АКШнын учурдагы президенти Дональд Трамп жана президенттикке талапкер Джо Байден

АКШга кандай президенттин келгени Россияга пайдалуу?

198
Кошмо Штаттардагы шайлоонун жыйынтыгы менен Россиянын эмне иши бар? 3-ноябрда ким утуп чыкса деле РФ менен АКШнын ортосундагы мамиле түп-тамырынан өзгөрүп кетпейт эмеспи.

Трамп утуп чыкса да, жеңилсе да баары бир АКШдагы башаламандык күчөй берет. Андыктан Россияга АКШнын келерки төрт жылга кимдин президент болорунун айырмасы кандай?

Россия Федерациясынын бул белгилүү көз карашы түпкүлүгүндө натуура. Кошмо Штаттар системалуу каатчылыктын баскычына кирди, анан калса, бул – улуттук мамлекет катары да ички каатчылыгы, ошол убакта эле алардын тегерегинде курулган дүйнө түзүмү, ааламдашуунун атлантикалык моделиндеги каатчылык болуп саналат. АКШдагы шайлоого саналуу сааттар калганда эки өлкөнүн мамилесине анын жыйынтыгы кандай таасир этерине Петр Акопов сереп салган.

Ушундай процесстердин мөөнөтү жана күч алуу ылдамдыгын болжош мүмкүн эмес, бирок алар бири-бирин шыкактап турары шексиз. Ошондуктан Россиянын АКШнын өзүндөгү абалга кайдыгер карап койгону болбойт. Себеби дүйнөлүк аренадагы бул державанын жүрүм-туруму дал ушуга жараша эмеспи.

Башаламандыктан баш көтөрө албаса АКШнын тышкы активдүүлүккө күчү да, мүмкүнчүлүгү да калбайт деп коюшка болбойт. XIX кылымдагы жарандык согуштан кийин тирденип, күчтөнүп, жарым кылым өтпөй дүйнөгө үстөмдүк кылуу нугуна түшкөн.

Байдендин утулушуна орустарды айыптай алышпайт. Ой толгоо

Азыр, албетте, жагдай башка. Бирок АКШдагы азыркы таптагы ички көйгөйлөр дагы ырбагандан ырбай берсе да, мындай абал аталган державанын геосаясий бийиктиктен бачым эле кетерин туюндурбайт. Америка чегине берет, бирок РФке бул кадам уюшкандыкта, терең ойлонулган мүнөздө болгону оң. Анткени мындай учурда "бүгүн Вашингтон жеңилүүдө, ал эми эртең контрчабуулга өтүп, кокустан өзөктүк согушту тутантып жибербесин" деген кооптонуулар алкагындагы башаламан, акылга сыйбаган аракеттер азыраак болот. Россияга, албетте, Кошмо Штаттар өзү менен өзү алек болгону дурус. Бирок Трамптын душмандары элдин баарын коркутуп жаткан дал ошол башаламандык ал киши утулуп калганда башталат. Кептин баары ушунда.

Азыркы президентти утулду деп жарыялашса, кайра шайланып келгенине караганда ажырым дагы олуттуу түргө өтөт. Себеби анын колдоочулары Байдендин таза жеңишине ынана койбойт. Америкада эки ажырым турат, бирок Трамптын анык тарапташтары арбын болсо, Байденде андай күйөрман жок. Ага Трампты кыртышы сүйбөгөндөр, тагыраак, төрт жыл бою "жеткен гомофоб, сексист жана фашист" деп медиа жана америкалык элита төрт жыл бою коркутуп келген аудитория добуш берет. Ошол себептен Трамп утулуп калса, АКШдагы ички жаңжалдын тобокели чоң. Ошону менен бирге эле Байдендин администрациясынын тышкы саясаты Россияга пайдасыз болору турулуу иш.

Байден жаңы согуштарды тутантпайт, жаңы санкцияларды киргизбейт. Кеп анын шайланышына тоскоол болууга Россияны айыптаганында да эмес.

