РФтин тышкы иштер министри Сергей Лавров. Архив

Лавров европалык лидерлер менен сүйлөшүүнү токтотууга сөз берди. Себеби

232
Россия менен Батыштын алакасы кыйроонун жаңы деңгээлине жетти — Россиянын тышкы иштер министри эгер Европа жарытарлык диалог курууну каалабаса, анда жетекчилери менен баарлашуу токтошу мүмкүн экендигин билдирди.

"Акыркы жыйырма жыл аралыгында дайым өз кадыр-баркыбыз менен иш алпардык. Бирок Батышта тышкы саясатка жооп берген адамдар өз ара сый сакталган сүйлөшүүнүн зарылдыгын түшүнбөй жатышат. Балким биз кайсы бир убакытка чейин алар менен сүйлөшүүнү токтотууга тийишпиз. Еврокомиссиянын төрагасы Урсул фон дер Ляйен азыркы россиялык бийлик менен геосаясий өнөктөштүк ишке ашпай жатканын билдирүүдө. Эгер алар ушуну кааласа, дал ошондой болсун", – деди С.Лавров. РФтин тышкы иштер министринин бул билдирүүсүнүн тегерегиндеги Петр Акоповдун макаласы РИА Новости агенттигинин сайтына жарыяланган.

Урсул фон дер Ляйендин жакындагы эле "Россия азыркы жетекчилиги менен Европа биримдигинин геосаясий өнөктөшү макамын калыптандыра алат деген куру кыялдан арылган оң" дегенин ал "Еврокомиссиянын расмий өкүлүнүн өз оозунан чыккан өтө олуттуу билдирүү" деп атады.

Лавров ЕБдин Россияга киргизген санкцияларына АКШнын катыштыгын айтты

Европага Россиянын жетекчилиги, болгондо да европалыктардын көз карашы боюнча натуура ички саясатты жүргүзгөнү ("Навальныйды ууландырганы"), Европанын ички саясатына кийлигишкени ("бундестагдын серверин талкалаганы"), анан да дегеле ойрондотуучу маанайда экени менен жакпайт. Башкача айтканда, Европа өзү мамлекеттик кызыкчылыктарды жана мамлекеттер аралык мамилелерди россиялык бийликке койгон дооматтарга алмаштырып, жеке асылууга өтүүдө. Анан калса, ошол дооматтары Европанын өзүн Россиядан артык санаганын айгинелеп турат.

Сый жана теңата сүйлөшкүңөр келбесе, анда дегеле баарлашпай коелу деген тейде Сергей Лавров "Валдай" клубунун докладынын бет ачарында айтып, кийин үч россиялык радиостанцияга, анын ичинде "Спутник" радиосуна берген маегинде ушул оюн улаган.

Журналисттер ал билдирүүсүн "Кандайча сүйлөшпөй калабыз?" деп такташканында Лавров: "Кеп жогортон да эмес, теңине албай караган Евробиримдик менен деги эле бизнес болуп-болбогонунда. Бул биримдик өз оюнда биз кетирген "күнөөлөрдүн" баарына жооп берүүнү талап кылууда... Менимче, биз аларга отчет берүүгө тийиш эмеспиз", – деп жооп кайтарды.

Ошону менен бирге эле мында сөз экономикалык мамилелерде эмес, алардын бузуларына Лавров ишенбейт. Кеп жеке эле россиялык-европалык гана эмес, жалпы эл аралык иштерге, анын ичинде маанилүү кризистик жерлерге тиешелүү саясий диалогдо.

Лавров: Беларустагы конституциялык реформаны колдойбуз

Андай диалогду Россия, албетте, айрым европалык өлкөлөр менен сактап калат, бирок Европа биримдиги менен аны жүргүзүүдөн баш тартышы ыктымал. "Евробиримдиктин геосаясий өнөктөшү болууга жарай элексиңер дегендей ойдо болуп жатышпайбы. Чуркап, кемсинүү бизге туура келбейт. Менимче, Батыш бизге эмне дейт экен деп улам кылчактап туруунун кереги жок", – дейт Лавров.

