COVID-19 кабылган  кош бойлуу аял. Архивдик сүрөт

Коронавирустан аялдар арасында кош бойлуулар көбүрөөк каза табары айтылды

89
(жаңыланган 12:27 03.11.2020)
Дарыгерлер COVID-19 менен ооруп айыккан кыз-келиндер наристелүү болууну пландап жатканда медициналык текшерүүдөн өтүшү керектигин эскертти.

БИШКЕК, 3-ноя. — Sputnik. Кош бойлуулар башка аял-бейтаптарга караганда коронавирустан көбүрөөк каза табат. Бул тууралуу РИА Новости Американын ооруларды алдын алуу жана көзөмөлдөө борборуна шилтеме берип жазды.

Мындай тыянак 22-январдан 3-октябрга чейинки статистикага таянуу менен чыгарылган.

Анда коронавирус жуктурган 19 миң кош бойлуунун арасынан 33ү көз жумуп, бул категориядагы өлүм көрсөткүчү 0,2 пайызды түзгөн. Боюнда жоктордун арасында бул сан эки эсе аз болгон.

Сасык тумоо менен коронавируска бир убакта кабылуунун кооптуулугу эмнеде

Адистер бул тобокел аял бала күтүп жатканда дене бой түзүлүшүндө жана иммундук системасында өзгөрүүлөр болуп, өпкөсүнүн сыйымдуулугу төмөндөп дем жетпей, жүрөгү бат-баттан согушу менен байланыштуу болушу ыктымалдыгын айткан.

Дарыгерлер COVID-19 менен ооруп айыккан кыз-келиндер наристелүү болууну пландап жатканда медициналык текшерүүдөн өтүшү керектигин эскерткен. Бөтөнчө, дартты жеңгенден эки айдан кийин энтигүүсү басылбай жаткандар ооруканага сөзсүз кайрылышы керек. Себеби боюнда бар кезде бул көрүнүш күчөйт.

89
Белгилер:
өлүм, кош бойлуу, аял, коронавирус
Тема:
Дүйнөгө жайылган коронавирус (1164)
Тема боюнча
COVID-19ду лифтиден жугузуп алуу мүмкүнбү. Адистин жообу
Портфель менен киши. Архив

Беш кредитор Кыргызстандын карызын төлөө мөөнөтүн жылдырып берди. Тизме

266
(жаңыланган 23:57 27.11.2020)
Өлкө бийлиги тышкы карызды тейлөө боюнча бир катар мамлекеттер менен мөөнөттү жылдыруу боюнча сүйлөшүүлөрдү жүргүзүп жатат.

БИШКЕК, 27-ноя. — Sputnik. Кыргызстандын тышкы карызын тейлөө мөөнөтүн жылдыруу боюнча беш мамлекет менен макулдашуулар болду. Бул тууралуу Sputnik Кыргызстан агенттигине Финансы министрлигинен билдиришти.

"Бүгүнкү күндө нөл пайыздык чен менен карыздарды төлөп берүү мөөнөтүн жылдыруу боюнча беш кредитор менен макулдаштык. Алар: БАЭ, Сауд Аравиясы, Германия (KfW, Euler Hermes) жана Түркия”, — деп айтылат билдирүүдө.

Пролонгация кылынган каражаттын көлөмү 51 миллион долларга жетти. Аны мамлекет төрт жылдын ичинде кутулушу керек.

Дагы алты кредитор, анын ичинен Париж клубунун мүчөлөрү (Франция, Дания, Түштүк Корея, Япония) менен дагы сүйлөшүүлөр уланып жатат.

Эске салсак, Кыргызстандын мамлекеттик карызы 4,8 миллиард доллардан жогору. Анын ичинен дээрлик 4,2 миллиарды тышкы карызга туура келет.