Ал мурдагы америкалык саясатка кайтат. Муну Америка элдерди тескеп, глобалдык атлантикалык долбоорду курууну улантуусун элитанын глобалисттик маанайдагы бөлүгү каалап турат:

Бул – Американын (улуттук мамлекет катары да, "атлантикалык дүйнө түзүмүнүн" баштапкы чекити катары да) өзүнө кооптуу жол. Бирок Байден, башкача айтканда, америкалык истеблишмент ага өлкөнү, аны менен бирге тек бир күчтүү державанын тегерегинде курулган түзүмдөн эбак чыгып кеткен (кай бирлери ачык эле, кээси тымызын)  дүйнөнү түгөл кайтаргысы бар. Байденге бул багытты өзгөртүү оңой-олтоң болбойт. Анын үстүнө администрациясы негизинен оор ички саясий көйгөйлөрдөн баш көтөрө албайт. Бирок реваншка жеткен демократтардын маанайы дал ушундай болору анык.

Трамп: президенттик шайлоодо бир эле себеп менен утулуп калышым мүмкүн

Ошондон улам Трамптын кайра шайланышы дүйнөгө пайдалуураак. Трамптын жеңиши АКШдагы узакка созулган жана терең каатчылыкка алып келген күндө да Америка чабалдап, өзү менен өзү алектенип, планета баары бөлүштүрүлгөн жаңы тутумду, жаңы күчтөрдүн постамерикалык тең салмактуулугун түзүүгө бет алат.

АКШ толук кулап, өзөктүк державаны башкаруу тутумунда коллапс жаралып калса, кырдаал мына ошондо өтө кооптуу, бирок андай сценарий жакын арада таптакыр мүмкүн эмес. Трамп утуп келсе, чабуулдардын мизин кайтарып, бийлигин сактап кала алат. Анын экинчи президенттик мөөнөтү биринчисине караганда кыйла "трамптык" болот.

Конгрессти көзөмөлдөй албаса да ар кыл өлкөлөр менен эки тараптуу мамилелерде, жалпы эл аралык аренада ал өз алдынча саясат жүргүзөт. Мурдагыдай эле басым кылып, кызыл чеке болуп соодалашып, ченди көтөрө берет, бирок келишимге жөндөмдүү боло түшөт.

Башкысы, Трамптын кайра шайланышы "2016-жыл тек гана кокустук, кайра артка кайтуу жеңил эле" деген ойдогу атлантисттердин үмүтүн таш каптырат. Ошону менен бирге эле дүйнө жүзүндөгү америкалык союздаш жана сателлиттердин маанайын өзгөртүп коет. Америка эми эч качан мурдагыдай болбойт, демек, жеке ал менен да, жалпы эл аралык аренада да мамилелердин жаңы тутумун түзүү абзел.

198
Белгилер:
шайлоо, президент, Россия, АКШ
Тема боюнча
АКШнын атайын кызматы: Байден балп эттирсе, Путин күнөөлүү деп билгиле

Тарап, тазалап. Кабыландын баласын "багып алган" маймылдын күлкүлүү видеосу

171
Түштүк Африкадагы Пилейнсберг улуттук паркына барган саякатчылар кабыландын баласын көтөрүп жүргөн маймылды (павиан) видеого тартып алышкан. Ролик Kruger Sightings Youtube каналына жарыяланды.

Видеонун автору Пол Вуддун айтымында, паркка барган кезинде павиандардын үйүрүн көрүп, алардын бири леопарддын баласын бооруна кысып жүргөнүн байкаган. Вуд алгач леопард өлүп калган го деп ойлогон.

"Павиан леопарддын баласын кармап алып отуруптур. Бир маалда анын жүнүн тарап, үңүлө карап, тазалап баштады. Маймыл ар бир кыймылын дыкаттык менен жасагандыктан, сырттан караган киши анын кичинекей күчүккө зыянын келтирип албайын деген аракетин байкоого болот", — деп жазган саякатчы.