Россия дүйнөлүк аренада гана тургай, андан алда канча маанилүүсү – өз үйүндө да суверенитетин толук калыптандыра алды. Өлкөдө тартипти жана бийликтин вертикалын орнотууда гана эмес, кеп – дүйнөгө, анын ичинде геосаясий көз карашынын өз алдынчалыгын кайтара алганында. Лавровдун айтымында, өлкөнүн тышкы саясатын тескеген адамдар улуттук кызыкчылыктарга гана эмес, акыл калчап, аларды тарых жана салт-санаа, баалуулуктар жана тажрыйбага таянуу менен өз алдынча түзөт. Дал ушул нерсе – улуу державанын эле түгүл, өз алдынча өлкөнүн негизги белгиси.

Ал эми "Россия катуу кетпей, өз кызыкчылыктарын начар аныктоодо" дегендей айыптарга Лавров: "Биздин позиция баары бир эл аралык укуктун алкагында калууга тийиш" – деп жооп берди.

Дүйнө башынан өткөрүп жаткан терең трансформация, күчтөрдүн глобалдык балансынын кайра бөлүштүрүлүшү "демократиялуураак, көп полярдуу дүйнөнүн түзүлүшүнүн объективдүү процесси" болуп саналарын белгиледи РФтин тышкы иштер министри. Анын пикиринде, бул бүтүндөй доорго, тагыраак, далай он жылдыктарга созулат. Бирок дал ушул маалда авантюра кылып башкаларга өз эркин таңуулоого тырышпай, татаал, көп деңгээлдеги оюнду жүргүзүү маанилүү.

"Бизди тайсалдатууга, Россия Федерациясын бардык жана ойго келген бардык чөйрөдө ыплас атаандаштык, мыйзамга сыйбаган санкциялар жана ошого окшогон кадамдар менен эле эмес, чек араларыбыздын айланасындагы кырдаалдагы тең салмактуулукту бузуп, жаратмандык иштерге басым жасообузга мүмкүндүк бербеген аракеттери алардын ниетин ачык көрсөтүп турат.

Лавров Карабахтагы абалды турукташтыруучу шарттарды атады

Сергей Лавровду да, Владимир Путинди да геосаясий чабал оюнчулар деп да, реалдуулуктан тайган кыялкечтер, тактикалык айлакерлер деп атоого болбойт. Алар Россияга дүйнөдөгү ордун кайтара турган тышкы саясий ишти өжөрлүк менен жүргүзүп келишет. Россиянын эл аралык аренадагы азыркы салмагы бир кыйла өстү, анткен менен бул Лавровдун да, Путиндин да башын айландыра алган жок.

Баары өз мүмкүнчүлүктөрүн даана баалай билүүдөн башталат. Өз кадыр-баркыңды сезе билүү өзүңдү жана өз күчүңдү туюп, сага чейинкилер басып өткөн жолду эстен чыгарбай, тагдыр койгон максатты көздөөгө негизделген. Бул адамдарга да, державаларга да тиешелүү.

232
Белгилер:
лидер, саясат, Европа, Владимир Путин, Россия, Сергей Лавров
Тема боюнча
"Капканга түштү". Карабахтагы кагылышуу эмнеге басылбай жатат
Коронавируска кабылган баланы дарылоо. Архивдик сүрөт

Дарыгер коронавируска кабылган балдарды дарылоонун өзгөчөлүктөрүн айтты

6
(жаңыланган 10:14 29.10.2020)
Эгер бала коронавирустун жеңил формасына кабылса, анда аны үйрүлүп түшүп дарылоонун кажети жок. Жеңил тамак белендеп, суюктукту көп берип, тынч жаткырыш керек.

БИШКЕК, 29-окт. — Sputnik. Россиянын медицина илимдеринин кандидаты Ирина Добрецова балдарда коронавирус кандай өтөрүн жана аны дарылоонун өзгөчөлүктөрүн айтып берди. Бул тууралуу "Известия" басылмасы жазды.

