Бир пайыздык чек. Грузия парламентине 7 партия жана эки блок өттү

© Sputnik / Стрингер / Медиабанкка өтүүГрузиядагы парламенттик шайлоо
Грузиядагы парламенттик шайлоо - Sputnik Кыргызстан
Жазылуу
Грузиянын Борбордук шайлоо комиссиясы 2020-жылдагы парламенттик шайлоодогу добуштардын дээрлик баарын эсептеп чыкты.

БИШКЕК, 1-ноя. — Sputnik. Жети партия жана эки блок Грузиянын парламентине өтөт. Мындай тыянак БШК өлкөдөгү 3 843 шайлоо участогундагы (99,9 пайыз) добуштарды эсептеп чыккандан кийин берген маалыматында айтылганын Sputnik Грузия жазды.

БШКнын маалыматына ылайык, парламентке учурдагы башкаруучу "Грузинская мечта - демократическая Грузия" (48,15%) партиясы жана курамына мурдагы башкаруучу "Единое национальное движение" партиясы кирген "Сила в единстве" оппозициялык блогу (27,13%) өтөт.

Мындан сырткары, бир пайыздык чекти төмөнкү субъектилер ашып өтө алышты:

  • "Европейская Грузия" (Давид Бакрадзе) – 3,78 пайыз;
  • "Лело для Грузии" (Мамука Хазарадзе) – 3,16 пайыз;
  • "Альянс Патриотов" (Ирма Инашвили) – 3,15 пайыз;
  • "Георгий Вашадзе - Стратегия Агмашенебели" – 3,15 пайыз;
  • "Гирчи" (Зураб Джапаридзе) – 2,89 пайыз;
  • "Граждане" (Алеко Элисашвили) – 1,33 пайыз;
  • Лейбористтик партия (Шалва Нателашвили) – 1%.

Шайлоого катышкан башка партиялар бул чекти камсыздай алышкан эмес, алардын катарында Россияга ыктаган саясатчы Нона Буржанадзенин “Единая Грузия” партиясы (0,85%) да бар.

Грузиядагы шайлоо: бийликтин партиясы алдыда, оппозиция митингге кам көрүүдө

Грузияда 31-октябрда онунчу чакырылыштагы парламентке депутаттар шайланды. Анда 48 партия жана эки шайлоо блогу ат салышты. 150 депутаттык орундун 120сы партиялык тизме менен калган 30у мажоритардык округ боюнча шайланат. Партиялар үчүн шайлоо тосмо бир пайыз, мажоритардык округдардагы талапкерлер 50 пайыздан ашык добуш алууга тийиш. Грузияда коронавирус пандемиясы тушунда алгачкы ирет шайлоо өттү.
Соңку маалыматтар боюнча, Грузиянын 30 мажоритардык аймагынан 17 округда — Тбилисидеги бардык сегиз округда жана калган тогуз аймактагы округдарда шайлоонун экинчи туру өтөт.

Жаңылыктар түрмөгү
0