Павиандар Түштүк Африкада кеңири жайылган маймылдардын түрү. Тулку боюнун узундугу 40-110 сантиметрге жетет. Эгерде коркунуч жаралса, тобундагы маймылдарды жырткычтарды ар кыл үн менен чаңырып, кыйкырып алыстатып, коргойт.

171
Белгилер:
кабылан, маймыл, жаратылыш, Түштүк Африка Республикасы
Тема боюнча
Айбан болсо да... Маймыл токко урунган башка маймылды сактап калды. Видео
Тоолуу Карабахтагы Армениянын талкаланган аскердик техникасы

Армениянын аскердик техника жактан көбүрөөк жоготууга учурашынын себеби эмнеде

127
(жаңыланган 16:33 03.12.2020)
Тоолуу Карабахтагы согуштук кагылыштардын учурунда армяндардын колундагы россиялык өндүрүштөн чыккан куралдардын майнаптуулугу боюнча эксперттик чөйрөдө жана медиа айдыңда талкуу жүрдү.

Кеп куралдабы же коргонуп жаткан тараптын өздүк курамынын даярдыгындабы деген маселеге аскерий баяндамачы Александр Хроленко үңүлүп көрдү.

Бүгүн армян тараптын жеңилип калышын Су-30-СМ истребителдеринин "эч нерсеге жарабай" тургандыгы менен жактаган аракеттер байкалууда. Анын катарына С-300 зениттик комплексти, "майнапсыз" РЭБ комплексин жана "такыр башка системадагы" танкаларды кошушту. Мунун баары россиялык куралдар.

Армения үчүнчү өлкөлөрдүн (мисалы, индиялык Swathi радарлары) куралын эч качан албагандай айтышты. Ал эми азербайжандык куралдуу күчтөр израилдик жана түркиялык үлгүдөгү гана ("Байрактар" тибиндеги) аскер техникасын алган сыңары жар салышууда. Ошондо жалпы дискурс: Карабах россиялык куралдарды союздаштар менен өнөктөштөргө берүүнү жөндөп, түздөп турат. Буга окшогон ой-жүгүртүүлөрдүн схемасы жетекчиликтин аскердик-саясий кетирген стратегиялык катачылыгын, жаздым басып алышын жана дүйнөлүк курал рыногундагы айыгышкан атаандаштыкты жаап-жашырууда.

Бул учурда чындыкка жүз буруп кароо орундуу болчудай.

Москва Арменияга бир нече аскердик насыяларды берди. Аны андан ары аскерий курулуш менен алып кетүү армян тараптын иши. Эгерде россиялык С-300 зениттик ракеталык комплекс Карабахтагы согуш аракеттеринде колдонулган болсо жана ишенимдүү ПВО системасынын жоктугунан жабыр тартышса, анда жогоруда айтылган 40 млн. долларлык Swathi индиялык радарларынын активдүү иштегендиги көрүнбөй жатпайбы.

Рекламалык аннотацияга ылайык, минометтук атууларды 20 чакырым, артиллериялыктарын 30, ракеталыктарды 40 чакырымга (ар бир жабдуу негизи 7 бутаны бир маалда байкап, көзөмөлдөп турууга жөндөмдүү) чейин билүүгө болот эле да. Кыязы, эсептөөлөр жаңы радарларды өздөштүрө элек окшобойбу. Армян адистерин окутуу жана россиялык өндүрүштөн чыккан аскердик техниканы иштетип, колдонуу (курал өзүнөн өзү атыла бербейт эмеспи) чечүүчү (алсыз) нерсе болуп көрүнүшү мүмкүн. Албетте, аскердик ишкерде чала даярдык менен эрдемсинүү орунсуз нерсе.

Жоготуулар менен олжо

Азербайжан башчысы Илхам Алиев 1-декабрда элге кайрылып жатып Тоолуу Карабахта армян тарап канча аскердик техникасынан ажырагандыгын кең-кесири айтып берди. Тизмектелген узун тизмеде жок кылынган жана олжо катары алынган ар кыл куралдардын жүзгө жакыны саналган. Азербайжан президенти ракеталык комплекстерди, бир дем менен атылуучу реактивдүү системаларды, танкаларды жана радиоэлектрондук күрөштүн каражаттарын атады.