Дарыгердин айтымында, балдар ооруну чоңдорго салыштырмалуу жеңил көтөрүшөт.

Эгер бала коронавирустун жеңил формасына кабылса, анда аны үйрүлүп түшүп дарылоонун кажети жок. Жеңил тамак белендеп, суюктукту көп берип, тынч жаткырыш керек.

"Мага келген бейтаптардын көбүндө эле оору жеңил формада өтөт. Кадимки сасык тумоо сыяктуу. Качан гана тест тапшырганда алардан коронавирус табылчу. Алы кетет, тамакка табити тартпай, бир аз жөтөл байкалат", — деди Добрецова.

Медик балдарда коронавирус менен сасык тумоону айырмалай билүү татаал деп эсептейт. Ошондуктан тест тапшыртуу зарыл.

Добрецова вирус ооруларынан оолак болуш үчүн бөбөктөрдү сасык тумоого каршы эмдетип коюуну сунуштады.

Коронавирустан коргой турчу витаминдүү азыктар тизмектелди

Дарыгер эмчектеги наристелер арасында коронавирус өтө аз кездеше турганын кошумчалады.

"Эмчектеги наристени алып келген учур дээрлик катталган эмес. Бул жерде энесинин иммунитетинен да көп нерсе көз каранды. Эгер анын иммунитети жакшы болсо, бир жашка чыккычакты анын антителосу баланы көп инфекциядан коргойт", — деди дарыгер.

Эң башкысы, баланы көпчүлүккө алып чыкпай, дос, тааныштарга да көрсөтпөй туруу зарыл экени белгиленди.

6
Белгилер:
дарылоо, белги, оору, бала, коронавирус
Тема:
Дүйнөгө жайылган коронавирус
Тема боюнча
Коронавирустан коргой турчу витаминдүү азыктар тизмектелди
Эт жей албай... Коронавирустан айыккандар дарттын өзгөчө белгилерин аташты
Ил-80 (Ил-86 ВКП) учагы. Архивдик сүрөт

Россияга "кыямат күндүн учагын" кайра жасоонун эмне зарылдыгы бар?

18
(жаңыланган 10:03 29.10.2020)
РФ Куралдуу күчтөрү жакын арада Ил-96-400М ыраак магистралдык лайнердин негизиндеги сооттолгон, жогорку технологиялык жаңы аба пунктуларына ээ болмокчу. Батышта мындай машиналарды "кыямат күндүн учагы" деп коюшат.

Үчүнчү дүйнөлүк согуш тутанып кете турган болсо РФтин жогорку аскердик жана саясий жетекчилиги коргонууну уюштуруп, жерде, деңизде жана көктөгү күчтөрдү "учуучу штабдардын" бортунан тескейт.

Бул типтеги учактар ушу тапта болгону эки мамлекетте — Россия жана АКШда гана бар. Бул машиналардын өзгөчөлүктөрү жана милдеттери тууралуу РИА Новости сайтына жарыяланган Андрей Коцтун материалынан окуңуздар.

Командачылыкты сактап калуу

Өзөктүк державалардын ортосундагы мамиле болушунча курчуду. Дипломаттар туңгуюкка кептелди, тараптар элчилерин чакыртып алышты. Куралдуу күчтөр тыкыр даярдыкта.

"Жеңил жагдай". АКШ эмнеликтен Баку менен Ереванды элдештире алган жок?

Стратегиялык бомбалоочу учактар абага көтөрүлүп, баллистикалык ракеталар жүктөлгөн суу түбүндөгү атомдук кайыктар океанга сүңгүүдө, жылуучу грунттук ракеталык комплекстер аскердик күзөт багыттарына карай жакындоодо. Дүйнө үчүнчү дүйнөлүк согуш болуп кетпегей эле деп санааркап турат.

Кудай жалгап мындай сценарий азырынча фантастика гана. Россияда да, АКШда да толук масштабдуу согуш өзөктүк согушка өтүп, он миллиондогон курмандыкка алып келиши мүмкүн экенин жакшы билишет.

