейт.

Кытай — Кыргызстан — Өзбекстан темир жолунун курулушу боюнча да кеп болуп, Жапаров долбоорду ишке ашыруу Кыргызстан үчүн эле эмес, жалпы регион үчүн маанилүү экенин белгилеген.

"КЭР мамлекеттик кеңешинин мүчөсү, тышкы иштер министри Кытай өкмөтү өлкөнүн социалдык-экономикалык өнүгүүсүн колдоо иретинде Кыргызстанга 650 миллион юань (100 миллион АКШ долларынын тегерегинде) бөлүүгө даярдыгын айтты. Ошондой эле коронавирустук инфекцияга каршы кытайлык вакцинанын кошумча партиясын (1 миллион доза) жана медициналык каражаттарды берүү чечимин кабыл алганын билдирди", — деп айтылат маалыматта.

Мамлекеттик кеңештин мүчөсү Кытай тараптын автоунаа жолдорун куруу жана ирригациялык түйүндөрдү кеңейтүү тармактарында биргелешкен долбоорлорду ишке ашырууга кызыкдар экенин билдирген. Мындан сырткары, тараптар регионалдык коопсуздук маселелерин талкуулаган.

224
Белгилер:
Кыргызстан, Кытай, Садыр Жапаров, вакцина, каражат
Тема:
Коронавируска каршы эмдөө
Тема боюнча
3 млн. бет кап, коргоочу костюм. Кыргызстанга Кытайдан гумжардам келди