Бул системаларга жана Азербайжан армиясынын атайын эле "көлөкөдө" калтырылган жоготууларына (кыязы, өтө маанилүүлөрүнө) ар башкача караса болот. Бирок жаралган бул абалда (жети райондун кайтарылышы) президентке каршылашынын жоготуулары тууралуу көбүртүп айтканга деле негиз жок.

Армян топторунун Тоолуу Карабахтагы согуштук 44 суткасындагы аскердик уюштуруу маселесинин деңгээли боюнча мыйзам ченемдүү суроо жаралат.

Армения тараптын аскердик техникаларынын көп санда жок кылынышын каршылаш менен болгон айыгышкан салгылашы деп түшүндүрүүгө болот. Бирок ташталган 79 танка, жөө аскерлердин согуштук 47 машинасы, артиллериянын 104 бөлүгү (пушкалар менен минометтордуку), "Шилка" деп аталган 5 зениттик курал, 93 атайын автомобиль, 270 жүк ташуучу автокөлүк таңгалууну жаратты. Кыязы, Баку бул олжолорду президенттин сөзүнө далил катары көрсөтсө керек.

Ал арада согушка жарамдуу 790 танка – бул танкалык 2,5 батальондун куралы (коргонуу жана чабуул коюуда кубаты абдан күчтүү).

Армян тараптын мындай "берешендигин" эки нерсе менен түшүндүрүүгө болот. Аскер техникалары башаламандыкта, чегинип бара жатканда ташталган же күйүүчү майы жок калган (тылды камсыздоодогу көйгөй) жана машиналар андан ары жүрө алган эмес.

Кандай болгондо да бул жерде уюштуруу иштери боюнча бүтүм кылса болот, бирок бул Армениянын башкы штабынын жана аскердик-саясий жетекчиликтин укугу.

127
Белгилер:
Аскер, курал-жарак, Азербайжан, Тоолуу Карабах, Армения
Тема:
Тоолуу Карабахтагы жаңжал
Тема боюнча
Россияга рахмат: Тоолуу Карабахта мектеп, ооруканалар ачыла баштады
Түркиянын учкучсуз аппараттарынын мыкты сапаты тууралуу имиш кеп кайдан чыкты
Массалык мушташ. Архив

Түндө ЦУМда массалык мушташ чыгып, 15 киши кармалган. Милициянын видеосу

0
(жаңыланган 22:21 03.12.2020)
Жерине кайгуул милициясынын бир экипажы жөнөтүлүп, бирок кишинин көптүгүнө байланыштуу дагы экөө жиберилген. Бирок интернетте андан көп барганы айтылат.

БИШКЕК, 3-дек. — Sputnik. Бүгүн, 3-декабрга караган түнү, Бишкектеги "Айчүрөк" дүр-дүйнө дүкөнүнүн (ЦУМ) жанында массалык мушташ чыгып, 15 киши кармалган. Бул тууралуу Милициянын кайгуул кызматы билдирди.

"Короче" Telegram-каналында ЦУМдун жанында милициянын тогуз унаасы өтүп бараткан видео жүктөлдү.

Бирок кайгуул кызматынын билдиргенине караганда, окуя болгон жерге үч экипаж гана жөнөтүлгөн.

"3-декабрга караган түнү саат 2:30да 102 кызматына ЦУМдун жанында массалык мушташ тууралуу кабар түшкөн. Жерине кайгуул милициясынын бир экипажы жөнөтүлгөн. Бирок кишинин көптүгүнө байланыштуу дагы экөө жиберилген", — деп айтылат маалыматта.

Мушташ токтотулуп, 15тей адам Свердлов райондук милициясына алып келинген. 

0
Белгилер:
унаа, милиция, мушташ, ЦУМ, Бишкек
Тема боюнча
Ош шаарында милиционер менен тургундар мушташа кетти. Видео