Бирок аскерлер дайым эң жаман жагдайга дайым даяр турушат. Эки тарап тең андай чатакта биринчи сокку душманды башчысыз калтырат, күчтөрдү башкаруу жана кандайдыр бир тирешти уюштурууга мүмкүнчүлүгүнөн ажыратат. Негизги бута — аскердик жана саясий борборлор.

Коркунуч жаралган убакта Россиянын жетекчилиги жана Куралдуу күчтөрдүн жогорку командалык курамын катаал купуялуулук шартында аскердик аэродромго көчүрүшөт. Анда аларды канаттуу командалык пунктулар күтөт.

Путин мамлекеттин күчү эмнеде экенин айтты. РФ лидеринин "Валдай" клубундагы сөзү

"Кыямат күндүн учагынын" экипажынын негизги милдети — мамлекеттин биринчи өкүлдөрүн соккудан сактап, өлкөнүн коргоо тутумун абадан башкарууга мүмкүнчүлүк түзүү.

Бул командалык пунктулардын аскердик туруктуулугун коштоочу истребителдерин жана танкер-май куюучулар камсыз кылат. Ушундай эле тактика Кошмо Штаттарда да кансыз согуш доорунда эле иштелип чыккан.

Көп күттүргөн "орун басар"

Россиянын Куралдуу космостук аба күчтөрүндө Ил-86 жүргүнчү лайнеринин негизинде курулган Ил – 80 "кыямат күндүн учагы" бар. Күчтүү энергоорнотмо, заманбап байланыш каражаты, жашоону колдоо тутуму кошумча май куюу менен абада бир нече күн өткөрүүгө мүмкүндүк түзөт.

Өзүнөн мурдагы жарандык түрүнөн Ил-80 бийик "чекеси" — ар кыл радиоэлектрондук жабдуулар жайгаштырылган фюзеляждын маңдайындагы үстүңкү ири бөлүгү менен айырмаланат. Андан сырткары, экипаж жана жүргүнчүлөрдүн көздөрү жакынкы өзөктүк жардыруудан жабыркабашы үчүн Ил-80дин иллюминатору жок. Куйрук бөлүгүндө суу түбүндөгү кайыктар менен байланыш үчүн кое берүүчү тростук антенна орнотулган.

"Оңой менен кыйрабайт": Түндүктө америкалыктар бункерге кайтууда

Ил-80 боюнча кеңири маалыматтар мамлекеттик сыр болуп саналат. Тек гана бортунда Куралдуу күчтөрдүн бардык түрлөрү жана типтерин башкаруу үчүн аппаратура, жогорку кызматтагы жүргүнчүлөрдүн иштөө жана эс алуусу үчүн жайлар каралып, күйүүчү майдын кору үчүн кошумча идиштер коюлган.

Учак каалаган жарандык жана аскердик аэродромдон учуп чыга алат. Жапырт кыйратуучу куралдан коргонуу каражаттары менен жабдылган. Жер үстүндөгү жана ретрансляция, байланыш жана навигация жабдыктары кыйратылган учурда автономдуу иштей алат.

Бирок Ил-80 куралдуу күчтөрдө 15 жылдан бери пайдаланылып келет, өз ресурсунун басымдуу бөлүгүн иштеп чыккан. Мындан тышкары, Ил-86 — орто магистралдык болуп саналышат. Алардын иш ыраактыгы — болгону 3800 чакырым, бул башкаруунун абадагы пункту үчүн жетиштүү эмес. Ошол себептен "кыямат күндүн жаңы учагы" үчүн Ил-96-400М негиз катары тандалганы өзүн актады. Оор жүктөнгөн учурда да бул машина тогуз миң чакырымдын тегерегиндеги ыраактыкка уча алат.

Өз ара сый диалогго чакырып... Европалыктар Россияны сыйлоого аргасыз

"Учуучу отелдер"

АКШнын Куралдуу күчтөрүнүн Boeing-747 авиалайнеринин негизинде түзүлгөн төрт E-4B Nightwatch учагы бар. Ар бири бортуна 100дөн киши алып, улам кошумча май куюулуп турганда абада бир жумага дейре кармала алат.

