Кан анализин алып жаткан медицина кызматкери. Архив

Каны кайсы топко кирген адамдар коронавирустун алдында алсыз болот? Изилдөө

896
Даниялык адистер коронавируска анализ тапшырган 473 000 кишинин маалыматын салыштырып көргөн. Тесттин жыйынтыгы оң чыккандардын арасында каны биринчи топко кирген адамдар аз катталган.

БИШКЕК, 17-окт. — Sputnik. Каны биринчи топко (AB0) кирген адамдарда коронавирус жуктуруп алуу тобокелчилиги төмөн. Оорунун өтүшү да канга байланыштуу. Бул тууралуу РИА Новости Blood Advances журналына жарыяланган изилдөөлөргө таянып кабарлады.

Даниялык адистер коронавируска анализ тапшырган 473 000 кишинин маалыматын салыштырып көрүшкөн. Тесттин жыйынтыгы оң чыккандардын арасында каны биринчи топко кирген адамдар аз катталган. Коронавирус аныкталгандардын көбү каны экинчи (А), үчүнчү (В) жана төртүнчү (АВ) топко киргендер болуп чыккан.

Окумуштуулардын айтымында, кандын биринчи тобунда организмге вирусту коё берген антиген эритроциттери жок.

Канаданын ооруканаларында коронавирус жуктуруп алып оор абалда жаткан 95 бейтапка дагы бир изилдөө жүргүзүлгөн. Анда каны экинчи жана төртүнчү топко киргендерде оору өтүшүп кетип, интенсивдүү терапияны жана өпкөнү жасалма дем алдырууну талап кылышы мүмкүн экени аныкталган.

Буга чейин Кытай, АКШ жана Ирандын окумуштуулары каны экинчи топко киргендер башкаларга салыштырмалуу көбүрөөк каза болот деген жыйынтыкка келишкен.

Дүйнөлүк уюм коронавирусту дарылоодо пайдасы жок дарыларды атады

Изилдөөгө ылайык, коронавирус жуктуруп алып көз жумгандардын арасында каны үчүнчү жана төртүнчү топко киргендер азыраак. Ал эми биринчи топко киргендер коронавируска бир топ туруштук бере алары аныкталган.

896
Белгилер:
оору, кан, изилдөө, коронавирус
Тема:
Дүйнөгө жайылган коронавирус (1095)
Тема боюнча
Коронавирустан ажал тапкандар. Өлүмгө кандын тобу да таасир этет
Ноутбукта иштеп жаткан аял. Архив

Россияда аралыктан иштесе да эң көп маяна төлөнө турчу кесиптер аталды

10
Веб-дизайнер жана программисттер үйүнөн отуруп иштесе да кеминде 100 миң рубль алары аныкталган.

БИШКЕК, 20-окт. — Sputnik. Россияда аралыктан иштөөгө ылайыкталган кесиптердин ичинен 1С боюнча программист-аналитиктер эң көп маяна алары белгилүү болду. Мындай кесиптин ээлери айына 270 миң рублге чейин табышат. Бул тууралуу РИА Новости Работа.ру порталынын иликтөөсүнө таянуу менен жазды.

Аталган суммадагы эмгек акы иш тажрыйбасы төрт жылдан кем эмес, маалыматтар базасын башкаруу системасы менен иштей алган, 1С конфигурациясынын жок дегенде бир түрүн билген кызматкерге төлөнөт.

Ал эми сырткы-экономикалык ишмердүүлүк боюнча долбоорлордо иштеген менеджерлерге 200 миң рублдан жогору сунушталат. Бул үчүн тажрыйбасы беш жылдан жогору, сүйлөшүүлөрдү жүргүзүү үчүн чет тилди билүүсү шарт.

Сберавто компаниясы Backend иштеп чыгуучуларга үйдө отуруп иштесе да айына 180 миң рубль маяна берет. Жумушка аларда үч жылдан кем эмес тажрыйбасына, Golang программалоо тилин билгенине жана Docker, Kubernetes программаларын колдоно аларына маани берет.

Forbes Конор Макгрегордун жылдык кирешесин жарыялады

Эки жылдык тажрыйбасы бар HTML5 жана CSS3 системасын билген Html-макет дизайнери (Senior) айына 140 миң рубль таба алат.

Ошондой эле веб-дизайн жасоону үйрөтүү курсунда иштеген мугалимдерге 100 миң рубль төлөп беришет.

10
Белгилер:
жумуш, программа, Россия, маяна
Тема боюнча
Россиялыктар 64 млн. рубль маянага дем алышсыз иштөөгө даяр
Жумушсуз жүргөндөр министрликтин сайтына катталып, иш тапса болот
Катуу суукта бараткан беткапчан аял. Архивдик сүрөт

Академик: COVID-19 катуу суук түшкөндө басаңдайт

24
Адистин айтымында, коронавирус аба аркылуу жуккан башка илдеттер сыяктуу эле жыл мезгилинен көз каранды. Жаан-чачын башталып, нымдуу учурда көбөйүп, күн катуу сууктаганда басаңдайт.

БИШКЕК, 20-окт. — Sputnik. COVID-19 кыш келип, күндүн суукташы менен басаңдайт. Бул тууралуу Россиянын Илимдер академиясынын академиги, профессор Михаил Пальцев "Известия" басылмасына билдирди.

"Коронавирус аба аркылуу жуккан башка илдеттер сыяктуу эле жыл мезгилинен көз каранды. Жаан-чачын башталып, нымдуу учурда көбөйүп, күн катуу сууктаганда басаңдайт. Келерки жазда дагы бир жайылып барып анан жоголот деп божомолдоп жатабыз. Бирок жазда азыркыдай күчтүү болбойт", — деди Пальцев.

Адис учурда коронавирус өтө күчөп турган чагы экенин эске салып, бет кап тагынуу, аралыкты сактоо, иммунитетти бекемдөө сыяктуу эрежелерди сактоого чакырат.

24
Белгилер:
адистер, прогноз, кыш, коронавирус
Тема:
Дүйнөгө жайылган коронавирус (1095)
Тема боюнча
Ооруган балдар көбөйүүдө. Бишкекте окуучулар I чейректи онлайн окуп бүтүрөт