Европа биримдигинин желеги. Архив

Европа Россияга каршы жаңы санкциялардын азабын тартабы?

305
(жаңыланган 11:13 18.10.2020)
Брюсселде өтүп жаткан Евробиримдиктин саммити Алексей Навальныйдын ишинин айынан Россияга карата санкцияларды жарыялады.

Россиялык атайын кызматтардын, Коргоо министрлигинин, президенттик администрациянын, ошондой эле Органикалык химия жана технологиянын мамлекеттик илим-изилдөө институтунун – жалпы алты жогорку өкүлү жаңы кара тизмеге кирген. Маалымат булактар бул адамдар "ууландыруудан кабардар болушкан же аны пландоого аралашкан" дешет. Бул туурасында серепчи Ирина Алкснистин ой толгоосу РИА Новости сайтына жарыяланган.

Европа биримдигине ынана турган болсок, Россия мамлекети эл көп топтолгон жерлерде химиялык курал колдонуу менен саясий өңүттө киши өлтүрүүлөр (же кол салуу) менен алектенип жаткан имиш. Мындай аракет, европалыктардын пикири боюнча, активдерди тоңдуруу жана катыштыгы болушу мүмкүн делген россиялык аткаминерлерге Европа аймагына кирүүгө тыюу салуу менен жазалануусу абзел.

"Новичок" баяны: Навальный эмнеге немецтер менен оюн курууда?

Бул окуялардын демилгечиси жана кыймылдаткыч күчү болгон Берлин "Москва менен жакшы же куру дегенде акылга сыя турган мамиледе" болууга кызыкдар. Анткени ФРГ тышкы иштер министри Хайко Маастын айтымында, окуялар "географияны өзгөртпөйт", ал эми анын өлкөсүн "соода жана илим алмашуу менен жашайт".

Бир караганда бул кызыктай көрүнөр, бирок Европа биримдиги бүгүнкү чечими менен Россияга тирешүүгө чындап эле сапаттуу жаңы мүнөз берди. Муну түшүнүү үчүн жакындагы эле тарыхка бир кылчаюу керек.

Азыркы эпизод – Батыш менен Россиянын ортосундагы мамиленин үчүнчү ирет кескин курчушу. Биринчиси 2014-2015-жылдары ошондогу чоң окуяларга байланыштуу болгон. Экинчиси 2018-жылы Скрипалдардын иши боюнча эле. Эми Навальный көңүл чордонунда турган окуя мындай көрүнүштөргө себеп болууда.

Бул процесстердин уюштуруучусу жана кыймылдаткычы катары улам башка бир держава чыгат. 2010-жыл ортолоп калган кездеги окуяларда багыттоочу күчтү АКШ аткарган эле. Ошол убакта Россияга кысым кылуу боюнча ири кампанияны дал ушул мамлекет тескеген. Өз кезегинде Скрипаль менен болгон жаңжал толугу менен Улуу Британия тарабынан демилгеленген.

Саясат таануучу: Трамптын Навальный жөнүндөгү "чуулуу окуяга" аралашкысы жок

Бул эки жолку окуяда тең континенталдык Европа жетелеме күч катары эле. Америкалыктардын аракети ишке ашты десек болот, дал Евробиримдикти тармактык санкциялар жана россиялык контрсанкцияларды алмашуунун жыйынтыгында өтө олуттуу зыян тарткан. Муну болжоого да болот эле, анткени Россия Европа биримдиги үчүн Кошмо Штаттар же Бириккен королдуктан көрө маанилүү экономикалык өнөктөш эмеспи.

Европа ошол кесепети оор тажрыйбадан сабак алып, азыркыга дейре уланып келе жаткан санкциялык согуштун маанисин тез эле кетирген.

Батыштагы антироссиялык кампания катуу күч алып турган маалда да Москванын тынчтандыруучу тышкы саясий риторикасы биринчи кезекте континенталдык Европага багытталганын болжоого болот. Ал Лондон же Вашингтондун колунда куралга айланып калуусуна жол бербөө үчүн европалык борбор калаалардын прагматизми жана акылга сыя турган ой жүгүртүүсүн ойготууга аракет эле. Алардын амалы аткарылды. Эми Европа, тагыраагы, Германия өз алдынча ошол эле картаны ойноону чечти.

Россия Германияга кол суна албайт. Учурдагы жагдайга сереп

Эгер АКШ жана Улуу Британия чындап эле сезимтал антироссиялык натыйжалуулукка таянышса, мында максат башкада экени айкын. Ошондуктан Россияны "жазалоо" кайрадан дал символикалык мүнөздө. Анткен менен эки тараптык мамилелердин объектиси – ушул тапта абдан баалуу жана бышыктала элек "Түндүк агым – 2" немецтер тарабынан кылдат корголуп, соккудан чыгарылууда. Бул комбинация менен Берлин, биротоло Париж жана Брюссель да "орус" темасын адатка айланган ыңгайлуу инструмент катары пайдалануу менен өздөрүнүн ички милдеттерин чечип жаткандай.

Химиялык курал пайдалануу жана саясий өңүттө киши өлтүрүүгө аракет кылууга айыпталган мамлекетти жазалоо катары кезеген сөөмөйү да өзүнчө таң калтырат. Европа ушундай чен коюу менен оюнга өз алдынча кирүүнү чечкен болсо, анда ага жооп берүүгө да даяр болууга тийиш. Себеби чоң саясатта европалык өнөктөштөр үчүн чыныгы сезимтал чаралар экономикалык рестрикциялардын чегинен тыш таралат. Алар дал ушундан буйтап өтүүгө аракет кылып жатышпайбы.