Е-4B өзөктүк жарылуунун кыйратуучу факторлорунан корголуп, эң заманбап радиоэлектрондук жабдык менен корголгон.

Негизи америкалык "кыямат күндүн учагы" — бул учуучу отель. Анын бир нече күн аралыгында автономдуу иштеши үчүн тийиштүү нерсенин баары — ашкана, санитардык түйүндөр, эс алуу аймагы, уктоочу кубрик (бөлмө), стол жана тогуз креслосу бар жыйын бөлмөсү, 29 жумуш орундуу коммуникация менен байланыш зонасы жана башка бөлмөлөр бар.

Интерьер ыңгайлуулугу, ал эми жабдуусу жогорку эргономикасы менен айырмаланат. Балким ошол себептен АКШнын биринчи өкүлдөрү узак жолго жана бөлөк өлкөлөргө расмий сапарга чыкканда классикалык президенттик Air Force One бортторунун ордуна E-4B учагын маал-маалы менен тандашат.

E-4B учактары россиялык Ил-80ден алда канча улуу. Алар 1970-жылдары эле пайдаланууга берилген. Анткен менен алар улам заманга бапташтырылып турат.

2015-жылы борттордун бир бөлүгү коммуникациялык жабдуунун кайра программаланышынан жана коммуникациялык жабдуу жол-жобосунан өткөн.

Европа Россияга каршы жаңы санкциялардын азабын тартабы?

Учактар ыкчам ылдамдыктагы интернетке, кеңири сызыктуу спутник байланышына туташтырылган, ошондой эле жогорку өткөрүү жөндөмдүүлүктөгү атайын корголгон каналдарга ээ. E-4B ыраактыгы — 11 миң чакырым.

Андан сырткары, америкалыктардын суу түбүндөгү стратегиялык атомдук кайыктары бар резервдик тутумун камсыздандырууга багытталган, ошондой эле Кошмо Штаттардын Куралдуу күчтөрүнүн командалык аба пункту катары пайдалануу үчүн 16 E-6 учагы бар.

Кокус согуш тутанып кетсе, бул машиналар суу алдындагы кайыктар жана "кыямат күндүн учактары" менен байланышта болуу менен Атлантика жана Тынч океан аймактарында аскердик күзөткө чыгышат.

18
Белгилер:
согуш, ракета, АКШ, ылдамдык, Россия, учак
Тема боюнча
Ту-154түн Россияда элди акыркы ирет ташыган видеосу. КРдеги №1 борт да ушундай
Казакбаев: Россия Кыргызстандын союздашы болуп келген жана боло берет
Медициналык кызматкер иш учурунда

COVID: инфекция жуктургандардын ичинен 93 адам өтө оор абалда жатат

0
(жаңыланган 10:18 29.10.2020)
Кыргызстан боюнча акыркы суткада коронавирустан бир адам каза таап, 522 киши инфекцияга чалдыккан.

БИШКЕК, 29-окт. — Sputnik. Кыргызстанда акыркы маалымат боюнча ооруканаларда коронавирусту жуктурган 3 444 бейтап дарыланып жатса, алардын ичинен 93 кишинин абалы оор бойдон калууда. Бул туурасында Республикалык штабдан кабарлашты.

Дарыланып жаткан ноокастарды карай келгенде, төмөнкүдөй:

  • 77 адам — канааттандыраарлык абалда;
  • 2396 бейтап — орто оордукта;
  • 878 бейтап — оор абалда;
  • 93 бейтап — өтө оор абалда.

Ал эми COVID жуктуруп алып, үйдөн дарыланып жаткандар 3 580 адам экени айтылды.

Кыргызстан боюнча акыркы суткада коронавирустан бир адам каза таап, 522 киши инфекцияга чалдыккан.

0
Белгилер:
өлүм, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Оштогу жаңы оорукана ноябрдан тарта COVID жуктургандарды дарылай баштайт. Фото