266
Белгилер:
Тышкы карыз, Финансы министрлиги, Кыргызстан
Тема боюнча
КР экономикасын 2021-жылы эмне күтүп турат? ЕАБРдин сценарийи
Кытай карыз төлөө мөөнөтүн узартууга макул болуп, кошумча 3 млрд. сом сурады
Министрлик тышкы карызды төлөөнүн жолун айтып, ачылган эсепти жарыялады
Беларусь президенти Александр Лукашенко

Лукашенко жаңы Конституция кабыл алынганда президент болбой турганын жар салды

221
(жаңыланган 19:50 27.11.2020)
Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

БИШКЕК, 27-ноя. — Sputnik. Беларусь президенти Александр Лукашенко жаңы Конституция кабыл алынгандан кийин өлкө башчысы болбой турганын жар салды. Бул тууралуу БелТА агенттиги жазды.

"Конституцияны өзүмө ылайыктаган жокмун. Жаңы Баш мыйзам кабыл алынса, мен силердин президентиңер болуп иштебейм. Ошондуктан муну жеңил кабыл алып, тынч болгула", — деген президент.

Ал шайлоонун жыйынтыгын кимдир бирөөнүн жасалмалоосуна жол бербей турганын айтып, ошол себептен жаңы Баш мыйзамды өзгөртүүнү колдоп жатканын айткан.

"Мен жаңы Баш мыйзамдын тарапташымын. Себеби азыркы иштеп жаткан Конституцияны "белгисиз президенттин" колуна карматканга болбойт", — деген ал.

Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

221
Белгилер:
өзгөртүүлөр, конституция, Александр Лукашенко, Беларусь
Тема:
Беларустагы нааразылык акциялары
Тема боюнча
Жапаров референдумга Конституция эмес, башка маселени алып чыгууну сунуштады
Лавров: Беларустагы конституциялык реформаны колдойбуз
Медициналык бет капчан фужер кармап турган официант. Архив

Маданият министри таксист менен официанттарды окутуу курсун ачууну сунуштады

0
Туристтерди аэропорттон биринчи болуп тосуп алган жана тейлеген адистерди атайын окутуу демилгеси көтөрүлдү.

БИШКЕК, 28-ноя. — Sputnik. Маданият, маалымат жана туризм министри Нуржигит Кадырбеков таксисттерди жана коомдук тамактануучу жайларда кардар тейлеген официанттарды окутууну сунуштады. Бул тууралуу ведомствонун маалымат кызматы билдирди.

Министр туризм бизнесинин өкүлдөрү менен жолугушуу өткөргөн. Тараптар өлкөнүн туризм тармагын, анын ичинде кышкы туризмди калыбына келтирүү жана андан ары өнүктүрүү, ошондой эле COVID-19 пандемиясынын шартында пайда болгон көйгөйлөрдү чечүү жолдорун талкуулашканы айтылат.

"Балким, такси айдоочулары үчүн жалпы кабыл алынган эрежелерди жана эл аралык этикеттин нормаларын үйрөтүүнү биргелешип уюштуруу максатка ылайыктыр. Анткени алар чет элдик туристтерди аэропорттон биринчи болуп тосуп алышат. Ошол эле курстарды официанттар жана гиддер үчүн уюштуруу керек. Алардын жүрүм-турум маданиятынын деңгээли жана тейлөө маданияты өлкөнүн, элибиздин биринчи элесин чагылдырат. Чет элдик туристтерди көбүнчө сертификат алган адистер тейлеши керек. Мындай тажрыйба өнүккөн өлкөлөрдө бар", — деди Кадырбеков.

Ошондой эле ал туризм бизнесинин өкүлдөрү тарабынан айтылган сунуштар менен идеялар дагы каралып, сөзсүз түрдө иштелип чыгарын белгилеген.

0
Белгилер:
окутуу, тейлөө, таксист, официант, Нуржигит Кадырбеков
Тема боюнча
Бишкектин кинотеатрлары качан ачылары айтылды
Мырзабеков: кышкы туризм дагы кризиске кептелүү коркунучунда