305
Белгилер:
Алексей Навальный, санкциялар, АКШ, Европа, Россия
Тема боюнча
Лавров ЕБдин Россияга киргизген санкцияларына АКШнын катыштыгын айтты
Учак. Архив

Кыргызстандан Россияга кантип кетсе болот? Эрежелер

23
(жаңыланган 16:43 25.10.2020)
Сүйлөшүлгөн тартипке ылайык, Россияга бара жатканда кыргызстандыктардын колунда ПЦР-тесттин "ооруган эмес" деген жыйынтыгы болушу шарт.

БИШКЕК, 25-окт. — Sputnik. "Аэрофлот" жана "Авиатрафик" авиакомпанияларынын учактары жумасына бир ирет Россияга каттап жатат. Бул тууралуу Мамлекеттик чек ара кызматынын расмий өкүлү Гүлмира Бөрүбаева билдирди.

Анын айтымында, аталган авиакомпаниялар аркылуу кыргызстандык каалоочулардын бардыгы Россияга бара алат.

Аталган өлкөгө баруунун дагы бир жолу — атайын уюштурулуп жаткан чартердик каттамдар. Алар менен төмөндөгүдөй кырдаалда кетсе болот:

  • Россиянын жараны болгон жакын тууганы (аялы/күйөөсү, балдары, ата-энеси) болсо;
  • медициналык кызматка муктаж болуп жатса (кабыл алуучу тараптын чакыруусу керек);
  • кандайдыр бир мамлекеттик программага катышып жатса;
  • Россияда туруктуу жашоого уруксаты болсо.

Казакстанга кирип-чыгуунун жол-жобосу

Сүйлөшүлгөн тартипке ылайык, Россияга бара жатканда кыргызстандыктардын колунда ПЦР-тесттин "ооруган эмес" деген жыйынтыгы болушу шарт. Ал аталган мамлекетке учканга үч күн калганда жасалышы керек.

23
Белгилер:
жол эрежеси, чек ара, каттам, Кыргызстан, Россия
Тема боюнча
Кыргызстандыктар чет өлкөлөргө кантип чыга алат. Жаңы эрежелер
Ирландиялык мушкер Конор Макгрегор. Архив

Макгрегор эзелки атаандашы Нурмагомедовдун Гэтжи менен беттеши боюнча үн катты

331
(жаңыланган 13:34 25.10.2020)
Эки жыл мурда ирландиялык мушкер россиялык Нурмагомедовго утулуп калган. Макгрегор ага көп ирет сын айтып жүрүп, кийинчерээк сый мамилеге өткөн.

БИШКЕК, 25-окт. — Sputnik. Ирландиялык мушкер Конор Макгрегор UFC 254 турниринин алкагындагы Хабиб Нурмагомедов менен Жастин Гэтжинин кармашын мыкты деп атады.

Бүгүн түнү Нурмагомедов каршылашын экинчи раундда муунтуу ыкмасы менен утуп, чемпиондук наамын сактап калды.

​"Мыкты кармаш. Мен сенин ишиңди улантам. Дагы бир ирет атаңа сый-урматымды билдирип, жакындарыңа жана сага көңүл айтам", — деп жазган Макгрегор Twitter баракчасына.

Нурмагомедов октагонго чыгарына үч жума калганда бутун сындырып алган

Эске салсак, 2018-жылы ирландиялык мушкер Нурмагомедовго утулуп калган. Анда дагы россиялык спортчу муунтуу ыкмасын колдонуп жеңип алган. Ошондон бери Макгрегор ага социалдык тармактан көп ирет сын айтып жүрүп, кийинчерээк сый мамилеге өткөн.

Хабиб бел курун сактап калгандан кийин бул анын акыркы кармашы болгонун жар салды. Бул убаданы апасына атасы Абдулманап Нурмагомедов каза болгондон кийин бергенин айтты.

331
Белгилер:
беттешүү, Конор Макгрегор, Жастин Гэтжи, Хабиб Нурмагомедов, UFC
Тема боюнча
Карьерасын жыйынтыктаган Нурмагомедов алдыдагы пландарын айтты
Ак үй. Архив

Садыр Жапаров: Ак үйдү оңдоого 450 млн. эмес, 10 эле млн. сом кетет

153
(жаңыланган 16:45 25.10.2020)
Буга чейин депутат Акылбек Жапаров Жогорку Кеңештин имаратын калыбына келтирүү үчүн 450 миллион сомго жакын каражат керектеле турганын айткан.

БИШКЕК, 25-окт. — Sputnik. Ак үйдү оңдоо иштерине 450 миллион сом кетет экен деген маалымат туура эмес. Бул тууралуу Садыр Жапаров Telegram каналы аркылуу билдирди.

Анын айтымында, 450 миллион сом — бул парламенттик шайлоого жумшалган каражат.

"450 миллион сом Ак үйдү оңдоого кетчү чыгым экен деп адашып айтып жатышат. Имаратты ремонттоого көп каражат кетпейт. Кыдырып баарын көрүп чыктым. 10 миллион сомго жетпеген каражат керектелет. Тапшырмаларды бердим. Жакын арада оңдоо иштери бүтөт", — деп жазды Жапаров.

Эске салсак, буга чейин парламенттин бюджет жана финансы комитетинин мүчөсү, премьер-министрдин коомдук башталыштагы кеңешчиси Акылбек Жапаров Жогорку Кеңештин имаратын калыбына келтирүү үчүн 450 миллион сомго жакын каражат керектеле турганын айткан.

153
Белгилер:
ремонт, Акылбек Жапаров, Ак үй, Садыр Жапаров
Тема:
Парламенттик шайлоодон кийинки окуялар
Тема боюнча
Депутат: Ак үйдү калыбына келтирүүгө 450 млн. сом керек