Ооруканадагы медицина кызматкери. Архив

COVID-19дан көз жумуу тобокелдигин алты эсе арттырган факторлор аталды. Изилдөө

8472
(жаңыланган 23:24 17.10.2020)
Окумуштуулар чычкандарды эки топко бөлүп, аларга грипп жана коронавирус инфекцияларын жуктуруп алып изилдөө жүргүзүп көрүшкөн.

БИШКЕК, 17-окт. — Sputnik. Грипптин артынан эле COVID-19 менен ооруган кишинин каза болуп калуу тобокелдиги алты эсе жогору болот деген пикирди Ливерпуль университетинин окумуштуулары айткан. Бул тууралуу РИА Новости жазды.

Маалыматта адистердин чычкандарга тажрыйба жасаганы баяндалган. Алар аталган жаныбарлардын биринчи тобуна коронавирус, экинчи тобуна COVID-19 жана грипп жуктуруп, сыноо жүргүзгөн.

Анын жыйынтыгында коронавирус жана сасык тумоо болгон чычкандардын тобунда оору беркилерге караганда оор өткөн.

Окумуштуулар коронавируска кабылуу коркунучун 5 эсе азайткан ыкма табышты

"Грипп жуктурган чычкандарда коронавирус улам кайталанып, катуу кабылдап кеткен реакция жүргөн. Бул адамдардагы COVID-19дун оор түрү", — деген изилдөөнүн авторлорунун бири Жеймс Стюарт.

Мында биринчи топтогу (коронавирус менен эле ооругандарга) чычкандарга караганда экинчилеринде оорудан болгон өлүм алты эсеге көп кездешкен.

Окумуштуулардын жыйынтыгына караганда, организмдеги бир нече патогендер алардын атаандашына алып келип, бул адамдын саламаттыгына өзүнүн терс таасирин тийгизет.

8472
Белгилер:
грипп, иликтөө, Окумуштуулар, коронавирус
Тема:
Дүйнөгө жайылган коронавирус (1111)
Тема боюнча
Каны кайсы топко кирген адамдар коронавирустун алдында алсыз болот? Изилдөө
Кыргызстандын тышкы иштер министри Руслан Казакбаев

Тышкы иштер министри Руслан Казакбаев Казакстанга барды

156
(жаңыланган 19:54 28.10.2020)
Жумушчу сапардын алкагында Руслан Казакбаев Казакстандын президенти Касым-Жомарт Токаев жана кесиптеши Мухтар Тлеуберди менен жолугат.

БИШКЕК, 28-окт. – Sputnik. Кыргызстандын тышкы иштер министри Руслан Казакбаев бүгүн, 28-октябрда, Казакстанга жумушчу сапары менен барды.

Сапардын алкагында Руслан Казакбаевдин Казакстандын президенти Касым-Жомарт Токаев жана кесиптеши Мухтар Тлеуберди менен жолугушуусу күтүлүүдө.

Мындан сырткары, Казакбаев Казакстандын бир катар мамлекеттик органдарынын жана коммерциялык уюмдарынын жетекчилери менен баарлашат.

“Эки тараптуу жолугушуу учурунда саясат, соода-экономикалык, маданий-гуманитардык, коопсуздук сферасы жана башка кызыкчылыктар талкууланат”, — деп айтылат маалыматта.

Эске салсак, буга чейин Руслан Казакбаев Россияга барып кесиптеши Сергей Лавров менен баарлашкан.

156
Белгилер:
Тышкы иштер министрлиги, Казакстан, Кыргызстан
Тема боюнча
Өкмөт Россиядан COVID-19га каршы вакцинаны алып келүү шартын караштырууда
ТИМ жетекчиси Казакбаев: өлкөдөгү башаламандыкка сырткы күчтөр да аралашты
Анталья шаарынын деңиз жээгиндеги турист. Архив

Түркия бийлиги жакын арада туристтер үчүн эшигин жабышы ыктымал

107
(жаңыланган 18:36 28.10.2020)
Мындан сырткары, өлкөдө адам көп чогулган массалык иш-чараларды да чектеп, дем алыш күндөрү коменданттык саат киргизүү пландалууда.

БИШКЕК, 28-окт. — Sputnik. Түркиянын өкмөтү туристтер үчүн эшигин жабышы ыктымал. Ошондой эле эл аралык сапарларга чектөө коюшу мүмкүн. Бул тууралуу Daily Hürriyet басылмасы жазды.

Билдирмеге ылайык, мындай кадам коронавирус жуктургандардын көбөйүп жатышы менен байланыштуу.

Басылма маалымдагандай, Түркия бийлиги саякаттап жүргөндөргө өзүнчө, жергиликтүү жашоочуларга өзүнчө жаңы чараларды иштеп чыга баштады. Алар ноябрь жана декабрь айларында киргизилет. Чектөөлөр биринчи кезекте ири туристтик борборлорго жана Стамбул шаарларына тиешелүү болмокчу.

Мындан сырткары, адам көп чогулган массалык иш-чараларды да чектеп, дем алыш күндөрү комендаттык саат киргизүү пландалууда.

Исмаилова: өлкөдө коронавирустун экинчи толкуну башталды

Жаңы чаралардын киргизүү маселеси өлкөнүн Саламаттык сактоо министрлигине караштуу илимий кеңештин жыйынында талкууланат. Ал 28-октябрга белгиленген.

107
Белгилер:
турист, чектөө, коронавирус, Түркия
Тема:
Дүйнөгө жайылган коронавирус (1111)
Тема боюнча
Келерки жылы Түркияда эс алуу кымбатташы мүмкүн. Себеби
ПЦР-тест кайсы өлкөдө канча турат
ӨКМ кызматкерлери. Архив

Токмоктун базарында чыккан өрттү толугу менен өчүрүштү

0
(жаңыланган 00:22 29.10.2020)
Токмоктун базарындагы дүкөндөн чыккан жалынды өрт өчүрүүчүлөр болжол менен эки сааттан ашык алышып жатып өчүрүшкөн.

БИШКЕК, 29-окт. — Sputnik. Токмоктогу "Булак" базарынын аймагында эт саткан дүкөндөн чыккан өрттү үч бригада өчүрдү. Бул тууралуу ӨКМдин маалымат кызматынан кабарлашты.

"Тилсиз жоо алгач чектөөгө алынып, андан кийин толугу менен саат 23:29да өчүрүлдү", — деп билдирди маалымат кызматы.

Эске салсак, ӨКМге Токмок шаарынын базарындагы дүкөндөрдүн биринен чыккан тилсиз жоо тууралуу маалымат 19:12де түшүп, ал жерге үч бригада жөнөп кеткени кабарланган.

Министрликтен кырсыктан жабыркагандар жок экендигин айтышты. Өрттүн жалпы аянты болжол менен 600 чарчы метрге жеткен. 

0
Белгилер:
видео, өрт, базар, Токмок, Кыргызстан
Тема боюнча
Ош шаарындагы өрт: эки киши ооруканага түштү