Бишкектеги элдик кошуун 8 октябрь түнү. Архивдик сүрөт

Лукашенко КРдеги элдик кошуунга суктанып, Беларуста да түзүүнү тапшырды. Видео

454
(жаңыланган 16:52 30.10.2020)
Беларусь лидери күч түзүмдөрүнө Кыргызстандагы башаламандык учурунда элдик кошуундар коомдук тартипти жөнгө салганын мисал келтирди.

БИШКЕК, 30-окт. — Sputnik. Беларусь Республикасынын президенти Александр Лукашенко үч айдан бери токтобой жаткан нааразычылык акциясынан улам күч түзүмдөрүнө көмөктөшүү үчүн элдик кошуундарды түзүү зарылчылыгы жаралганын билдирди.

Ал Кыргызстандагы башаламандык учурунда укук коргоо органдары эмес, элдик кошуундар коомдук тартипти иретке келтиргенин кол алдындагыларга мисал келтирди.

Беларусь президентинин билдирүүсү мамлекет башчынын расмий сайтына жарыяланган.

"Кыргызстанда кандай болгонун көрдүңөрбү? Анык хаос, бардык күч түзүмдөрү качып кеткен, өлкөнү коргоого эч ким калган эмес. Бул учурда ким жоопкерчиликти өзүнө алды? Элдик кошуундар. Алар качып кеткен милиционерлерди, атайын кызматты жана аскерлерди өзүнүн катарына тартты. Ошентип аябай күчтүү элдик кошуун түзүштү. Натыйжада бир сутканын аралыгында бардык башаламандыкты токтото алышты", — деди Лукашенко.

Лукашенко президенттиктен кетүүнү сунуштаган Макронго жооп кайтарды

Мындан улам ал Беларуста дагы элдик кошуундарды түзүп, аларды мурда күч түзүмдөрүндө иштеген аскерлер менен күчтөндүрүү керектигин белгиледи.

Лукашенко мындай тапшырманы жаңы кадрдык дайындоолор боюнча жарыялап жатып берген. 

Кечээ Беларустун ички иштер министри Юрий Караев ээлеген ордунан бошотулуп, анын ордуна мурда Минск шаардык аткаруу комитетин жетектеп келген Иван Кубраков дайындаган.

454
Белгилер:
Күч түзүмдөрү, Кыргызстан, элдик кошуун, тапшырма, Александр Лукашенко
Тема боюнча
Беларусь түстүү революцияны жок кылабы? Саресеп
Кыргыз жоокерлери Беларустагы ЖККУнун аскердик машыгуусуна барбайт
Портфель менен киши. Архив

Беш кредитор Кыргызстандын карызын төлөө мөөнөтүн жылдырып берди. Тизме

169
(жаңыланган 23:57 27.11.2020)
Өлкө бийлиги тышкы карызды тейлөө боюнча бир катар мамлекеттер менен мөөнөттү жылдыруу боюнча сүйлөшүүлөрдү жүргүзүп жатат.

БИШКЕК, 27-ноя. — Sputnik. Кыргызстандын тышкы карызын тейлөө мөөнөтүн жылдыруу боюнча беш мамлекет менен макулдашуулар болду. Бул тууралуу Sputnik Кыргызстан агенттигине Финансы министрлигинен билдиришти.

"Бүгүнкү күндө нөл пайыздык чен менен карыздарды төлөп берүү мөөнөтүн жылдыруу боюнча беш кредитор менен макулдаштык. Алар: БАЭ, Сауд Аравиясы, Германия (KfW, Euler Hermes) жана Түркия”, — деп айтылат билдирүүдө.

Пролонгация кылынган каражаттын көлөмү 51 миллион долларга жетти. Аны мамлекет төрт жылдын ичинде кутулушу керек.

Дагы алты кредитор, анын ичинен Париж клубунун мүчөлөрү (Франция, Дания, Түштүк Корея, Япония) менен дагы сүйлөшүүлөр уланып жатат.

Эске салсак, Кыргызстандын мамлекеттик карызы 4,8 миллиард доллардан жогору. Анын ичинен дээрлик 4,2 миллиарды тышкы карызга туура келет.

169
Белгилер:
Тышкы карыз, Финансы министрлиги, Кыргызстан
Тема боюнча
КР экономикасын 2021-жылы эмне күтүп турат? ЕАБРдин сценарийи
Кытай карыз төлөө мөөнөтүн узартууга макул болуп, кошумча 3 млрд. сом сурады
Министрлик тышкы карызды төлөөнүн жолун айтып, ачылган эсепти жарыялады
Беларусь президенти Александр Лукашенко

Лукашенко жаңы Конституция кабыл алынганда президент болбой турганын жар салды

189
(жаңыланган 19:50 27.11.2020)
Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

БИШКЕК, 27-ноя. — Sputnik. Беларусь президенти Александр Лукашенко жаңы Конституция кабыл алынгандан кийин өлкө башчысы болбой турганын жар салды. Бул тууралуу БелТА агенттиги жазды.

"Конституцияны өзүмө ылайыктаган жокмун. Жаңы Баш мыйзам кабыл алынса, мен силердин президентиңер болуп иштебейм. Ошондуктан муну жеңил кабыл алып, тынч болгула", — деген президент.

Ал шайлоонун жыйынтыгын кимдир бирөөнүн жасалмалоосуна жол бербей турганын айтып, ошол себептен жаңы Баш мыйзамды өзгөртүүнү колдоп жатканын айткан.

"Мен жаңы Баш мыйзамдын тарапташымын. Себеби азыркы иштеп жаткан Конституцияны "белгисиз президенттин" колуна карматканга болбойт", — деген ал.

Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

189
Белгилер:
өзгөртүүлөр, конституция, Александр Лукашенко, Беларусь
Тема:
Беларустагы нааразылык акциялары
Тема боюнча
Жапаров референдумга Конституция эмес, башка маселени алып чыгууну сунуштады
Лавров: Беларустагы конституциялык реформаны колдойбуз
УКМКнын төрагасынын мурдагы орун басары Дүйшөнбек Чоткараев. Архив

УКМК төрагасынын мурдагы орун басары алтын аткезчилиги боюнча суракка чакырылды

0
(жаңыланган 23:02 27.11.2020)
Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

БИШКЕК, 27-ноя. — Sputnik. УКМКнын төрагасынын мурдагы орун басары Дүйшөнбек Чоткараев УКМКга алтын аткезчилиги боюнча тергөө амалдарына катышуу үчүн чакырылды. Бул тууралуу аталган комитеттен билдиришти.

Маалыматка караганда, иштин чоо-жайы тууралуу тергөө амалдарынан кийин айтылат.

Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

Учурда ал президенттикке талапкерлердин бири Абдил Сегизбаевдин штабын координациялап жатат.

0
Белгилер:
аткезчилик, алтын, Дүйшөнбек Чоткараев, УКМК
Тема боюнча
УКМК төрагасы Камчыбек Ташиев ооруканага түштү
УКМК башчысы Матраимовдун өкүл баласын кабыл алды. Видео